Pikërisht, lidhur me këtë gjë, ditën e djeshme ka ndodhur një grabitje në shtëpinë e Roxhers. Ndoshta deri këtu asgjë nuk lidhet me tifozët, por nga shtëpia e trajnerit, janë vjedhur shumica e medaljeve, të cilat ishin fituar nga ky i fundit në kohën kur drejtonte Seltikun.

Në atë kohë në shtëpi ka qenë edhe gruaja e Roxhers, si dhe vajza e saj 6-vjeçare. Nënë e bijë, në momentin që kanë dëgjuar grabitësit në shtëpi, ishin kyçur në banjo. Tashmë, çështja ka kaluar në duart e policisë, por gjasat më të mëdha janë që ta kenë bërë tifozët.

Skocezi, i cili bëri dhe një paraqitje të shkëlqyer ndaj kombëtares sonë në “Loro Boriçi”, duke shënuar një dopietë, duket se është preferenca kryesore e trajnerit gjerman të “The Reds”. 27-vjeçari është aktivizuar në të gjithë karrierën e tij me Sëlltikun dhe ka një kontratë të vlefshme deri në vitin 2022.
Drejtuesit nga “Anfield”, pritet që të bëjnë një ofertë në drejtim të ekipit skocez, por gjasat më të mëdha janë që, Forrest të vishet i kuq për sezonin e ardhshëm. Kartoni i mesfushorit vlerësohet të paktën 8 milionë sterlina, që nuk pritet të jenë problem për Liverpulin, duke parë që është një kërkesë e numrit një të pankinës.

Ky i fundit, i biri i të famshmit Xhorxh Ueah, nuk ka arritur të gjejë shumë hapësira në ekipin e parë të PSG, nisur dhe nga fakti që në sulm luan një treshe si Neymar-Kavani-Mbape. Hapësirat e pakta, duket se e kanë detyruar Timoti Ueahn të gjejë një ekip tjetër, në mënyrë që të ketë hapësira deri në fundin e sezonit.

Siç raporton, gjiganti francez “RMC Sport”, destinacioni i ardhshëm i 18-vjeçarit do të jetë Sëlltiku, rivali i përjetshëm i Rejnxhërsit të Grezdës. Skocezët po vuajnë për momentin në sulm mungesën e Grifiths, i cili është larguar nga futbolli për disa probleme personale dhe koha e rikthimit ende nuk dihet. Formula e transferimit do të jetë në formë huazimi.

I tillë është Karamoko Kader Dembele, 15-vjeçari, i cili ditën e sotme të 24 dhjetorit, bëri ëndrrën e tij realitet. Lindi në 22 shkurtin e vitit 2003 në jug të Londrës, por brenda një viti familja e tij lëvizi drejt Skocisë, konkretisht në Gllasgou. Ëndrra e djaloshit me prindër nga Bregu i Fildishtë, nisi në moshën 5-vjeçare, kur hodhi hapat e parë me topin në këmbë.

5 vite më vonë, djaloshi do të transferohej në akademinë e Sëlltikut të Gllasgout, një ndër ekipet më historikë të vendit. Brenda 3 vitesh, Karamoko mahnit me aftësitë e tij dhe në vitin 2016 vjen kapërcimi i madh, ku djaloshi bën xhiron e botës. Vetëm 13 vjeç, “Kaddy”, siç quhet ndryshe, përfshihet në një turne me skuadrën u-20 të Sëlltikut, ku si kundërshtarë, ka lojtarë deri në 7 vite më të mëdhenj se ai.

Një nga trajnerët e moshave të Sëlltikut në 2016 foli për “vogëlushin”, duke mos i kursyer elozhet për të. “Shumë i ngjashëm me Lionel Mesin”, ishin fjalët e teknikut skocez. Kështu, për t’u kthyer në ditën që jemi sot, të 24 dhjetorit, Karamoko Kader Dembele firmosi kontratën e parë si profesionist dhe mosha e tij është vetëm 15 vjeç. Tek e fundit, jo më kot kanë thënë, mosha është vetëm një numër…

#CelticFC's number 7?7?…

Merry #Christmas, Celts! ??? pic.twitter.com/92q1XjmHQd

— Celtic Football Club (@CelticFC) December 24, 2018

Gjithsesi, një natë më parë, Sëlltiku luante ndaj Salcburg një sfidë të vlefshme për Europa Ligë dhe pikërisht në këtë ndeshje tifozët e klubit skocez treguan mbështetjen e tyre kundrejt futbollistit 28-vjeçar. Tifozët e Sëlltikut, njihen për mbështetjen e tyre madhore ndaj ekipit të tyre dhe në këtë moment të vështirë i kanë dalë në krah lojtarit të tyre.

Fansat skocezë, shpalosën dy parulla të mëdha ku kishin shkruar: Është në rregull, të mos jesh në rregull”, duke bërë këtë lojë fjalësh, me kuptimin që edhe pse lojtari ka bërë diçka të gabuar, për ta është çdo gjë në rregull . Gjithashtu kishin shkruar dhe thënien e famshme : “Ti kurrë nuk do të jesh vetëm Leih”. Një gjest fantastik nga ana e tifozëve skocezë.

'It's ok not to be ok'

Celtic fans show their support to striker Leigh Griffiths ? pic.twitter.com/SWORGmQZ9N

— Football on TNT Sports (@footballontnt) December 13, 2018

Të jesh një futbollist profesionist, e aq më tepër të luash në kampionate prestigjioze si Premier Ligë apo Liga e parë franceze, jo domosdo do të thotë që t’i kesh xhepat plot. Rasti që do t’iu servirim më poshtë është i pazakontë, të paktën për botën e futbollit. Viktor Anikebe akuzon në një postim në “Instagram”, ish-shokun e tij të ekipit që nuk i ka kthyer një borxh prej 10 mijë paundësh.

Ish-lojtari i Evertonit, Uest Bromuiç dhe Sandërlendit, ka bërë një postim në rrjetet sociale, duke i bërë thirrje ish-shokut të tij të skuadrës, Stefan Sesenjo, që t’i kthejë paratë që ky i fundit i ka marrë borxh. Por, nuk mbaron këtu, pasi siç thotë Anikebe, lojtari nga Benini, i detyrohet dhe lojtarit të Sëlltik, Mulumbu.

Nigeriani ka luajtur së bashku me Sesenjon për tre vite tek Uest Bromuiç deri në vitin 2016, ku pjesë e ekipit ishte gjithashtu dhe Jusuf Mulumbu. Duket se marrëdhëniet miqësore mes lojtarëve janë prishur së fundmi, të paktën kështu duket nga postimi i fundit i Anikebes në llogarinë e tij në “Instagram”.

Postimi tashmë është fshirë, por sulmuesi dukej i nervozuar jashtë mase me Sesenjon, pasi ky i fundit ishte zhdukur totalisht, duke mos i dhënë asnjë qindarkë mbrapsht, as atij, as Mulumbut.

“Ky njeri, Stefan Sesenjo më detyrohet 10 mijë sterlina. Unë kam kohë që e ndjek, por ai nuk më përgjigjet as në telefon dhe nuk më kthen mesazh. Më ka mbyllur çdo formë kontakti. Ai gjithashtu i detyrohet 10 mijë të tjera dhe Jusuf Mulumbut, të cilit ende nuk ia ka kthyer. Ky është problemi me vëllezërit tanë afrikanë. Ata pretendojnë të bëjnë një jetë luksoze, ndërkohë kanë borxhe që nuk i kanë kthyer. Në qoftë se ndonjë nga ju e njeh atë, ose ka ndonjë mundësi të kontaktojë me të, ju lutem thojini që të më kthej mbrapsht ato dreq parash. Varfanjak m***!”, ka mbyllur postimin e tij i xhindosur Viktor Anikebe.

Stefan Sesenjo ka pasur një karrierë të pasur me shumë klube, ku është aktivizuar, ku bie në sy PSG e Montpelier në Francë. Lojtari afrikan nga Benini së fundmi aktivizohet me Gençerbirligin në kategorinë e dytë turke.