Kontrata e 27-vjeçarit skadon pas një viti dhe drejtuesit e Interit dëshirojnë të përfitojnë për ta marrë me një çmim më të ulët sesa është ai real mesfushorin. Totenhemi nga ana e tij nuk dëshiron në asnjë mënyrë që lojtari të largohet dhe pritet t’i ofrojë një kontratë të re.

Interi qëndron pas dere dhe është gati për sulm në rast se londinezët dështojnë të arrijnë një marrëveshje me Eriksen. Gjithsesi, pëlqimet e Interit në merkato janë të shumta me tifozët zikaltër që kanë humbur disi besimin dhe presin vetëm zyrtarizime dhe jo zëra merkatoje. Kujtojmë që Reali i Madrdit dhe Barcelona ka kohë që e kërkojnë mesfushorin.

Danezi, në këmbët e të cilit kalon gjithë organizimi i lojës së Totenhemit, po kërkohet me ngulm nga Reali i Madridit, ndërsa kontrata me “Spurs” përfundon në verën e vitit 2020. Klubi po punon për t’i ofruar një marrëveshje të re, por Eriksen nuk ka rinovuar ende. Pavarësisht kësaj, trajneri i tij lëshon fjalë të mira për të, nëpërmjet një batute interesante.

“Eriksen është një lojtar fantastik dhe është shumë i lidhur me klubin tonë. Shpresoj që të firmosë një kontratë të gjatë me ne, por di dhe që, në futboll, negociatat të tilla janë të zakonshme. I besoj shumë atij, ashtu siç bëj me qenin tim kur dal për të bërë ndonjë shëtitje në park”, përfundon trajneri argjentinas i Totenhemit.