Flasim për Emanuel Vinjato, 18-vjeçarin e Kievos, i cili aktivizohet si mesfushor i avancuar, sulmues i dytë dhe sulmues i djathtë. Lojtari me baba italian dhe nënë braziliane cilësohet si një talent i pastër dhe lista e klubeve që e ndjekin është e gjatë.

Kontrata me klubin veronez përfundon verën e ardhshme dhe Vinjato nuk ka pranuar rinovimin. Pas këtij refuzimi qëndrojnë kampionët e Gjermanisë, të cilët mund ta blejnë me një çmim disa herë më të ulët, pasi atij i mbetet edhe një vit kontratë.

Përveç Bajernit për Vinjaton interesohen edhe Juventusi, Napoli, Sasuolo dhe Xhenoa. Gjatë këtij sezoni ai është aktivizuar në 10 ndeshje dhe ka shënuar një gol në Olimpico kundër Lacios së Strakoshës.

Vinjato mund të qëllojë një investim fantastik për të ardhmen. Disa nga cilësitë e tij më të mira janë shpejtësia, asistet dhe driblimi fantastik. Djaloshi ka dy pasaporta, por deri tani ka vendosur të përfaqësojë Italinë.

Debutimin në Serie A e ka bërë në moshën 16-vjeçare, në humbjen e Kievos 3-5 përballë Romës në majin e vitit 2017. Ndërsa po bënte nxehjen, aty pranë ishin edhe Françesko Toti dhe Raxha Naingolan.

Legjenda e Romës i afrohet dhe e pyet djaloshin se kush është, ndërsa Vinjato i përgjigjet: “Jam një djalë i Kievos, ditëlindja 2000”. Një përgjigje mes sikletit, pasi ndodhej përpara Françesko Totit. Ky i fundit buzëqesh dhe bën shaka me “ninxhën”, ndërsa i rikthehet Vinjatos. “Ngjan si 12 vjeç, dëshiron të marrësh dhjetë vite nga të miat?”, për t’i dhënë fund bisedës simpatike midis Totit, Naingolan dhe Vinjatos.

Edhe pse jemi vetëm në javën e 12-të të kampionatit, Kievo duket se është me një këmbë në Serinë B sezonin e ardhshëm. Tashmë veronezët kanë mbetur dhe pa trajner, pas largimit të Xhampiero Venturës. Lidhur me largimin e teknikut, ka qenë pikërisht veterani Pelisier, i cili ka shpërthyer me një postim në “Instagram”.

“Kjo foto shpreh të gjithë zemërimin që kam tani. Një verë e keqe me probleme për klubin dhe një nisje e sezonit për t’u harruar. Gjithashtu dhe një trajner që largohet, por që në momentin e parë që erdhi e shihte veten të larguar. Çmenduri! Në 22 sezone si futbollist profesionist, mendova se i kisha parë të gjitha, por tani më duhet të pranoj që gjithmonë mësojmë diçka të re”.

“Megjithatë, te Kievo jemi mësuar me situatat e vështira dhe në fund do të dalim me kokën lart përpara atyre që po tallen pas shpinës tonë. Të marrësh diçka pa luftuar nuk ka shije, apo jo? E rinisim dhe një herë nga zero, por tani jemi të fortë. Ata që e duan këtë ekip, nuk mund të heqin dorë për shkak se gjërat po ecin keq për momentin. Mos bëni si Ventura, fitohet dhe humbet së bashku, si një skuadër. Mos të heqim dorë deri në fund”, përfundoi shkrimin e tij sulmuesi.

 

View this post on Instagram

 

In questa foto c’è tutta la rabbia che ho in questo momento. Un estate pesante con il problema plusvalenze, un inizio di stagione da dimenticare e per dire che non c’è mai fine al peggio le dimissioni di un mister che dal primo momento che è arrivato se ne voleva gia andare. Pazzesco!!! In 22 stagioni da professionista pensavo di aver visto tutto ma sono costretto ad ammettere che c’è sempre qualcosa di nuovo. Comunque al Chievo siamo abituati ad essere sempre in difficoltà e ne usciremo a testa alta alla faccia di tutti quelli che in questo momento si stanno divertendo alle nostre spalle. Non si può ottenere qualcosa nella vita senza lottare non ci sarebbe gusto no? Ripartiamo ancora da zero e questa volta saremo ancora più forti ?. Chi ama questa squadra non la può abbandonare solamente perché le cose vanno male, non è così che si fa, non fate come Ventura, si vince e si perde insieme come deve essere in una squadra. Mai mollare fino alla fine ? #chievobologna #campionato #seriea #pareggio #lottare #nonmollaremai #uomini #coraggio #personalità

A post shared by Sergio Pellissier (@sergio_pellissier) on Nov 12, 2018 at 3:50am PST