Chumi

Barça ia hedh paq, shorti i çerekfinales e çon në Andaluzi

Sport Ekspres — Fri, 18 Jan 2019 16:32:35 +0000

Barcelona nuk do të eliminohet nga turneu i Kupës së Mbretit. Skuadra katalanase rrezikonte përjashtimin nga ky kompeticion, pasi aktivizimit të mbrojtësit Huan “Çumi” Brandaiz në takimin e parë të turit të 1/16-ave. Lojtari i ekipit rezervë kishte plotësuar numrin e kartonëve me skuadrën B dhe i duhej të shlyente pezullimin.

Megjithatë në fund federata spanjolle ka vendosur në favor të klubit katalanas, pasi ankesa e depozituar nga Levante e kishte kaluar afatin prej 48 orësh, që ekziston për të tilla çështja, e si rrjedhojë ankimi i klubit nga qyteti i Valencias u shpall i pavlefshëm.

Ndërkaq, në shortin e orës 6 të pasdites, Barcelona mësoi se kundërshtari në çerek finales e Kupës së Mbretit do të jetë Sevija. Duhet përmendur se ishte pikërisht skuadra andaluziane ajo që i priti katalanasit në finalen e edicionet të kaluar, që u fitua nga Barcelona me rezultatin e thellë 5 – 0.

NDESHJET E FAZËS ÇEREKFINALE TË “COPA DEL REY”

Real Madrid – Zhirona

Getafe – Valencia

Sevija – Barcelona

Espanjol – Real Betis

Barcelona në ankth për vendimin, shpëtimi vjen nga “armiqtë” e urryer!

Sport Ekspres — Fri, 18 Jan 2019 11:25:47 +0000

Barcelona mposhti Levanten 3-0 me dygolëshin e Dembele dhe golin e Mesit, duke u kualifikuar më tej në Kupën e Mbretit. Pavarësisht fitores në fushën e blertë, ekipi katalanas po pret me ankth vendimin e Federatës Spanjolle të Futbollit.

Valverde aktivizoi në ndeshjen e parë mbrojtësin Çumi, por ky i fundit ishte i skualifikuar me Barcelonën B dhe nuk mund të luante. “El Mundo Deportivo” citon se klubi katalanas ka shkelur nenin 76 të Federatës dhe rrezikon përjashtimin nga kompeticioni.

Por, në ndihmë të ekipit të Mesit mund të vijë… Reali i Madridit! Siç raporton “Marca”, para dy vitesh ka ndodhur e njëjta gjë me “Los Blancos”. Në ndeshjen e Kupës së Mbretit kundër Kultural Leonesës, Reali aktivizoi Alvaro Tejeron, pavarësisht skualifikimit të lojtarit me ekipin e dytë. Polemikat shpërthyen, por gjithçka u mbyll shpejt dhe Reali kaloi një tur më tej, për t’u eliminuar më pas nga Selta Vigo.

Barcelona pret të ndodhë e njëjta gjë dhe të vazhdojë më tej në Kupë. “Nuk kam dyshime në rastin e Çumit. Mendoj se kemi bërë gjënë e duhur dhe meritojmë të jemi në turin tjetër. E përsëris, nuk kemi asnjë dyshim për veprimin tonë”, thekson Ernesto Varlverde, trajneri i Barcelonës.

19-vjeçari i bën lëmsh të gjithë, Barcelona rrezikon përjashtimin!

Sport Ekspres — Thu, 17 Jan 2019 16:06:49 +0000

Barcelona e humbi ndeshjen e parë kundër Levantes në Kupën e Mbretit me rezultatin 2-1, ndërsa sonte në mbrëmje djemtë e Valverdes do të tentojnë të kthejnë rezultatin për të siguruar një vend në çerekfinale. Por fitorja mund të mos mjaftojë dhe kjo mund të jetë ndeshja e fundit e ekipit katalanas në këtë kompeticion.

Siç raporton “elmundos.es”, Barcelona mund të përjashtohet nga Kupa e Mbretit. Klubi ka bërë një gabim të pafalshëm, duke aktivizuar në lojë Huan Brandariz Movija, i njohur me emrin Çumi. Ai luan në mbrojtje dhe Valverde e aktivizoi si titullar në ndeshjen kundër Levantes.

19-vjeçari është pjesë e ekipit B, ekip me të cilin ishte i skualifikuar për ndeshjen e radhës. Një tjetër media spanjolle mendon ndryshe dhe tregon versionin e saj. “El Mundo Deportivo” thekson se rregullorja e RFEF (Federata Spanjolle e Futbollit) ka ndryshuar në muajin dhjetor dhe aktivizimi i Çumit nuk është një problem.

Pavarësisht rrjedhjes së ngjarjeve, fusha do të përcaktojë ekipin e kualifikuar sonte në mbrëmje, ndërsa më pas do të mësohet nëse Barcelona nuk ka gabuar me aktivizimin e lojtarit, apo do të përjashtohet nga kompeticioni.