Champions. Inter

Përfundon “telenovela”, Marota zbulon trajnerin e Interit

Sport Ekspres — Wed, 01 May 2019 07:00:01 +0000

Antonio Konte apo Zhoze Murinjo? Asnjëri nga të dy, por Luçiano Spaleti. Interi ka qenë në një dilemë të madhe se me cilin trajner do të vazhdojë sezonin e ardhshëm, por duket se kjo çështjë është zgjidhur tashmë. Më saktë nuk ka pasur nevojë për zgjidhje. Objektivi i Interit në këtë sezon ishte pjesëmarrja në Champions dhe janë shumë afër. Kështu drejtuesit e zikaltërve janë të lumtur. Këtë e pohon vetë drejtori i përgjithshëm Xhuzepe Marota.

Italiani shprehet se nuk ka asnjë dilemë për stolin e Interit. “A e kam zgjedhur trajnerin për vitin e ardhshëm? Është Spaleti, ai ka një kontratë aktive dhe jemi shumë të lumtur me punën e tij”, u shpreh Marota. Kështu bien poshtë të gjitha spekulimet mbi dilemën se kush do të jetë trajner i Interit. Spaleti nëse e bën edhe këtë vit, do të jetë hera e dytë radhazi që i kualifikon zikaltrit në Champions. Arritje të mira këto, duke parë organikën e Interit dhe atë çka bën në merkato me rivalët e Juventusit që nuk i kursejnë milionat.

Inter-Spaleti, marrëdhënia vazhdon nëse plotësohet ky kusht

Sport Ekspres — Fri, 26 Apr 2019 18:23:41 +0000

Interi është në garë për të zënë një vend në Championsin e sezonit të ardhshëm. Nëse kjo ndodh, Luçiano Spaleti do të jetë edhe sezonin e ardhshëm në drejtimin e Interit. Të paktën kështu raportojnë përtej Adriatikut, me “Sky Sport” që shprehen të sigurtë për këtë fakt. Interi është shumë pranë arritjes së këtij objektivi, pasi ndodhen të tretit dhe janë pesë pikë para Milanit të vendit të katërt.

Në muajt e fundit folur shumë largimi i Spaletit në fund të sezonit. Antonio Konte dhe Zhoze Murinjo janë emrat më të përmendur për të zëvendësuar ish-trajnerin e Romës. Megjithatë, e gjithë kjo zhurmë e krijuar shuhet. Ky vendim i drejtuesve zikaltër vjen edhe për arsye financiare. Atyre do t’i duhej të paguanin rrogën e Spaletit deri në fund të kontratës dhe do ulej në stol një trajner tjetër që kërkon gati dyfishin e pagës së Spaletit.

Ikardi: Këtë sezon e kemi filluar keq, kjo fitore na jep besim

Sport Ekspres — Tue, 18 Sep 2018 19:57:51 +0000

Kapiteni i Interit foli për mikrofonin e “Sky Sports”, pak minuta pas fitores 2-1 ndaj Totenhemit, ku argjentinasi shënoi dhe golin që barazoi takimin dhe i hapi rrugë përmbysjes fantastike të skuadrës zikaltër.

“Goli ishte shumë i veçantë. Azamoah më pikasi që ndodhesha mrapa dhe më dha një top fantastik. Ishte një natë fantastike dhe bëmë atë që tifozët prisnin prej nesh, duke siguruar në fund fitoren. Kemi një skuadër të fortë, dhe mund të mundim këdo që na del pëpara”

“E prisnim këtë ndeshje prej më shumë se tre muajsh. Një fitore e tillë na jep shumë besim, që do të na ndihmojë dhe për ecurinë tonë në Serie A. Duhet të vazhdojmë të ecim përpara të gëzuar, por njëkohësisht pa eufori. Sezoni nuk ka filluar aq mirë sa ç’e prisnim ne”, përfundoi Ikardi.