ZËRAT PËR MILANIN – “Kjo është pjesë e profesionit tonë, duhet ruajtur një ekuilibër. Janë gjera pozitive deri në një aspekt të dytë. Duhet të dish t’i menaxhosh mirë. Ajo çfarë është kryesorja është se unë jam në një klub të madh dhe në një ambient shumë familjar, e rëndësishme për të patur rezultate pozitive. Përsa i përket të nesërmes nuk mund ta parashikoj, sepse unë e quaj Lazion, një klub shumë të madh. Por duke qenë se jam një profesionist, gjithçka mund të ndodhë në botën tonë.”.

TRAJNERI I KOMBËTARES – “Besoj se është njeriu i duhur, në vendin e duhur dhe në momentin e duhur. Zgjedhja që ka bërë kombëtarja shqiptare besoj se është e duhura. Por çdo gjë është e lidhur me rezultatet, duhet të jenë ato që duhet të japin edhe atij mbështetjen për ta konfirmuar atë çfarë unë thashë. Eksperienca e tij do të jetë ndoshta e çelësi i suksesit për dy vitet e ardhshme”.

“Biseda me Rejën? Kam folur gjatë me të dhe i kam shpjeguar skuadrën, ose i kam dhënë mendimet e mia për individët e kësaj skuadre dhe për perspektivën që ka kjo kombëtare. Jam i bindur se eksperienca e madhe që ai ka do të bëjë diferencën”.

MOSHA E REJËS – “Ka pasur trajnerë në botë që në moshë edhe më të madhe se Reja kanë pasur sukses shumë të madh. Mosha është thjesht një numër, unë e njoh shumë mirë. Ai është një 73-vjeçar që bën jetën e një 40-vjeçari, kështu që ka shumë energji. Është një njeri që i pëlqejnë sfidat, por mbi të gjitha ka një eksperiencë që mund ta ndihmojë këtë skuadër”.

“Zgjedhja për të firmosur një kontratë disa mujorëshe i jep një avantazh FSHF-së që të mos jetë e lidhur financiarisht me një trajner, e nga ana tjetër i jep mundësinë që të studiojë metodologjinë e Rejas në këto 6 ndeshje që ai ka si provë. Nëse do ketë një përmirësim të rezultatit nga fillimi deri në fund të kësaj kontrate, besoj se janë edhe bazat për të bërë diçka edhe për një periudhë 2-vjeçare tjetër”.

EPOKA PANUÇI – “Nuk mund të quhet një trajner i ri, apo i vjetër. Ajo që është më e rëndësishme është se çfarë fryme sjell një trajner në një skuadër. Ndoshta fryma që solli Panuçi në kombëtare nuk ishte ajo e duhura për të ndezur atë shkëndijë të duhur pas një Evropiani të suksesshëm. Fakti që trashëgoi një skuadër pas një suksesi historik dhe tranzicioni nga një skuadër në një tjetër duhet të ishte i shoqëruar edhe nëpërmjet disa rezultateve pozitive”.

“Ai nuk i pati dhe kjo e bën akoma edhe më tragjike qëndrimin e tij në kombëtaren shqiptare. Besoj se zgjedhja e bërë për ta larguar nga skuadra ishte e duhura dhe duhet t’i jepet kohë skuadrës për të gjetur ato ekuilibra të duhur. Besoj se ato kualitete që janë, janë të mjaftueshme për një skuadër, për të luftuar të paktën për vendin e dytë ose të tretë”.

SUPERIORJA – “Fitimi i kampionatit nga Partizani është një gjë shumë e mirë për futbollin, sepse është skuadra më e dashur në Shqipëri. Jam rritur në atë klub, ky fakt me ka gëzuar edhe mua shumë. Gega ka qenë edhe një ish-kolegu im në skuadër. Puna e bërë prej tij ka qenë me të vërtetë për t’u admiruar. Por, mbi të gjitha diferencën e ka bërë mirë-organizimi i strukturës së klubit, me figurat e duhura, sepse Olsi Rama është një drejtor i ri, ka një karakter që është shumë i domosdoshëm për futbollin shqiptar, sepse është njeri i qetë. Ne jemi një vend i vogël, por që kemi shumë talente dhe e vetmja gjë që ka munguar këto vite ka qenë mundësia për të dhënë një vazhdimësi. Deri tani kanë qenë individë, por tani duhet një formë konkrete”, është shprehur Tare në intervistën e dhënë për Top Channel.

Së fundmi Duka ka dhënë një intervistë dhe flet në lidhje me Panuçin dhe atë që i mungoi kombëtares gjatë periudhës që ai ishte në pankinë. “E vetmja mënyrë, që një skuadër relativisht e vogël, siç është Shqipëria, për të pasur rezultat pozitiv, është atmosfera pozitive dhe bashkimi i të gjithëve rreth asaj që vërtetë shqiptarët e duan. Panuçi nuk arriti ta bëjë këtë

”, ka deklaruar Duka mes të tjerash në RTSH Sport.

Më tej ai ka komentuar edhe refuzimin që Fiorin Durmishaj i bëri Shqipërisë. “Durmishaj ka qenë pjesë e Shqipërisë U19 dhe U21. Një ditë të bukur u zgjua dhe hoqi nga Instagrami fanellën e kuqe dhe vendosi atë me ngjyrë blu”, është shprehur me ironi Duka.

Së fundmi, tekniku italian bëri disa komente mbi raportin që ekziston midis Luçiano Spaletit dhe Mauro Ikardit, ndër të tjera Panuçi diskutoi dhe mbi opsionet e së ardhmes të ketyra dy figurave të rëndësishme të klubit të Interit.

“Ne nuk mund të futemi në çështje brenda familjes, por kapiteni duhet të jetë dikush që të tregojë vlerat e tij kur futet në dhomën e zhveshjes. Personalisht besoj se nëse Spaleti vazhdon të jetë trajneri i Interit, do të jetë e vështirë që Ikardi të qëndrojë”.

“Kam punuar me Luçianon kur kam qenë lojtarë. Është një ndër më të mirët. Këtë sezon mund të qortohet vetëm për eliminimin në fazën e grupeve të Champions-it. Një njeri si Spaleti fillon të ndryshojë vetëm nëse fillon të ketë probleme me dhomën e zhveshje. Nëse do të vijë Konte, ai do të ketë bërë gati një listë shpenzimesh. Të mos harrojmë refuzoi Real Madridin”.

“Nëse ai ikën në Torino, kush do të largohet. Duhet një emër. Dibala për shembull. Por Juventusi në këto momente ka në nevojë mbi të gjitha për një mbrojtës. Ikardi është një lojtar i madh, që gjithmonë ka lënë shenjë në fushë”.

“Akoma nuk kemi një trajner të zgjedhur. Bulku dhe Mema ishin një zgjidhje emergjente për atë ndeshje dhe tani. Shkarkimi nuk ishte faret i papritur. Vendimi u mor në varësi të performancës ndaj Turqisë. Aty u vërtetua se nuk kishte mundësi për ta inkurajuar më ekipin. Shprehja e ekipit dhe atmosfera nuk është se ka qenë e pranueshme. Ishte një kimi që nuk shkonte”.

LOJA NË ANDORRË – “Jo për faktin se Panuçi i kishte bërë mos të ishin të lirë, por për faktin se futbollistët ndjenë më shumë përgjegjësi, pasi nuk kishin një “timonier” zyrtar, por një timonier të improvizuar. Dua ta përgëzoj Bulkun dhe Memën, bënë maksimumin”.

MOMENTI I SHKARKIMIT – “Për të qenë i sinqertë kemi qenë në diskutim me stafin teknik të federatës dhe e lamë që ta diskutonim pas ndeshjes me Turqinë. Vendimi u mor në bashkëpunim me stafin. E mora në mëngjes dhe i thashë: Mister situata është e vështirë. Ai më tha merr vendimin që duhet. E takova në hotel”.

TRAJNERI I RI – “Tani realisht nuk kemi marrë një propozim ose kemi bërë një ofertë për të gjithë teknikët që kam lexuar në media. Unë kam kontaktuar vetëm Edi Rejën në stadium, edhe një trajner tjetër italian Kalori, por ishte diçka rastësore”.

BESNIK HASI –“Ne ja kemi propozuar njëherë Hasit ekipit kombëtare, 6 ose 7 vite më parë, para se të vinte De Biazi. Është një trajner shumë i mirë mund të jetë kandidat. Rikthimi i De Biazit? Jo nuk e besoj.”

DONADONI – “Trajner shumë i mirë, nuk e di nëse është i gatshëm të vijë në Shqipëri dhe a është i gatshëm të pranojë ofertën tonë. Donadoni do të më pëlqente, por është një kandidat që e kam parë nëpër media, nuk e di nëse ai është i interesuar për këtë gjë. Nëse po me kënaqësi.

BUXHETI PËR TRAJNERIN – “Buxheti jonë vjetor është 200-250 mijë euro. De Biazi ishte një trajner i mirë dhe më këtë buxhet paguhej.”

MUNDËSI PËR RRITJEN E BUXHETIN – “Nëse ndërhyn kryeministri po. Ka shumë shtete që paguajnë trajenët. Bëj shaka (qesh), nuk kam kontakt me kryeministrit, thjesht një batutë”.

I HUAJ APO SHQIPTAR –“Nuk mund të them se do të jetë i huaj ose shqiptar. Një trajner shqiptar ka një plus, pasi njeh ambientin dhe mentalitetin e lojtarëve dhe opinionit sportiv. Nuk mendoj se kemi ende trajner që mund të ndërtojnë ekipe me pretendime për evente ndërkombëtare”.

GJENDJA E KOMBËTARES – “Kombëtarja ka potencial për më shumë. Asnjëherë nuk kemi pasur në ekip pesë futbollistë të Serie A. Tani të gjithë futbollistë luajnë në ndryshim nga viti i kaluar. Kjo ishte një ndër arsyet që u zhgënjyem në ndeshjen ndaj Turqisë, pasi prisnim më shumë”.

FUTBOLLISTËT NGA KOSOVA – “Çdo futbollist është i lirë të luajë ku të dojë. I fundit është Ismajli që ka zgjedhur të vazhdojë me ne”.

KAMPIONAT I PËRBASHKËT SHQIPËRI-KOSOVË “Për sa kohë ka dy shtete, ka dy kampionate. Gjithsesi kjo nuk të ndalon që të bësh turne të tjera. Ka kohë që ne bëjmë një kupë, por që nuk është bërë në nivelin e duhur. E kam fjalën për Kupën Pavarësia, mund ta zhvillojmë dhe ta bëjmë në një kompeticion më të mirë.”

KAMPIONATI – “Kampionati po vjen drejt fundit dhe si çdo kampionat që vjen drejt fundit ka akoma më shumë përplasje”.

INFORMALITETI NË FUTBOLL  – “Futbolli shqiptar është si pjesa tjetër e ekonomisë shqiptare. Një vend që e ka 60% të biznesit informal, nuk ka se si të ketë futboll formal”.

OBJEKTIVAT E KOMBËTARES – “Objektivi jonë mbetet për të qenë të dytët në grup. Siç humbëm në Shkodër, mund të fitojmë në Shqipëri. Asnjë ekipi nuk do i shkojë vaj, qoftë edhe me Andorrën”.

INVESTIMET – “Për të pasur një futboll që të konkurrojmë ne nivelet që ne pretendojmë duhen investime nga pushteti qendror dhe vendor. Në Shqipëri janë rikonstruktuar ato ambiente që kanë ngelur. Na duhen 10-fish më shumë fusha sportive për të plotësuar nevojat”.

INAUGURIMI I STADIUMIT – “Objektivi është që luajmë në qershor kundër Moldavisë, por është diçka e vështirë. Në marrëveshjen me kompaninë është  e shkruar që ndërtimi mbaron në qershor, nëse jo do luajmë në shtator”.

EMRI I STADIUMIT – “Emri i stadiumit do të komercializohet, në mënyrë që të japim të ardhura stadiumit. Së shpejti do të fillojmë procedurat. Këtu në këtë vend po diskutohet të kemi këtë emër e këtë, por këtë praktikë bëjnë dhe në Gjermani si për shembull “Allianz Arena”.

“Ishtë bërë Panuçi si Rama! Një milioner që nuk bënte asnjë pune, vazhdonte të merrte lekët e shqiptarëve e vetëm bërtiste kundër të gjithëve. Arrogant dhe hakmarrës. Nuk pranonte asnjë faj, po për çdo dështim të tij akuzonte të tjerët; një herë e kishin fajin lojtarët e herën tjetër gazetarët. Ata që i thonin të vërtetat në sy i hidhte në gjyq për shpifje.

Çdo ndeshje e tij ishte një dështim dhe një ‘skandal’ me vete, po ai nuk pranonte të jepte dorëheqje; ‘kam kontratë të firmosur e do qëndroj deri në fund të mandatit’- thonte dhe ai. Më në fund Panuçin e shkarkuan dhe mbrëmë kombëtarja, që kishte 10 ndeshje pa bërë asnjë gol, fitoi 3-0… Panuci iku dhe Shqipëria fitoi. Atë e shkarkoi Federata, ja prishi kontratën.  Ramën do e shkarkojë populli…”, shkruan Paloka.

Nisur nga kjo situatë e krijuar, Gentian Stojku pas vetëm dy javësh e mbylli aventurën e tij te skuadra periferike e kryeqytetit dhe nisi punë në krye të Apolonisë. Fierakët larguan Rade Miliç dhe i besuan pankinën elbasanasit, që këtë sezon e kishte nisur në krye të Erzenit.

I radhës që e mbylli ishte Besnik Prenga. Trajneri me origjinë nga Mirdita, pas humbjes 3-0 që Laçi pësoi në Kupë me Tiranën, u shtrëngoi duart futbollistëve. “Nuk ju motivoj dot, iki për të mirën e ekipit”, thoshte ish-sulmuesi i Partizanit, që u pasua te bardhezinjtë nga një tjetër i kuq, Sulejman Starova.

Më pas ishte momenti për të pasur lëvizje te Vllaznia dhe Kukësi, madje në një ditë. Verilindorët njoftuan shkarkimin e Armando Cungut. Ramadan Ndreu ishte zgjidhja momentale dhe trajneri krutan nis një eksperiencë të re. Nga Shkodra erdhi lajmi tjetër. “Jam i detyruar të iki në SHBA, i falënderoj të gjithë te Vllaznia”, thoshte Hasan Lika për SportEkspres.com. Tekniku kryeqytetas u largua duke shtrënguar duart me drejtuesit e kuqbluve.

Ky muaj mori edhe “kokën” e Kristian Panuçit. Tekniku italian u shkarkua nga FSHF pas humbjes me Turqinë, duke e çuar në gjashtë numrin e trajnerëve të larguar nga vendi ynë. A do ketë më lëvizje gjatë marsit? Duhet pritur, zhvillohen edhe katër ndeshje në fundjavë, çfarë nuk ndodh!

VENDIMI – “Prisnim që të kishte një energji ndryshe skuadra, një paraqitje ndryshe në ndeshjen e parë. Kuptohet se ishte një ndeshje e rëndësishme për të gjithë edicionin. Kjo është një arsye pse menduam që edhe pas një  “Nation League” jo shumë të suksesshme të vazhdonim me Panuçin, sepse ndoshta të krijonte atë njohjen e duhur në skuadër dhe diçka do të ndryshonte. U pa një skuadër pothuajse inekzistente ndeshjen e parë, që na çoi në një vendimmarrje le të themi të detyrueshme për të ndryshuar diçka. Dhe ajo që mund të ndryshonim ishte pikërisht trajneri.”

Të gjithë në njëfarë mënyre jemi përgjegjës, qoftë dhe unë që kam emëruar Panuçin, qoftë skuadra, që duhej të demonstronte diçka më shumë në fushë. Besoj se edhe ai vetë do të dëshironte të bënte më shumë e të arrinte më shumë. Ishte eksperienca e tij e parë si trajner i një përfaqësueseje, por nuk arriti, nuk arriti të merrte maksimumin që mund të japim.

Për shumë arsye e ndërpremë këtë marrëdhënie për të menduar më shumë për të ardhmen dhe do të mendojmë më gjatë për ndeshjet e qershorit, në të cilët kush do që të jetë stafi do të ketë kohë për ta përgatitur skuadrën, pasi atëherë do të kemi mundësi për ta grumbulluar skuadrën rreth dy-tre javë.

EDI REJA DHE TRAJNERI I RI – “Edi Rejan e kam takuar në stadium pas ndeshjes, kishte ardhur për punët e tij, për të vëzhguar disa futbollistë. Nuk di ta them tanët apo të Turqisë. Nuk kam menduar asgjë se kush do të jetë trajner i Shqipërisë. Pas ndeshjes me Andorrën do të mendojmë për teknikun që i duhet skuadrës së bashku me stadin teknik të federatës. Nuk është një gjë e lehtë”, përfundoi Duka.

SHKARKIMI – “Më vjen keq, sepse jam një njeri serioz, por rezultatet e ndeshjeve të fundit nuk ishin të mira dhe për këtë arsye presidenti vendosi të më largonte. Falënderoj të gjithë tifozët shqiptarë që kanë qenë të mrekullueshëm dhe presidentin Duka që më tha mundësinë të punoj në një vend të mrekullueshëm si Shqipëria. Më vjen keq që nuk arrita të marr rezultatet e kërkuara dhe uroj që me largimin tim ekipi të rikthehet te rezultatet pozitive”.

KUALIFIKIMI – “Zgjedhjet i kam bërë me shumë seriozitet, rezultatet nuk erdhën, të shohim nëse Shqipëria do të shkojë pa mua në Europian. Djemtë kanë qenë të gjithë seriozë me mua, kam vendosur vetëm unë se kush di të luante. Do të jem gjithmonë një tifoz i Shqipërisë.”

EMOCIONET – “Ndonjë nga lojtarët edhe u përlot kur u takuam në fund. Ky është trofeu më i madh që mund të merrja, sepse është thënë shpesh që lojtarët nuk kanë qenë në krahun tim, por në fakt ishte krejt e kundërta. Ata ishin shumë të lidhur me mua. I kuptoj tifozët që revoltohen gjatë ndeshjes kur gjërat nuk shkojnë mirë, kanë të drejtën e tyre të thonë atë që mendojnë. Shqipërinë do ta mbaj gjithmonë në zemër!”, përfundoi Panuçi deklaratën e tij në Supersport.

“Ishte një vendim i presidentit dhe unë e pranoj. Ka qenë një eksperiencë fantastike dhe falënderoj të gjithë Shqipërinë. Punova në qetësi të plotë falë presidentit Duka, por në fund rezultatet nuk ishin të mira dhe presidenti vendosi që të më largojë. Ishte diçka shumë e rëndësishme që të isha trajner i një kombëtareje, për këtë arsye i detyrohem të gjithëve një faleminderit”, ka deklaruar nga aeroporti i Rinasit Kristian Panuçi për “Top Channel”.

Italiani merr përsipër përgjegjësitë dhe tregon se ka pasur një takim me lojtarët dhe është përshëndetur me ta: “Ka gjithmonë një fajtor dhe në këtë rast unë jam përgjegjës. Njerëzit kur humbet Shqipëria vuajnë, në fakt vuaj edhe unë. Gjithsesi kam shumë respekt për të gjithë shqiptarët”.

“I kam falënderuar sot në mëngjes të gjithë lojtarët për gjithçka që më kanë dhënë deri në momentin e fundit. Uroj që të bëjnë gjëra të mira do të jenë gjithmonë në zemrën time. Shpresoj që ky të jetë një vendim i drejtë, por vetëm koha do ta tregojë”, përfundoi Kristian Panuçi,  i cili drejtoi Shqipërinë në 15 ndeshje.

Ish-mbrojtësi është nga ata që flet drejtpërdrejt në përgjithësi, por në gjithë këtë periudhë që drejton kombëtaren, ka krijuar pakënaqësi të mëdha te lojtarët, edhe pse publikisht askush nuk e thotë. Edhe me mediat shpesh ka pasur përplasje, por mbështetja e pakufishme nga presidenti Armand Duka e mbajti në stol edhe pas humbjes 0-4 me Skocinë. Në fakt ajo përballje e shkarkoi njëherë, edhe pse kreu i FSHF-së u tërhoq më pas dhe e mohoi.

Gjithsesi të mbetemi te dita e djeshme dhe fjalët e fundit që Panuçi tha si trajner i Shqipërisë. Dukshëm i zhgënjyer, ai theksoi: “Dorëheqjen nuk e jap. Tifozët kanë të drejtë të jenë të zhgënjyer. Për sa i përket skuadrës, lojtarët dhanë maksimumin. Megjithatë, në 30 vite në futboll nuk kisha parë të kritikohej një trajner për faktin se dëshiron të respektojë rregullat, të vendosë disiplinë. Në Shqipëri jemi të mësuar me cirk”.

“Ekipi që fitoi më shumë fitoren ishim ne. Ishte një ndeshje e egër, por pas golit ditëm si të menaxhonim lojën për pjesën e mbetur të ndeshjes”

“Siç e thashë dhe më parë Shqipëria ka lojtarë shumë të mirë brenda saj. Nga ajo që pashë në fushë kuptova se lojtarët nuk ishin të qetë, jam i sigurt se në të ardhmen do të jetë një kundërshtar i fortë”.

“Duke përfituar nga lojtarët me eksperiencë fituam. E kontrolluam lojën dhe shpresoj të kemi vazhdimësi. Lojës së fortë të kundërshtarit iu përgjigjëm mjaft mirë. Ishte një fitore e rëndësishme.

“Më është dhënë një detyrë dhe duhet ta bëj sa më mirë. Kemi detyrime ndaj popullit turk. Sa i takon ndeshjes me Moldavinë, do të ketë ndryshime. Lodhja bën të veten, ndeshjet janë afër”.

“Nuk isha i sigurt me sa mbrojtës do luante kundërshtari. Kishin ndryshuar dhe i kisha marrë masat. E dinim që kundërshtari del shpejt në kundërsulm. Nuk lejuam që Shqipëria të kishte raste. Morëm 100% nga lojtarët që ishin në fushë. Duhet të shmangim disa gabime në pasime. Formacioni dhe si do luajmë, me një ose dy sulmues, varet nga kundërshtari”.

Emre? “E uroj kapitenin, na ndihmoi shumë. Ishte një lider. Edhe Jilmaz dhe të tjerët na ndihmuan shumë. Kishim folur me të dhe i kishim kërkuar të ishte lider. E uroj për lojën dhe për udhëheqjen e skuadrës. Nuk ka ndonjë gjë serioze, kishte një shqetësim dhe e zëvendësova që të mos rrezikonim”.

Vetë trajneri nuk bëri asnjë reagim pas koreve ofenduese duke i qëndruar i qetë.

“Në sjellje nuk do ndryshojmë shumë, do mbetet e njëjta mënyrë lojë. Kemi rikuperuar disa lojtarë dhe besoj se do të ndryshojë diçka që nga ndeshja me Turqinë. Mund të luajmë 4-3-3, 3-5-2, do ta shohim. Jam i gëzuar për lojtarët e rikthyer. Cikalleshi ishte në formë, por u dëmtua. Edhe Ndoj është i dëmtuar, sikurse dhe Binaku që ka një problem muskulor. Ajeti dhe Abrashi janë rikuperuar. Grezda fatmirësisht luajti dje. Do shohim sa do luajë. Vjen edhe Qose që vjen, e kam ndjekur gjithë dimrin. Pjesa tjetër janë të njëjtët”.

“E nisim aty ku e lamë me Uellsin? Është një ide, që të presim disi. Nuk do të thotë se do të mbrojmë. Kam gabuar me një skuadër të hapur. Duke luajtur futboll total kemi probleme”.

“Çfarë duhet të bëjë Bare të vijë në kombëtare? Ç’hyn Kejdi Bare këtu, është miku yt? Mund të ketë shumë lojtarë që mund të vijnë”.

“Ky grup që kam thirrur po luan. Këto janë zgjedhjet tona. Grezda nuk ka luajtur shumë kohët e fundit, por është i rëndësishëm për ne. Nuk mund të luajë ende 90 minuta. Do e shohim gjatë javës. Kaçe po luan rregullisht dhe e kam thirrur. Më parë nuk ka luajtur. Nga ky grup ka lojtarë që luajnë mjaftueshëm”.

“Jemi në grupin 4 me Turqinë, Francën dhe Islandën. Nëse bëjmë mirë mund të dalim të tretë, nëse bëjmë diçka speciale dalim të dytët. Jam i bindur se mund të bëjmë diçka speciale”.

“E kam parë Tahirajn, do shohim për të ardhmen. Sa i takon Vrushajt dhe Durmishajt, kanë ndryshuar mendim. Zgjodhën Greqinë. Për detajet e sakta duhet të pyesni federatën. Seferin po e shohim, nuk ka asgjë të mbyllur”.

“Pse vetëm tre anësorë? Edhe Balliu luan prapa, Uzuni e Grezda luajnë në çdo pozicion. Edhe Aliji luan përpara. Është çështje taktike. Ndaj edhe kam ftuar vetëm dy sulmues”.

“Keni fituar me Turqinë në miqësore? Kur vij këtu ky është shqetësimi, fitoret. Kur djemtë kanë zjarrin brenda, mund të bëjnë gjera të rëndësishme. Jam i bindur se mund t’ia dalim me Turqinë dhe të fitojmë”.

“Mbrojtja? Problemi ka qenë mënyra e lojës. Do jemi më kompaktë dhe do e ndihmojmë mbrojtjen me mënyrën si luajmë. Gjimshiti luan tek Atalanta, Hysaj te Napoli dhe Ismajli Hajduk Split. PO na tregoni formacionin? Do luajmë 4-4-2 (qesh.). Do e ndryshoj gjatë gjithë javës. Jam në dyshim për portën, tre ua thashë nga mbrojtja. Po më kërkoni shumë tani (qesh).”.

“Turqia është skuadër e fortë dhe me cilësi. Kanë ndryshuar trajner nga hera e fundit, janë më të fortë se ne. Duhet të jemi më të fortë për t’i mundur, por kam shumë besim te djemtë e mi”.

“Mungesa Xhengis Ynder? E kam para shumë gjendjen e tij. Kanë edhe lojtarë të tjerë të mirë. Me të luanin 4-2-3-1. Jam i shqetësuar më së shumti për ekipin tim”.

“Lojtarët e Superiores? Është shumë e vështirë. Kampionati shqiptar u jep kampionateve të huaja. Nëse bëhet mirë jashtë, merr vendin në kombëtare. Pa ofenduar asnjë. Po i ndjekim të gjithë”.

“Vë bast për 6 pikët? Nuk vë baste. Po e bëra do më skualifikojnë (qesh)”.

“Pritshmëritë? Ka presion të bëhet mirë. Kur luhet në kombëtare është e rëndësishme. Katër ekipe të grupit tonë kanë qenë në Francë 2016. Ka presion, pasi ka presion për të shkuar në Europian. Duhet të jesh krenar të luash me kombëtaren. Falë kombëtares bën edhe kontrata të mëdha. Mirënjohja nuk duhet humbur. Për Shqipërinë kam mirënjohje, derbi më emocionon dhe do kisha dëshirë edhe të luaja. Dua që këtë ta ndjejnë edhe lojtarët. Shpresojmë që të jenë të karikiuar”

“Abrashi është lojtar i rëndësishëm dhe duhet të tregojë se sa vlerë ka Shqipëria. Është lojtar që na jep ekuilibër luan në Bundesligë. Në mes të fushës kemi nevojë për dikë që vrapon dhe i bën të gjitha. E rëndësishme është qe të kuptojmë se jemi, të kemi shpirtin e garës dhe dëshirë. Jam i kënaqur me grupin, mungon Mavaraj i skualifikuar me tre ndeshje. Kemi marrë Qosen që është i gjatë, ndryshe nga Abrashi. Do shohim Sadikun, pasi vjen nga një dëmtim. Nëse ia çojmë në zonë, ai e nuhat”.

“Mihaj dhe Vrioni u dogjën, pse s’u bë e njëjta gjë me Durmishajn? Vrioni do bëhet i rëndësishëm, këtë herë ftova vetëm dy sulmues. Durmishaj është lojtar që të jep thellësi, si Vrioni kur të maturohet. Të shohim nëse do luajë me Greqinë. Lojtarët vendosin vetë dhe janë të respektuar pavarësisht se më kë luajnë. Problemi është se thonë po njëherë, pastaj thonë jo, të fikin telefonin. Pastaj të thonë jam me pushime. Këta që bëjnë kështu nuk do bëhen kurrë lojtarë. Të vërtetët thonë po, ose jo. Nuk flas për ndonjë në veçanti. Unë e kuptoj kur një nuk do të vijë. S’dua të na bëjnë për budallenj. Jam në një federatë serioze, këtu vë bast. Nuk bëhet kurrë i rëndësishëm një lojtar i tillë. Do flasim pas dy vitesh, kur t’u them. Shkova të shoh një lojtar, erdhi babai, menaxheri, xhaxhai dhe kryetari i bashkisë, sikur të ishte Mesi. Tani nuk e di as ku luan. Më tha dua të flas me menaxherin, babain. Pse, menaxheri vendos për jetën tënde? Këtij i vëmë kryqin. Menaxheri dukej se po fliste për Kristiano Ronaldon”.

“Nëse do kisha marrë një ofertë të Romës, do telefonoja Dukën. Ata nuk më kanë thirrur. Kam lexuar edhe unë lajme, por nuk kam pasur kontakte. Nuk di nëse ata e kanë menduar. Korrektësia është e madhe për FSHF-në. Vlen më shumë se paratë. Do e informoja direkt Dukën, respekti është gjëja më e rëndësishme. Nuk flas dot me një skuadër sa paguhem nga FSHF. Është diçka e ulët. Jam i lumtur këtu, ju mund të thoni jo> më thonë se e kam kokën mermer, faji është i nënës time që më ka bërë kështu”.

“Tani e kemi skuadrën e gatshme. Në të shkuarën kemi pasur shumë mungesa, dëmtimet kapën deri në 80% të skuadrës. Më gëzon fakti që tani 99% e grupit marrin minuta të kënaqshme. Gjithsesi para pak orësh mu njoftua se kemi një problem me një ndër lojtarët e grumbulluar. Situata e tij është në pikëpyetje. Të dielën do të vijë në Shqipëri e do të kryejë analizat mjekësore. Emrin nuk mund ta bëj të ditur për momentin”.

“Sukses do të konsideroheshin gjashtë pikët, por edhe nëse marrim katër pikë besoj se mund të quhet një rezultat pozitiv, pasi Turqia është një kundërshtar shumë i fortë. Po të nisemi me tri pikë nga ndeshje me Turqinë do të shkojmë me moral të lartë drejt Andorrës. Nuk jam dakord që ta nënvlerësojmë Andorrën, në futbollin modern diferencat janë zvogëluar shumë”.

GUIDARA – “Po presim një përgjigje. Trajneri ka folur me agjentin, por për momentin kemi ende punë me dokumentet. Nëse do të thërritet shpresoj që të kemi një përgjigje pozitive”.

Sulmuesi, i cili luan prej vitesh në Turqi ishte ftuar në lidhje direkte me emisionin “Zona Gol” në “Supersport”, ku foli për kundërshtarin tonë të ardhshëm.

DËMTIMI – “Jam në fazën e rikuperimit. Para dy javësh pësova një tërheqje muskulore që më ka lënë një muaj jashtë. Fatkeqësisht ndodhi në një moment të keq për mua, si në aspektin personal, por edhe në atë të klubit e kombëtares. Futbolli i ka këto dhe duhet t’i presim me qetësi. Mendoj se do rikthehem me ekipin nga fundi i marsit”.

LISTA E TURQISË – “Duke qenë se kam qenë pjesë e Bashakshehir, në listën e trajnerit Shenol Gynesh janë katër, pesë miq të mirë të mitë. Në listë ka dhe një rikthim të bujshëm si Emre. I çova një mesazh për ta uruar për rikthimin në kombëtare pas disa vites, por natyrisht më pas i thash që në ndeshjen ndaj Shqipërisë nuk i uroj sukses. Është një ndeshje shumë e rëndësishme për ne. Shpresoj që të bëjmë një fillim të mirë”.

“Dy vitet e fundit kombëtarja turke ka pasur shumë ulje e ngritje. Ndoshta ndodh edhe prej faktit se janë në një periudhë tranzicioni. Megjithëse trajneri Gynesh ka rikthyer disi gardën e vjetër. Mendoj se situata mund të jetë në favorin tonë, pasi në listën e Turqisë nuk është lojtari i tij më i mirë, sulmuesi i Romës Xhengiz Ynder”.

SULMUESIT NË KOMBËTARE – “Normalisht më vjen mirë për Armando Sadikun. Kaloi një dëmtim të gjatë, për ne futbollistët dëmtimi është gjëja më e padëshiruar, sikur nga priten krahët. Sigurisht që do të doja të isha pjesë e listës, por dëmtimi ma bëri të pamundur. Jam i sigurt që djemtë e tjerë në sulm do të bëjnë të pamundurën për të marrë një rezultat pozitiv”.

TË GRUMBULLUARIT – Në listë risia është Kristi Qose, i cili është ftuar 5 vite më parë nga Xhani De Biazi. Rikthehen të dëmtuarit, Armando Sadiku dhe Amir Abrashi. Odise Roshi ka pak ditë që ka nisur stërvitjen, por mbetet jashtë për këto dy ndeshje.

Kapiteni Mërgim Mavraj mungon, pasi me Skocinë u ndëshkua me karton të kuq dhe është i pezulluar. Kastriot Dermaku është mbrojtësi që mbetet jashtë. Naser Aliji, që tanimë po luan rregullisht te Dinamo e Bukureshtit, është ftuar sërish.

Lajm i mirë edhe ftesa për Kristal Abazajn, që tek Osijeku ka kapur direkt formacionin. Grazda është “befasia”, pasi ende nuk ka luajtur pas dëmtimit që pësoi në janar. Gjithsesi ai është stërvitur normalisht. Bie në sy mungesa e Rey Manajt.

“Jam takuar me Kristian Panuçin, trajnerin, dhe kemi biseduar. Dëshiron që të jem pjesë e ekipit të tij. Më tha se Shqipëria është një kombëtare serioze dhe është duke punuar mirë. Sigurisht më ka befasuar kur më thirri, pasi ai është një ish-lojtar i madh prej të cilit mund të mësoj shumë.

Nuk kam vendosur asgjë, po mendohem. Normalisht jam i lumtur për ftesën, pasi do ishte një eksperiencë e bukur të luaja jashtë vendit. Argjentina? Është e vështirë, por jo e pamundur”, shprehet Guidara për “La Nacion”.

DERBI I MADONINËS – “Është një ndeshje për t’u parë. Milani është më mirë për momentin, por një ekip i plagosur ndonjëherë bën gjënë e duhur. Kështu që nuk e di kush mund të jetë favorit.”

ÇËSHTJA IKARDI – “Po ta dinim se çfarë është thënë mes tyre kur ka lindur debati atëherë do të flisnim ndryshe dhe më saktë. Gjithsesi, kjo çështje është një goditje e rëndë për të gjithë botën e Interit.”

Futbollisti kavajas pritej të rikthehej në kombëtaren shqiptare në grumbullimin e muajit mars, pasi te Akhisarispori kishte filluar të aktivizohet rregullisht në formacionin titullar që prej transferimit të tij në merkaton e muajit të janarit.

Në mungesë të Cikalleshit, trajneri i kombëtares sonë Kristian Panuçi do të duhet të hedhë sytë te alternativa të tjera për të kompletuar repartin e sulmit për sfidat ndaj Turqisë dhe Andorrës.

Sky Sport liston edhe kandidaturat për ta pasuar Di Françeskon dhe ata janë tre. Pista më e besueshme është ajo e Paulo Sozës, një trajner që e njeh kampionatin italian pasi më parë ka drejtuar Fiorentinën. Ai është i lirë, pasi që në tetor e ka mbyllur me kinezët e Tianjin Quanjian.

Lista pasohet nga Roberto Donadoni. Edhe ky është i pa angazhuar për momentin. Trajneri me eksperiencë shpëtoi vjet Bolonjën nga rënia prej Serisë A dhe është në pritje të një oferte. I fundit në listë është Kristian Panuçi.

Një rikthim të madh e konsiderojnë në Itali kalimin e tij te Roma. Momentalisht ai ka një kontrata me Federatën Shqiptare të Futbollit, ndaj për të ikur i duhet të bisedojë me kreun e saj, Armand Dukën. Gjithsesi, sikurse kuptohet, ai nuk është kandidatura kryesore dhe zërat për kalimin e tij te Roma janë një refren i përsëritur.

Megjithatë, fakti që 23-vjeçari luan në kampionatin suedez ka sjellë një disavantazh të madh për Binakun. Problematika qëndron te formati i kampionatit pranverë-dimër që përdoret në të gjitha vendet nordike.

Në vitin aktual, Binaku ka luajtur vetëm 90 minuta në një takim kupe, ndërsa sezoni ri i “Allsvenskan” fillon gjatë muajit prill. Mbetet për t’u parë se cili do të jetë vendimi i trajnerit Panuçi për mëngjarashin e kombëtares sonë.

Ndërkaq, alternativat e tjera për këtë rol nuk janë të pakta. Ermir Lenjani dhe Besir Demiri janë më favoritët pasi janë ftuar më parë nga trajneri i kombëtares sonë, ndërsa një opsion tjetër është Naser Aliji, i cili është rikthyer të luajë rregullisht në Rumani me Dinamon e Bukureshtit.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.

“Sa mora mandatin e ri dhe nuk po e mendoj, është shumë shpejt”, është shprehur Duka në emisionin “I  ftuari” të gazetarit Endri Xhafo në “A2 CNN”. Në fakt mandati i tij përfundon në vitin 2022 dhe deri atëherë ka kohë mjaftueshëm për të marrë një vendim.

Historik nuk është vetëm zgjedhja e Dukës në Komitetin Ekzekutiv të UEFA, por edhe dënimi që këta të fundit kanë marrë për Skënderbeun. Në raportin e paraqitur në asamblenë e UEFA-s është konsideruar një sukses luftimi i trukimeve dhe mes çështjeve të listuara veçohej edhe dënimi i korçarëve me 10 vite përjashtim nga kompeticionet evropiane dhe me një gjobë që kap shifrën 1 milion euro.

“Dënimi i Skënderbeut është i paprecedent, nuk ka ndodhur asnjëherë. Nuk do isha dakord me një dënim të tillë, pasi dënimi është i përjetshëm nëse e zbërthen tamam. Mendoj që nuk është rasti më i keq, por është bërë për t’u marrë shembull”, u shpreh Duka në emision.

KUALIFIKUESET  E EURO 2020 –  “Franca është kampione e botës dhe është në formë të shkëlqyer sportive, por nuk ka diferenca mes Turqisë dhe Moldavisë, apo Islandës dhe Shqipërisë. Sigurisht që kualifikimi nuk është mision i lehtë, por ne do ta tentojmë”, u shpreh kreu i FSHF-së.

“Objektivi ynë është që të fitojmë çdo ndeshje, dhe nëse e bëjmë këtë do të dalim të parët. Por në futboll jo gjithmonë arrihen ato që ke vendosur si objektiv. Grupi ku ne luajmë mendoj që është i balancuar. Por i kam thënë Panuçit pas shortit, kush llogarit 6 pikë me Andorrën i ka të humbura”, përfundoi Duka.

Duket qartë që Panuçi është ende në kërkim të një mbrojtësi stabël për krahun e majtë të kombëtares kuqezi. Alternativat nuk janë të pakta. Për momentin mund të thuhet se Egzon Binaku është favoriti në këtë rol.

Mbrojtësi i Malmos ka qenë titullar në dy ndeshjet e fundit zyrtare të kombëtares dhe me siguri do të vazhdoj të ketë besimin e trajnerit të kombëtares. I dyti në radhë është Ermir Lenjani, i cili ka lënë pas dëmtimet dhe është rikthyer titullar te Sioni në Zvicër. Një tjetër plus për këta lojtarë është dhe fakti që kanë luajtur shpesh në formacion me pesë mbrojtës, një modul loje ky që Panuçi e pranoi se po e shqyrton si një opsion në një intervistë të dhënë pak ditë më parë.

I treti në hierarki është Besir Demiri. Mbrojtësi nga Shkupi aktivizohet prej një viti e gjysmë në Ukrainë te Mariupol, ku e ka blinduar vendin e titullarit. Megjithatë, 24-vjeçari pret ende të debutojë me kombëtaren shqiptare ku ishte grumbulluar gjatë muajit të shtatorit.

Tre opsionet e fundit janë Naser Aliji, Lorenc Trashi dhe Gledi Mici. Aliji i dha fund një periudhe 6-mujore ku qëndroi pa ekip dhe është rikthyer titullar te Dinamo e Bukureshtit në Rumani. Trashi dhe Mici luajnë në kampionate më inferiore se katër lojtarët e lartpërmendur, por të dy kanë spikatur me skuadrat e tyre që tani janë kryesuese të kampioneve përkatëse.

LORET SADIKU – “Sadikun e kam marrë në telefon, më tha që duhet të mendohem, më pas nuk është bërë i gjallë. Për mua futbollistët duhet ta kenë dëshirë për të ardhur në kombëtare. Dua shqiptarë të vërtetë dhe seriozë, të cilët duan të shkojnë në Europë. Nëse nuk janë të tillë nuk dua t’i shikoj këto lloj shqiptarësh”.

KAMPIONATI SHQIPTAR – “Kur të jetë mundësia për të parë lojtar të kampionatit shqiptar do ta bëj.  Siç e dini unë kam një ndihmës, Ervin Bulkun, që merret me kampionatin shqiptar. Në të shkuarën kam marrë lojtarë nga kampionati shqiptar, por unë udhëtoj gjatë gjithë kohës nëpër Europë për të parë futbollistë”.

PËRSHTYPJE – “Po, ka lojtarë në sulm të Partizanit që janë lojtarë cilësorë dhe të shpejtë, Kastrioti bëri gjithashtu një lojë të mirë. Lojtarët e kampionatit shqiptar duhet të bëjnë kujdes kur bëjnë kalimin në Europë.  Nga lojtarët që u larguan vitin e kaluar Guri luan pak, Abazaj nuk luan fare, Lilaj është i vetmi që luan nga ata, ndërsa Gavazaj ka pasur lodhje”.

“Në fund të majit kur të mbarojnë kampionatet do të bëjmë një tjetër grumbullim, pasi në qershor kemi ndeshjen kundër Islandës”.

ASANI – “Asani është një lojtar shumë i fortë në lojën një kundër një”.

NDOJ – “Është një lojtar që ka shumë për të përmirësuar. Është shumë i ri. Ka një potencial të madh. Unë besoj se do bëhet një lojtar kyç i kombëtares shqiptare”.

REFLEKTIMET – “Mbi të gjithë kjo pauzë, më ka shërbyer për të reflektuar.  Jam munduar të njoh më mirë lojtarët e mi. Po mundohem të rikuperojmë lojtarë shumë të rëndësishëm si Sadiku, Roshi dhe Abashi dhe Cikalleshi, i cili shënoi tani, por vinte nga një periudhë 6-mujore ku nuk po shënonte”.

“Në këtë një vit e gjysmë e kishim thënë se do të kryhen eksperimente nga të cilat nuk morëm rezultatet e duhura. Koha për të punuar me kombëtaren është shumë e shkurtër. Tani do të punojmë me një bazë prej 22 lojtarësh, ku do të fokusohemi në lojën mbrojtëse”.

“Natyrisht që tani do të punojmë me një grup prej 18 lojtarësh. Gjithmonë do të jemi në kërkim të emrave të rinj, si për shembull Durmishaj që po shënon, kemi dhe lojtarë të tjerë të që po bëjnë mirë nëpër kampionatet evropiane. Grupin e kemi, të tjerët që do të vijnë duhet të bëjnë diferencën”.

GRUPI – “Gjatë “Nations League” vura re se kur skuadra hapej në lojë hasnim shumë vështirësi në mbrojtje. Kemi një grup shumë të vështirë. Ekipi si Franca, Islanda dhe Turqia kanë qenë të gjithë pjesë e  Euro 2018”.

SERIOZITETI – “Futbolli ka rregulla. Ka dy mënyra për të punuar, mirë ose keq. Jashtë stërvitjes unë jam një njeri shumë i lirshëm me futbollstiët, por në futboll. Nëse duam të përfaqësojmë një shtet të madh duhet të jemi të gjithë serioz. Gjithmonë do punoj me shumë seriozitet dhe profesionalizëm.

DUKA NË UEFA – “Ai ka arritur diçka të jashtëzakonshme,duke u bërë pjesë e Komitetit Ekzekutiv, të gjithë shqiptarët duhet të jenë krenarë. Po bëhen zyrat e reja, po bëhet një punë e mirë. Ishte një ditë shumë e bukur për Shqipërinë.”

TOMAS GUIDARA – “Gjendja është e tillë unë kam folur me lojtarin, pasi ai ka prejardhje arbëreshe. Është një lojtar me kualitet që luan si mbrojtës krahu. Federata po bisedon me të dhe familjen e tij. Teorikisht ai mund të marrë pasaportën shqiptare, po presim procedurat. Më ka thënë se është shumë i gatshëm për të luajtur për kombëtaren shqiptare. Por duhet të presim, pasi në të shkuarën kam folur me lojtarë që më kanë thënë po, por në fund kanë luajtur për shtete të tjera” , përfundoi Panuçi.

Ndeshja e kampionatit kundër Milanit do të vendosë fatin e tij. Vetëm 6 tifozë kanë qenë të pranishëm në “Trigoria”, aty ku sulmuesi Shik u është afruar duke u kërkuar falje. Nëse verdhekuqtë nuk reagojnë kundër ekipit të Gatuzos, atëherë Di Françesko do të largohet nga Roma.

Tre janë emrat favoritë për ta zëvendësuar atë, siç raporton “Corriere dello Sport”. Paulo Souza mbetet favoriti kryesor, por prapa nuk mbetet as Kristian Panuçi. Portugezi është një preferencë e vjetër, ndërsa trajneri i kombëtares tonë është një preferencë e Totit e De Rosit dhe ka si favor faktin që e njeh mirë ambientin.

Drejtuesit e Romës duan një trajner, i cili duhet të pranojë një kontratë deri në fund të sezonit, me opsion rinovimi nëse e dërgon ekipin në Champions Ligë.

Një tjetër emër qarkullon për stolin e ekipit kryeqytetas dhe ai është Mauricio Sarri. Ish-trajneri i Napolit po përjeton një moment të vështirë me Çelsin e tij dhe Roma është gati t’i ofrojë stolin në verë, nëse aventura ishullore nuk shkon mirë për të.

“Elsi duhet të qëndrojë i qetë, sepse është një lojtar i nivelit ndërkombëtar. Për këtë arsye atij i nevojitet vetëm të qëndrojë i qetë”, thotë Panuçi fillimisht në deklaratën e dhënë për “TV Klan”. Më tej ai komenton edhe lëvizjen e Armando Sadikut dhe Sokol Cikalleshit.

“Uroj që të luajnë me vazhdimësi kjo është gjëja më e rëndësishme. Jam i bindur se Armando do të luajë. Cikalleshi do të luajë po ashtu. Sa më shumë të luajnë, ata aq më shumë i lumtur do të jem unë. Kjo pasi do të kem më shumë mundësi të zgjedh kur të bëj grumbullimet”, u shpreh trajneri i kombëtares.

Raportohet se Guidara së shpejti duhet të marrë një vendim, pasi zyrtarisht të enjten atij i është bërë një kërkesë (Lexo këtu). Jo vetëm kaq, por thuhet se trajneri Kristian Panuçi gjatë javës që vjen do të ketë edhe një takim kokë më kokë me mbrojtësin, i cili do të dëgjojë projektin e italianit. Më pas gjithçka është në dorë tij.

KUSH ËSHTË ARGJENTINSASI – Tomas Guidara ka lindur në Kordoba dhe është pjesë e Belgrano që në moshën 16-vjeçare. Luan si mbrojtës i djathtë dhe e shkuara e tij ka qenë shumë e vështirë. Shpesh është detyruar të flejë në ndonjë shesh, apo poshtë ndonjë ure. I braktisur nga prindërit, Guidara është rritur nga gjyshërit. Të varfër dhe të pafuqishëm edhe për ta ushqyer mirë djaloshin, që tani luan në elitën e futbollit argjentinas me Belgranon. Klubi e ka mbështetur goxha të riun, teksa e ka mbajtur në konvikt dhe i ka ofruar strehim e shqim. Guidara është besimtar: “Me përpjekjen dhe ndihmën e Perëndisë ju mund të arrini suksese. Kur  Sebasatian Mendez më grumbulloi, gëzimi im ishte shumë i madh”.

Absolutisht mbrojtësi 22-vjeçar nuk dëshiron që dikush të kalojë ato që ai ka përjetuar në jetë. “Kur paguhem, paratë ia çoj gjyshes. Nuk dua që t’i ndodhë ndokujt ajo që më ndodhi mua”, rrëfen Guidara, i cili për “Marca” ka deklaruar se futbolli ka qenë ilaçi i tij.

“Gjithçka ka ndodhur shumë shpejt dhe jam i lumtur për atë çka ka ndodhur. Duhet të vazhdoj me këmbë në tokë dhe të mos ndaloj së luftuari.  Unë jam një mbrojtës i djathtë, por që më pëlqen që të avancoj para dhe të ushtroj presion. Që i vogël kam admiruar shumë Dani Alveshin. Edhe trajneri më kërkon që të sulmoj gjatë ndeshjeve dhe të ndihmoj në sulm. Ka një frymë pozitive dhe më mbështesin të gjithë në skuadër”.

“Futbolli më ka ndihmuar që të bëja para dhe në një farë mënyre të harroja gjithçka tjetër. Momentet më të vështira të bëjnë që të marrësh vendimet e gabuara. U rrita me gjyshërit e mi, por në moshën 13 vjeçare gjyshi më vdiq dhe nisa të sillesha si rebel. Kuptova se duhet të përkushtohesha më shumë në shkollë dhe në futboll, në mënyrë që të ndihmoja dhe unë.  Një herë më është dashur që të fle në rrugë, afër vendit ku duhet të prisja autobusin”.

“Në moshën 15-vjeçare nisa që të luaja me një klub, që ishte 130 kilometra larg shtëpisë. Trajneri më merrte në mëngjes me makinën e tij, më çonte në shkollë dhe pasdite shkoja në stërvitje. Një vit më vonë shkova te Belgrano për provë dhe më pranuan”.

“E dua futbollin dhe kam gjetur paqe, duke u stërvitur çdo ditë, edhe pse kam pasur shumë probleme familjare. Basti im ishte pas gjimnazit, kur duhej të bëhesha futbollist profesionist. Me ndihmën e zotit kam gjetur forcë por dhe mbështetje edhe kur nuk isha në 100%.  Ndryshoi gjithçka dy vite më parë me klubin që më ka ndihmuar gjithnjë edhe në kohët më të vështira. Një vit më parë kam nënshkruar si profesionist. Jam i lumtur, por duhet të punoj akoma dhe më shumë. Edhe në shkollë po bëj mirë, më pëlqen fizkultura, por dhe anglishtja, që po e mësoj. Duhet të shohim dhe më larg se futbolli. edhe pse përmes tij unë kalova shumë vështirësi. E ardhmja? Jam i lumtur në Belgrano, por dua të luaj në Evropë dhe në Spanjë, pasi atje është një futboll i shkëlqyer dhe do të ishte një mundësi e shkëlqyer”, tregonte Guidara para disa kohësh.

Kandidatura e tij nuk shikohet si e duhura nga ish-presidentja e Romës, Rosela Sensi.  “Nuk ka eksperiencë, e shikoj më shumë si drejtues. Për mua Roma duhet të vazhdojë me Di Francesskon, problemi nuk është trajneri”, është shprehur Sensi për “Centro Suono Sport”.

Panuçi hapat e parë në fushën e trajningut i hodhi te Rusia, ku ishte ndihmës i Fabio Kapelos. Më pas provoi të drejtonte Livornon, Ternanën dhe më pas erdhi propozimi nga FSHF dhe marrja e drejtimit të kombëtares sonë. Deri më tani nuk regjistruar ndonjë sukses dhe dyshimet janë të mëdha mbi cilësitë e tij si trajner.

Nëse ekipi nuk reagon, trajneri largohet dhe Roma duhet të gjejë pasardhësin. Paulo Souza mbetet favoriti kryesor, ndërsa shanset e Montelës janë ulur, pasi nuk preferohet nga Monçi, drejtori sportiv i klubit.

Kandidat i fortë mbetet dhe trajneri i kombëtares shqiptare dhe kuotat e tij janë rritur. Siç raportojnë mediat e vendit fqinj, Panuçi ka mbështetjen e dy emrave të mëdhenj të ekipit kryeqytetas. Françesko Toti dhe Daniele De Rosi po insistojnë në afrimin e trajnerit kuqezi në stolin e ekipit italian.

Ish-kapiteni legjendar dhe kapiteni aktual kanë luajtur bashkë me Panuçin te Roma, i cili u aktivizua për 8 sezone në kryeqytet, dhe ata preferojnë 45-vjeçarin në stol, nëse Di Françesko shkarkohet nga drejtuesit e klubit.

RISIA – SportEkspres.com, ditë më parë ka raportuar se trajneri i kombëtares tashmë do të jetojë në Shqipëri pjesën më të madhe të kohës. Në fakt ishte menduar ndryshimi i trajnerit, që do ta kishte kusht qëndrimin në Shqipëri.

Në momentin që Panucci u konfirmua, presidenti Duka në takimin që ka patur me italianin e ka vënë një kushtë të tillë, që së fundmi u konfirmua edhe nga Shulku, i cili tregoi se tanimë do të ketë mbledhje të përjavshme të stafeve teknike.

“Do të ketë mbledhje të stafit teknik dhe trajnerët. Çdo të hënë do të ketë mbledhje. Pjesë do të jetë edhe trajneri Panuçi, jo vetëm në mbledhje, por edhe në seleksionime. Ai do të jetë në mbledhjet që do të jenë e nevojshme, sikurse edhe në seleksionimet që drejtori Mustedanagiç do të vendosë. Programin e punës e bën drejtori”.

“Kjo nuk do të thotë që tani nuk duhet të marrim vendime të nxituara. Trajneri ka të mirat dhe të këqijat e veta gjatë këtij edicioni. Ne nuk kemi luksin të bëjmë asnjë lloj ndryshimi tani që jemi vetëm për ndeshje zyrtare në mars”, është shprehur Duka fillimisht në TV Klan.

Numri një i Federatës theksoi se duhet mbështetur trajner Panuçi, nëse duam të kemi rezultate pozitive. “Ne mbetemi skuadër modeste. Mund të bëjmë mirë nëse të gjithë mendojmë pozitivisht dhe të vazhdojmë ta mbështesim trajnerin dhe stafin për kualifikueset e Europianit”.

Tani nuk ka më justifikime për italianin dhe në njëfarë mënyre Duka e thotë diçka të tillë: “Ka pasur kohën e mjaftueshme stafi për të bërë le të themi shumë eksperimente dhe për të fituar disa lojtarë si Uzuni e Ismajli. Besoj se është konsoliduar skuadra, është konsoliduar dhe në mendjen e stafit se çfarë duhet bërë dhe si duhet bërë”.

Në fund ai foli edhe në lidhje me bisedën e bërë sot me Panuçin. “Diskutimi me trajnerin sot pas ndeshjeve zyrtare dhe miqësore për ato gjëra që mund të mos jenë bërë mirë dhe që mund t’i korrigjojmë për të ardhmen. Flas në pikëpamjen organizative, pasi nga pikëpamja teknike nuk është se unë mund ta ndihmoj atë”, përfundoi Duka.

Gjithsesi mes palëve ka pasur bisedime dhe Panuçi ka premtuar se do të arrijë objektivin për t’u kualifikuar në “Euro 2020”. Sigurisht një tjetër Europian dëshirohet nga të gjithë në vendin tonë dhe Duka në fakt e ëndërron diçka të tillë.

Një nga kushtet që Panuçi duhet të plotësojë ka të bëjë me qëndrimin në Shqipëri. Nëse më parë shihej rrallë në vendin tonë, kjo gjë do të ndryshojë dhe pritet që trajneri i Kombëtares të jetë më shpesh në stadiumet tona për të ndjekur ndeshjet e Superiores.

Nëse kjo do të ndikojë në rritjen e numrit të lojtarëve që luajnë në vend në kombëtare, mbetet për t’u parë. Gjithsesi lajmi është konfirmimi i Kristian Panuçit në krye të kombëtares për kualifikueset e Euro 2020. Më 2 dhjetor, së bashku me Dukën pritet të jetë i pranishëm në hedhjen e shortit.

I gjeje kudo nëpër kryeqytet. Të dashur, të qeshur, foto pafund me njerëzit rrugëve, ndërkohë që ikën duke shtrënguar duart me tifozët shqiptarë. Ajo që ndodhi pas ndeshjes në “Loro Boriçi” ishte si fundi i një dasme, sikur po përcilleshin miqtë e rinj. Një fakt tjetër që nuk duhet lënë mënjanë, Shqipëri-Skoci kishte përfunduar 0-4.

Edhe një ditë pas ndeshje shihje në kryeqytet sërish tifozë skocezë, lehtësisht të dallueshëm prej fustanellës së tyre karakteristike. Në Shkodër i shihje të këndonin edhe shqip: sigurisht aq sa dinin, por nëse do të rrinin edhe disa ditë më shumë, me siguri do e kishin mësuar. Vijnë nga një vend i pushtuar dhe ngjajnë shumë me ne, ndaj u pa gjithë ajo dashuri.

Pastaj, edhe pse kishin pirë birra pa fund, me gishtat e njërës dorë mund t’i numërosh ata që përfunduan në Urgjencë. Në fakt klub “Urgjenca” ishte shtëpia e tyre ku festuan në kryeqytet. Këngë, birra, lojëra dhe të qeshura me lot. Ikën të gëzuar dhe na “ngatërruan” me… Panuçin.

ITALIANI – Në daljet publike të gjithë thonë se në kombëtare ka shumë harmoni. Gjithsesi të paktë janë ata që e besojnë. Rregullat strikte të trajnerit nuk do mend që e kanë mërzitur ndonjërin, për të mos thënë se kjo ka ndodhur me pjesën më të madhe të futbollistëve.

Gjithsesi humbja me Skocinë bëri që në stadium të shpërthenin ofendimet ndaj Panuçit. Hera e parë. Revolta më parë ka pasur vetëm në rrjetet sociale, por në “Loro Boriçi” tifozët ishin të papërmbajtshëm. Ajo ndeshje, sikurse ka raportuar më parë edhe “SportEkspres.com”, ka vendosur edhe fatin e italianit.

Fitorja me Uellsin për ndokënd shihet si një mundësi që presidenti Armand Duka të mendohet mirë për vendimin që do të marrë. Dihet që mes palëve ka një kontratë, sikurse është parë nga të gjithë edhe që në Nations League ka dështuar keq. E pranoi edhe vetë: “Kam gabuar, tani duhet të luajmë në mbrojtje”. Por a do t’ia japë kush shansin e dytë? Të shohim…

RISITË– TKZ ka ardhur me një risi këtë herë. Mbështetësit kryesorë të kombëtares, zhvilluan dy ndeshje miqësore me tifozët skocezë dhe uellsianë. 1-1 ndaj Tartan Army Select, kurse në takimin e dytë ndaj uellsianëve golat ishin plot tetë, por sërish paqe. 4-4 dhe në fund festë së bashku.

https://www.facebook.com/Digitalb/videos/355313448351009/UzpfSTEyMTc1ODc0Nzg4NjU1NzoyMDg4ODQ3Mjg3ODQ0MzUw/

Por ka pasur edhe të tjera ngjarje interesante. Tifozat Kuqezi gjatë këtyre ditëve dhuruan libra shqip për shkollat në Preshevë, mbollën pemë në malin e Taraboshit në Shkodër, si dhe të ardhurat e fituara nga një “show” televiziv i dhuruan për bamirësi.

https://www.facebook.com/media/set/?set=a.2270194653004454&type=1&l=750f76421f

Tartan Army gjithashtu bëri një gjest mjaft të bukur, duke dhuruar 5 mijë sterlina për “Jonathan”, një organizatë jo fitimprurëse e cila ndihmon fëmijët me Sindromën Down, çrregullime të spektrit të autizmit dhe nevoja të tjera të veçanta.

UELLSIANËT – Vulën gjithë kësaj jave ja vunë uellsianët. Rreth 2000 vetë kishin mbërritur në Shqipëri dhe ishin më të shumtë se tifozët tanë në stadium. Ishte vetëm një ndeshje miqësore, por çfarë rëndësia ka: ata duan vetëm futboll dhe birra. i shijuan këto, por në fund humbën.

Sigurisht as kjo nuk është se kishte shumë rëndësi për ta. Na dhanë një mësim edhe ne, të shkojmë në stadium e të shijojmë çdo moment, pavarësisht se sa e rëndësishme është ndeshja. Padyshim nuk jemi në kushte të barabarta, duke ditur nga vijnë dhe sa përfitojnë financiarisht. Gjithsesi milionat e tyre nuk i bënë ballë djemve tanë, që mund të buzëqeshin gjatë festave të fundvitit.

Si janë raportet tuaja me presidentin Duka dhe a do të jeni pjesë e Shqipërisë dhe pas kësaj ndeshjeje?
Duhet të pyesni presidentin Duka, pasi unë jam trajneri i Kombëtares dhe kam pozicionin tim. Këtu ka shumë të vërteta që nuk ka interes t’i them. Duhet të zgjidhim problemet e ekipit dhe kjo është e gjitha.

Si mund të dalim nga ky tunel?
Ka një vit e gjysmë që ekipi ka bërë rënie në renditje dhe objektivi ynë është të shkojmë sa më parë. Diçka që arrihet duke punuar. Askujt nuk i intereson që ne na kanë munguar 6-7 lojtarë gjatë gjithë kësaj kohe. Gjermania ka dalë e fundit në grupin e tyre, imagjinoni të shkretin Lëv.  Shqipëria shkoi në 2016 dhe duhet të shkojë çdo vit, kështu? Jam i bindur se nëse do kemi të gjithë grupin, skuadra mund të tentojë që të shkojë në Europian. Duke qenë se jam i vetmi përgjegjës në këtë situatë të vështirë, jam përpjekur që të sjell një ide nga ky vit. Ishim në një grup në të njëjtin nivel në Ligën e Kombeve. Duke qenë se kemi njerëz arrogantë që nuk ndryshojnë mendim nuk kam asnjë lloj problemi se duhet të ndryshojmë, patjetër sepse nuk ka kohë. Nuk ka kohë t’iu jap ekipit një kondicion fizik, atëherë nuk kam as kohë të jap futboll të evoluar, ndaj duhet të bëjmë diçka ndryshe, pasi historia flet ndryshe dhe unë nuk jam idiot, duhet të ndyshoj diçka.

Çfarë do të ndryshojmë?
Nesër duhet që lojtarët të tregojnë veten e tyre dhe që jemi persona serioz. Nëse dëgjoj një stadium që më ofendon me të drejtë, duke qenë se jam një person serioz e vuaj shumë këtë gjë. Punoj me seriozitet dhe që u gabua me idenë e futbollit që doja të sillja, ndaj duhet të ndryshojmë që të shkojmë në rrugën e duhur.

Pse ishit kaq i bindur në fillim se do shkonit larg me Shqipërinë?
Me Norvegjinë na munguan 7-8 lojtarë dhe kjo peshon. Nuk i trajnoj çdo ditë lojtarët dhe kondicioni i tyre ishte ndryshe. Në Ligën e Kombeve kanë rënë nga Liga e tyre ekipe të mëdha.

Mos duhej të evitoheshin provat?
Në Kombëtare nuk ka prova. Jemi munduar të sjellim një ide tjetër. Liga e Kombeve ishte një mundësi për të shkuar në Europian, ndërsa tani luhen kualifikueset direkt.

Do e keni kohën për të korrigjuar?
Koha për të punuar është, pasi unë kam kontratë deri në 2019. Merrni Dukën dhe pyeti nëse do të jetë Panuçi në punë në mars apo jo. Kam respekt për veten time dhe për atë që më paguan.

Mos jeni në vendin dhe në momentin e gabuar?
Jam shumë i lumtur që jam pjesë e Shqipërisë.

Si jeni kaq i lumtur kur keni pësuar humbjen më të thellë në 25 vite?
Çfarë duhet të bëj të qaj? Jam i lumtur që jam këtu.

Si është situata në skuadër.
Kemi 3-4  lojtarë të dëmtuar, por na kthehen Hysaj e Basha.

Cili është zhgënjimi yt më i madh si trajner i Shqipërisë?
Fakti që nuk kam fituar grupin është një zhgënjim i madh për mua.

E keni takuar presidentin Duka pas ndeshjes së fundit?
Jo, nuk kam folur akoma me presidentin.

Ju besoni se lojtarët nuk do të dëmtohen më apo keni një plan B, për të grumbulluar lojtarë të tjerë?
Unë grupin e kam në mend. Kam disa lojtarë që flas dhe po aq nuk janë. Edhe lojtarët që kanë luajtur me Skocinë nuk kanë luajtur me skuadrat e tyre. Është problem dhe ky. Ideja për të luajtur një futboll ofensiv ka qenë e gabuar.

Mos duhet të hedhim sytë te kampionati shqiptar, pasi kemi raste kur një lojtar sa ikën nga Shqipëria thirret në Kombëtare?
Kam marrë lojtarë dhe nga Superiorja, si Gavazaj, Lilaj, Gurin te Kukësi. Guri nuk luan tani dhe nuk po e grumbulloj. Kur i kam marrë këto tre lojtarë luanin në Superiore.

Për çfarë do shërbejë ndeshja e nesërme, për lojë, lojtarë të rinj, apo rezultat?
Kombëtarja mbetet kombëtare, duhet luajtur për të fituar çdo ndeshje, por kjo ndaj Uellsit është pak më delikate. Lojtarët duhet të luajnë për të hvilluar një ndeshje serioze, sepse kur humbasim, humbasim të gjithë. Të shohim nesër.

“Loreti ka marrë ftesën e Panuçit, por nuk do të grumbullohet me Shqipërinë. Loreti dëshiron të luajë vetëm për Kosovën. Është dëshira e tij të luajë vetëm për Kosovën. Federata e Kosovës është duke punuar me FIFA-n që ai ta fitojë të drejtën të luajë me Kosovën. Kemi informatë që Federata do ta bëjë edhe një kërkesë tjetër që ta marrë lejen nga FIFA, meqë Sadiku nuk ka luajtur asnjë ndeshje për Shqipërinë”, është shprehur një familjar i Loret Sadikut.

KONFIRMIMI – Njoftimi i fundit i bërë nga FSHF ka konfirmuar atë që thuhet në Kosovë. Ergys Kaçe është ftuar për ndeshjet me Skocinë dhe Uellsin, pikërisht në vend të Sadikut. Ndërkohë ende nuk dihet nëse do të vijë ndonjë lojtar tjetër në vend të Ylber Ramadanit. Ky i fundit ka pësuar një frakturë në dorë të hënën në ndeshjen që Vejle BK fitoi kundër Horsens.

RRENGU I AGJENTIT –“ Isha duke gatuar, kur agjenti më mori. Ai më tha se Kristian Panuçi më kishte hedhur një sy dhe nuk i kisha pëlqyer: ‘Ai nuk do të marrë, nuk të vlerëson’, më tha agjenti. U shtanga dhe s’kisha as motiv të mbaroja ushqimin që po gatuaja. Por, pas një ndalese të shkurtër ai filloi të qeshte”.

“Pastaj më shpjegoi se do të grumbullohesha për dy ndeshje me kombëtaren dhe se i kisha pëlqyer me paraqitjet e mia te Livingstoni. Po e prisja ftesën e kombëtares. Kisha pasur një bisedë me trajnerin e Shpresave dhe ai më kishte thënë se më kishte rekomanduar tek ekipi i parë. Natyrisht që kisha dyshime, pasi ndoshta trajneri mund të kërkonte që të shikonte pak më shumë nga unë”.

“Ishte e pabesueshme të isha pjesë e kombëtares. Normalisht jam pak i mërzitur që nuk luajta, por ishte një eksperiencë e mahnitshme nga e cila mund të merren shumë gjëra pozitive. Në ekip ka lojtarë të mëdhenj që luajnë në kampionatet më të mira, si Elseid Hysaj dhe vëllai i Granit Xhakës, Taulanti. Të jem i sinqertë, ishte si një botë tjetër për mua”.

MINUTAT – “Jam ambientuar mirë në skuadër. Në fillim të sezonit po merrja shumë minuta, por tani më duhet të vazhdoj të punoj fort në stërvitje, që të rikthehem pjesë e formacionit”, përfundoi Kaja.

“Dhuratën me të veçantë ma bëri Panuçi, pak më herët, duke më dhënë mundësinë që të debutoja me Kombëtaren një ditë para se të mbushja 20 vjeç. Ishte një emocion i pabesueshëm, nuk e prisja të luaja në Nations League”, thotë sulmuesi për “Gazetta dello Sport”.

Vrioni ka treguar edhe se çfarë i tha Panuçi në momentin e aktivizimit: “Isha në stol, kur më tha se duhej të bëhesha gati. Kur po hyja në fushë më kërkoi të isha agresiv në zonë, atë që kisha treguar edhe në stërvitje.”

Venezia, klubi i tij aktual, ka ndryshuar trajner. Valter Zenga është një njohje e vjetër për Vrionin, pasi e ka pasur trajner te të rinjtë e Sampdorias. “Më grumbulloi për dy ndeshje miqësore, në shtator, kundër Entelës dhe Savonës. I lashë përshtypje të mirë, aq sa për disa ditë u stërvita me ekipin e parë. Është një trajner me shumë personalitet dhe karakter. Nuk e përjetova nga afër atë që ndodhi te Venezia javën e kaluar, ndihesha mirë edhe me Stefano Vekin.”

Në disa drejtime Panuçi është i justifikuar, sepse ta themi troç, ajo që bëmë me De Biazin ishte diçka unike, që nuk të përsëritet kaq lehtë, aq më shumë që cilësia e kombëtares ka pasur rënie të frikshme krahasuar me pak vite më parë.

Megjithatë, Panuçi mban përgjegjësi për shumë gjëra të tjera dhe një ndër to është çështja e shiritit të kapitenit. Nga jashtë duket një histori komike, sepse nuk mund të krijohen probleme për një shirit me vlerë simbolike, por nuk është kaq e thjeshtë.

Çdo ekip ka nevojë për një lider në fushë e jashtë saj dhe jo rastësisht në Angli zgjedhin kapiten në fushë, por edhe kapiten klubi, duke vlerësuar figurën më të rëndësishme në ekip, edhe nëse nuk luan kurrë.

Edhe De Biazi e kishte shumë të qartë rëndësinë e kapitenit dhe logjikshëm zgjodhi Lorik Canën si kapiten, gjatë fluturimit për në Europian.

Panuçi, ndoshta i vendosur në vështirësi nga fakti që Cana e mbylli me Europianin, zgjodhi rrugën e gabuar, duke ia besuar shiritin lojtarit me më shumë ndeshje në kombëtare, çka krijoi rrëmujë, sepse çdo ndeshje kishim një kapiten të ri dhe çdo grumbullim kishim paqartësi e pakënaqësi mes lojtarëve.

Në një grup pa lider të vërtetë dhe me disa “koka”, zgjedhja e Panuçit ishte bumerang i rrezikshëm dhe italiani krijoi një çështje tragjikomike, aq sa shpesh në media është folur me shumë për shiritin, sesa për aspekte teknike.

Duke e kuptuar gafën e tij, pas një viti në drejtim Panuçi ndryshoi kurs dhe para Jordanisë bëri të ditur se kapiteni do të zgjidhej me votim nga lojtarët. Më mirë vonë, se kurrë, por edhe këtu ka probleme, sepse ka ndodhur diçka e pabesueshme.

Nga burime brenda kombëtares, “Sport Ekspres” mëson se votimi i famshëm nuk prodhoi realisht Mërgim Mavrajn si kapiten. Kristian Panuçi nuk e bëri fare numërimin e votimit dhe shpalli kapiten Mavrajn, por lojtarë të ndryshëm betohen se me shumë vota kishte marrë Elseid Hysaj.

Shkodrani u zgjodh zëvendëskapiten, ndjekur nga Basha, por Panuçi tha para ekipit se zëvendëskapiten ishte Andi Lila.

Kaosi nuk mbaroi aty, sepse kur u zëvendësua Mavraj nuk ia dorëzoi shiritin Lilës, sipas orientimit të Panuçit. Qendërmbrojtësi, në mungesë të Hysajt dhe Bashës, shkoi dhe ia vendosi shiritin Etrit Berishës, edhe pse Lila ishte në fushë, sinjal i qartë i një rrëmuje totale që mbizotëron në kombëtare dhe ku duket se ka probleme edhe brenda grupit, përveçse me trajnerin.

Pas ndeshjes Mavraj e kaloi me “ato që themi mes nesh nuk dalin në media”, ndërsa Lila me humor kërkoi hapjen e kutive. Me sa duket, demokracia është bërë fjalë e frikshme edhe në kombëtare, një ndër gjërat e pakta që ka qenë një hap përpara dhe larg mentalitetit shqiptar.

Si është gjendja e skuadrës para ndeshjes me Jordaninë?
–Kemi disa lojtarë që kanë pak minuta, ku mund të veçoj këtu Gjimshitin, Mavrajn e të tjerë. Duhet të luajnë, pasi kanë pasur pak minuta. Grupi ka punuar mirë dhe them se do të bëjmë një ndeshje të mirë nesër. Pres që djemtë të paraqiten mirë, pasi është një sfidë Kombëtareje.

Ka një lidhje fakti se Jordani është pranë Izraelit?
–Ka qenë një zgjedhje në thonjëza, duke parë radhitjen në klasifikimin në renditjen botërore. Është një impenjim i tillë për të përgatitur ndeshjen me Izraelin. Le të themi se është e vërtetë, pasi kanë ngjashmëri dy skuadrat. Është një skuadër e mirë nga ana teknike dhe që e mban presionin, ndaj nuk do të jetë një sfidë e lehtë.

Gega ka thënë që Trashi meriton Kombëtaren, ndërsa ju keni afruar lojtarë që nuk kanë shumë minuta?
-Ka shumë lojtar të rinj që e meritojnë kombëtaren. Kam qenë i hapur për afrimet. Portat janë të hapura për këdo.

Demiri luan rregullisht, pse nuk është grumbulluar këtë ndeshje?
-Nuk është grumbulluar, pasi Lenjani është në një formë më të mirë dhe ka më shumë eksperiencë. Ne nuk jemi të mbyllur dhe do të jetë gjithnjë në planet tona, pasi shihet si një lojtar me perspektivë.

Pas ndeshjes me Skocinë se skuadra ka kaq limite…
-Nëse skuadra jonë shkon në Skoci dhe ka mungesa si Roshi, Sadiku, Grezda, Mavraj, Abrashi , atëherë është normale që limitet pakësohen, por nuk do të thotë se janë të limituara. Edhe Basha nuk ishte rikuperuar nga ndeshja me Izraelin. Nëse do i kishim këto lojtarë, ne do të ishim një skuadër më e plotë. Nuk ka diçka ofenduese kjo deklaratë. Të mendojmë që Kroacia mori 6 gola. E di sa ndeshje ka fituar Italia në 15 ndeshje? Vetëm 4.

Pas ndeshjes Hysaj ka thënë se skema e përdorur në pjesën e dytë nuk e kishin provuar në stërvitje…
-Një lojtari që luan në Champions League nuk mendoj se një modifikim i tillë do t’i ndryshonte ndonjë gjë të madhe. Nuk është një problem skeme.

Sulmi ishte pika më e fortë e Izraelit, a do të ndryshojnë lojtarët në mbrojte apo mënyra e mbrojtjes?
–Mendojmë në radhë të parë për Jordaninë dhe më pas për Izraelin. Edhe kundërshtari mund të ketë mungesa. Diçka në mendje e kam, nëse fitoj do kem të drejtë, nëse nuk do të fitojmë do të jetë siç thoni ju: “katastrofë”.

A do të ketë minuta për Vrionin?
-Do e shikoni nesër. Është një rast për të parë një lojtar të rinj. Do i kemi të gjithë të disponueshëm. Do kemi lojtarë të rinj, siç thatë dhe ju më sipër për futbollistin e Partizanit. Disa do i shikoni nesër në fushë.

Mos duhet të jeni më i qetë në konferenca, pasi keni dalw të tretët në kualifikueset e shkuara dhe keni marrë 3 pikë në 2 ndeshjet e para në Ligës së Kombeve?
–Unë jam i qetë, por i nevrikosur kur humbas. Kam raport të keq me humbjen dhe kjo është e arsyeshme. Kam luajtur shumë dhe kam punuar në TV për disa vite. Kur ka disa pyetje që nuk i kuptoj se pse i bëni… Unë nuk i marr vesh pyetjet që nuk i kuptoj.