Feronikeli zhvilloi plotë gjashtë takime. Fillimisht, në ndeshjet paraeliminatore të Champions League, mundi Linkoln Red Imps, 1-0. Më pas, të besuarit e Ramadanit mundën edhe ekipin e Santa Koloma me rezultatin 2-1.

Pas raundit paraeliminator, Feronikeli zbritii në fushë kundër skuadrës uellsiane të Nju Seints, ndaj së cilës fillimisht barazoi 2-2 në transfertë dhe më pas u mundën në Prishtinë 0-1, ndërsa në turin e dytë eliminator të Europa League, u dorëzuan përballë Slovan Bratislavës.

Dy fitore, një barazim dhe tre humbje, Feronikelit i sollën 1 milionë e 30 mijë euro. Feronikeli, me 1.03 milionë euro të përfituara, lë pas Shkëndijën e Tetovës, që këtë vit përfitoi vetëm 800 mijë euro, aq sa përfitoi dhe Partizani.

Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

Përveç ndëshkimit, lojtari kuqezi bëri një ndeshje shumë të mirë, duke fituar shumë duele një kundra një me sulmuesin Bergujin dhe me mbrojtësin Dumfris, që shpeshherë dublonte nga e djathta. Golat për Bazelin u shënuan nga Komert dhe Van Volfsinger, ndërsa për miqtë e PSV-së shënoi Bruma.

UEFA Champions League

Bazel – PSV  2-1 (2-3)
Komert 8’, Van Volfsinfer 68’ / Bruma 23’

Duhet të kthehemi pas në 29 qershorin e 2017-ës për të gjetur golin e fundit të të kuqve në arenën e europiane. Një “predhë” tipike nga e majta e Xhevahir Sukajt zhbllokoi rezultatin në “Selman Stërmasi” kundër bullgarëve të Botev Plovdiv.

Që prej atij momenti Partizani ka luajtur shtatë ndeshje të tjera në kualifikueset e garave europiane, ku në asnjë prej tyre s’ka gjetur rrugën e golit, plot 716 minuta “thatësirë” para portës.

Ndeshja ka vazhduar me të njëjtin rezultat deri në minutat e fundit. Në minutën e 89-të ka nisur magjia e vendasve, duke barazuar takimin me Sem Lamers. Në minutën e dytë shtesë stadiumi ka shpërthyer në festë sepse Doniel Malen ka përmbysur rezultatin në 3-2.

Ndeshje e mirë për Ajetin. Xhaka ishte titullar në krahun e majtë të mbrojtjes. Paraqitja e “luftëtarit” nuk mund të themi se ishte në nivelin e duhur. Të dy janë ndëshkuar me karton të verdhë.

Champions League, kualifikuese

PSV – Bazel 3-2
Bruma 14′, Lamers 89′, Malen 90+3′ / Ajeti 45′, Alderete 79

Ndeshja nuk nisi mirë për Prengën, i cili u ndëshkua me karton të verdhë që në minutën e 7-të të takimit dhe duke luajtur për pjesën e mbetur me kujdes të tepërt. Por 24-vjeçari kuqezi nuk mundi t’i shpëtonte kartonit të kuq në minutën e 111-të, duke lënë skuadrën e tij me një futbollist më pak.

Pas 210 minutave pa gol në të dyja sfidat, Riga dhe Dundalk iu drejtuan penalltive, aty ku irlandezët u treguan më të saktë dhe kalojnë në raundin tjetër, ku përballë do të kenë Karabakun.

Trajneri i Partizanit, Franko Lerda, foli pas ndeshjes për RTSH Sport.

REZULTATI – “Pak i zhgënjyer, kur humbet nuk mund të jesh i kënaqur. Është e vështirë për ta thënë çfarë nuk funksionoi, pasi ka shumë diferenca mes dy skuadrave. Janë dy skuadra me koefiçent shumë të ndryshëm, por ne luftuam gjatë gjithë takimit. Mendova se nëse nuk i bën këta gola, bëhet e vështirë. Ne në të dyja ndeshjet kemi humbur katër, pesë raste. Mund ta shënonim një gol me pak fat”.

TRASHI DHE SKUADRA – “Diferencat e skuadrave janë shumë të mëdha, i bëj komplimente djemve, pasi janë “shtrydhur” deri në fund. Një rezultat që qëndron, por ishte një ndeshje e varur në fije te perit deri në fund. Kemi mbrojtur me rregull, për thuajse për dy ndeshje. Zgjedhja për të mbajtur jashtë Trashin, është zgjedhje teknike. I bëj unë këto zgjedhje, jo klubi”, përfundoi Lerda.

Ndeshja ishte shumë e luftuar nga të dyja skuadrat në pjesën e parë, me Partizanin që rrezikoi me kundërsulme dhe me Karabakun që dominoi në qarkullim topi. Në pjesën e dytë, Karabaku u hodh i gjithi në sulm dhe kërkoi me ngulm golin, që erdhir pas vetëm 7 minutash lojë në fraksionin e dytë.

Ailton kroson bukur nga e majta dhe mbrojtja e Partizanit është e pavendosur mirë. Ozobiç përfiton, duke gjetur hapësirën e duhur dhe duke shënuar një gol shumë të bukur me kokë. Në sekondat e fundit të sfidës, Kuintana do të shënonte golin e dytë për Karabakun me anë të një kundërsulmi,  gol ky që vendosi dhe rezultatin final në 2-0.

Champions League, 17 korrik 2019 (19:00), Baku

Karabak – Partizani  2-0  (0-0)
Ozobic 52′, Kuintana 90+4′

EPISODET –

90’ – Mbyllet takimi në Baku. Karabaku triumfon 2-0 përballë Partizanit, duke u kualifikuar në turin tjetër.

90+4’ – Karabaku shënon sërish. Kuintana, i sapo futur në lojë, shënon me topin e parë që prek, duke vendosur rezultatin final në 2-0

75’ – 30 sekonda më vonë, Hoxha bën heroin e Partizanit. Plot 4 tentativa të vendasve, që i shkojnë shumë pranë golit, por gardiani i “Demave” ndal gjithçka

74’ – Minuta të çmendura. Fillimisht, është sulmuesi i Partizanit, Solomon, që humbet një rast të artë, totalisht i vetëm përballë portierit.

62’ – Karabaku pranë golit të dytë. Sulmuesi Jaime është i lirë para portierit Hoxha, godet me të majtën, por pret gardiani i Partizanit

52’ – Zhbllokohet takimi, shënon Karabaku. Një krosim nga e majta e Ailton gjen kokën e kroatit Ozobiç, i cili nuk e ka të vështirë të mposhtë Hoxhën. Në avantazh vendasit.

49’ – Karabaku pretendon për penallti. Një krosim nga e majta përplaset në trupin e Hakajt dhe vendasit i vërsulen arbitrit, por ky i fundit nuk akordon penallti

46’ – Fillon fraksioni i dytë i lojës.

45’ – Pjesa e parë ishte shumë e kujdesshme për të dyja skuadrat, që nuk duan kurrsesi të pësojnë. Çinari rrezikoi portën e Karabakut në mesin e pjesës së parë, ndërsa vendasit dominojnë në qarkullim topi

28’ – Partizani shfaqet më në fund te porta e Karabakut. Asani dhe Çinari kombinojnë mirë nga e djathta, me shkodranin që mund mendohet dy herë dhe lëshon një të majtë nga një distancë e largërt. Portieri kundërshtar nuk rrezikon dhe çon topin në goditje këndi

13’ – Rasti i parë i rrezikshëm është për vendasit e Karabak. Zubir provon të djathtën nga jashtë zone, por topi i tij shkon ngjitur me shtyllën

1’ – Fillon takimi në Baku, Partizani përplas “brirët” kundër Karabakut

FORMACIONET

Karabak: Vagner, Ailton, Mamadov, Medvedev, Abdullajev, Mishel, Romero, Sadigov, Zubir, Ozobiç, Almeida

Partizani: Hoxha, Ibrahimi, Belica, Bitri, Hakaj (Braun 83′), Telushi, Mala, Kordeiro, Çinari (Trashi 62′), Asani, Solomon (Ekuban 75′)

Formacioni i trajnerit italian është shumë sulmues, me emra si Mala, Çinari, Asani, Kordeiro e Solomon që do të sulmojnë zonën kundërshtare. Ndërsa Karabaku vjen me shumë pak ndryshime në formacion nga sfida e parë, por bie në sy lënia në stol e Kuintanës.

FORMACIONET

Karabak: Vagner, Ailton, Mamadov, Medvedev, Abdullajev, Mishel, Romero, Sadigov, Zubir, Ozobiç, Almeida

Partizani: Hoxha, Ibrahimi, Belica, Bitri, Hakaj, Telushi, Mala, Kordeiro, Çinari, Asani, Solomon

“Më vjen keq për futbollistët që dhanë maksimumin, por nuk arritën të kualifikohemi. Nuk jemi ekipi i parë që dënohemi në të tillë mënyre. Shpërdoruam shumë raste. E dinim që kundër kishim një kundërshtar shumë cinik. Faktikisht mendoj se kundërshtari luajti më dobët se ndeshjen e fundit. Më vjen keq nuk arritëm të gëzonim tifozët të cilët kishin ardhur të shumtë.

“Mendoj që skuadra dha maksimumin, ndoshta kaq është maksimumi i këtij ekipi. Paraqitje ishte e mirë. Skuadra luajti në një mënyrë guximtare. Nuk turpëruam futbollin kosovar, nuk turpëruam Feronikelin. Nga të tilla humbje vetëm mund të mësosh”.

“Ishte dhe rasti i penalltisë, unë nga fusha nuk e dallova, por tani nga pamjet filmike dallohet që arbitri ka gabuar. Gjithsesi  asgjë nuk ka mbaruar. Duhet ta lëmë pas atmosferën që sjell humbja. Përse të mos të bëjmë diçka në Europa League”.

Kampionët e IPKO Superliga shiheshin si favoritë për të kaluar në raundin tjetër kualifikues të Champions League, pas barazimit 2-2 në Uells në takimin e parë kundër TNS (The New Saints), por janë mundur në shtëpi 0-1 dhe i kanë thënë lamtumirë kompeticionit më prestigjoz për klube.

Ka mjaftuar një gol i Ebe në minutën e 67-të që Feronikeli të eliminohej, duke kompletuar kështu një ditë “Jo” për shqiptarët në Champions League.

Champions League

Feronikeli – TNS  0-1  (2-2)
Ebe 67’

Goli u shënuar nga shqiptari Liridon Latifi, i cili nga një distancë e afërt nuk e ka të vështirë të shënojë. Një aksion i shpejtë i miqve gjen të papërgatitur mbrojtjen e Tbilisit dhe Latifi ndëshkon me të djathtë, duke e çuar topin në trekendëshin e portës dhe duke lënë të shtangur portierin.

Vetëm pesë minuta më vonë, Tiraspoli ka shënuar dhe golin e dytë. Një autogol i Mergashvilit rihapi fatet e kualifikimit. Përmbysja e madhe do të vinte që në minutën e 10-të të takimit. Tambe do të shënonte 2 minuta pas autogolit të vendasve dhe gjithçka u barazua.

Një sfidë e çmendur në Gjeorgji, e cila do të përfundonte jo mirë për Latifin dhe skuadrën e tij. Ish-lojtari i Kamzës, Roloviç, do të shënonte në minutën e 59 të sfidës, për të kualifikuar ekipin e tij.

Champions League

Tbilisi – Sh. Tiraspol  1-3  (3-0)
Rolovic 69′ / Latifi 3’, Margeshvili (ag) 8′, Tambe 10′

Ishin miqtë që kaluan të parët në avantazh, duke e barazuar rezultatin e përgjithshëm dhe duke u bërë ata favoritët për të kaluar në raundin tjetër, pasi një gol i dytë do t’ia bënte kualifikimin shumë të vështirë kuqezinjve tetovarë.

Megjithatë, Agim Ibraimi me anë të një penalltie në minutën e 62-të barazoi shifrat dhe bëri që Shkëndija të ishte më e qetë. Kur dukej se do të ishte Shkëndija ajo që do të kalonte në fazën tjetër, një gol i miqve në sekondat e fundit ka bërë që kuqezinjtë të eliminohen, falë rregullit të golit në fushë kundërshtare.

Champions League

Shkëndija – Kalju  1-2 (1-0)
A. Ibraimi (p) 62’ / Uge 6’, Liliu 90+1′

Skuadra nga Maqedonia e Veriut është më e avantazhuar, por edhe Feronikeli mbetet favorit ndaj uellsianëve pasi dhe një barazim  0 – 0, ose 1 – 1 do i çonte në fazën tjetër, kjo për shkak të rregullit të golit në fushë kundërshtare.

Zhvendosemi në Gjeorgjinë e largët, ku Liridon Latifi dhe Sherif Tiraspol duhet të bëjnë një çmenduri për t’u kualifikuar. Kampionët e Moldavisë befasuan të gjithë teksa u mundën 3 – 0 në ndeshjen e parë nga vizitorët e Saburtalo Tbilisi. Ky takim ka rëndësi të veçantë dhe për Partizanin, pasi skuadra humbëse e këtij çifti do të ndeshet në raundin e dytë të kualifikueseve të Europa League me skuadrën e eliminuar nga çifti Karabak – Partizani.

Shkëndija Tetovë – Nome Kalju (17:00)

Feronikeli – TNS (20:45)

Kërkesa e bërë nga ekipi Italian, ka marrë përgjigjen pozitive të dy ekipeve milaneze, Inter dhe Milan. Kërkesa është zyrtarizuar më pas nga aprovimi i kryetarit të bashkisë.  Atalanta ishte padyshim surpriza e vitit në Seria A, duke realizuar një sezon perfekt.

Bergamaskët arritën të siguronin vendin e tretë në kampionatin italian, njëkohësisht edhe kualifikimin për herë të parë ne një kompeticion si “Champions League’’. Jashtë mbetet Milani, që ironikisht do të shohë Atalantën të luajë në shtëpinë e tyre.

“Unë shikoj lojtarët e mi dhe jo të Karabakut. Të gjithë e kanë interpretuar ndeshjen siç e kishim përgatitur, ata që e nisën si titullarë dhe ata që u futën si zëvendësues. Gjithçka ishte në perfeksion”, u shpreh Lerda për mediat e pranishme në sallën e konferencave.

Trajneri italian vuri në dukje forcën e Karabakut dhe faktin që ata kanë një buxhet prej miliona eurosh. Gjithsesi, kur ai pyetet se a u tregua në fushë diferenca e buxheteve, përgjigja ishte e qartë.

“Absolutisht nuk kam parë diferenca në fushë, kjo është e bukura e futbollit. Gjithçka është e hapur dhe duhet të jemi të përgjegjshëm edhe për takimin e kthimit”, përfundoi trajneri i Partizanit.

Për të kuptuar sa shokues është ky rezultat mjafton t’u përmendim se në përpara fillimit të ndeshjes fitorja e skuadrës moldave kuotohej me koeficientin 1.28 nga kompanitë ndërkombëtare të basteve sportive, ndërsa fitorja e gjeorgjianëve kuotohej me koeficientin 11.

Futbollisti që zhbllokoi takimin ishte ish-sulmuesi i Kamzës, Ognjen Roloviç. Futbollisti u largua nga Shqipëria gjatë muajit janar për në Gjeorgji, ku fati i ka buzëqeshur dhe po zhvillon një sezon pozitiv.

https://www.youtube.com/watch?v=6wsI-aKOxD8

Pjesa e parë, u mbyll me dominim e skuadrës azerbajxhanase. Në pjesën e dytë, Partizani u zgjua dhe që në minutat e para, dha shkëndija. Çinari ndalet nga portieri, Belica nga traversa. Edhe Asani dhe Melo patën rastet e tyre. Pavarësisht të gjitha tentativave, goli mungoi dhe dy skuadrat u ndanë në barazim 0-0.

UEFA CHAMPIONS LEAGUE / TURI I PARË KUALIFIKUES
E mërkurë, më 11 korrik 2019, 17:30
Stadiumi “Selman Stërmasi”,  Tiranë

PARTIZANI – KARABAK   0-0

EPISODET – 

70′ – Telushi tenton një pasim të gjatë për Çinarin, i cili po afrohej rrezikshëm drejt zonës kundërshtare. Megjithatë, shkodrani nuk e stopon dot topin.

52’ – Partizani shumë pranë golit. Fillimisht, është Çinari ai që godet me kokë, por portieri mik pret dhe çon topin në goditje këndi. Asani kroson dhe “Demat” godasin traversën me kokë. Aksioni vijon dhe në fund godet Asani me të majtën, por topi devijohet në tjetër goditje këndi.

45’ – Partizani e mbyll pjesën e parë në sulm, duke dalë dy herë rrezikshëm nga krahu i djathtë me anë të Kordeiros dhe Ibrahimit, por krosimet nuk janë të sakta. Fraksioni i parë i lojës mbyllet pa gola, 0-0.

40’ – Lerda i pakënaqur, kalon Çinarin në të djathtë dhe Asanin në majë të sulmit, por hapësirat mungojnë për “Demat”

32’ – Ulet ritmi i Karabakut, Partizani fiton metra të rëndësishme dhe rrezikon me kundërsulme

20’ – Partizani është me fat, Karabaku shumë pranë golit. Ozobiç i gjendur totalisht i lirë brenda zonës dhe me portën thuajse të boshatisur, godet traversën.

10’ – Minuta të qeta, Karabaku qarkullon topin dhe synon krahët, Partizani mbrohet mirë.

1’ – Nis takimi në “Selman Stermasi”

FORMACIONET

Partizani: Hoxha, Ibrahimi, Belica, Bitri, Hakaj, Telushi, Mala, Kordeiro (Broja 68′), Asani, Çinari, Mensah (Braun 58′). Trajner: F. Lerda

Karabak: Vagner, Huseinov, Mamadov, Medvedev, Míshel, Kuintana (Romero 62′), Emreli, Sadigov, Zubir, Ozobic, Almeida. Trajner: G. Gurbanov

Në portë s’ka vend për diskutim me Alban Hoxhën që do të mbrojë kuadratin e “demave”. Surpriza e madhe vjen në mbrojtje. Lorenc Trashi është ulur në stol. Lerda ia ka besuar rolin e mbrojtësit të majtë shkodranit Esin Hakaj. Pjesa tjetër e mbrojtjes plotësohet nga dyshja e qendërmbrojtësve Bitri, Belica dhe në të djathtë Ibrahimi.

Në mesfushë Telushit dhe Malës i bashkëngjiten  braziliani Melo, i cili do të aktivizohet në të krahun e majtë. Treshja e sulmit përbëhet nga Asani në të djathtë, Mensah në të majtë dhe Çinari në qendër.

Partizani formacioni i mundshëm
(4 – 3 – 3)
Hoxha, Ibrahimi, Belica, Bitri, Hakaj, Telushi, Mala, Melo, Asani, Çinari, Mensah

“Mendoj se ekipi është gati, kemi tre javë që punojmë. Kanë ardhur disa lojtarë të rinj, të cilët po mundohen të ambientohen. Kemi bërë një grup të mirë dhe shpresoj që të përballemi si të barabartë”.

“Ka lojtarë që i gjuajnë më mirë penalltitë se unë. E marr, pasi nuk jam tip emocional. Pas ndeshjes së parë në Elbasan, nuk e besonin shumë kualifikimin me Ferencvaroshin. Shpresoj të marrim rezultat pozitiv këtu dhe më pas të shohim ndeshjen tjetër”.

“Të gjitha ekipet kanë qenë të forta, por Karabaku me aq sa kemi parë dhe dëgjuar, është superior me ekipet që kemi luajtur ne. Mariborin na e bënë të vështirë vjet, por me pak fat na kaluan. Uroj të kemi fat dhe të bëjmë ndeshjen tonë, atë që kemi menduar”.

“Është e vështirë të luash në atë orar, por nuk kemi çfarë do të bëjmë. Është gjë e mirë që nuk do të ketë diell, siç dëgjova. Në temperatura të larta është e vështirë të japësh maksimumin. Do kishte qenë mirë të luanim në darkë”.

“Golat që kemi pësuar nuk kanë shkuar me lojën që bëmë. Ka pasur mungesë përqendrimi, pasi ishin miqësore. Lojërat kanë qenë të mira. Trajneri po punon që të mos pësojmë, ne e bëjmë në kampionat këtë. Shpresoj të rregullojmë”.

“Nuk e kam kontaktuar Agollin. E kemi analizuar me trajnerin, kemi parë pikat e dobëta dhe të forta. Normalisht ai i do ata më shumë se ne dhe nuk do na jepte informacion të saktë”.

“Shpresoj të shkojë te penalltitë, do ishte gjë e bukur. Pastaj e kam në dorë vete. Janë dy ndeshje, të mendojmë për sfidën e nesërme dhe më pas të mendojmë për të kthimit dhe çështjen e kualifikimit”.

Trajneri i Partizanit ka folur përpara duelit kundër ekipit azer, duke u ndalur te kundërshtari dhe djemtë e tij. Italiani prek disa tema dhe ndalet te formacioni që pritet të zgjedhë.

FORMACIONI – “Formacionin e kam në kokë, mund të kem ndonjë dyshim. Në tërësi e kam vendosur. Trashi? Luan Partizani, ai është pjesë e ekipit. Ata që kanë ardhur nuk janë në formën e tyre më të mirë. Në numër janë të shumtë. Mund të jetë prezent në fushë ndonjë prej lojtarëve të ardhur”.

“Bitri, 4 muaj pa luajtur? Nesër do të ketë mundësinë të luajë. Pika më e fortë? Kemi shumë pika të forta, të dobëtat duhet t’i gjejë Karabaku. Vijmë si kampionët e Shqipërisë dhe jemi krenarë për këtë. Kemi tre javë që punojmë, kemi një ekip që është prej vitesh bashkë”.

KUNDËRSHTARI – “Karabakun e kam parë, më shumë se një herë. Janë ekip i fortë, kanë dalë gjashtë herë kampion radhazi. Janë një skuadër shumë e fortë dhe e respektojmë maksimalisht. Gjithsesi kemi shumë besim në vetvete. Rezultatin nuk e di, pres një paraqitje të mirë. Rezultatin e vendos fusha”.

OBJEKTIVI – “Kualifikimi, surprizë? Të shohim, të luajmë ndeshjen e parë. Pastaj do të bëjmë llogaritë. Ndeshja e kthimit varet nga ajo që do bëjmë nesër. Do e shohim si ndeshje të vetme, fokusi është te sfida e nesërme”.

“Karabaku nuk e sheh veten favoritë, pasi luhet në nivele si Champions League, ku janë ekipe të barabarta. Do donim të fitonim, por edhe një barazim do të ishte mirë. Nëse nuk pësojmë gol do të jetë mirë, duke shënuar ne normalisht.

“Nuk mund t’i krahasoj ndeshjen e vjetshme ndaj Kukësit me këtë sivjet. Pas ndeshjes së nesërme mund të them diçka. Partizanin nuk është se e kam parë shumë dhe pasi të luajmë mund të dalim në konkluzione”.

“Është ndeshje e vështirë dhe është shumë vapë. Na duhet disiplinë dhe t’i harrojmë temperaturat. E kam parë që kanë bërë disa ndryshime te Partizani. Ndryshimet e shumta që kanë bërë mund të sjellin edhe një element surprizë për ne”.

“Ikja e Agollit? Ansi nuk e ka lënë këtë ekip si lojtar, ai ka ikur nga një familje. E ndjejmë mungesën e tij si një anëtar i kësaj familjeje. Eliminimi i mundshëm nga turi i parë?  Për çdo ekip është humbje eliminimi nga raundi i parë. Nëse ndodh, do të shohim përpara”, u shpreh në mbyllje Gurbanov.

Sipas medieve ishullore, Klop dhe klubi është i bindur se Origi duhet të vazhdojë në “Merseyside”. Atij do i jepet më shumë besim dhe minuta. Gara për një vend në formacionin e parë do të jetë një luftë e vështirë, pasi Firminjo konsiderohët si një prej më të mirëve në atë pozicion. Liverpul po kërkon për një tjetër qendërsulmues, pas largimit të Starrixh.

Në pamje të parë të krijohet përshtypja e një ekipi gjysmë-profesionist. Stadiumi i tyre ka vetëm 2 tribuna të vogla me kapacitet total prej 2000 vendesh, por në Uells TNS është një ekip që ka rrafshuar prej vitesh konkurrencën.

TNS ka fituar tetë herë rresht kampionatin uellsian dhe në vetëm një sezon ka pasur luftë deri në javët e fundit për titullin kampion. Buxheti vjetor i klubit është 3 milionë paundë, shumë kjo  3-fish më e madhe se buxheti i kampionëve të Kosovës. Megjithëse në Kupat Europiane nuk kanë arritur të korrin sukses “TNS” ka bërë disa paraqitje dinjitoze. Vitin e kaluar mundën Shkëndijën 4 – 0, por humbja 5 – 0 në Shkup u solli eliminimin.

Kompania e njohur ruse “1xbet” ka hapur kuotat mbi ndeshjen e 10 korrikut, ku Partizani do të presë në “Selman Stërmasi” ekipin azer. Fitorja e kryeqytetasve ka koeficientin 3.38, të njëjtin koeficient ka dhe barazimi. Fitorja e Karabak në transfertën shqiptar ka koeficientin 2.15.

Një vit më parë kampionët e Azerbajxhanit u ndeshën me Kukësin në “Loro Boriçi”, ku nuk arritën më shumë se një barazim 0 – 0, pavarëisht se ishin skuadra me dominuese. Një javë më vonë në ndeshjen e kthimit, verilindorët u mundën 3 – 0 në takinin e zhvilluar në Baku.

Një tjetër statistikë që del kundër kualifikimit të Partizanit është dhe fakti që surprizat në këtë fazë të kualifikuese janë shumë të rralla. Në vitin e kaluar nga 16 përballjet e fazës së parë të Champions League, vetëm në një prej tyre kaloi skuadra jo favorite, më konkretisht kampionët e Lituanisë, Suduva, që eliminoi qipriotët e APOEL.

Përfitimet financiare për këtë sukses janë tepër të mëdha. Fitorja ndaj kampionëve të Andorrës i garantoi Feronikelit të paktën 540 mijë euro të ardhura nga pagesat e solidaritetit që shpërndahen nga UEFA.

Krahas shumës së lartpërmendur, Feronikeli ka përfituar edhe 490 mijë euro ekipi fitues i kampionit të Kosovës dhe pjesëmarrjes në raundin paraeliminator, çka i çon arkëtimet e në një total prej 1 milionë e 30 mijë eurosh.

Pak minuta më vonë, Santa Kolomas gjen golin e avantazhit. Por Feronikeli nuk u dorëzua dhe vetëm 6 minuta pasi u ndëshkuan, barazojnë gjithçka. Është Zeka ai që shënon një supergol në minutën e 58’, duke i dhënë shpresë Feronikelit për ndonjë surprizë.

E pikërisht kështu ndodhi, pasi kampionët e Kosovës arritën të përmbysin gjithçka në minutat e fundit. Sulmuesi kryesor i skuadrës, Kastriot Rexha, shënon me kokë në minutën e 87’, duke i dhënë fitoren Feronikelit dhe duke i kualifikuar për në fazën tjetër ku do ndeshen me kampionët e Uellist New Saints.

Feronikeli – Santa Kolomas 2-1
Shënues: Zeka 58’, Rexha 87′

87′ – Gol Rexha (FER)

58′ – Gol Zeka (FER)

“Ishte një ndeshje shumë të vështirë, nuk e kishim aspak të lehtë. Përballë kishim një ekip që ishte në formë, kishte zhvilluar dhe disa miqësore, diçka që ne nuk e bëmë dot. Mendoj se ka ndikuar shumë fakti që s’kemi pasur mundësi të bëjmë ndeshje miqësore”.

FINALJA – “Padyshim që objektivi është të fitojmë dhe të premten. Tani duhet të bëjmë analizë të kësaj ndeshje për të parë çfarë nuk shkoi sot. Kam një kontingjent të plotë, 24 futbollistë. Besoj se do të bëj disa ndryshime për t’i dhënë freski skuadrës. Për momentin na intereson vetëm Santa Koloma, asnjë skuadër tjetër, pavarësisht se e dimë se më kë do përballemi nëse e  kalojmë turin paraeliminator”.

Të besuarit e Zekaria Ramadanit bënë një ndeshje shumë të mirë, sidomos në pjesën e parë, ku krijuan raste të panumërta. Hoti shënoi një gol shumë të bukur që në minutën e 3’ të takimit, ndërsa Karioka pati disa mundësi të mira.

Një nga lojtarët më të dalluar ishte Ylli Hoxha, me mëngjarashin që bëri një ndeshje perfekte në krahun e majtë të mbrojtjes. Edhe Hoti bëri një ndeshje shumë të mirë, por u dëmtua në minutat e fundit dhe është në dyshim për ndeshjen finale të raundit paraeliminator, ku të premten do të ndeshen me Santa Kolomën.

Champions League

Feronikeli – Linkoln 1-0
Hoti 3’

“Ndeshja e kthimit mes dy skuadrave e vlefshme për turin e parë kualifikues të Champions League, do të luhet në stadiumin ‘Dalga Arena’. Klubi i Karabakut ka njoftuar se ky takim nuk do të luhet në impiantin ‘Tofig Bahramov’, por në “Dalga Arena” në Baku.

Në ndryshim të stadiumit ‘Tofig Bahramov’, i cili regjistron një kapacitet prej 31.200 vendesh, ‘Dalga Arena’ disponon 6.500 vende impiant i cili është funksional nga viti 2011. Në këtë stadium luan ndeshjet si ekip pritës Ravan FK, skuadër e divizionit të parë”, njofton klubi i Partizanit.

Kualifikimi është i hapur, por sigurisht Karabaku është favorit. “Sot gjithçka është e mundur në futboll. Nëse mendojmë me logjikë, të dyja ekipet kanë shansin të kualifikohen për në raundin tjetër. Çdo gjë do të zgjidhet në fushën e blertë”, ka deklaruar Agolli.

Më tej ai thekson se azerët janë me fat që shorti u ka vënë përballë Partizanin: “Karabaku ka eksperiencë europiane dhe nga kjo pikëpamje nuk mund të neglizhohet. Ekipi im luajtur në Europa League dhe në fazën e grupeve në Champions League. Partizani nuk është një ekip i keq, por shumica e lojtarëve të tyre janë të rinj. Vjet u shpallën kampionë. Logjikisht Karabak është me fat që u ka rënë shorti me ta”.

Agolli analizon në vija të përgjithshme skuadrën kryeqytetase: “Në vitet e fundit ata kanë ndryshuar shumë. Ka vetëm disa lojtarë nga ata që kanë luajtur në Europa League ne sezonin 2016/2016. Sezoni i fundit ishte shumë i mirë për lojtarët e rinj. Veçanërisht anësorit e sulmit tërheqin vëmendjen”.

Në fund Agolli tregon se për kë i rreh zemra. Edhe pse është shqiptar, ai dëshiron kualifikimin e Karabakut. Sigurisht kjo deklaratë do u pëlqejë tifozëve të Tiranës, klub të cilin Agolli e do shumë dhe do kishte dashur edhe ta mbyllte karrierën aty.

“Partizani është ekip i vendit tim. Vetëm Shqipëria dhe Tirana më përfaqësojnë mua. Karabaku është jeta ime. Gurban Gurban është si baba për mua. Rashad Sadigoc është vëllai im. Kemi pasur ditë të mira dhe të këqija me ta. Së bashku kemi pasur ditë të vështira të dhe gëzueshme. Maksim Medvedv, Gara Garajev, Riçard Almeida janë familja ime. Sigurisht që dua të kualifikohet Karabaku”, ka përfunduar Agolli për “qafqazinfo.az”.

“Suksese Partizanit, Kukësit, Teutës dhe Laçit në përfaqësimin europian! Sot skuadrat shqiptare kanë njohur kundërshtarët e tyre në kompeticionet europiane, UEFA Champions League dhe UEFA Europa League.

Dua t’i uroj të katër skuadrave shumë suksese në këtë garim në sfidat europiane dhe dëshiroj që të shkojnë sa më larg. Me strategji dhe objektiva seriozë për të arritur objektiva të rëndësishëm, si dhe me besim e punë mund të shkoni larg, duke e bërë të pamundurën të mundur dhe utopiken një realitet të prekshëm. Suksesi është gjithmonë i arritshëm! Armand Duka”.

“Si zakonisht, në këtë kompeticion do të përballemi me një kundërshtar tepër serioz. Skuadrat shqiptare janë shumë të disiplinuara. Ne po kalojmë kohë të vështira”, u shpreh fillimisht Gurbanov, i cili do të rikthehet sërish në Shqipëri.

Një vit më parë eliminoi Kukësin. Më tej trajneri i Karabak deklaron: “Sa di ata kanë marrë një trajner të ri dhe do përballemi me një kundërshtar tepër më të fortë se ai që ishte sezonin e kaluar. Ata mund të kenë akoma prurje të reja në ekip. Duhet të jemi tmerrësisht të kujdesshëm”.

Shtëpia e Karabakut është në Baku dhe rritja në rezultate e këtij klubi ka nisur rreth 15 vitë më parë, teksa ia ka dalë edhe të marrë pjesë në grupet e Champions League. Kjo tregon më së miri edhe forcën e azerëve, që një vit më parë eliminuan edhe Kukësin.

DIFERENCA – Po shikosh me kujdes vlerat e lojtarëve të Partizanit me ata të Karabakut, diferencat janë të mëdha. Jurgen Bardhi, më i shtrenjti i demave, vlerësohet në transfermakt me 600 mijë euro. Tek Azerët janë 10 lojtarë që kushtojnë më shumë, me Riçard që kushton 1.6 milionë euro.

Ndeshjen e parë kampionët tanë e luajnë si pritës, ndërsa të kthimit e luajnë në Azerbajxhan. Short ferri dhe kilometra të pafundme për të kuqtë.

Ndërkohë, Shkëndija e Tetovës do të përballet me Nome Kalju, kampionen e Estonisë. Short mjaft i mirë për Shkëndijën që kanë një mundësi mjaft të mirë për të kaluar më tej. Ndeshja e parë do të luhet në Estoni.

Nga ana tjetër edhe Ferronikeli mund të quhet me fat, me kampionët e Kosovës që në rast se kalojnë turin paraeleminator do të përballen me The New Saints, kampionen e Uellsit.

Kampionët e Kategorisë Superiore vuajnë pasojat e koeficientit të ulët në garat evropiane, diçka kjo që i ka renditur jashtë vazos së ekipeve favorite. Ndërkohë e kundërta ndodh me Shkëndijën. Klubi tetovar ka pasur një ecuri të shkëlqyer në kualifikueset Europiane gjatë viteve të fundit, gjë që ka rritur koeficientin e tyre, duke i vënë në vazon e favoritëve. Kundërshtarët e mundshëm të Shkëndijës në këtë raund janë Suduca, Kluzh, Ferencvarosh, Nome Kalju dhe Ararat-Armenia.

Shorti ka rëndësi edhe për Feronikelin. Nëse kampionët e “IPKO Superliga”  do t’ia dalin të fitojnë raundin paraeliminator, kundërshtarët e tyre do të jenë Bate Borisov, Helsinki, Maribor, Rosenborg, Dundalk, Nju Seints. Shorti do të mbahet ditën e nesërme ora 14:30 në Nion të Zvicrës, ndërsa datat e ndeshjeve janë 9/10 korrik dhe 16/17 korrik.

Kundërshtarët e mundshëm të Partizanit
Selltik (SKOCI)
Karabag (AZEBAIXHAN)
Sherif Tiraspol (MOLDAVI)
Dudelanzh (LUKSEMBURG)
Slovan Bratislava (SLLOVAKI)

Kundërshtarët e mundshëm të Shkëndijës
Suduva (LITUANI)
CFR Kluzh (ROU)
Ferencvarosh (HUN)
Nome Kalju (EST)
Ararat-Armenia (ARM)

Kundërshtarët e mundshëm të Feronikelit
BATE Borisov (BJELLORUSI)
Maribor (SLLOVENI)
Rosenborg (NORVEGJI)
HJK Helsinki (FINLAND)
Dundalk (IRLAND)
The Nju Seints (Uells)

Megjithatë, pati edhe nga ata sponsor që nuk u mjaftuan vetëm me një mesazh të thjeshtë. Kompania “iDesign Gold” që merret me modifikimin e celularëve “apple”, u ka dhuruar çdo lojtari të Liverpulit një celular “Iphone XS Max” të veshur me pllaka ari 24 karat.

Secili prej celularëve ka të gdhendur në të emrin e futbollistit dhe numrin e fanellës, natyrisht nuk është harruar “arkitekti” i këtij suksesi, trajneri Jyrgen Klop.

Telefonat e modifikuar nga kompania “iDesign Gold” janë shumë të përhapur në komunitetin e futbollistëve. Për të porositur një celular të modifikuar nga kjo kompania do ju duhen të paktën 20 mijë dollarë.

https://www.instagram.com/p/BnwMvFJnXuN/?utm_source=ig_web_copy_link

https://www.instagram.com/p/BwWycFplwVB/?utm_source=ig_web_copy_link

Kësaj radhe turneu zhvillohet në Kosovë. Dy gjysmëfinalet dhe finalja do të luhen në stadiumin “Fadil Vokrri” Prishtinë. Dy takimet e para do zhvillohet më datë 25 qershor, ndërsa finalja luhet tri ditë më vonë.

Fituesi i këtij turneu kalon në raundin e parë kualifikues të Champions League. Këtë vit ka lajme të mira dhe për skuadrat humbëse. Formula ka pësuar disa ndryshime dhe eliminimi në këtë fazë nuk është fundi i rrugëtimit për ekipet humbëse, pasi ata do të kalojnë në raundin e dytë kualifikues të Europa League.

Shorti i turneut do të hidhet të martën më datë 11 qershor. Vazo e favoritëve do të mbajë ekipiet me koeficientin më të lartë, më konkretisht Lincoln Red Imps të Gjibraltarit dhe Santa Kolomën e Andorrës, ndërsa në fazon tjetër ndodhet Feronikeli dhe Tre Pene i San Marinos.

Njoftimin e lajmit tragjik e ka dhënë Federata suedeze e futbollit, me këta të fundit që e kanë quajtur Johanson si njeriun më të rëndësishëm suedez në futboll, pasi askush nuk pati ndikimin që pati ai.

Former Uefa president and 'father of the Champions League' Lennart Johansson dies aged 89 https://t.co/ZPJeKuDGyE

— Guardian sport (@guardian_sport) June 5, 2019

Johanson njihet për arritjen e tij më të madhe që ishte krijimi i Champions League, që më parë njihej si Kupa Europës. Suedezi e udhëhoqi UEFA-n për plot 17 vite, që nga viti 1990 e deri në vitin 2007, kohë kur u mund në zgjedhje nga Mishel Platini.

Tifozët kanë votuar golin më të bukur të kompeticionit më të rëndësishëm për klube në këtë sezon dhe zgjedhja nuk ka qenë aspak rastësi. Leo Mesi është shpallur fitues me perlën kundër Liverpulit në gjysmëfinalen e parë.

Ylli i Barcelonës ishte i papërmbajtshëm në ndeshjen e 1 majit. Magjitë e argjentinasit nuk kishin fund, ndërkohë që shënoi edhe dy gola. I dyti personal ishte një kryevepër. Mesi pikturoi një të majtë nga goditja e dënimit, që përfundoi në trekëndëshin e brazilianit Alison.

Barça fitoi 3-0, por Liverpuli i Klopit ka shtatë shpirtra. The Reds përmbysën gjithçka në ndeshjen e kthimit, duke fituar 4-0. Anglezët avancuan në finalen e madhe, aty ku triumfuan 2-0 kundër Totenhemit të Poçetinos dhe dërguan kupën me veshë të mëdhenj për herë të gjashtë në histori në Anfield.

OFFICIAL: Lionel Messi’s free-kick against Liverpool has been voted as the 2018/19 Champions League Goal of the Season. pic.twitter.com/1lAiI6ndNV

— Squawka News (@SquawkaNews) June 4, 2019