Kristofer Nkunku zhbllokoi ndeshjen pesë minuta përpara fundit të pjesës së parë. Verrati dhuroi një asist të bukur dhe 21-vjeçari stopoi bukur dhe goditi menjëherë, duke lënë të shtangur portierin kundërshtar.

Kilian Mbape nuk e pati të vështirë të dyfishonte shifrat në mesin e pjesës së dytë. Ylli i PSG mori një asist nga Bernat dhe vulosi fitoren e kampionëve në fuqi. Sulmuesi nuk u ndal dhe shënoi sërish në minutat e fundit.

Nkunku rikuperoi një top në mesfushë dhe pasoi për Mbapenë që gjeti golin e radhës. Dygolëshi i sotëm e ngjit 20-vjeçarin në kuotën e 22 golave në kampionat, duke kryesuar renditjen e golashënuesve më të mirë të Ligës 1. Nimes rikthehet te humbja pas fitores 2-0 kundër Dizhonit dhe qëndron e qetë në vendin e 11-të me 36 pikë.

PSG-Nimes 3-0
(Nkunku 40’, Mbape 69’, 89′)

Një përforcim fantastik për mesfushën e Ernesto Valverdes dhe drejtuesit e Barcelonës kanë përcaktuar dhe klauzolën e largimit të tij. Plot 400 milionë duhen derdhur në arkat e Barçës dhe të gjithë kanë mundësinë të blejnë lojtarin e kombëtares holandeze për këtë shumë, përveç… PSG!

Spanjollët akoma i mbajnë inat francezëve për pagimin e klauzolës së Nejmarit dhe siç raporton “Sport”, ata tashmë kanë programuar gjithçka duke futur një klauzolë “anti-PSG” në marrëveshjen me 21-vjeçarin.

Nga ana tjetër Denis Suarez është në kërkim të minutave dhe dëshiron largimin nga Barcelona. Mesfushori kërkohet nga Arsenali dhe të njëjtën gjë kërkon dhe 25-vjeçari. Kontrata me Barçën përfundon në verën e vitit 2020 dhe mesfushori nuk po pranon rinovimin e saj sipas “El Mundo Deportivo”.

“Topçinjtë” ofrojnë dy milionë euro për huazimin e lojtarit, por Barcelona kërkon shitjen e tij të plotë. Për Suarezin interesohen dhe Sevilja me Betisin, që janë gati të paguajnë 15-20 milionë për kartonin e tij.

Suarez nuk i pëlqen këto piste dhe dëshiron të kalojë në ekipin e Unai Emerit. Nëse akordi me Barçën nuk arrihet, Arsenali do të nisë sulmin për Kristofer Nkunkun e PSG, me të cilin trajneri spanjoll ka punuar në Francë dhe e njeh shumë mirë.