Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

Për të kuptuar sa shokues është ky rezultat mjafton t’u përmendim se në përpara fillimit të ndeshjes fitorja e skuadrës moldave kuotohej me koeficientin 1.28 nga kompanitë ndërkombëtare të basteve sportive, ndërsa fitorja e gjeorgjianëve kuotohej me koeficientin 11.

Futbollisti që zhbllokoi takimin ishte ish-sulmuesi i Kamzës, Ognjen Roloviç. Futbollisti u largua nga Shqipëria gjatë muajit janar për në Gjeorgji, ku fati i ka buzëqeshur dhe po zhvillon një sezon pozitiv.

https://www.youtube.com/watch?v=6wsI-aKOxD8

“Ndeshjen e parë e luajmë si pritës. Është një mundësi e mirë për ta vulosur fatin e takimit që tani. Vitin e kaluar ndeshen e parë e patëm në transfertë dhe të gjithë e mbajmë mend si përfundoi ajo ndeshje (Shkëndija i mundi 5 – 0 në Shkup)”.

“Në ndeshjet në shtëpi kemi një rekord shumë të mirë, pavarësisht emrit të kundërshtarit. Do u them djemve se me të vërtetë është një ndeshje e Champions League, por kur luajmë në shtëpinë tonë ne pjesën dërrmuese të ndeshjeve jemi skuadra që kërkon gjithmonë fitoren”.

“Do të jetë një ndeshje e mirë, shpresoj që skuadra të tregojë të gjithë potencialin që zotëron. Kemi nivele të mira përsa i përkte formës fizike dhe zhvilluan një fazë përgatitore të kënaqshme. Tani është në dorën e lojtarëve të tregojnë se sa shumë e duan fitoren”.

Si fillimi Klop tregoi për emocionet e sfidës si dhe mallkimin që më në fund u thye. Më pas, numri një i stolit të Liverpulit u pyet për sa i përket suksesit dhe se kujt ia dedikon. Tekniku menjëherë u përgjigj se e gjitha kjo i dedikohej familjes së tij.

“Mbi të gjitha i dedikohet familjes time. Për shtatë vite me radhë kemi shkuar në pushime me një medalje argjendi. Tani do të shkojmë me medaljen e artë, që duket vërtet e bukur!”

“Finalja e Champions League është një moment shumë unik. Si trajner duhet të bësh shumë kujdes të mos bësh shumë gabime sidomos me lojtarët e dëmtuar. Ndodh shpesh që futbollistët i bëjnë presion mjekëve dhe fizioterapistëve në mënyrë që të luajnë”.

“Në këtë ndeshje ekziston gjithmonë frika, pasi të gjithë e dinë shumë mirë se trofeun mund ta marrë skuadra tjetër. Si trajner duhet t’i japësh lojtarëve dozën e duhur të besimit dhe t’i zemërosh pak. Ndryshon kur ke një skuadër me eksperiencë, thjesht mund t’i thuash: Djema futuni në fushë dhe bëni atë që dini të bëni. Me të rinjtë ndryshon puna. Presioni është i madh. Skuadra që do humbasë sot do të mbyllë një sezon të dështuar, nuk është diçka e drejtë, por është ky është realiteti”, tha Venger.

Gardiani gjerman do të mbahet mend gjatë për dy gafat e tij në finalen e vitit të kaluar, por ai mbetet pjesë e familjes së Liverpulit edhe pse është pjesë e Beshiktashit edhe për një sezon si pjesë e një marrëveshje huazimi.

Sipas “Daily Mail”, Karius e ka refuzuar këtë ftesë. Ndoshta kujtimet e finales së shkuar mund t’i rikthehen dhe portieri mund të përlotet përsëri siç bëri një vit më parë.

“Ajo disfatë është një nga përvojat më të këqija që kam pasur si futbollist. Ne përpiqemi të luajmë me stilin e Barçës. Ndonjëherë është e lehtë, e nganjëherë e vështirë. Nuk varet vetëm nga ne, por edhe nga loja e kundërshtarit që ke përballë.”

”Ka raste, si në ‘Anfield’, kur nuk mund ta kesh topin dhe detyrohesh të luash ndryshe. Lojtarët, që mund të kesh në dispozicion janë të ndryshëm. Dëshira jonë është të bëjmë gjithmonë lojën tonë, ndaj Liverpulit nuk arritëm dhe prandaj humbëm”, përfundoi zëvendës kapiteni i Barcelonës.

Në 68 mijë vende që ka stadiumi i Atletikos, për tifozët e të dyja skuadrave janë vënë vetëm 33 mijë bileta në dispozicion. Që do të thotë se të dyja skuadrat do të kenë vetëm nga 16,5 mijë tifozë në stadium aq të madh.

UEFA një pjesë të madhe të biletave të finales e ka shpërndarë për sponsorët, si të ishte finalja e tyre dhe jo e fansave. Lajmin e bën të ditur “BBC News” nëpërmjet gazetarit Den Roan. Ky i fundit shprehet se grupimet e tifozëve të Liverpulit dhe Totenhemit kanë kërkuar bileta nga disa sponsorë për të shtuar numrin e tifozëve të skuadrave në Madrid.

“Ne kërkojmë nga Nissan, Playstation, Gazprom, PepsiCo, Banco Santander, Mastercard, Heineken & Expedia Group të na ndihmojnë në balancimin e numrit të tifozëve në stadium”, kanë treguar tifozë për Den Roan.

Xho Gomez, mbrojtësi i Liverpulit mendon se të kuqtë kanë më shumë mundësi të mundin Totenhemin se ç’kishin vjet me Realin. Ai është kthyer i fortë nga ai dëmtim i rëndë në dhjetor, ku theu këmbën. 21-vjeçari shprehet se ekipi i Klop është forcuar shumë dhe ka fituar shumë personalitet. Gjermani ua përsërit shpesh këtë fakt.

“Është një finale e madhe dhe duhet të kemi mentalitet të lartë. Mendoj se ky vit ka qenë shumë pozitiv dhe jemi rritur shumë si skuadër. Trajneri Klop na thekson faktin se ne jemi më të fortë dhe nuk mun të mendojmë se jemi të njëjtit që ishim vjet. Kemi më shumë besim dhe më shumë dëshirë për të fituar Championsin e gjashtë në historinë e klubit.”

”Mund të duket se jemi të ‘plagosur’ nga humbja e titullit, por nuk është ashtu. Ky ka qenë një vit historik për klubin. Kemi pasur luhatje gjatë vitit, por ato situata na kanë bërë të mësojmë. Na ka mbetur vetëm një ndeshje e madhe dhe vendimtare”, përfundoi talenti anglez.

Përveç lotëve të derdhur nga mijëra të pranishmit në stadiumin “Johan Cruyff”, një tjetër dramë është përjetuar nga disa tifozë të mbledhur në një lokal.

Në sekondat e fundit të takimit, grupi i tifozëve kishte filluar numërimin mbrapsht, me çdo sekondë që kalonte doza e gëzimit rritej, por më pas ndodh ajo çmenduri e Lukas Mourës.

https://twitter.com/footbalIfights/status/1126441169444057088

Sipas portugezit, Ajaksi meriton të gjithë komplimentat, por diçka e tillë nuk mund të falej. Murinjo i shton dozat e kritikave, teksa thotë se “Harkëtarët” po luanin sikur kishin përballë Viteshen në pjesën e dytë.

“Ajaksi meriton të gjithë komplimentat dhe admirimin e çdokujt që e dashuron futbollin. Por futbolli është një sport mjaft i luftuar dhe për këtë arsye të duhet një strategji. Që të fitosh një ndeshje, sidomos ato specialet, ndonjëherë duhet të dalësh edhe nga filozofia që ke pasur gjithmonë.

Të gjithë e dimë lojën e Ajaksit dhe dobësinë e tyre. Në pjesën e dytë ata udhëhiqnin 3-0 në rezultat të përgjithshëm dhe Blind e De Ligt shpesh ishin shumë larg mbrojtjes. Duhet të mbanin patjetër balancën. Por ata zgjodhën filozofinë e tyre dhe luajtën sikur kishin përballë Viteshen në kampionatin holandez. Totenhemi ishte me fat. Zotat e futbollit ishin me ta. Askush nuk e beson këtë që ndodhi.”

Futbollisti 19-vjeçar e cilësoi një makth rezultatin e sotëm dhe se tani skuadrës së tij nuk i mbetet gjë tjetër vetëm për të luftuar për kampionatin, ku mbajnë vendin e parë.

“Kjo është e pabesueshme. Një makth. Është një goditje kaq e rëndë. E katranosëm në golin e parë, më pas gjërat shkuan shumë keq. Filloi të më dridhej trupi kur tifozët na kënduan pas ndeshjes, por nuk ishin të dridhurat që unë shpresoja në fillim të ndeshjes”.

“Luajtëm shumë mirë në pjesën e parë, por më pas u munduam të mbroheshim, por dhuruam dy gola dhe kjo bëri diferencën. Tani na mbetet të marrim titullin në kampionat”.

“Lukas Moura kishte tre raste dhe që të tre i çoi në rrjetë. Çdo gol i tij ishte i mrekullueshëm. Të lë pa fjalë ajo që ndodhi sot. Dy ekipe angleze që japin performanca të tilla. Të duhet zemër, dëshirë dhe mundim i madh. Futja në lojë e Jorentes ishte zëvendësimi më i mirë. E vuri shumë në vështirësi Blind, i cili nuk mundi t’ia dilte me të.”

Shtëpia e klubit napolitan ndodhet prej vitesh në një gjendje të mjerueshme dhe ç’është më e keqja bashkia e qytetit dhe presidenti De Laurentis e kanë më shumë mendje te replikat e pafundme se sa te gjetja e një gjuhe të përbashkët për t’i dhënë zgjidhje këtij probleme.

Duke filluar nga sezoni i ardhshëm qyteti i Napolit nuk do të përjetojë më netë Champions-i. Çdo tifoz që dëshiron të ndjekë skuadrën e tij të zemrës teksa ndeshjet në arenën evropiane, duhet t’i hipë makinës e të udhëtojë 500 kilometra në veri.

Shtëpia e re e Napolit për ndeshjet e Champions League do të jetë stadiumi i qytetit të Bolonjës “Renato Dall’Ara”, edhe ky një impiant që mezi i plotëson kriteret e vendosura nga UEFA.

Vërshëllima e fundit e gjyqtarit Çakir, i dha startin festës legjitime të “Anfield”, që në fund këndoi dhe himnim simbol të klubit, “You will never walk alone”. I gjithë ekipi dhe stafi teknik të përqafuar, përballë tifozëve të tyre, të gjithë duke kënduar.

Goosebumps……and I’m not even a Liverpool fan. Respect! pic.twitter.com/qov63RZdaw

— ASG (@ahadfoooty) May 7, 2019

Që nga legjendat Keni Dalgish e Stiven Zherard, e deri te tifozi më i vogël i pranishëm në “Anfield” këndonin njëzëri. Videoja është rrëqethëse…

 

View this post on Instagram

 

Cosa ho provato oggi nel bordo…Kop su @skysport ? Quel che non avrei mai pensato di vivere in una partita di calcio: this in #Anfield, this is history. #Liverpool #championsleague #barcellona #football #instagram #instavideo #instagood

A post shared by @ gianlucadimarzio on May 7, 2019 at 3:04pm PDT

Në lidhje me takimin foli edhe Zhose Murinjo, i cili është në rolin e analistit në “Bein Sport”. Portugezi kritikoi ashpër Bacelonën, duke e krahasuar me një ekip moshash U-14 ose U-15, të cilët nuk kanë mentalitet.

“Nëse do e shihje atë gol në ndeshjet e moshave U-14 apo U-15, do të thojë lirisht: ‘Fëmijët po flenë gjumë, nuk kanë mentalitet për të luajtur futboll. Fëmijët duhet të mësojnë gjërat bazë të futbollit’. Por në këtë rast po flasim për lojtarët më të mirë të Botës dhe të pësosh atë gol tregon një gjende të rënduar.

Në fundin e pjesës së parë thashë që nëse Liverpuli shënon golin e dytë, atmosfera do të bëhet shumë e vështirë për Barcelonën dhe ashtu ndodhi. Gjithsesi, Barcelona ka lojtarët më të mirë në Botë. Është diçka e natyrshme që të luajnë ndeshje të atij niveli dhe në atmosferë të tillë. Është diçka e natyrshme të luash ndaj Realit në Bernabeu, të luash finalen e Champinsit apo gjysmëfinalet.”

A mendoni se rezultati do të ishte i njëjtë nëse do të luhej në një stadium të boshatisur?

“jo! S’ka shanse. Ne e dimë se ky klub është një përzierje e atmosferës, emocioneve, dëshirës dhe futbollit cilësor. Nëse heq një nga këto, asgjë nuk funksionon e kam thënë dhe më parë”.

“Për mua ky klub ka një zemër të madhe. Sot po na rrihte zemra sikur ishim të çmendur. Mund ta dëgjoje këtë anembanë botës. Jam i gëzuar që u dhamë njerëzve këtë eksperiencë, gjithashtu jam i gëzuar që më jepet një shans tjetër për të rregulluar gjërat”.

Champions-i i pestë mbetet ende në sirtar për Leo Mesin, i cili duket qartazi i rrënuar teksa po dilte nga ambientet e stadiumit “Anfield” .

Leo Messi, el último en abandonar Anfield pic.twitter.com/tj5K0IUdAA

— Edu Polo (@EduPolo) May 7, 2019

Në intervistën për BT SPORT në përfundim të takimit, Klop u shpreh se nuk i kishte ndodhur kurrë që të shikonte diçka të tillë në futboll.

“Thjesht të fitonim ishte e vështirë, por me këtë rezultat dhe pa pësuar gol është thjesht e pabesueshme. Ky Liverpul nuk ndalon kurrë, nuk fiket kurrë. Ky Liverpul jep gjithçka në çdo moment. Ishte diçka e madhe, nuk e përballoj dot këtë emocion”.

“Këta djem janë të pabesueshëm. Pashë Milnerin teksa po qante në fund. Në jetën time kam parë shumë ndeshjen futbollit, por asnjëherë një ndeshje si kjo. Kur u bë goli i katërt, Ben Udbërn më pa dhe më tha: Çfarë po ndodh. Kjo është pjesa më e bukur e futbollit. Jeta ka gjëra shumë më të rëndësishme, por kjo atmosferë që krijuam sot është shumë e veçantë”.

“Përzierja e potencialit dhe zemrës së lojtarë ishte diçka që se kisha parë kurrë më parë. Për këto lloj ndeshjeje të duhet të kesh besim. Origi dhe Shaqiri nuk kanë luajtur shumë këtë sezon, ishte e rëndësishme që bënë atë lloj paraqitjeje. Kjo tregon se çfarë është e mundur në futboll”.

“U them tifozëve që na vjen shumë keq. Kur ndodh diçka e tillë duhet të kalosh disa net të tmerrshme, e meritojmë dhe duhet ta kalojmë këtë torturë.

“Jemi ende në momentin kur duam t’u japim tifozëve një shpjegim për atë që ndodhi, por nuk e di saktë ç’të them. E dinim që Liverpuli do na sulmonte që në fillim, pësuam një gol, por pastaj e qetësuam ndeshjen. Goli i dytë na dëmtoi shumë.

“Patëm mundësi të mira për shënim, nuk i konkretizuam, nuk kemi justifikim. Liverpuli ishte superior, rezultati flet vetë.

“E ardhmja? Nuk e di sa do ndikojë kjo ndeshje tek unë, por natyrisht kam përgjegjësi. Më e dhimbshmja është që na ndodh për të dytin vit rresht”.

Tekniku gjerman ka bërë ndryshime në çdo repart. Në mbrojtje Gomez është zëvendësuar me Alekandër-Arnold, ndërsa mesfusha nuk është me katër lojtarë, por me tre: Milner, Fabinjo dhe Henderson.

Mbi treshen e mesfushës vendoset një “trinom” i improvizuar për shkak të dëmtimeve të Firminos dhe Salah. Brazilianin e zëvendëson sulmuesi belg Origi, ndërsa Shaqiri i është besuar vendi i lënë bosh nga Salah.

Liverpul – Barcelona  4-0 (0-3)
Origi 7’ 80′, Vijnaldum 54’ 56’

EPISODET – 

80’ – Gooool Liverpuli, përmbysje e çmendur në “Anfield”. Origi shënon të dytin personal dhe të katërtin për Liverpulin. Fantastikë të kuqtë e Jurgen Klop

56’ – Goool Liverpuli, Vijnaldum shënon sërish. Pas një krosimi perfekt nga e majta, mesfushori kërcen më lart se të gjithë dhe shënon me kokë. Baraspeshë totale!

54’ – Goool Liverpuli, përmbysja shumë pranë. Vijnaldum, i futur në pjesën e dytë, shfrytëzon mjaft mirë krosimin e Arnold dhe ndëshkon Ter Shtegen. Rihapen fatet e kualifikimit

7’ – Goool Liverpuli! Divok Origi arrin të gjejë rrjetën që në minutën e 7’ të takimit, duke mposhtur Ter Shtegen. Gjuajtja e Henderson pritet nga portieri gjerman, por Origi është në vendin e duhur për të shënuar me portën e boshatisur.

Formacionet e takimit:

Liverpul – Alison, Aleksander-Arnold, Matip, Van Dijk, Robertson, Fabinjo, Milner, Henderson, Shaqiri, Mane, Origi. Trajner: Jurgen Klop

Barcelona – Ter Shtegen, Roberto, Pike, Longle, Alba, Rakitiç, Buskets, Vidal, Kutinjo, Suarez ,Mesi. Trajner: Ernesto Valverde

Gjithsesi trofeu i parë për “harkëtarët” erdhi këtë fundjavë në Kupën e Holandës ndaj Vilem II, ku ekipi i drejtuar nga Erik Ten Hag fitoi me rezultatin 4 – 0.

Përveç spektaklit që jemi mësuar të shohim këto muajt e fundit në fushë, në këtë takim pati një shfaqje të rrallë nga tribunat. Edhe pse finalja luhej në Roterdam, tifozeria e Ajaksit ishte dyndur masivisht në stadium dhe në një moment të caktuar dhuruan një spektakël që të bën të dridhesh më një kor fantastik në mbështetje të skuadrës së tyre.

Netët evropiane për sezonin e ardhshëm Junajtid do i kalojë në “Europa League”, kompeticion të cilin e fituan në vitin 2017. Është e qartë që asnjë lojtari nuk e ka më vendin e sigurt te Junajtid, ndoshta pas këtyre rezultateve negative pikëpyetje mund të vihen edhe mbi menaxherin Solskjaer, i cili kreu një mrekulli në dy muajt e parë.

Në takimin tjetër të kësaj dite Çelsi mori një fitore 3 – 0 ndaj Uotfordit. Pas një pjesë të parë të dobët, londinezët u zgjuan në fraksionin e dytë të lojës duke shënuar me anë të Loftus-Çik, Luis dhe Higuain. Londinezëve tani u mbetet të fitojnë finalen ndaj Leisterit në javën e fundit të kampionatit për të vulosur rikthimin në Champions League.

Premier League – Java 37

Hadërsfilld-Mançester Junajtid 1-1

Shënues: Mbenza 60’ / MekTominai 8’

Çelsi-Uotford 3-0

Shënues: Loftus Çek 48’, Luiz 51’, Higuain 75’

Sipas trajnerit italian, ekipi holandez ndodhet në këto pozita edhe falë situatave jo komode të kundërshtarëve të tyre, ku përmend dhe mungesat e Totenhemit.

“Champions-i është gjithmonë një objektiv për ne, ashtu si dhe kampionati dhe Kupa e Italisë. Champions-i është më i vështirë. Ndonjëherë është dhe fat. Kundër Ajaksit kishim pesë mungesa për shkak dëmtimesh, ndërsa më pas Totenhemin në Londër i gjetën ata pa dy sulmuesit më të mirë (Son dhe Kejn). Ajaksi është një skuadër shumë e mirë, por ka qenë shumë me fat”.

Trajneri portugez, që aktualisht po kalon një moment pushimi pas shkarkimit nga Junajtid në mesin e sezonit aktual, e cilëson Leon si perëndia e futbollit. Ai nuk i ul as meritat e Liverpul për të cilat shprehet se kanë arritur diçka që asnjë ekip nuk e ka bërë në “Camp Nou”.

“Liverpul bëri një ndeshje të mirë. Nuk besoj se ka pasur ndonjë ekip në 20 vitet e fundit që e ka mbajtur topin më shumë se Barcelona në Champions League. Megjithatë ‘Perëndia’ e futbollit bëri diferencën. Sigurisht Barça është një ekip me një organikë cilësore, por ajo çka bën Leo Mesi është absolutisht e mrekullueshme”, përfundoi ish-trajneri i Real Madrid.

Trajneri i Liverpulit e cilësoi të jashtëzakonshme mënyrën se si luajti skuadra e tij, megjithatë gjermani e pranon se në këtë sport luhet për të shënuar gola.

“Futbolli i tillë është. Në këtë sport duhet të shënosh gola dhe ata e bënë tri herë këtë gjë, ndërsa ne asnjëherë. Paraqitje e skuadrës ishte e mirë, djemtë bënë një ndeshje të mirë. Më pëlqeu paraqitja, por nuk më pëlqeu rezultati. Në këtë lojë nuk merren nota, e vetmja gjë që vlen është rezultati”.

RASTET E HUMBURA – “Çfarë mund të them. Është e lehtë të flasësh për golat. Mënyrë se si i krijuam ato raste për shënim ishte e jashtëzakonshme. Mënyra se si u hapëm probleme ishte e jashtëzakonshme. Nuk e di a jemi në gjendje të luajmë më mirë se kaq”.

“Ndeshjen tjetër e luajmë nën disavantazhin e tre golave, gjithsesi le të riaftësohemi e të shkojmë të luajmë kundër Njukasëll. Loja ka mbaruar, çfarëdo që të them unë nuk e ndryshon rezultatin. Do të ndeshemi sërish, të shohim ç’do të ndodhë. Ia kemi bërë shumë të vështirë vetes”, përfundoi Klop.

Ajaksi i Amstedamit është me një hap në finalen e Champions-it, teksa ka mundur në Londër Totenhemin me rezultatin minimal 1 – 0.

Goli i Doni Van de Bek në minutën e 15-të rezultoi vendimtar për fatin e takimit. Totenhemi u mundua të baraspeshojë shifrat me Jorente dhe Lukas Moura, por mbrojtja e holandeze arriti të spastronte çdo rrezik. Eriksen, ndoshta lojtari më i mirë në letër i “gjelave” kreu një ndeshje për t’u harruar ndaj ish-skuadrës së tij.

Finalja e Champions-it i mungon Ajaksit prej 26 vitesh, javën e ardhshme është momenti më i mirë që kjo pritje të marrë fund dhe festa të shpërthejë në Amsterdam.

Totenhem 0 –  1 Ajaks
Shënues: Van de Beek 15’

Skuadra nga Amsterdami zhbllokoi e para takimin në Londër me anë të mesfushorit Doni Van de Beek, ndërsa te Totenhemi kundër po u del edhe fati.

Një përpjasje kokë më kokë e dyshes belge Aldervireld-Vertongen, solli që ky i fundit të shtrihej përtokë i gjakosur. Pas pak minutash Vertongen tentoi të futej sërish në lojë, por trullosja ishte aq e fortë sa që u desh ndihma e stafit mjekësor për ta transportuar në dhomat e zhveshjes.

Serie A

Ndoshta Italia ka garën më emocionuese me pesë ekipe që pretendojnë vendin e katërt, i cili mbahet aktualisht nga Milani me 56 pikë, Atalanta (56),  Roma (55),  Torino (53) dhe Lacio (52) do bëjnë çmos që të sigurojnë një biletë për në Champions-in e vitit që vjen.

La Liga

Tre ekipe janë vënë në garë për vendin e katërt ku për momentin ndodhet Getafe. Skuadra modeste nga periferia e Madridit po i habit të gjithë dhe është shumë pranë arritjes së një suksesi historik. Valencia dhe Sevija me nga 52 pikë shpresojnë në një hap fals të kundërshtarit të tyre.

Bundesliga

Katër javë para fundit të  Bundesligës, tri ekipe synojnë vendin e katërt. Frankfurt (53), Borusia Mënshengladbah (51) dhe Hofenhajm (50) do të tentojnë të marrin maksimumin nga 12 pikët që janë në dispozicion.

Premier League

Lufta për vendin e katërt gjithmonë ka prodhuar shumë emocione në kampionatin anglez dhe këtë vit nuk mund të ishte ndryshe. E veçanta e këtij sezoni është se pesë javë para fundit në garë mbetet edhe vendi i tretë. Katër ekipe: Totenhem, Çelsi, Arsenal dhe Mançester Junajtid do të bëjnë gjithçka për t’u pozicionuar në dy vendet që të çojnë në Champions League.

Megjithatë, për një nga lojtarët e skuadrës londineze festa filloi me vonesë. Bëhet fjalë për mesfushorin francez Musa Sisoko, i cili kur Stërling shënoi golin e avantazhit u nis menjëherë drejt dhomave të zhveshjes.

“Isha në stol kur pashë golin që çoi rezultatin në 5-3. U mërzita aq shumë sa që u nisa direkt për në dhomat e zhveshjes. Isha i vetëm, askush nuk më shoqëroi, ndërsa në atë ambient nuk kishte asnjë televizor që po transmetonte ndeshjen. Në mendjen time ishim eliminuar”.

“Pas pak minutash në dhomë u fut një prej anëtarëve të stafit teknik dhe u sul drejt meje duke më përqafuar: ‘E pabesueshme, ia dolëm!’, tha. Unë i kërkova të shpjegonte se si ishte e mundur dhe pastaj më tha se goli ishte anuluar. Menjëherë vesha sërish bluzën dhe vrapova në fushë pavarësisht se ndjeja akoma dhimbje nga dëmtimi”, përfundoi Sisoko.

Përballja e parë e gjysmëfinaleve do të jetë ajo midis Totenhemit dhe Ajaksit në Londër, ndërsa të nesërmen Liverpuli udhëton drejt “Camp Nou” për t’u ndeshur me Barcelonën.

Interesant është rregulli i ri i vendosur nga UEFA, që detyron skuadrat që luajnë të martën ta zhvendosin ndeshjen e kthimit për të mërkurën dhe anasjelltas. Pra Ajaks dhe Totenhem do të ketë pushojnë tetë ditë nga përballja e parë ndërsa Liverpuli dhe Barcelona kanë një periudhë pushimi prej gjashtë ditësh.

KALENDARI

Totenhem – Ajaks, 30 prill, e martë
Barcelona – Liverpul, 1 maj, e mërkurë

Liverpul – Barcelona, 7 maj, e martë
Ajaks – Totenhem, 8 maj, e mërkurë

“Po, është një goditje e fortë. Është mizore, por na duhet ta pranojmë. Ishte një ndeshje e këndshme për të gjithë. Në pjesën e dytë bëmë gjithçka, por na duhet t’i urojmë Totenhemin gjithë të mirat në gjysmëfinale”.

“Humbëm një penallti në ndeshjen e parë, krijuam shumë shanse ndaj një skuadre të fortë. Dy golat e parë erdhën si pasojë e gabimeve tona. Provuam gjithçka deri në fund. Çfarë kemi bërë në këto dy sezone është e mahnitëse”, përfundoi Guardiola.

“Jam shumë krenar, sidomos për reagimin e tifozëve tanë. Nuk e kam parë kurrë stadiumin si sot. Jemi të trishtuar për të gjithë ata, por ata e dinë që provuam gjithçka, futbolli është i paparashikueshëm dhe fatkeqësisht ne nuk jemi në fazën tjetër”.

“Na duhet të reagojmë të shtunën (ndeshen përsëri në kampionat me Totenhemin), por tani s’duhet ta kemi mendjen aty. Na duhet sa më shumë gjumë dhe më pas do të përgatitemi për atë ndeshje. Kemi luftuar për nëntë ose 10 muaj në kampionat. E kemi në duart tona. Sigurisht, do të jetë e vështirë, por duhet ta marrim kampionatin”.

Ashtu siç pritej ekipi vendas e filloi vrullshëm takimin, por një Liverpuli ndëshkoi i parë me Mane, goli i të cilit u akordua falë ndërhyrjes së sistemit “VAR”. Në pjesën e dytë Porto u hodh e gjitha në sulm, duke lënë shumë hapësira në mbrojtje, që u shfrytëzuan mjaft mirë nga “The Reds”, të cilët gjetën golin e dytë me Salah. Në listën e shënuesve vunë emrin e tyre dhe Firmino e Van Dijk, ndërsa goli i nderit për Porton u shënua nga mbrojtësi i ardhshëm i Realit, Eder Militao.

Në gjysmëfinale Liverpuli do të gjejë Barcelonën e Lionel Mesit, me të cilët nuk ndeshen në Champions prej më shumë se një dekade.

CHAMPIONS LEAGUE/GJYSMËFINALE

Porto – Liverpul      1-4
Shënues: Militao 69’ / Mane 26’, Salah 65’, Firmino 77’, Van Dijk 84’

Liverpuli ia arriti të shënonte një gol “nokauti” me anë të Mane në minutën e 26-të. Fillimisht arbitri anësor ngriti flamurin për një pozicion të parregullt, por konsultimi me sistemin “VAR” vuri drejtësinë në vend.

Si për rastësi pak sekonda para se Roberto të zëvendësohej në stadium filloi të përhapej lajmi se Ajaksi kishte shënuar golin e avantazhit. Tifozët e Barcelonës kanë një raport vëllazëror me klubin holandez, me të cilën ndajnë një legjendë si Johan Krujf. Natyrisht ka plot arsye për të urryer Juventusin si për shembull eliminimi i dhimbshëm i 2017-ës dhe fakti që kanë në skuadër rivalin e tyre historik, Kristiano Ronaldon.

Në intervistën e dhënë fill pas ndeshjes për televizionin holandez “Veroninca”, Ten Hag ndau me gazetarët arsyen e problemeve që skuadra e tij ndryshoi krejt fytyrë gjatë pjesë së dytë.

SUKSESI – “Jam shumë krenarë për këta djem dhe sigurisht për stafin tim. Kjo nuk erdhi falë meje, por falë skuadrës. Jam duke harruar shumë emra, por këtë po arrijmë së bashku”.

PJESA E PARË – “E patëm të vështirë të përballonim presionin e ushtruar nga ata gjatë pjesës së parë. Po vraponin shumë ishte një futboll tejet luftarak, por ne ishim të mirëorganizuar dhe nuk u lamë të na dëmtonin, por në krahun tjetër nuk është se po u bënim ndonjë dëm atyre”.

DOMINIMI NË TË DYTËN – “Në pjesën e dytë pashë që mund të përmirësoheshim në disa gjëra. Filluam të luanim me dy mesfushorë para mbrojtjes dhe më pas po luanim më shumë futboll dhe e vumë Juventusin në presion të madh, ata s’po dinin si të reagonin dhe na linin shumë hapësira. Patëm tre ose katër raste të pastra për shënim, por ishte bukur që golin e gjetëm me një goditja standarde”.

GOLI I DE LIGT – “Ishte një plan i mirëmenduar pas atij goli. Gjithçka shkoi në mënyrë perfekte ashtu siç e kishim menduar. Lase Shëne ishte perfekt me ekzekutimin. Kësaj radhe ishte një ndeshje krejt tjetër krahasuar me Realin. Në Madrid kundërshtari kërkonte të luante më shumë futboll në fazën sulmuese në krahasim me Juventusin dhe na erdhën shumë shpesh afër portës sonë. Reali nuk ushtronte presion në mënyrë kaq agresive, kjo na lehtësonte lojën”.

SITI APO TOTENHEM – “Si fillim duhet ta shijojmë këtë moment. Kemi treguar se mund të përballojmë stile të ndryshme loje. Jemi duke kaluar limitet vazhdimisht, loja e këtij grupi sa vjen e rritet. Një sfidë tjetër do të na dali përpara dhe mezi po e presim”, përfundoi Ten Hag.

Fabio Kapelo ka vlerësuar lojën e Ajaksit, ndërsa ishte e mendimit se goli i barazimit solli një shpërbërje totale të skuadrës së Juventusit.

“Pashë një Juventus të mirë në pjesën e parë që luajti kundër Ajaksit lojtar për lojtar. Ishin të pafatë ashtu si dhe në Amsterdam pasi goli i barazimit erdhi menjëherë. Në këtë moment Juve u shkri. Ata nuk patën të njëjtin ritëm dhe vetëbesim”.

“Ajaksi ishte i jashtëzakonshëm, ata nuk i lejuan Juventusit të shkelte në zonën e penalltisë së tyre dhe sa herë që merrnin e kontrollin e topit luanin një futboll të jashtëzakonshëm”, tha Kapelo.

Sipas ish-kapitenit të kombëtares shqiptare transferimi i Ronaldos te Juventusi nuk mund të quhet dështim, pasi portugezi ka shënuar shumë në Itali dhe ka treguar se di të bëjë diferencën në momente të rëndësishme siç ishte ndeshja ndaj Atletikos.

“Nuk mund ta quajmë dështim transferimin e Ronaldos te Juventusi. Ka shënuar shumë gola në Itali, ndërsa ka qenë vendimtar në ndeshje të rëndësishme si ajo ndaj Atletikos dhe ndeshja e parë me Ajaksin në Amsterdam. Ajo që duhet të merremi është gjendja e Juventusit në këto gjysmëfinale. Ana psikologjike e ekipit nuk ishte e duhura”.

“Mandzhukiç ishte një mungesë shumë e rëndësishme, Kielini gjithashtu. Nuk po them se Kielini do të ndryshonte lojën, por do t’i jepte një zë në mbrojtje që do të dinte si t’i mblidhte lojtarët. Gjithsesi, mendoj se Juventusi në një ditë të mirë do të luante shumë ndryshe nga sot”.

“Unë në Serie A kam mbërritur në vitin 2012. Pak vite më parë Juventusi ishte një klub që mezi kapte Champions-in. Në tetë vite janë kthyer në super klub kjo është merita e presidentit Anjelit dhe sot ai mban përgjegjësitë. Morën Ronaldon për të shkuar në katërshen e klubeve botërore. Në futboll ka dhe hapa fals, por jam i bindur se një ditë do t’ia dalin”.

Braziliani mbylli veshët si për të simbolizuar që nuk i interesojnë kritikat e shumtë të shtypit dhe tifozëve në rrjete sociale, që presin më shumë nga ai për shkak të 160 milionë eurove që u shpenzuan për të.

Në intervistën në përfundim të takimit kolegu Serxho Buskets u shpreh: “Nuk e kam parë gjestin që bëri. Di që festoi me gëzim dhe dëshirë. Ishte një gol i rëndësishëm për shkak të kritikave të shumta që ka marrë. Kutinjo është një ndër lojtarët më të mirë në planet”.

Gjesti u komentua dhe nga trajneri Valverde: “Nuk e di çdo të thotë gjesti i Kutinjos. Përgjigjen për kritikat ai dha, pikërisht ai gol që shënoi”, tha Valverde.

Në të 16-ën një gabim i Eshli Jang u shfrytëzua mjaft mirë nga “pleshti”, i cili pasi driblon Fred nuk i lë asnjë shans me anë të një goditje perfekte me të majtën. Katër minuta më vonë argjentinasi tenton sërish, kësaj here me këmbën e djathtë. Goditjes i mungon forca dhe saktësia, por portieri De Gea bën një gafë dhe i jep fund par kohe diskutimeve për skuadrën që do të presë biletën për në çerekfinale.