“Morëm një xhol, do shënojë shumë gola”, Afrim Taku ndryshon skuadër

Sport Ekspres — Wed, 20 Feb 2019 19:54:22 +0000

Klubi amerikan i Sharlot Indepedense ka zyrtarizuar firmën me mesfushorin shqiptar, Afrim Taku. 29-vjeçari do të aktivizohet me skuadrën amerikane këtë sezon. Mesfushori anësor ka folur pas firmën me skuadrën e Sharlot, ku u shpreh: “Jam shumë i lumtur që jam këtu dhe kam nënshkruar për këtë skuadër. Po pres me padurim të luaj dhe të ndihmoj skuadrën këtë sezon. Dua t’i falënderoj të gjithë për pritjen që më kanë bërë”,- tha Taku.

Për afrimin e mesfushorit, ka folur dhe trajneri i skuadrës, Xhim MekGines, i cili tha: “Jemi me fat që kemi gjetur një lojtar si Taku. Tek ai shohim një futbollist që mund të luajë në shumë role dhe që do t’i shërbejë shumë skuadrës. Di të luajë në qendër dhe në krahët e sulmit, ku unë mendoj se do të jetë më i rrezikshëm dhe do të shënojë më shumë gola”.

Taku në Shqipëri ka mbajtur të veshur fanellën e Tiranës dhe Skënderbeut, duke qenë një nga lojtarët më të mirë në Superiore. Sezonin e shkuar, 29-vjeçari ishte pjesë e Tampa Bej në kategorinë e dytë amerikane (USL) dhe duke e njohur mirë këtë kampionat, pritet të shkëlqeje edhe te skuadra e Sharlot.

LeBron nuk mjafton për Lakers, komandojnë Clippers e Toronto

Sport Ekspres — Mon, 26 Nov 2018 08:58:23 +0000

Clipperska në marrë një fitore emocionuese në fushën e Portland pasi kanë arritur që të fitojnë me rezultatin e ngushtë 100-104. Pasi rezultati shkoi 100-100, miqtë shënuan 4 pikë, 2 prej të cilave me gjuajtje të lira duke marrë suksesin që i mban në vendin e parë të Konferencës së Perëndimit.

Lakers në anën tjetër u mundën në shtëpi nga Orlando me rezultatin 104-108. Edhe pse LeBron James shënoi 24 pikë në gjysmën e parë të lojës, mysafirët bënë më mirë pjesën e ,mbetur të lojës, duke arritur një fitore që tregon se Lakers nuk po gjejnë dot qëndrueshmëri.

Skuadra e Toronto dominoi në suksesin 125-115 ndaj Miami-t. Skuadra e cila komandon në Konferencën e Lindjes kaloi pa vështirësi edhe këtë pengesë. Aspak të lehtë nuk e pati Atlanta, e cila mundi me vetëm 1 pikë më shumë skuadrën e Charlotte.

REZULTATET

Portland 100-104 Clippers

Lakers 104-108 Orlando

Toronto 125-115 Miami

Memphis 98-103 New York

Brooklyn 125-127 Philadelphia

Detroit 118-107 Phoenix

Atlanta 124-123 Charlotte

Sacramento 112-133 Utah Jazz