Zhvendosemi në Mal të Zi, ku Marko Cetkoviç dhe Stefan Cicmil po marshojnë drejt titullit me skuadrën e Sutjeskës. Ish-lojtari i Laçit dhe Partizanit la shenjën e tij në fitoren e djeshme me rezultat 4-0 ndaj Rudarit. Me shtatë pikë diferencë nga ndjekësit, titulli kampion është thuajse i sigurt.

Në verë ishte shumë pranë kalimit te Tirana, por transferta u prish në momentin e fundit. Vendim ky që po rezulton i goditur, pasi 32-vjeçari po zhvillon një sezon fantastik me Sutjeskën, ekip që kryeson  kampionatin malazez.

Në mesjavë, Cetkoviç u rikthye te goli me një nga specialitet e tij. Malazezi i dha avantazhin skuadrës së tij me anë goditje nga distanca. Goli ishte fantastik, por festa ishte disi e përmbajtur, pasi i shënoi Buduçnostit, skuadër me të cilën ka luajtur më parë.

Çetkoviç edicionin  shkuar plot 8 gola, ndërsa këtë sezon vetëm dje ka mundur që ta gjejë rrugën e rrjetës. Sutjeska mundi pastër 0-4 në tranfertë Iskran, me mesfushorin që shënoi 2 gola. Realizimi i parë ishte fantastik, pasi goditi nga një distancë mjaft e konsiderueshme, duke mos i dhënë mundësinë portierit për ta ndalur. Më pas, Çetkoviç u u tregua vigjilent duke ndjekur një gabim të mbrojtjes vendase dhe duke realizuar dhe golin e dytë personal.

Në sezonin 2014-2015 Çetkoviç spikati me Laçin, ku shënoi 8 gola në 29 ndeshje. 32-vjeçari qëndroi në Laç edhe edicionin pasues, për t’u larguar më pas drejt Bosnjes. Gjithsesi, mesfushori u rikthye shumë shpejt në Shqipëri, por këtë herë në radhët e Partizanit, ku luajti në 16 ndeshje e shënoi 1 gol.

https://www.facebook.com/100006233645632/posts/2101875883363513/

Mesfushori malazez është kthyer në shtëpi, sepse sot ka firmosur për Mlladostin, klub nga Podgorica.

Mlladosti në sezonin e fundit luftoi deri në fund për titull, që e humbi në mënyrë të pabesueshme, sepse vetëm takimet direkte me Buduçnostin kampion dhe Zetën e lanë në vendin e tretë.

Tani Mlladosti po përforcohet për ndeshjet në Europa League dhe Cetkoviç është afrimi i tretë veror.

Te Mlladosti Cetkoviç bashkohet me trajnerin Dejan Vukiçeviç, me të cilin ka punuar edhe te Zeta dhe Buduçnosti, duke u shpallur dy herë kampion i Malit të Zi.

Malazezi, i cili u afrua te Partizani në janar, pas disa muajsh në Bosnje-Hercegovinë te FK Sarajevo, ka mbyllur marrëdhëniet me klubin e kuq, sepse nuk ka gjetur marrëveshjen për rinovim, me palët që janë ndarë tek aspekti ekonomik.

Ka qenë vetë Cetkoviç ai që ka zyrtarizuar ndarjen, me një postim në Facebook ku falënderon tifozët, stafin dhe shokët te Partizani, ndërsa i uron klubit suksese në Europa League dhe Superiore.

Në kampionatin shqiptar Cetkoviç ka lënë mbresa në dy sezone me Laçin, ndaj nuk përjashtohet që të marrë oferta të reja në Superiore, duke parë cilësitë dhe eksperiencën e tij.

“Më pëlqen Cetkoviç, një lojtar me cilësi të mira dhe që e luan topin mirë”, – shprehej Moxhi për afrimin e janarit Marko Cetkoviç. E ke mirë me këshilltarin e presidentit Gaz Demi? Atëherë gjithçka është në rregull. Ashtu si e ardhmja në klub dhe mundësia për të bërë ca “kapriço”. Malazezi Marko Cetkoviç e ka kuptuar mjaft mirë këtë dhe madje po e shfrytëzon si duhet. Futbollisti është pa kontratë, pasi me kampionatin i ka mbaruar edhe marrëveshja 6-mujore me të kuqtë. Në kushte të tilla, Cetkoviç ka nevojë për të rinovuar. Dëshira është e të dyja palëve, por në fund ka një kleçkë… ana financiare.

TAKIMI – Burime të sigurta pranë klubit të kuq bëjnë me dije se Cetkoviç ka pasur një takim me presidentin e Partizanit Gaz Demi. Mesfushori dhe numri një i klubit janë takuar për të diskutuar në lidhje me të ardhmen e 30-vjeçarit në klubin kryeqytetas. Demi i ka shprehur dëshirën lojtarit për ta mbajtur në ekip edhe për një sezon tjetër dhe diçka e tillë nuk është kundërshtuar nga “Cetko”. Malazezi ka dëshirë të vazhdojë bashkëpunimin me klubin dhe deri këtu gjithçka është në rregull dhe në rrugën e duhur, por ka një problem që nuk po gjen akoma zgjidhje. Ana financiare ka penguar palët për të hedhur të zezën mbi të bardhë.

RROGA – Cetkoviç duke shfrytëzuar mundësinë si lojtar i preferuar nga stafi i kuq ka kërkuar që të rrisë pretendimet financiare. Presidenti Demi ka dëgjuar pretendimet e lojtarit dhe tashmë po i shqyrton me stafin e tij. Mundësitë që palët të vazhdojnë janë shumë të mëdha dhe tifozët e kuq duhet t’i gëzohen faktit se Cetko do të jetë me to edhe për sezonin 2017-2018.

TAKIMI I DYTË – Për të vendosur pikat mbi “I” është menduar edhe një tjetër takim ndërmjet Demit dhe Cetkoviçit. Përballja e tyre pritet të ndodhë gjatë kësaj jave dhe të vendosen edhe kushtet përfundimtare mes tyre.

Partizani ka marrë pushimet, ndërkohë që klubi po mendon për lëvizjet në merkato. Veç afrimeve, duhet që drejtuesit të mendojnë edhe për rinovimin e kontratave. Me mbylljen e kampionatit, kontrata për Marko Cetkoviç ka përfunduar dhe pritet që mes palëve të ketë bisedime për rinovimin e saj. Kjo ende nuk ka ndodhur, por së shpejti pritet të qartësohet e ardhmja mes palëve. Cetkoviç u afrua në janar te Partizani, pasi ndërpreu kontratën me boshnjakët e Sarajevos. Malazezi u aktivizua në 16 ndeshje, 11 prej të cilave si titullar, ndërkohë që arriti të gjejë golin e parë në javën e parafundit, teksa i shënoi skuadrës së Korabit në fitoren 3-0 që të kuqtë regjistruan në stadiumin “Selman Stërmasi”.

SHANSET PËR RINOVIMIN – Cetkoviç u aktivizua në pjesën e dytë në derbin me Tiranën dhe loja e të kuqve ndryshoi, teksa në fund Partizani fitoi me rezultatin 1-2. Mesfushori ka pëlqimin e Luçiano Moxhit, i cili e ka vlerësuar publikisht fantazistin, çka bën që Partizani të ketë vullnetin për të nënshkruar me lojtarin. Gjithsesi duhet pritur, por shanset janë që bashkëpunimi të vazhdojë. Edhe nga ana e lojtarit ekziston vullneti për të qëndruar dhe pritet që të diskutohet dhe të gjendet gjuha e përbashkët për të vijuar bashkëpunimin. Me Ekuban që mbetet në pikëpyetje, Torasën gjithashtu në dyshim dhe Mazrekajn që ka pasur probleme shëndetësore javët e fundit, Cetkoviç shihet si i nevojshëm për ekipin në ofensivë, ndaj do tentohet të mbyllet marrëveshja e re.

KOTOBELLI – Partizani e sheh të domosdoshme të ndërhyjë në merkato për krahun e majtë të mbrojtjes dhe për momentin pista kryesore është ajo e Kotobellit. Palët mes tyre i kanë nisur bisedimet prej disa kohësh, por ende nuk ka një konkretizim të marrëveshjes. Nga ajo që mëson gazeta, ka pasur një frenim të bisedimeve pasi palët nuk po gjejnë akoma atë të “mesmen e artë” për të nënshkruar një kontratë. Dëshira për bashkëpunim është prezente, por mbeten për t’u zgjidhur disa detaje që të arrihet marrëveshja. Lojtari tashmë është i lirë, pasi kontrata me Teutën i ka përfunduar dhe pret të vendosë së shpejti se ku do ta vijojë karrierën.