Për fat të mirë ka hequr dorë nga kafshimi i mbrojtësve, diçka që desh i shkatërroi gjithçka. Në verën e vitit 2014 luhej Botërori i Brazilit. Suarez dhe Kielini nuk kursyen asgjë në duelet e tyre të ashpra në ndeshjen Itali-Uruguaj.

Në një moment sulmuesi nuk duroi më dhe thirri dhëmbët në ndihmë. Rast i përsëritur, më parë kishte kafshuar Ivanoviç të Çelsit. Nëntë ndeshje pezullim me Uruguaian dhe katër muaj pushim absolut ishte dënimi për të.

Suarez sapo ishte transferuar te Barcelona, por duhej harruar prezantimi dhe sezoni me ekipin e ri do të niste në janarin e ardhshëm. 32-vjeçari ka vuajtur shumë gjatë asaj periudhe. Në një prononcim për “Fox Sport”, bomberi i ekipit katalanas rrëfen që i është dashur të marrë ndihmën e psikologëve, të cilët e ndihmuan të linte pas krahëve atë episod fatkeq.

“Gruaja më pyeste se çfarë kishte ndodhur dhe un i përgjigjesha se ishim përleshur. Nuk e pranoja realitetin dhe ky ishte gabimi më i madh. I kërkova ndihmë një psikologu, i cili më ndihmoi shumë për të pranuar gabimet dhe për t’u rritur. Kam vuajtur shumë, u bëra me të vërtetë shumë keq. Për gruan, fëmijët edhe miqtë e mi.

Ishte çnjerëzore mënyra me të cilën u trajtova. Sapo kisha firmosur me Barcelonën dhe nuk ishte bërë akoma prezantimi. Mendoja se karriera ime kishte marrë fund. Kur drejtuesit e klubit më thirrën për të firmosur kontratën, kam qarë gjithë ditën nga gëzimi”, përfundon Luis Suarez.

Trajneri Masimiliano Alegri pak kohë më parë zyrtarizoi largimin e tij në fund të sezonit dhe trajneri i ri ende nuk është bërë me dije. Lidhur me këto tema, ka folur së fundmi në “Sky Sport” kapiteni Xhorxho Kielini.

Ky i fundit ka deklaruar se largimin e Alegrit e priste, pasi tashmë kupton shumë gjëra, kjo edhe për shkak të eksperiencës që ka. Gjithashtu, mbrojtësi shtoi se emrin e trajnerit të ri po e pret shumë qetësisht dhe të njëjtën gjë duhet të bëjnë edhe tifozët. Në fund një koment edhe për Andra Barzalin.

LARGIMI I ALEGRIT – “Nëse lamtumira e Alegrit më suprizoi? Pas 15 vitesh që jam këtu, nuk mund të them që nuk e prisja. Do të ishte një gënjeshtër. Heshtja dhe disa sjellje të caktuara mund të kuptohen, tashmë kam eksperiencë. Alegri është një person special, i cili u duartrokit dhe u falënderua të dielën si nga tifozët ashtu edhe nga presidenti. Ai bëri histori me Juven dhe nuk do të ishte suprizë nëse do e shihnit përsëri të rikthehej një ditë.”

TRAJNERI I RI – “Një gjë është e sigurt, Juventusi do vazhdojë të fitojë. Ka njerëz që e dinë më mirë se unë se kë trajner duhet të marrim. Jam i qetë dhe kështu duhet të jenë edhe tifozët. Këto ditë nuk kam lecuar asgjë dhe nuk di asgjë. Jam në stërvitje, sepse kemi ndeshje të dielën dhe dua të jem në formë edhe për ekipin kombëtar. Më pas do të zbulojmë edhe trajnerin e ri qetësisht. Thjesht dua të them që duhet të vazhdojmë të fitojmë dhe Juventusi do të vazhdojë ta bëjë diçka të tillë, pasi është në ADN-në e këtij klubi. Kjo gjë do të ndodhë me çdo lojtar apo trajner që do të vijë këtu.

BARZALI – “Ky ishte viti im i parë si kapiten dhe kisha nderin ta ndaja këtë kampionat me Barzalin. Është një person i qetë, por shumë i rëndësishëm për grupin. Mori lamtumirën që meritonte dhe jam i bindur që do të vazhdojë të jetë një person i rëndësishëm për Juventusin.”

Kur na ndan vetëm një ditë nga sfida, ekipet kanë nisur të bëjnë llogaritë për formacionin dhe gjërat kryesore që shqetësojnë, janë padyshim dëmtimet. Tek Juventusi shqetësohen më së shumti, pasi Xhorxho Kielini duket se nuk ia ka dalë që të rikuperohet në kohë për ndeshjen.

Gjithsesi, ka dhe një lajm të mirë për Alegrin, pasi Emre Xhan është gati. Ndërkohë tek Ajaksi, ai që shqetëson është Frenki De Jong, i cili është në dyshim, kjo si pasojë e dëmtimit që pësoi në fundjavë.

Në takimin kundër Kaljarit në fundjavë, Kieli pësoi këtë dëmtim dhe gjendja e tij në stërvitjen e së hënës do të vendoste nëse do të ishte gati në takimin kundër Ajaksit apo jo. Pavarësisht trajtimit nga infiermieria e klubit, kapiteni nuk ia ka dalë.

Alternativat për Alegrin nuk mungojnë, pasi Rugani është i gatshëm, së bashku me Kaseres dhe Barzali. Po ashtu, trajneri italian mund të aktivizojë dhe Emre Çan në krah të Bonuçit, pasi mesfushori gjerman mund ta mbulojë këtë pozicion. Gjithsesi, Kielini mbetet një mungesë e rëndësishme.

Kapiteni i Juventusit, Xhorxho Kielini, e ka mbrojtur talentin Kin nga kritikat e shumta që ky i fundit mori dhe për faqen zyrtare të Juventusit, tha: “Nga fusha e lojës nuk e dallova qartë se çfarë ndodhi, por pas ndeshjes pashë përsëritjet dhe Kin nuk bëri asnjë gjë të gabuar.

Pas paraqitjes që ai bëri sot (dje), duhet ta shohim si një shpresë të madhe për futbollin italian, bashkë me Zaniolon, Kiezan dhe Barrelan. E vetmja gjë që Kin bëri gabim është simulimi, por është i ri dhe do të mësojë nga dita në ditë. Ai është një djalosh shumë pozitiv dhe nuk i meriton aspak kritikat”, përfundoi kapiteni i Zonjës.

NDESHJA – “Të gjithë kemi menduar për ndeshjen dhe nesër na duhet të guxojmë dhe të përmbysim gjithçka. Me gjithë respektin për kundërshtarin, por me dëshriën që duam ta vazhdojmë aventurën tonë.”

KUNDËRSHTARI – “Atletiko është një ndër ekipet më të ngjashëm me ne. Ata janë solidë dhe gjithmonë kanë arritur rezultate si ekip. Sidoqoftë, kjo nuk do të thotë që ata nuk kanë dobësi dhe ne nuk mund t’i kalojmë. Na duhet të jemi të fokusuar dhe ta kërkojmë më shumë se ata kualifikimin. Në fushë duhet të zbresim pa ankth apo emocione.”

MORATA – “Morata është një djal fantastik dhe kemi shpresuar se do të qëndronte te ne. Nesër do të na duhet të jemi të kujdesshem me të dhe me Grizmanin si dhe gjithë lojtarët e tjerë të Atletikos.”

NDESHJA E 500-TË ME JUVEN – “E di se nesër nëse luaj do të jetë ndeshja ime e 500-të me Juven dhe shpresoj që të jetë diçka që do të mbahet mend. Nëse do të më duhet të zgjedh një ndeshje nga këto 499, është padyshim ndeshja ndaj Barcelonës në “Camp Nou”, ku barazuam 0-0.”

KRISTIANO RONALDO – “Jam 200% i sigurt që Kristiano do të luajë ashtu siç ai di mbrëmjen e nesërme.”

BUFON – “Më vjen keq se si shkuan gjërat për Bufon, ai është shoku im dhe u mundova ta ngushëlloja.”

Alegri ka probleme të shumta në mbrojtje, pasi mungojnë Barzalji, Bonuçi dhe Kielini. Kapiteni ishte i fundit që u dëmtua, ndërsa bardhezinjtë do të luajnë për herë të parë pa treshen BBC që nga viti 2011!

Dyshja e qendrës së mbrojtjes do të formohet nga Rugani dhe Kaseres. Uruguaiani është gati të nisë aventurën e tretë me Juventusin. Në dy “debutimet” e para ai ka shënuar gjithmonë dhe sot do të provojë të ndalojë Zhervinjon dhe të gjejë rrjetën për të tretën herë.

Nga ana tjetër është rikthyer Mario Manxhukiç, i cili ka lënë pas krahëve dëmtimin dhe është gati të rikthehet në fushën e blertë.

Humbja kundër Atalantës nuk është pritur mirë nga tekniku i Juventusit, i cili do të bëjë shumë ndryshime për ndeshjen e nesërme përballë Parmës. Gjithashtu, tekniku livornez, ka folur dhe për sfidat, që Juventus do të luajë ndaj Atletiko Madrid në Champions.

Kielini – “Asgjë serioze, por do të shohim në 10-15 ditët e ardhshme nëse do të bëhet më mirë. Për ndeshjen e nesërme nuk do të jetë, ndoshta do të mungojë edhe kundër Sasuolos”.

Mandzukiç – “Mario duhet të jetë gati për nesër. Do të luajë titullar së bashku me Ronaldon, ndërsa Dibala, Bernadeski dhe Dagllas Kosta do të luftojnë për një vend”.

Kaseres dhe Pjaniç– “Martin do të luajë në krah të Ruganit. Pjaniç është gati, por nuk e di nëse do të luajë. Bernadeski mund të luajë në krah të mesfushës, ndërsa Kedira dhe Bentakur janë titullarë”.

Perin dhe Aleks Sandro – “Porta do i besohet Matia Perinit, por Aleks Sandro do të qëndrojë pushim. Spinazola do të luajë në vend të tij. Do të bëjmë maksimumin që të reagojmë pas asaj humbjeje kundër Atalantës dhe të ruajmë distancën me Napolin”.

Sfidat me Atletiko Madrid – “Në Champions janë 6-8 ekipe që kanë kontigjent për të arritur në gjysmëfinale. Dëgjoj shumë të thuhet që Juventusi është në finale që tani. Futbolli nuk është Playstation. Na duhet të fitojmë”, përfundoi Alegri.

Një tjetër problem muskulor për Kielinin, i cili në pulpë ka pasur shpesh probleme dhe është në një moshë ku nuk mund të sforcohet shumë.

Për këtë arsye, drejtuesit e Juventusit do të rinisin sulmin për qendërmbrojtësin veteran të Parmës, Bruno Alvesh.

Portugezi është lojtar me shumë eksperiencë dhe nuk ka probleme fizike, ndaj Juve do të mundohet ta mbyllë transferimin e tij nesër, sepse nuk ka kohë që të presë kontrollet mjekësore të Kielinit, aq më shumë që është larguar edhe Benatia.

Gjithsesi, përveç ndeshjes, ajo që ra në sy ishte deklarata e Murinjos pas sfidës, ku tekniku portugez tha për mediat se Bonuçi dhe Kielini duhet të shkojnë në Universitetin e Harvardit për të dhënë mësim se si mbrohet. Lidhur me këto deklarata, Xhorxho Kielini ka dhënë një përgjigje, teksa ka thënë se mund të shkojë në Harvard, por vetëm si student.

“Do të më pëlqente shumë që të shkoja atje. Unë kam mbaruar ekonomi në Universitetin e Torinos dhe do të kisha dëshirë që të bëja një master në Harvard. Do të shkoja si student, jo si profesor për taktikat mbrojtëse”, ka përfunduar Kielini.

Mbrojtësi italian për “Espn” nga Amerika, ku ndodhet së bashku me ekipin për të zhvilluar fazën përgatitore, është shprehur: “Leonardo është miku im. Kam kaluar pushimet e mia me të dhe familjen. Ne i dimë cilësitë e tij, por nuk e di nëse do të rikthehet në Torino. Nuk është e lehtë dhe dua të respektoj shokët e mi. Unë nuk jam presidenti apo drejtori i klubit për të folur me siguri rreth kësaj çështjeje. Do të shohim në ditët në vijim se çfarë do të ndodh.”

Gjithashtu, Kielini ka folur edhe për afrimin më të bujshëm të Juventusit. “Herën e parë që dëgjova për Ronaldon u thashë miqve të mi: ‘Jo, nuk mund të ndodhë’. Të nesërmen, mendova se ishte e mundur. Trajneri dhe drejtori e bën realitet. Juventusi po rritet vit pas viti dhe ka nevojë për një kampion si Kristiano. Jemi të gjithë të gëzuar e mezi presim të punojmë me të. Shpresojmë se ai do të na ndihmojë të arrijmë qëllimin tonë”,- ka përfunduar mbrojtësi bardhezi.