Charles Atsina

Kastrioti e largoi, tani e refuzojnë edhe në Gjermani

Sport Ekspres — Thu, 17 Jan 2019 12:21:43 +0000

Numri i të larguarve te Kastrioti është i madh. Një prej tyre është edhe sulmuesi ganez Çarles Atsina. Së fundmi ai ka qenë në provë në Gjermani, ku ka tentuar të nënshkruarë me Villingen. Këta të fundit garojnë në Oberliga.

Pasi është testuar, drejtuesit e klubit gjerman kanë bërë me dije se sulmuesi nuk i ka bindur. “Ai nuk na ka bindur shumë që ne ta marrim atë. Sulmuesi duhet të jetë i madh, i fortë dhe i rrezikshëm para portës”, është shprehur Arash Yahyaijan, drejtori sportiv i Villingen.

Sulmuesi 29-vjeçar nuk arriti të shënonte asnjë gol në kampionat me Kastriotin, ndërkohë që nuk pati as hapësira të shumta. Ai luajti në total 9 ndeshje, 4 prej tyre si titullar. Një sezon më parë ishte aktivizuar me Vllazninë dhe në 10 takime pat realizuar dy gola me shkodranët.

Një formacion i larguar, Kastrioti zyrtarizon dy lëvizjet e radhës

Sport Ekspres — Thu, 27 Dec 2018 15:32:16 +0000

Kastrioti njeh vetëm largime deri më tani. Krutanët kanë zyrtarizuar ditën e sotme edhe dy lëvizje të tjera. Kështu të larguarit e radhës janë mbrojtësi David Domgjoni dhe sulmuesi nigerian Çarles Atsina. E gjitha ka marrë formë zyrtare dhe tanimë shkon në 11 numri i lojtarëve që e kanë mbyllur bashkëpunimin me Kastriotin.

“KS Kastrioti zyrtarizon mbylljen e bashkëpunimit me mbrojtësin David Domgjoni dhe sulmuesin Çarls Atsina. Të dy lojtarët u bashkuan me skuadrën në merkaton e verës, ndërsa me konsensusin e plotë të të dy palëve e kanë mbyllur bashkëpunimin me KS Kastriotin. Klubi i falënderon të dy lojtarët për kontributin e dhënë me fanellën e Kastriotit dhe njëkohësisht i’u uron suksese në karrierë! KS Kastrioti”, njofton klubi krutan.

Domgjoni u aktivizua në 14 ndeshje me Kastriotin, 12 prej të cilave i nisi nga minuta e parë. Vjet ai ishte pjesë e Lirisë së Prizrenit, ndërkohë që në të shkuarën ka qenë me Tiranën. Mbrojtësi qendror ëshët formuar si lojtarë te Shkëndija e Tiranës.

Për Çarles Atsina hapësirat ishin më të pakta. Ganezi, i cili vjet ishte pjesë e Vllaznisë, largohet nga Kastrioti pa shënuar gol në kampionat. Futbollisti 29-vjeçar në vetëm 4 ndeshje luajti në formacion, nga nëntë ndeshje që u aktivizua në total.

Atsina: Të luajmë si ndaj Skënderbeut, Partizani do ta ketë të vështirë me ne

Sport Ekspres — Tue, 06 Nov 2018 08:47:03 +0000

Sulmuesi i Kastriotit Çarls Atsina ka folur para sfidës së krutanëve ndaj Partizanit. Ganezo-italiani u shpreh se skuadra duhet të luajë me të njëjtin mentalitet si në ndeshjen ndaj Skënderbeut, ku i hapën jo pak vështirësi korçarëve.

“Mendoj se skuadra bëri një ndeshje të mirë në të gjitha këndvështrimet, sidomos në atë taktik. Shpresoj të vazhdojmë më të njëjtin mentalitet që treguam ndaj Skënderbeut. Mendoj se do të jetë shumë e vështirë për skuadrat e tjera nëse vazhdojmë me këtë lloj mënyrë”

“Skuadra ka ndryshuar. Ndeshja e radhës do të jetë shumë e vështirë për ata dhe për ne. Por, ne do të jemi gati. Po përgatitemi, e dimë që kemi përballë një skuadër të madhe. Ndeshja zgjat për 90 minuta dhe nëse futemi me mentalitetin e duhur do të bëjmë një ndeshje të kënaqshme për ne dhe tifozët”, përfundoi Atsina.