Tratativat me kampionët e Turqisë u bllokuan në momentet e fundit dhe palët nuk arritën marrëveshje. Sky Sport raporton se 33-vjeçari do të qëndrojë në Principatë deri… në janar.

Falkao ka disa oferta të majme nga Kina, por ka një problem. Merkato në vendin aziatik u mbyll me datë 31 korrik, kështu që duhet pritur dimri.

Monako nuk mund ta humbasë me parametra dhe është dakord me idenë e bomberit të njohur, që po pret janarin për t’u transferuar në kampionatin kinez të futbollit.

59-vjeçari do të përfitojë rreth 12 milionë euro në sezon tek ekipi i ri, aty ku do të gjejë emra si Marek Hamshik dhe Janik Karrasko. Me sllovakun ka punuar dy vite te Napoli gjatë sezoneve 2013-2015.

Spanjolli i njohur ka marrë disa kritika nga ish-presidenti i tij te “qymyrxhinjtë”, Majk Eshli. Ky i fundit është zhgënjyer nga Benitez dhe e akuzon atë se mendon vetëm për paratë.

“Lamtumira e tij kishte lidhje me paratë, por mund ta thoshte menjëherë diçka të tillë. Kur dëgjon fjalët që tha pasi u largua mendon se skuadra vjen e parë për të, por jo. Atij i interesojnë vetëm paratë. Mori vendimin më komod, zgjodhi milionat kinezë dhe u transferua në Azi. Më ka zhgënjyer totalisht”, theksoi Majk Eshli.

U përfol për një interesim të Njukasëllit dhe arabëve të Al Hilal, por asgjë konkrete. Sportitalia raporton se një klub kinez e pëlqen shumë Gatuzon. Shanghai Shenhua, që sapo siguroi shërbimet e Stefan El Sharauit pak ditë më parë, po përgatit një ofertë për 41-vjeçarin.

Kjo nuk do të ishte eksperienca e parë jashtë Italisë në rolin e trajnerit për Xhenaro Gatuzon. Ai ka stërvitur më parë zviceranët e Sionit dhe grekët e Ofi Kretës, aventura që nuk zgjatën shumë dhe nuk shkuan siç pritej.

Megjithatë, ka edhe nga ata që refuzojnë Kinën dhe milionat pafund. Në drejtim të Garet Bejl ka ardhur një ofertë e çmendur. 1 milionë euro në javë ofron një klub, emri i të cilit nuk bëhet i ditur.

Marca raporton se sulmuesi uellsian ka refuzuar ofertën dhe mundësinë për t’u bërë futbollisti më i paguar në planet. 29-vjeçari as që ka ndërmend të largohet nga Real Madrid.

Trajneri Zidan ia ka bërë të qartë se nuk e llogarit në planet e tij, por Bejlit nuk i bën përshtypje. Ai ka edhe tre vite kontratë me “Los Blancos” dhe është i bindur që do arrijë të bindë trajnerin francez që t’i besojë sërish.

Me datë 10 maj, Ture bëri publik largimin e tij nga futbolli i luajtur, por oferta e fundit ia ka ndryshuar mendjen dhe ka vendosur të rikthehet.

36-vjeçari ka gjetur marrëveshjen me klubin e ri dhe do të transferohet në Kinë. Jaja Ture është prezantuar gjatë ditës së sotme si përforcimi më i ri i Qingdao Huanghai, klub që garon në divizionin e dytë të futbollit kinez dhe renditet në vendin e parë.

Dëmtimi i spanjollit Zhoan Verdu, ish-futbollistit të Fiorentinës, ka detyruar drejtuesit kinezë t’i dhurojnë një kontratë mesfushorit afrikan. Synimi i madh është kalimi në elitë dhe Qingdao kryeson me 30 pikë, katër më shumë se vendi i dytë.

C’est officiel pour @YayaToure au Qingdao Huanghai. Il remplace Joan Verdu qui est out jusqu’à la fin de la saison. ????????? pic.twitter.com/jReGHjcz60

— Seb66 ?? ???? (@seb_perpignan) July 3, 2019

59-vjeçari do të jetë trajneri i ri i Dalian Jifang, ekip që garon në elitën e futbollit kinez.

12 milionë euro në vit pritet të fitojë Benitez tek ekipi i ri, aty ku do të gjejë emra si Marek Hamshik dhe Janik Karraskon. Me sllovakun ka punuar dy vite te Napoli gjatë sezoneve 2013-2015.

Dalian Jifang do të jetë ekipi i 13-të në karrierën e trajnerit të famshëm dhe aventura e parë jashtë Evrope.

#DalianYifang #ChinaSuperleague #China #Dalian #NewChallenge #NewChapter pic.twitter.com/wDI5HKKLy8

— Rafa Benitez Web (@rafabenitezweb) July 2, 2019

Ish-kapiteni, i cili kaloi 12 vite fantastike në Napoli, u largua në janar drejt Kinës me një rrogë prej 9 milionë eurosh në sezon. Aventura me Dalian Jifang nuk ka shkuar ashtu siç pritet dhe 31-vjeçari ka shënuar vetëm një gol në 11 ndeshje.

Rikthimi në Itali e tundon dhe në skenë ka dalë klubi i Romës. Verdhekuqtë e duan Hamshik dhe janë gati t’i dhurojnë kinezëve Havier Pastoren. Një shkëmbim kokë me kokë, ndërsa drejtuesit e Dalian duhet të mbulojnë një pjesë të rrogës së sllovakut.

Negociatat kanë nisur dhe pritet përgjigja e klubit kinez. Nëse Dalian pranon këtë shkëmbim, ky do të ishte një lajm shumë i bukur për tifozët e Romës, por aspak për ata napolitanë.

Braziliani 22-vjeçar zhvilloi një sezon fantastik, duke numëruar 12 gola të shënuar dhe 15 asiste të dhuruara për shokët e tij. Kontrata e tij me “Harkëtarët” përfundon në verën e vitit 2022, por Neres mund të ndërrojë kontinent

Sulmuesi i krahut, i cili bën mirë të gjitha rolet e repartit ofensiv, kërkohet në Kinë. Milionat e vendit aziatik e tundojnë pa masë, ndërsa Ajaksi e ka të qartë: kush dëshiron Neres, duhet të paguajë 80 milionë euro.

Dries Mertens ishte njëri prej tyre. Një ofertë e majme i erdhi nga Kina dhe sulmuesi i Napolit ishte afër pranimit të saj. Mendoi për pasardhësit, ashtu siç e zbulon Ketrin Kerkhofs.

Në një prononcim për “Humo”, gruaja e belgut tregon se pse ishte kundër këtij transferimi. Paratë nuk janë gjithçka dhe jeta duhet shijuar. Ketrin ia doli ta bindë njeriun e saj të zemrës për fat të mirë dhe tifozët e Napolit e falënderojnë pa masë.

Falë saj, Mertens vazhdon të shënojë gola pafund duke emocionuar tifozët e zjarrtë të ekipit të Karlo Ançelotit.

“Dries më thoshte se nëse luante një apo dy vite në Kinë, duke sakrifikuar pak, do të siguronim të ardhmen e nipave tanë. Por nuk do të ishim të lumtur atje. Ne kemi nevojë për jetë sociale, na pëlqen deti dhe peisazhet. Një vit është i gjatë dhe mund të shkatërrojë gjithçka. Nuk kam asgjë kundër atyre që pranojnë këto oferta dhe këto aventura, por për fat ia arrita që Dries të logjikojë saktë. Gjithsesi, kurrë mos thuaj kurrë”, përfundon bashkëshortja e sulmuesit.

Pas aventurës jo pozitive si profesionist në Angli, Nikolas ka zgjedhur të transferohet në Kinë. Në skuadrën e Beijing Guoan që mban vendin e parë në kampionat, Jenaris e ka gjetur veten, teksa është një lojtar kyç i ekipit dhe një prej mesfushorëve më të mirë të kampionatit të largët.
Deri këtu gjithçka normale, por e veçanta e Jenaris qëndron diku tjetër. Së fundmi ai ka fituar një ftesë nga kombëtarja kineze e futbollit e drejtuar nga legjenda Marçelo Lipi. Kështu ai bëhet lojtari i parë i natyralizuar në histori, që është pjesë e kombëtares kineze.

Një tabu që nuk ishte thyer deri tani. Shteti i madh aziatik ndjek politika tepër nacionaliste dhe deri tani nuk e shikonte si diçka normale këtë gjë. Ndërkohë që kombëtaret e mëdha evropiane janë të mbipopulluara me lojtarë të natyralizuar.

Gus Hiding dhe Jurgen Klinsman janë ndër emrat e përfolur, ndërsa po mendohet një rikthim i bujshëm. Flasim për Marçelo Lipin, i cili e mbylli me Kinën pas Kupës së Azisë, që u zhvillua në muajin janar.

Italiani ka ndryshuar mendje dhe po tundohet nga ideja për t’u rikthyer. Ai është kandidatura e preferuar e Federatës. Palët mund të arrijnë akordin dhe mund të nisë sërish bashkëpunimi, kësaj radhe më një qëllim të vetëm: kualifikimin e Kinës për në Botërorin Katar 2022.

Në një prononcim për “Het Laatste Nieuws”, lojtari ofensiv shpreh dëshirën e tij për t’u rikthyer në kontinentin e vjetër. Milani dhe Interi ishin mes klubeve të interesuara për shërbimet e tij gjatë merkatos së janarit, por rroga e tij e lartë (fiton rreth 10 milionë euro në sezon) frenoi dy klubet e Milanos.

“Do të më pëlqente të kthehesha në Europë. Shumë skuadra ishin të interesuara për mua në merkaton e janarit. Po përpiqeshim të gjenim një zgjidhje, por e kuptoj edhe klubin tim. Daliani dëshironte që të qëndroja”, thekson Xhenik Karrasko.

Sonte është ndeshja e kthimit përballë Ajntrahtit të Frankfurtit. Dueli i zhvilluar në Gjermani u mbyll pa gola dhe të dy ekipet do të luftojnë fort për një vend në çerekfinale.

Rikthehemi te Zhang. Atij i ka lindur një ide. Siç raportojnë mediat italiane, në Kinë po flitet përditë e më shumë për dëshirën e presidentit të Interit. Familja Zhang zotëron dhe klubin kinez të Jinagsu Suning.

Ngjyrat e uniformës së këtyrë janë ndryshuar në zikaltër, ndërsa tashmë mund të ndryshojë edhe emri. Modifikim më saktë, pasi Zhang dëshiron ta quajë Jiangsu Inter, saktësisht: Jiansgu International Football Club. Diçka e tillë bëhet për të përhapur gjithnjë e më shumë markën e Interit dhe tregon lidhjen e madhe që Zhang ka me klubin e famshëm italian.

Sipas raportimevbe të mediave kineze Fabio Kanavaro do të ulet në stolin e kombëtares aziatike. Ish-fituesi i “Topit të Artë” në vitin 2006 do të marrë provizorisht detyrën e trajnerit.

45-vjeçari drejton klubin e Guanzhu Evergrande që nga nëntori i vitit 2017, ndërsa pritet zyrtarizimi i tij në krye të Kinës në orët e ardhshme. Sapo të ndodhë një gjë e tillë, Kanavaro do të nisë punën për miqësoren e 21 marsit kundër Tajlandës.

Sipas “Global Times”, drejtuesit e Federatës i kanë mbushur mendjen Lipit për t’u rikthyer. Ky i fundit dha dorëheqjen në fund të janarit pas eliminimit nga Kupa e Azisë, ndërsa tani do të kthehet në rolin e këshilluesit.

Guangzhou Evergrande’s head coach #FabioCannavaro will become the caretaker of the Chinese national football team for the upcoming China Cup football friendly series, with former coach #MarcelloLippi as the adviser: reports #Chinesefootball pic.twitter.com/nDRdg4g8fQ

— Global Times (@globaltimesnews) March 7, 2019

Në përfundin të ndeshjes, të dy ekipet ndanë nga një pikë, në një sfidë, që u mbyll në barazim 1-1. Dailan luajti për më shumë se 60 minuta me një lojtar më pak, por gjithsesi arriti të marrë një pikë. Në fund të takimit, Hamshik foli për mediat, ku dha përshtypjet e tij të para pas debutimit në futbollin kinez.

“Pjesën e dytë luajtëm me dhjetë lojtarë dhe si për ironi luajtëm më mirë. Loja jonë ishte në progres. Debutimi im besoj se në tërësi ishte i mirë dhe pozitiv. Performanca që dhamë ishte mjaft e mirë.

Jam i lumtur që luajtëm njësoj edhe pse ishim me 10 lojtarë për gati një orë. Gjithashtu, dua të falenderoj edhe tifozët për mbështetjen e tyre. Futbolli kinez është shumë ndryshe nga Evropa. Më duhet të mësohem.”

KAMPIONATI – “Të thuash që e fiton lehtë, është gabim. Shumë skuadra po investojnë dhe futbolli këtu është shumë kompetitiv. Mos me keqkuptoni, nuk dua të them që është në të njëjtin nivel me kampionatet europiane, por nuk është aq keq sa mendojnë disa njerëz”.

AMBIENTIMI – “Shumë i vështirë. Të jetosh në Kinë duhet të mësosh kulturën e tyre, gjuhën, zakonet. Në të kundërt, të anashkalojnë. Bashkëshortja ime po e mëson gjuhën, e ka pasion. Unë? As që bëhet fjalë. Është diçka shumë e vështirë dhe nuk e mësoj dot. Ndoshta duhet të bëhem si bashkëshortja ime (qesh)”.

PRESIDENTI – “Kemi pasur një takim me presidentin Zhang dhe është një njeri i jashtëzakonshëm. E do shumë futbollin dhe kjo gjë na motivon dhe ne futbollistëve. Pastaj, financat dihet, që nuk janë aspak problem këtu në Kinë”, përfundoi Eder.

26-vjeçari, është zyrtarizuar ditën e sotme si lojtari më i ri i ekipit kinez të Vuhan Zall. Këta të fundit, janë të sapongjitur në Superligën kineze dhe synojnë të ndërtojnë një ekip të denjë për të rivalizuar në elitë.

Marrëveshja është mbyllur për 5.8 milionë euro, të cilat do të kalojnë në arkat e Espanjolit. Baptistao aktivizohej prej tre sezonesh me Espanjolin, ku ka spikatur me paraqitjet e tij. Tashmë, 26-vjeçari, ka vendosur të zgjedhë “paratë” e Kinës, përpara vijimit të karrierës në Evropë, duke braktisur Spanjën pas plot 8 vitesh.

“Bëra çmos për të përmirësuar ekipin dhe besoj se kam ndërtuar diçka në disa aspekte. Dua t’i falënderoj të gjithë këtu dhe kjo ndeshje mbyll aventurën time me Kinën. Ka qenë një nder i madh për mua fakti që kam qenë trajner i një skuadre të rëndësishme i një vendi të rëndësishme si Kina. Sigurisht që shpresoja ta mbyllja në një mënyrë më të mirë këtë aventurë”, shprehet trajneri që udhëhoqi Italinë drejt fitimit të kupës së botës në vitin 2006.

Elozhet për Lipin nuk kanë munguar nga Karlos Kueiroz, trajneri portugez i Iranit. “Lipi është një ndër trajnerët më të mirë të historisë së futbollit. Është për të ardhur keq fakti që nuk është më trajneri i Kinës. Jam përballur dy herë më të në eliminatoret e Botërorit para dy vitesh dhe pas atyre ndeshjeve, Kina është përmirësuar shumë”, përfundon trajneri i kombëtares perse, që do të përballet me Japoninë për një vend në finalen e madhe.

Gjithsesi, te Kristal Palas, Zaha ka kohë që e ka gjetur formën dhe është një ndër lojtarët më të rëndësishëm të ekipit të tij. Gjithashtu, është një ndër lojtarët më të kërkuar dhe me merkaton e janarit në prag, ekipet pritet të nisin “luftën” për të marrë shërbimet e tij.

Oferta më e fundit që bëhet e ditur vjen nga Kina dhe është një propozim “faraonik”. Aktualisht, 26-vjeçari përfiton 130 mijë sterlina në javë me Kristal Palas, ndërkohë ekipi i Dailan Jifang, i ofron afrikanit plot 390 mijë sterlina, thënë ndryshe, tre-fishin e asaj që përfiton në Angli.

Me ekipin e Superligës kineze, kujtojmë aktivizohen dhe Ferreira Karasko e Nikolas Gaitan. Pritet me interes reagimi që do të ketë Zaha, pasi një ofertë e tillë, zor se të vjen dy herë në jetë. Kontrata është 4-vjeçare dhe totali është 44 milionë sterlina brenda katër viteve. Një mal me para…

Shangai kështu, prish hegjemoninë e Guangzhu Evergrandes, të cilët triumfonin dhe dominonin futbollin kinez prej 7 vitesh. Ekipi i drejtuar nga portugezi Viktor Pereira, mori një triumf mjaft të rëndësishëm javën e shkuar në fushën e Guangzhus, duke fituar 4-5, ndërkohë ditën e sotme triumfuan 2-1, duke ia lënë vendin festës.

Guangzhu nga ana tjetër, e cila drejtohet nga legjenda italiane Fabio Kanavaro, ka në ekip mjaft lojtarë me emër si, Paulinjo, Anderson Taliska, po ashtu dhe braziliani Alan, i cili dikur ka luajtur për Salcburg. Ndërkohë, situata duket e keqe për dy ish-lojtarët e Atletiko Madrid, Nikolas Gaitan dhe Ferreira Karrasko, të cilët rrezikojnë të shkojnë një kategori më poshtë me ekipin e tyre Dailan. Javën e fundit do të luajnë ndeshjen e jetës për ekipin e tyre, pasi i duhet të fitojnë patjetër ndaj rivalit të tyre kryesor për të shpëtuar.