40-vjeçari i Kievos do ta mbyllë me futbollin e luajtur në fund të sezonit. Futja e tij në fushë në minutën e 80-të ishte një moment fantastik. Duartrokitje nga gjithë stadiumi, që i bëri respektin e duhur një goleadori të frikshëm në fushë.

22 vite karrierë, pjesë e Kievos prej vitit 1999 dhe 134 gola të shënuar e kthejnë Pelisier në një legjendë të klubit nga Verona. Vetë lojtari u befasua nga ky nderim i merituar në një tempull si San Siro.

Gjest i bukur i tifozëve të Interit, të cilët treguan anën e tyre humane dhe sportive, duke i dhuruar një mbrëmje unike një futbollisti që ishte kapiteni dhe simboli i përrallës Kievo, që për fat të keq do i duhet të luftojë fort në Serie B për t’u kthyer përsëri në elitë.

Përballë një rivali të rënë nga kategoria dhe me shumë të rinj në ekip, Interi nuk u sforcua shumë dhe nuk e teproi, edhe pse dominoi totalisht, me 22 tentativa për gol (17-0 goditjet nga këndi), ndërsa Kievo nuk goditi asnjëherë në portën zikaltër.

Përtej dominimit, goli i parë i Interit vonoi dhe në minutën e 39-të zhbllokoi Politano, ndërsa në pjesën e dytë sërish goli vonoi dhe Kievo mbeti me 10 lojtarë në minutën e 76-të (Rigoni karton i kuq), para se Perisiç të mbyllte llogaritë 4 minuta para fundit.

Fitorja qetëson totalisht Interin, që shkon në Napoli duke e ditur se mund ta sigurojë aty kualifikimin në Champions, por në rastin më të keq mbetet ndeshja e fundit, në San Siro, kundër Empolit.

Ndrecka, i cili duhet të presë deri në muajin shtator për të festuar ditëlindjen e 18-të, u aktivizua në këtë takim si mbrojtës i majtë.

Në notat e vendosura nga “Eurosport”, i riu shqiptar u vlerësua me notën 5.5.

Pas ndeshjes, për mediat foli zv/trajneri, Luixhi Ricio, i cili tha se Gatuzo u sqarua me Mexhiorinin dhe se janë gjëra që nodhin. Gjithashtu, numri dy i pankinës së kuqezinjve, foli për ndeshjen, sjelljen e ekipit të tij si dhe derbin e javës së ardhshme ndaj Interit.

GATUZO – “Në fund të ndeshjes i sqaroi gjërat me Mexhiorinin. Gjëra të tilla ndodhin në fushë. Prezenca e Gatuzos në stol është mjaft e rëndësishme, pasi na jep diçka ekstra.”

NDESHJA – “Mund ta menaxhonim më mirë situatën te goli i Kievos. E dinim që do të kishim vështirësi. Gjithsesi, i dimë vlerat tona dhe e dimë që mund të përmirësohemi akoma më shumë.”

EKIPI – “Ajo çfarë djemtë po tregojnë në fushë, shkon përtej aftësive teknike. Sjellja po bën diferencën, si për shembull, kur sheh dy sulmuesit e krahut, të cilët kthehen prapa për të ndihmuar mbrojtjen.”

BILJA – “Siç ka thënë dhe Gatuzo, Lukas është një lojtar i rëndësishëm për ne, brenda dhe jashtë fushe. Jemi të lumtur që bëri një performancë fantastike dhe për më tepër që arriti të shënonte.”

DERBI – “Për ne, çdo ndeshje është finale. E dimë se sa ekip i fortë është Interi dhe jam i sigurt që jemi gati për të bërë një ndeshje të madhe.”

Kjo gjë dallohet dhe te biletat e shitura, si në ndeshjet në shtëpi, dhe në ato në transfertë. Sot, Milani luan kundër Kievos dhe “Djalli”, do të ketë me vete më shumë se 4000 tifozë. Siç raporton “Gazetta Dello Sport”, janë shitur 3380 bileta për miqtë, por pritet të ketë mbi 4 mijë të tillë në stadiumin e Kievos.

“Stadio Bentegodi” pritet të jetë i tejmbushur nga tifozë të të dyja skuadrave, duke parë rëndësinë e ndeshjes. Kievo është thuajse e rënë nga kategoria dhe nëse nuk bën mrekullinë në 12 ndeshjet e fundit, sezonin e ardhshëm do e shohim në Serie B. Ndërsa Milani qëndron në vend të tretë dhe duhet të ruajë ecurinë e mirë, pasi Interi e ndjek nga pas me vetëm një pikë më pak.

Vendasit reaguan në pjesën e dytë dhe shënuan dy herë në 15 minutat e fundit. Sanabria barazoi rezultatin në minutën e 75-të, pas një goditje këndi të Xhenoas, ndërsa kapiteni Krishito shënoi golin e fitores në minutën e katërt shtesë. Një diagonale e bukur e mbrojtësit, që nuk u arrit nga Strakosha dhe në stadium shpërtheu festa e vendasve. Kjo fitore e ngjit Xhenoan në vendin e 13-të me 28 pikë, ndërsa Lacio mbetet 4 pikë larg Milanit të vendit të katërt.

Në ndeshjet e tjera, Empoli i Veselit është rikthyer te fitorja pas tetë ndeshjes duke mposhtur me tris golash Sasuolon dhe duke siguruar tre pikë të arta për mbijetesën. E tillë ishte dhe fitorja e Udinezes, së cilës i mjaftoi një gol në minutat e fundit për t’iu larguar Bolonjës së vendit të tretë nga fundit.

Empoli-Sasuolo 3-0
(Kruniç 34’, Akuah 37’, Farias 60’)

Xhenoa-Lacio 2-1
(Sanabria 75’, Krishito 90+4’ / Badelj 44’)

Udineze-Kievo 1-0
(Teodorçik 86’)

Kievo nuk shfrytëzoi inferioritetin numerik të Fiorentinës dhe vazhdon të qëndrojë në vendin e fundit në kampionat me 8 pikë dhe mbijetesa bëhet gjithnjë e më e vështirë.

Muriel hapi serinë e golave që në minutën e katërt. Goli i tretë në dy ndeshje për kolumbianin, i cili e ka nisur në mënyrë të shkëlqyer aventurën me ekipin nga Firence. Kievo barazon me anë të Xhakerinit, por VAR-i anulon golin.

Fiorentina përfiton dhe dyfishon shifrat. Benasi shënoi një gol shumë të bukur në minutën e 27-të, por Kievo reagon në fundin e pjesës së parë dhe Stepinski shënon me kokë dhe shton shpresat e ekipit veronez për të marrë pikë në këtë ndeshje.

Pjesa e dytë nis mirë për vendasit, të cilët fitojnë një penallti. Karton i kuq për Benasin dhe Pelisier nuk gabon duke barazuar shifrat. Kievo hidhet në sulm në kërkim të golit të fitores, por në skenë ngjitet Federiko Kieza. Talenti i miqve gjen golin në minutën e 79-të, ndërsa Kievo fiton një tjetër penallti pesë minuta përpara fundit.

Pelisier gabon kësaj radhe, ndërsa Kieza shënon sërish pas dy minutash pas disa kombinimeve të bukura me Gerson. Kievo nuk dorëzohet dhe Xhorxheviç shkurton rezultatin një minutë përpara fundit. Pesë minutat shtesë nuk dhurojnë asgjë me Fiorentinën në festë dhe Kievon në lot për humbjen e një shansi shumë të mirë.

Kievo-Fiorentina 3-4
(Stepinski 38’ , Pelisier (pen) 60’, Xhorxheviç 89’ / Muriel 4’, Benasi 27’, Kieza 79’, 86’)

Mungoi në listën e shënuesve Kristiano Ronaldo, që e kishte fikur motorin sonte, duke luajtur larg nivelit të vet e duke humbur edhe një 11-metërsh në minutën e 52-të, me 39-vjeçarin  Sorrentino që priti mjaft bukur. Gjithsesi, ky Juventus nuk ka rivalë, edhe kur luan pa sforcuar fare.

Sfida u zgjidh që në pjesën e parë për ekipin e Alegrit, ku shënuan dy herë me anë të Douglas Kostës dhe Emre Xhan. Në minutën e 13-të, braziliani me një inkursion individual shënoi një gol mjaft të bukur, ndërsa turko-gjermani dyfishoi në fundin e pjesës së parë, pas një pasimi të Paulo Dibalas.

Fraksioni i dytë nisi përsëri me bardhezinjtë në sulm, të cilët fituan të drejtën e një 11-metërshi në minutën e 52-të. Gjithsesi, Kristiano Ronaldo nuk arriti të tregohej i saktë, teksa Stefano Sorrentino u tregua fenomenal, duke ndalur portugezin. Në fundin e takimit pak lavdi edhe për Ruganin, autor i një goli me kokë, i vetëm në zonë pas krosit nga Bernardeski.

Një sfidë me dy fytyra, teksa fillimisht pjesa e parë u dominua totalisht nga ekipi zikaltër, të cilët vetëm në fund arritën të shënonin. Pikërisht gjashtë minuta, përpara pushimit ishte një aksion mjaft i bukur, me Ikardin dhe D’Ambrozion, të cilët kombinuan bukur dhe në fund finalizimi ishte i Ivan Perishiç.

Fraksioni dytë ishte më i mirë për ekipin nga Verona, të cilët këmbëngulën dhe besuan deri në fund se mund të merrnin diçka nga ndeshja. Pikërisht kur të gjithë menduan se sfida po shkonte drejt fundit, ishte Serxho Pelizier, i cili shënoi në minutën e 91-të, duke mbyllur çdo gjë në barazim 1-1.

Njoftimi u dha nga klubi veronez, menjëherë pas barazimit 2-2 me Bolonjën. Trajneri dha dorëheqjen, duke i befasuar të gjithë. Konfirmimi erdhi nga drejtori sportiv, Romairone.

“Një rrufe në qiell të hapur? Po. Duhet thënë se presidenti nuk ndodhet këtu, sepse është i pezulluar. Tani duhet të marrim kohën e nevojshme të kuptojmë çfarë ka ndodhur në ato momente gjaknxehtësie. Trajneri tha se do t’ia komunikonte vendimin ekipit, ndërsa unë i kërkova të qetësohej”.

“Pakënaqësitë e trajnerit dolën në një moment zhgënjimi. Ventura ka thënë se ky nuk është ambient për të? Ndonjëherë është më mirë të mos flasësh kur je i mërzitur. Trajneri duhet të flasë fillimisht me presidentin”.

“Dorëheqja nuk pranohet? Nuk kemi ndryshuar mendim për Venturën, ashtu si përpara një muaji kur e emëruam. Tani do të vendosë presidenti. Duhet pak qetësi, të kuptojmë çfarë e solli këtë reagim, që na vendosi disi në siklet”.

Sipas asaj që raporton “Tuttosport”, De Biazi e ka refuzuar ofertën e bërë edhe pse paga dhe bonuset që mund të përfitonte ishin goxha të mëdha. Ndërkohë emri i teknikut italian së fundmi është lakuar edhe te Frozinone.

Gjithashtu edhe te Kievo ka dalë si opsion, por nga ajo që raportojnë mediat në Itali nuk është De Biazi kandidati kryesor. Madje thuhet se ka rënë si pistë. Mbetet për t’u parë se kë do të drejtojë në të ardhmen ish-trajneri i kombëtares shqiptare.

Sigurisht miqtë nga Verona janë ata që gëzohen, pasi një pikë në transfertë dhe kundër një ekipi si Romas është “flori”. Veç kësaj, kur je në disasvantazh. Ndeshja u zhbllokua shumë shpejt, me El Sharauin që brenda zonës nuk fal.

Krosimi i Florenzit në shtyllën e dytë u shfrytëzua nga ish-sulmuesi i Milanit dhe Roma e pa veten në avantazh. Duhej shënuar sërish dhe sulmet vijuan. Në një prej tyre, kur kishte mbërritur minuta e 30-të, ishte Kristante, i cili u shërbye nga Xheko në zonë dhe mesfushori gjeti rrugën e rrjetës.

Fragmenti i parë i lojës u mbyll me rezultatin 2-0, ndërkohë që reagimi i Kievos ishte i menjëhershëm. Valter Birsa, slloveni i i miqve, me një goditje nga distanca shmangu portierin vendas. Shifrat u ngushtuan, ndërkohë që Roma nuk mundi të shënojë dot golin e qetësisë.

Kur ndeshja po shkonte drejt fundit, Stepinski pas një serie gabimesh të vendasve, me një gjuajtja brenda zonës shënoi golin e barazimit 2-2. Roma bëri çmos të shënonte sërish dhe pati një mundësi të artë me Xhekon në shtesë, por boshnjaku nuk realizoi. Gjithçka u mbyll në barazim, me Kievon që kishte të drejtën të festonte.

SERIE A – JAVA 4

Roma-Kievo 2-2
Shënues: El Sharaui 10’, Kristante 30’ / Birsa 52’, Stepinski 82’

Frakturë në hundë dhe dëmtim i lehtë i shpatullës, Sorrentino nuk ia hodhi dot lehtë ndeshjes së të shtunës, por italiani nuk harron të shfrytëzojë këtë “fatkeqësi” për të bërë një shaka me Ronaldo. “Faleminderit të gjithëve për mesazhet mbështetëse. Dhe dje i shkuam pranë mrekullisë: ndërsa Kristiano më palosi me një goditje”.

GRAZIE per i vostri messaggi di vicinanza, affetto e stima. Siamo un gruppo fantastico e ieri abbiamo sfiorato l’impresa: mentre CR7 mi ha preso in pieno! ?????? #ChievoJuve pic.twitter.com/gVZ9uU6YL5

— Stefano Sorrentino (@Sorrentino) August 19, 2018

Katër vite më vonë, karriera e Gaudinos ka marrë një rrugë që pak vetë do ta mendonin. Një transferim te Kievo rezultoi një lëvizje shumë e gabuar për mesfushorin, tanimë 21-vjeç. Gjatë gjithë sezonit të shkuar Gaudino është aktivizuar vetëm dy herë.

Së fundmi, mediet italiane rapotojnë se futbollisti italo-gjerman do të tentojë të ringjallë karrierën e tij në Serie B, ku do të luajë për skuadrën e Livornos. Klubi i ri i Gaudinos sapo është kthyer në kategorinë e dytë të futbollit italian, dhe ka si synim mbijetesën. Një hap tjetër fals do të ishte një “dënim me vdekje” për karrierën e lojtarit.

Sigurisht transferimi i Kristano Ronaldos ka zgjuar edhe më shumë interesimin e tifozëve. Çmimi i biletave nuk diskutohet që ka pësuar rritje, ndërkohë që në Itali shumica janë tifozëve të Juventusit dhe tanimë kanë një arsye më shumë për ta ndjekur.

Por jo vetëm ata, pasi edhe kundërshtarët do duan të shohin në fushën e blertë portugezin,  i cili ka fituar pesë herë “Topin e Artë”. Sipas “Gazetta dello Sport”, biletat e ndeshjes Kievo-Juventus kanë dalë në shitje dhe brenda 10 minutave sistemi është bllokuar.

Në fund të ditës numri i biletave të shitura ka arritur në 12814. Kapaciteti i stadiumit të Kievos shkon në 39371 ulëse dhe shumë shpejt pritet që të shiten të gjitha biletat. Deri ditën e ndeshjes kanë mbetur 16 ditë, ndërkohë që ata që duan bileta duhet të nxitojnë, pasi zor të mbetet ndonjë pa shitur pas kësaj fundjave.

Ronaldo pritet me padurim jo vetëm nga juventinët, por nga të gjithë tifozët e futbollit në Itali. Me ardhjen e tij në Torino, menjëherë në rrjetet sociale të Juventusit u pa një rritje e madhe e ndjekësve. CR7 është atleti me më shumë “followers” në botë, me mbi 42 milionë të tillë. Ky fakt pritet të “shfrytëzohet” nga të gjithë ekipet që ai do të ketë kundërshtare këtë sezon.

Për të parë nga afër fituesin e 5 “Topave të Artë”, tifozët janë gati të paguajnë dhe shifrat e kripura të biletave. Kjo situatë është mjaft e favorshme për ekipet italiane të futbollit, sepse një biletë më e shtrenjtë do të përkthehej në më shumë të ardhura në arkat e klubit.

Kjo do të thotë që klubi veronez mbetet në Serinë A, pa asnjë heqje pikësh. Prokuroria e Federatës Italiane mund të paraqesë apelim, ose mund të fillojë procedim nga e para, duke thirrur për marrje në pyetje presidentin Kampedeli dhe duke e paditur sërish, por me kusht që gjithçka të kryhet deri më 25 shtator.

Megjithatë, në atë periudhë do kenë nisur kampionatet dhe do jetë e pamundur që të kërkohet zbritja nga kategoria apo heqja e pikëve për Kievon.

GAFA – Sipas gjykatësve, Kampedeli duhej marrë në pyetje nga hetuesit para procesit, por kjo nuk ndodhi. Pikërisht kjo gjë shkatërroi muaj të tërë hetimi dhe hetuesit duhet të nisin gjithçka nga zero.

Natyrisht, në këtë mes del i humbur Krotone, që priste të merrte vendin e Kievos në Serinë A, por del i humbur edhe futbolli italian, që ka një imazh mjaft të pistë në arenën ndërkombëtare, pikërisht për histori të tilla “mafioze”. Kievo shpëtoi për momentin, Çezena falimentoi dhe u zhduk si klub, drejtësia bëri një vrimë në ujë.

Një ndër klubet më të kujdessshëm në këtë aspekt është Kievo, që punon jashtëzakonisht me të rinjtë dhe këto vitet e fundit është lidhur ngushtë me Shqipërinë, duke afruar disa lojtarë të talentuar, apo duke huazuar në Shqipëri lojtarë si Ekuban e Soue, me të parin që rezultoi një sukses i vërtetë, sepse pas një sezoni me Partizanin u shit për 560 mijë euro te Lidsi në Angli.

Sot Kievo ka zyrtarizuar firmën me një tjetër talent shqiptar, sepse ka marrë nga Breshia sulmuesin Brijan Ibrahimi. Është pjesë e Shqipërisë U-17. Dhe tashmë kalon në huazim te Kievo, që ka të drejtën e blerjes përfundimtare. Fillimisht Ibrahimi do të luajë me skuadrën e të rinjve, Primavera. Operacioni u realizua nga FreeSport Management, kompania e menaxherit të njohur Sokol Haxhia.