“Më duket sikur javën e shkuar nisa të luaj si profesionist dhe tani kanë kaluar më shumë se 15 vite. Është një kohë e gjatë, por për lojtarët e rinj që nisin futbollin një këshillë e vogël e imja është që të shijojnë çdo sekondë. Gjithçka kalon shumë shpejt. Në futboll duhet të jesh gati çdo tre ditë, duhet të jetosh me kritikat, duhet të jetoni me atë që të gjithë thonë sa i mirë ju jeni, me ulje-ngritje. Dhe ju mendoni se jeni të rinj, keni kohë. Por koha me të vërtetë fluturon, ndaj shijojeni çdo sekondë të karrierës tuaj”, shprehet Fabregas për sajtin zyrtar të londinezëve.

Edhe pse vitet kalojnë, mesfushori nuk e ka humbur klasin: “Teknika është diçka që e kam pasur dhe duket sikur rritet sa më shumë ikin vitet. Është nga ato gjëra që me të vërtetë nuk largohet, sepse është teknikë. Por fiziku bie me vitet për fat të keq. Kur ‘plakesh’ humbet shpejtësinë, humbet disa mprehtësi. Por teknika është diçka që mbetet dhe shpresoj ta ruaj për një kohë të gjatë”.

TALENTI I ÇELSIT – Hudson-Odoi është një nga lojtarët e talentuar të londinezëve dhe një koment për të e bën edhe Fabregas. “Ai ka gjithçka për të treguar vlerat e tij në futbollin botëror. I kam thënë që nëse nuk ia del të kapë majën do të zhgënjehem shumë, sepse ai është një prej atyre talenteve që e kupton që mund të jenë fantastikë”, shprehet spanjolli.

“Mund të bëhet futbollist i klasit botëror, thjesht duhet të qëndrojë me këmbë në tokë, të punojë sa më shumë. Ai është një djalë i përulur, ai me të vërtetë dëshiron të luajë futboll dhe shpresoj që shumë shpejt do e bëjë diçka të tillë”, përfundon Fabregas.

Marrëveshja është arritur në parim, por mbeten për t’u zgjidhur dhe disa çështje. Siç citon “The Sun”, Leonardo ka arritur akordin me “Blutë e Londrës” dhe me lojtarin. Mesfushorit i skadon kontrata me Çelsin në qershor, por Milani dëshiron ta ofrojë në ekip që në janar.

Kuqezinjtë kanë vendosur të mos presin verën dhe janë gati të paguajnë diçka për kartonin e tij. Abramoviç kërkon 10 milionë sterlina, ndërsa drejtuesi brazilian i “Djalli” e cilëson si një shifër të lartë.

Problem tjetër është dhe paga prej 4.5 milionë sterlinash në sezon, që Çelsi duhet t’ia paguajë deri në qershor. Megjithatë, palët kanë arritur akordin në parim dhe nuk do jetë aspak problem për të zgjidhur dhe detajet e fundit, ndërsa Gatuzo dhe gjithë tifozët e Milanit janë gati ta presin me krahë hapur Fabregasin në Milanelo.

Gjithçka do të ndodhë në këto ditë dhe Leonardo do të nisë sulmin për transferimin e spanjollit në Milanelo. Marrëdhëniet mes dy klubeve janë shumë të mira dhe një gjë e tillë u vu re në marrëveshjen për huazimin e Bakajokos tek ekipi i Gatuzos.

Një tjetër detaj që ndihmon realizimin e marrëveshjes me Fabregas është dhe fakti që mesfushorit i skadon kontrata me Çelsin në verë. Ai do e mirëpriste një kalim eksperiencë në Itali, që më tepër te Milani, që ka një “fiksim” shumë-vjeçar me të, që nga koha kur ishte pjesë e Arsenalit.

Ekziston vetëm një problem të vogël dhe ai quhet Mauricio Sarri. Trajneri i “Bluve të Londrës”, nuk po e aktivizon shumë Fabregasin, por nuk dëshiron të heqë dorë nga shërbimet e tij. Deri në momentin kur klubi londinez të sigurojë një tjetër mesfushor, pasi italiani dëshiron një kontingjent të plotë.

Mesfushori spanjoll ka folur për “Independent”, ku deklaron se dëshiron të qëndrojë në Londër, ndërsa në të ardhmen, nëse bëhet trajner, do të dëshironte të zhvillonte futbollin e Sarrit. Ndeshjet e fundit si titullar dhe efekti Sarri kanë bërë që Fabregas të ndryshojë mendje dhe tashmë pret një sinjal të klubit për të rinovuar.

SITUATA – “Për momentin mbetet gjithçka e hapur, por të jem i sinqertë, klubi akoma nuk më ka bërë të dituar asgjë për rinovimin. Në këto kushte i bie të largohem nga Çelsi pas tetë muajsh. Por do të më pëlqente shumë të qëndroja. Jam ndjerë shumë mirë në 18 muajt e fundit. Tani ka ndryshuar gjithçka dhe kemi ndjesi të reja. Loja kalon e gjitha në këmbët e mia, ose të Zhorzhinjos.”

SARRI – “Sinqerisht do të dëshiroja që Sarri të kishte ardhur pak më herët këtu, sepse për mua është pak vonë. Në të ardhmen dua të punoj si ai, nëse do të bëhem trajner. Do të bëja diçka të ngjashme me atë që po bën Sarri, sepse e shohim futbollin në mënyrë të ngjashme.”

Në një prononcim për “Gazzetta dello Sport”, Natalia flet për lidhjen me Diegon, Atletikon e Madridit dhe Interin.

“Kam një raport të veçantë me Diegon. Jemi tre fëmijë, Diego është më i madhi, pastaj unë dhe Karla, motra e vogël. Luanim futboll bashkë të vegjël dhe Diego nuk humbiste kurrë. Vëllai im ka shumë respekt për profesionin tim dhe më beson shumë. Ka shtatë vite që ai punon te Atletiko dhe pasioni fiton gjithmonë në fund. Ai është një nga trajnerët më të mirë në botë, por qëndron aty ku beson se mund të arrijë akoma dhe më shumë. Unë e shoqëroj gjithmonë, nëse largohet, unë e ndjek pas.

Inter? Do të ndodhë herët, ose vonë dhe diçka të tillë e ka thënë dhe Diego. Besoj se është një çështje kohe, sepse i pëlqen shumë roli, ambienti dhe të jetojë në Milano. Inter është një skuadër që do i pëlqente shumë ta trajnonte. Por, ai ka mbetur shumë i lidhur dhe me Lacion”, përfundon menaxherja e Simeones.

Klubi i Interit po punon dhe për përforcimin e skuadrës dhe tre janë objektivat e zikaltërve siç citon “Corriere dello Sport”. Lukas Tusart i Lionit, Çesk Fabregas i Çelsit dhe Denis Praet i Sampdorias.

21-vjeçari i Lionit pëlqehet shumë dhe po ndiqet prej kohësh nga drejtuesit e Interit, por problem mbetet shuma e lartë që kërkon Lioni për të. Fabregasit i skadon kontrata në verë me Çelsin dhe konkurrenca për të do të jetë e fortë, por Inter shpreson ta bindë mesfushorin spanjoll. Në fund dhe organizatori belg i Sampdorias. Praet po bën mirë në klubin xhenovez dhe 24-vjeçari pëlqehet nga drejtuesit e Inter.

Mesfushorit i skadon kontrata në verën e ardhshme dhe nuk ka rinovuar akoma. Ai luajti të gjitha ndeshjet miqësore gjatë verës, por gjuri i tij u përkeqësua në ndeshjen miqësore përballë Mançester Sitit. Lojtari po rikuperohet, por do ta ketë tepër të vështirë të luajë në formacionin titullar. Sarri po luan me tre mesfushorë: Kante, Zhorzhinjo dhe Kovaçiç. Dy të parët janë të paprekshëm, ndërsa kroati po luan çdo ndeshje e më mirë dhe po i bind të gjithë.

Megjithatë, gjithçka do të sqarohet mbas rikuperimit të plotë të mesfushorit dhe faktit nëse do të rikthehet në formacion, apo do të ulet në stol.

Leonardo ka një raport shumë të mirë me klubin londinez dhe diçka e tillë u konfirmua nga arritja e marrëveshjes për huazimin e Bakajokos. Me hapjen e merkatos së janarit, braziliani është gati për të nisur sulmin për ta transferuar më në fund Fabregasin te Milani.