Siç citon uebsajti “Ultra Style”, ultrasit e Cërvenës, të njohur ndryshe si “Delije”, kanë nxjerrë një pankartë, ku shkruajnë: “Armata e Veriut është gati për Thaçin dhe Haradinajn”. Dy politikanët shqiptarë të Kosovës mbajnë postin e presidentit dhe kryeministrit të shtetit të Kosovës, ndërsa kanë qenë dhe drejtues të UÇK (Ushtria Çlirimtare e Kosovës).

Marrëdhëniet mes Kosovës dhe Serbisë janë acaruar kohët e fundit, ndërsa ultrasit e ekipit më të madh serb nuk kanë humbur rastin për të bërë një provokim të turpshëm. Një gjë e tillë nuk ka lidhje me futbollin dhe stadiumet, ndërsa është e habitshme se si është lejuar shpalosja e një mesazhi të tillë.

Goli i vetëm i miqve u shënua nga El Fardu Ben. Nëse lojtari nga Komoros goditi dhe shënoi, meritën kryesore të atij goli i pati Marko Marin.

29-vjeçari gjerman, por me prejardhje serbo-boshnjake, ndërmori një aksion fantastik, duke vallëzuar mes mbrojtësve të Napolit. Askush nuk e ndaloi Marin, i cili bëri çfarë deshi dhe dhuroi në fund një asist të bukur për autorin e golit.

https://twitter.com/goalradarUEFA/status/1067890869368496131

Në grupin A, Atletiko e Madridit dhe Dortmundi do të sfidojnë respektivisht Monakon dhe Klub Bryzhin. Si spanjollët ashtu dhe gjermanët do mjaftoheshin edhe me nga një pikë për të shkuar në raundin tjetër, por sigurisht që të dyja do kërkojnë fitoren me gola, për të tentuar vendin e parë.

Në grupin B, Barcelona e kualifikuar matematikisht, luan vetëm për vendin e parë ndaj PSV-së. Skuadra e Valverdes është favorite në Holandë, por edhe vendasit do kërkojnë pikë, që të arrijnë vendin e tretë e mos të ndahen që në dhjetor me arenën ndërkombëtare.

Ndeshje shumë interesante do të jetë ajo mes Interit dhe Totenhemit, me zikaltrit që duna kualifikimin që sonte, por u duhet që të paktën të mos munden në Angli, pasi në të kundërt do të vështirësoheshin llogaritë për ndeshjen e fundit. Totenhemi në anën tjetër bëri një ndeshje të madhe në “San Siro”, por nuk arriti që të marrë pikë, teksa pa vendasit të përmbysnin rezultatin në minuta e fundit të takimit.

Shumë i komplikuar është grupi C, me Liverpulin e vendit të parë që është vetëm 2 pikë më shumë se Cervena Zvezda. Serbët udhëtojnë drejt Italisë, për t’u ndeshur me Napolin sot. Skuadra e Hysajt kërkon me çdo kusht fitoren, për të përfituar nga përballja e PSG-së dhe Liverpulit. Francezët “trembin” skuadrën e Klop me dyshen Mbape-Nejmar, të cilët janë rikuperuar për ndeshjen e sotme. “The Reds” janë finalistët e edicionit të shkuar dhe e konsiderojnë të papranueshme nëse nuk do ta kalojnë grupin, por për ta arritur diçka të tillë duhet të mos dalin sot pa pikë.

Në grupin D, Gallatasarai do të kërkojë një fitore shprese në fushën e Lokomotivës, që nuk ka asnjë pikë. Turqit do synojnë pikët e plota sot dhe më pas të shpresojnë që të kenë shanse për të arritur njërën mes Portos dhe Shalkes. Gjermanët do të shkojnë në Portugali për të marrë vendin e parë, por nuk do të jetë aspak e lehtë.

“Kurir.rs” shprehet se në klub e dinë mirë se Shaqiri do të jetë në qendër të sulmeve të tifozëve vendas dhe ai ka menduar që të mos jetë në këtë ndeshje. Gjithsesi, nuk specifikohet në asnjë moment që kjo është një zgjedhje e trajnerit, i cili ka kërkuar në momentin që ka bërë publike listën mirëkuptimin e lojtarit, duke nënkuptuar që dëshira e gjilanasit ka qenë që të mos mungonte në këtë ndeshje. Në mediat serbe thuhet s ekjo zgjedhje është bërë për të shmangur problemet.

Ka marrë jo pak jehonë mungesa e 27-vjeçarit, pasi pak kohë më parë një prej drejtuesve të Cervena Zvezdës e kishte këshilluar që të mos udhëtonte drejt Marakanasë, për të shmangur pritjen e ashpër që do i bënin tifozët e Yllit të Kuq.

Në Grupin A, Dortmundi dhe Atletiko Madrid do të diskutojnë mes tyre vendin e parë sot . Gjermanët janë mjaft në formë, teksa në 4 ndeshjet e fundit kanë shënuar e pakta nga 4 gola për ndeshje, por në anën tjetër është ekipi i Simenoes, që nuk njeh humbje në 8 sfida radhazi në të gjitha garat. Një përballje e vërtetë “titanësh”. Klub Bryzh pret Monakon në sfidën tjetër të këtij grupi. Francezët i kanë besuar stolin një legjende si Tieri Henri, por mbete për t’u parë nëse do ta bëjë kthesën në Belgjikë.

Një ndeshje spektakolare pritet që të jetë dhe ajo mes Barcelonës dhe Interit, që do të diskutojnë për vendin e parë në grupin B. Katalanasit luajnë pa Leo Mesin e dëmtuar, ndërsa Ikardi duket në formë, aq më tepër pasi i dha pikët e plota ekipit të tij në derbin me Milani pak ditë më parë. Totenhemi në anën tjetër do kthesën në Holandë ndaj PSV-së, që në kampionat është një makineri golash, megjithatë në arenën ndërkombëtare vuan jo pak.

Në grupin C, PSG pret Napolin e Elseid Hysajt. Francezët e duan me çdo kusht Champions-in, por eksperienca është armiku i tyre më i madh. Napoli nuk duhet nënvlerësuar, pasi mundi Liverpulin në Itali pak javë më parë. Skuadra e Klop nuk pritet ta ketë të vështirë me serbët e Cervena Zvezdës në shtëpi, por gjithsesi, “The Reds” nuk kanë shkëlqyer në ndeshjet e fundit.

Edhe në grupin D, ndonëse mundojnë skuadrat “big” rivaliteti është shumë i madh, pasi skuadrat kanë shumë pak diferenca mes tyre. Gallatasarai i pamposhtur në shtëpi prek Shalken sot, ndërsa Porto udhëton në Moskë, për t’u ndeshur me Lokomotivën.

Grupi A
18:55 | Klub Bryzh– Monako
21:00 | Dortmund – Atletiko Madrid

Grupi B
18:55 | PSV – Totenhem
21:00 | Barcelona – Inter

Grupi C
21:00 | Liverpul – Crvena Zvezda
21:00 | PSG – Napoli

Grupi D
21:00 | Gallatasarai – Shalke 04
21:00 | Lokomotiva Moskës – Porto

Francezët e Tuhel morën tre pikët e para pas humbjes me Liverpulin në ndeshjen e parë të grupit. Fitore e thjeshtë për kampionët e Francës, të cilët shënuan katër herë brenda 22 minutave. Nejmar kaloi vendasit në avantazh nëpërmjet një goli shumë të bukur nga goditja e dënimit. Braziliani gjeti dhe golin e dytë mbas dy minutash, ku shfrytëzoi një pasim të Mbape.

Francezët shënuan dhe dy gola të tjerë në fundin e pjesës së parë. Edison Kavani trefishoi rezultatin nëpërmjet një veprimi të bukur në zonë, ndërsa Di Maria shënoi dhe firmën e tij tre minuta nga fundi i pjesës së parë.

Në pjesën e dytë ishte radha e Kilian Mbape për të gjetur golin. 19-vjeçari shënoi një gol të thjeshtë, ndërsa gjermani Marin gjeti golin e nderit pas katër minutash, pas një goditje të bukur në zonë, duke mposhtur Areolën. Në fund pati festë për Nejmarin, i cili shënoi golin e gjashtë për ekipin dhe siguroi tripletën personale. Braziliani përsëriti goditjen e dënimit të pjesës së parë, duke shënuar një gol të mrekullueshëm.

Në sfidën tjetër gjithçka u vendos në minutat e fundit të ndeshjes. Amerikani Mek Keni shënoi në minutën e 88-të, duke i dhënë fitoren ekipit gjerman. Shalke ngjitet në kuotën e katër pikëve pas dy ndeshjeve të para, ndërkohë që ekipi rus mbetet në kuotën e zero pikëve.

Lokomotiva e Moskës – Shalke 04 0-1
(Mek Keni 88’)

PSG – Cërvena Zvezda 6-1
(Nejmar 20’, 22’, 81’, Kavani 37’, Di Maria 42’, Mbape 70’, /Marin 74’)

Djemtë kuqezi rrezikuan dhe jetën në atë ndeshje ku pati dhe përleshje mes disa nga futbollistë dhe tifozëve vendas. Sot, gati 4 vite më vonë, një nga ata futbollistë që atë natë ishin në fushë do të zbresë sërish në të njëjtin stadium. Elseid Hysaj dhe Napoli i tij do të sfidojnë Cervena Zvezdën, në ndeshjen e parë në grupin B të Champions League.

Për Shkodranin do të jetë një rikthim në atë stadium ku normalisht nuk mund të thuhet se ka kujtime të mira. Do të jetë një mbrëmje e vështirë për mbrojtësin kuqezi, i cili gjatë ndeshjes sigurisht që do të ketë dhe ngacmime nga tifozeria vendase, e cila njihet si një nga më të zjarrtat në Ballkan. Nuk do të jetë një ndeshje aspak e lehtë për Hysajn.