Ky duel do të gjykohet nga një arbitër femër. Gjyqtarja është Stefani Frapart, e cila është futur në histori, duke u bërë e para abitre femër që do të drejtojë Superkupën e Europës. Frapart drejtoi dhe finalen e Kupës së Botës për femra këtë verë mes Holandës dhe SHBA-së.

36-vjeçarja franceze do të ketë dy asistente femra:  Manuela Nikolosi dhe Mishell Onill. Gynej Çakir do të jetë arbitri i katërt, ndërsa italiani Masimiliano Irrati do të jetë në dhomën e VAR-it.

 Gjatë kësaj periudhe Guardiola ka fituar më shumë tituj se Junajtid, Çelsi dhe Liverpul së bashku. “Djajtë e kuq” mbajnë 14 trofe, londinezët 11 të tillë dhe “The reds” një të vetëm. Të tre ekipet bashkë gjatë kësaj periudhe regjistrojnë 26 trofe. Pep gjatë karrierës së tij ka qenë më i suksesshëm se 3 skuadra të një kampionati si Premier Liga. Shifra të çmendura. Të mendosh që akoma nuk ka arritur as mesin e karrierës si trajner.

E gjithë kjo ka sjellë bindjen e sulmuesit për të firmosur një kontratë të re afatgjatë me klubin ku u rrit. Marrëveshja e tij aktuale skadon verën e ardhshme dhe Çelsi kishte jo pak frikë për largimin e tij.

Granovskaia dhe Lampard janë vënë në aksion dhe kanë arritur ta mbajnë 18-vjeçarin. Mediet ishullore raportojnë se brenda pak ditësh gjithçka do jetë zyrtare. Ndërkohë, Odoi për momentin po rikuperohet nga një dëmtim, që do e mbajë jashtë fushave deri në tetor.

Spanjolli ndihet i lumtur dhe falënderon Atletikon për sakrificën e bërë në prononcimin e dhënë për EFE. Rikthimin te “Blutë e Londrës” nuk e kishte menduar kurrë dhe për fatin e tij të mirë diçka e tillë nuk ndodhi.

“Jam shumë i lumtur që Atletiko vendosi të më blinte. Të them të vërtetën, as që kam dashur ta mendoj mundësinë e rikthimit te Çelsi. I vlerësoj shumë sakrificat e Atletikos, pasi nuk është kurrë e lehtë të negociosh me Çelsin. Qëndrimi këtu ishte mundësia më e mirë që mund të më ndodhte”, thekson sulmuesi spanjoll i klubit “colchoneros”.

Megjithatë, ka qenë talenti Mason Maunt, që e ka nderuar teknikun e tij, duke hapur sfidën pa u mbushur çerek ore lojë. Mateo Kovaçiç ishte njeriu asist në këtë rast. Ndeshja pati vetëm një skuadër në fushë, teksa në minutën e 32 ishte Emerson Palmieri që dyfishoi rezultatin.

Në pjesën e dytë të dyja skuadrat iu nënshtruan shumë zëvendësimeve. Përtej kësaj, asgjë nuk ndryshoi dhe Çelsi shënoi edhe dy gola të tjerë. Ishte Olivier Zhiru që e nis mbarë sezonin e ri me një dopietë që e rrit jo pak besimin e francezit. Sulmuesi shënoi në minutat 67 dhe 88 për të fiksuar shifrat në 0-4.

Miqësore

St. Patrik – Çelsi  0-4
Maunt 14′, Emerson 31′, Zhiru 67′ 88′

Për ish-lojtarin e Monako interesohet edhe Mançester Junajtid. Djajtë e kuq janë treguar konkretë me atë çka kërkojnë dhe kanë telefonuar drejtuesit e Çelsit. Blutë e Londrës nga ana e tyre do duhet të vendosin bashkë me lojtarin. Në ditët në vijim mesfushori dhe Lampard do të kenë një takim, ku do vendoset përfundimisht e ardhmja e Bakajoko.

EKSPERIENCA SI TRAJNER – “E kuptoj pyetjen. Pas një viti si trajner më është besuar stoli i Çelsit, është një mundësi që nuk i jepet kujtdo. Në karrierën time si lojtarë kam mësuar nga shumë trajnerë të mëdhenj, them se kjo gjë do të më vijë në ndihmë. Përjetova një vit fantastik te Derbi, ku mësova akoma dhe më shumë”.

LARGIMI I HAZARD – “Humbëm një lojtar të madh pa dyshim, por më duhet të shikoj nga lojtarët që kam në dispozicion. Kemi lojtarë të mirë, në një moshë optimale që nuk u mungn talenti. Nuk do e zëvendësojë dikush Hazardin, por prapëseprapë ata mund t’ia dalin të bëhen lojtarë të mëdhenj për këtë klub”.

OBJEKTIVAT – “Sezonin do ta nisim me fitimin për të fituar kampionatin. Nëse nuk do ta thoja këtë, atëherë s’duhet të isha këtu përpara jush sot. Te Çelsi kështu duhet të jetë gjithmonë. Duhet të rikthehemi dhe në Champions League, këto janë gjërat që duhet të shtyjnë për më tutje. Siti dhe Liverpuli janë shkëputur shumë, kam për detyrë ta zvogëloj këtë hendek”.

AKADEMIA – “Sytë do i kemi nga akademia këtë sezon. Nëse do të dalë dikush do më tregojë se mund të bëjë diferencën të jetë i sigurt se unë do t’i jap shansin për të treguar veten”.

.@Mateo_Kova23 is here to stay! ?

— Chelsea FC (@ChelseaFC) July 1, 2019

Mateo Kovaçiç është zyrtarizuar si blerja e parë dhe e vetme e kësaj vere për londinezët e Çelsit. Anglezët e kanë të ndaluar të bëjnë merkato. I vetmi përjashtim janë lojtarët që kanë kaluar sezonin në Londër si të huazuar. Ndryshe nga Higuain, Kovaçiç ja ka mbushur mendjen drejtuesve anglezë. Plot 50 milionë euro janë derdhur në arkat e Realit për të mbajtur yllin kroat. Nga kjo marrëveshje ka lumturi edhe për Kovaçiç, që ka gjetur veten në “Stamford Bridge”, pas vështirësive të hasura në Madrid.

Ndërkohë, Gelson Martins është zyrtarisht i klubit të Monakosë. 24-vjeçari ka firmosur kontratë për pesë vitet e ardhshme. Portugezit i janë dashur vetëm gjashtë muaj në Francë për të bindur klubin bardhekuq. Ai ishte i huazuar që nga janari te Monako, ku dha një ndihmë shumë të madhe për mbijetesën në Ligue 1. Atletiko Madrid mbush xhepat me plot 30 milionë nga shitja e portugezit.

??? L’AS Monaco est heureux d’annoncer la signature de @GelsonMartins_. Prêté en janvier par l’Atlético Madrid, le milieu offensif s’est engagé pour 5 saisons. Il est désormais lié avec le Club jusqu’en juin 2024.

?? https://t.co/XauTCocOkP pic.twitter.com/KiKV7oO8nY

— AS Monaco ?? (@AS_Monaco) July 1, 2019

Bëhet fjalë për Mateo Kovaçiç, për të cilin ishte në garë edhe Interi, me zikaltrit që ëndërronin rikthimin e bujshëm të kroatit.

#Kovacic will stay at @ChelseaFC: agreement with @realmadrid for a permanent deal, €50M (bonus included) @SkySport @SkySportsPL @SkySportsNews

— Gianluca Di Marzio (@DiMarzio) 26 juin 2019

Gjithsesi, duket se gjithçka është mbyllur sipas asaj që raporton Di Marzio, me londinezët që kanë derdhur në arkat e Realit plot 50 milionë euro dhe Kovaçiç do të firmosë përfundimisht me Çelsin.

Peter Çeh do të jetë këshilltar i klubit londinez në lidhje me pjesën teknike. Vitet e kaluara në Londër dhe aftësitë e tij për të kuptuar futbollin e kanë bindur Abramoviç të firmosë një kontratë me të. Lajmi është dhënë sot nëpërmjet faqes zyrtare Çelsit në “Twitter”, ku ish-gardiani shfaqet bashkë me drejtoren sportive Granovskaja.

.@PetrCech is our new Technical and Performance Advisor!

Welcome back, Big Pete! ?

— Chelsea FC (@ChelseaFC) June 21, 2019

Sigurisht kjo nuk funksionon gjithmonë, por në 15 gushtin e vitit 2004 ka rezultuar mjaft efikase. Çelsi kishte “Special One” në drejtim dhe në hapjen e Premier Ligës përballej me Mançester Junajtid. Blutë fituan 1-0, me djemtë e Ferguson, që nuk ishin aspak vetvetja.

Gjatë një interviste, Murinjo e kujton me nostalgji atë ndeshje. Gjatë përshkrimit të atyre kujtimeve, ai shprehet se Junajtid nuk do të arrinte të shënonte edhe sikur ndeshja të përfundonte pas 900 minutash. Atë sezon Çelsi u shpall kampion dhe Junajtid u renditën të tretët.

“Ishte një ndeshje e rëndësishme sepse ishte ndaj një rivali direkt. Nëse ti humbet pikë ndaj kundërshtarëve për titull, nuk mund të dalësh i pari. Kishim bërë një parapregatitje shumë intensive. Në të tilla ndeshje duhet të japësh maksimumin, të gjithë potencialin tënd në çdo sekondë.”

“Në atë përballje ne e bëmë këtë gjë. Në një moment mendova se ndeshja është 90 minuta, por Junajtid nuk do arrinte të shënonte as në 900 minuta. Në ishim të destinuar ta fitonim atë sfidë”, u shpreh Murinjo.

Aina ishte një ndër lojtarët më të mirë të Torinos në sezonin që lamë pas. Futbollisti i lindur në Londër ishte një ndër futbollistët e preferuar të Ualter Mazarrit për shkak të aftësisë së tij për të luajtur në çdo pozicion të repartit mbrojtës.

Thanks @Aina2Ola, and good luck for the future!

— Chelsea FC (@ChelseaFC) June 11, 2019

Prezantimi i Hazard në “Santiago Bernabeu” do të kryhet të enjten e ardhshme më datë 13 qershor. Sipas medieve angleze transferimi i belgut i ka kushtuar 100 milionë euro arkave të Real Madrid.

? #WelcomeHazard pic.twitter.com/6CvH9LHXSy

— Real Madrid C.F. (@realmadrid) June 7, 2019

Torgan ka kaluar nga Borusia Monçengladbah te Dortmund, ndërsa Kilian u transferua tek Cercle Bryzh pas aventurës me të rinjtë e Çelsit. Eden shprehet se vetëm ai ka mbetur pa ndryshuar klub. Ndërkohë shprehet edhe se ka pasur oferta nga klubet e Premier Ligës, por ai nuk i ka pranuar. Ai nuk e dëshiron një transferim tek rivalët e Çelsit brenda vendit.

“Vëllezërit e mi kanë ndryshuar klub. Vetëm unë kam mbetur… Do të shohim nëse do të jem këtu sezonin e ardhshëm. Unë jam blu. Nuk do të shkoja kurrë në një klub tjetër të Premier Ligës. Unë mund të firmosja për Mançester Junajtid, Mançester Sitin, Totenhemin, por kurrë nuk kam menduar se është vendimi i duhur”, u shpreh 28-vjeçari.

“Për momentin e kam mendjen te finalja me Arsenalin. Do të jetë një ndeshje e mrekullueshme, ndërsa e ardhmja ime është në duart e Realit dhe Çelsit. Goli nuk ka shumë rëndësi për mua, thjeshtë dua të fitoj këtë trofe.

“Kur erdha te Çelsi isha i vogël, ndërsa tani jam një burrë i pjekur. Nuk kam ndryshuar fare si person, Si lojtar, kam shënuar shumë dhe kam fituar eksperiencë. Megjithatë, tentoj të mos ndryshoj kurrë dhe të jem vetvetja.

“Kisha mundësinë për të nënshkruar me dy klubet e Mançesterit dhe Totenhemin, por mendoj se mora vendimin e duhur. Arsenali tentoi të bindte familjen time, por ndodhesha në bisedime të avancuara me Çelsin”.

“Fola me presidentin, trajnerin Di Mateo. Fola edhe me Drogba, ndërsa Xho Kol, ish-shoku im i skuadrës te skuadra e Lilës, me tha se nuk kishte klub si Çelsi. U tremba pak në fillim kur erdha, pasi Drogba u largua. Me të në ekip, e di se do të fitosh trofe. Gjithsesi, arrita të luaja me lojtarë të mëdhenj. Kur kthej kokën pas e kuptoj se janë arritur gjëra të jashtëzakonshme në  7 vitet e mia këtu, Kemi fituar shumë trofe”.

“Në vitin 2015 fituam titullin me Murinjon në stol. Mendoj se ishte viti im më i mirë. Ishte konstant në lojën time. Mua nuk më interesojnë golat, dua vetëm të zbavitëm në fushën e blertë dhe të jap më të mirën. Ju jap një shembull. Kundër Brazilit në Botëror zhvillova një nga ndeshjet e mia më të mira në karrierë. As nuk shënova, as nuk dhurova asist. Kjo është ajo çfarë më pëlqen të bëj”.

Pikërisht ditën e sotme, në mediat angleze dhe italiane është raportuar se Çelsi e ka vendosur që për argjentinasin nuk do ta aktivizojë të drejtën e blerjes dhe për këtë gjë është bindur edhe trajneri Sarri.
Vetëm pesë gola që nga janari për “El Pipitën”, i cili duket krejtësisht i humbur. 31-vjeçari do të rikthehet te Juventusi, rikthim që pritet të zgjasë shumë pak, të paktën deri sa Higuain të gjejë ekipin e ri. Diçka duket e sigurt, sulmuesit i është mbyllur dera nga Çelsi dhe Juventusi.

“E kam marrë vendimin tim, që nuk ka lidhje vetëm me mua. Ia kam bërë të qartë klubit përpara disa javësh. Dëshiroja që kjo gjë të sqarohej më herët, por nuk ndodhi. Po pres, ashtu siç po presin edhe tifozët.

Merkato nuk më ka shpërqendruar kurrë. Kemi finalen e Europa League për të luajtur. Kur je në fushë mendon vetëm për topin dhe për të dhënë më të mirën. Unë përpiqem të fitoj ndeshjet dhe nuk e lodh trurin me gjëra të tjera”, komentoi Hazard pas ndeshjes së fundit të kampionatit kundër Leister Sitit.

Rreth kësaj çështje ka folur edhe Mauricio Sarri. Italiani dhe Çelsi e mbyllën kampionatin në vend të tretë dhe do të luajnë finalen e Ligës së Europës kundër Arsenalit me datë 29 maj.

“Eden ka dhënë më të mirën këto shtate vite me Çelsin. Ai është bërë një nga tre futbollistët më të mirë në botë dhe unë mendoj se duhet ta respektojmë atë e vendimin e tij. Sigurisht që shpresoj, si çdo tifoz i joni, që Hazard të qëndrojë, por nuk di gjë për momentin”, thekson trajneri italian.

Rud Gulit është një legjendë e Milanit të madh të viteve ’90, ndërsa ka luajtur për tre sezone me “Blutë e Londrës”. Holandezi i famshëm nuk e kupton lëvizjen Zhorzhinjo. Italo-braziliani është një mesfushor shumë i mirë, por blerja e tij ishte e panevojshme.

“Sarri erdhi në një moment kur skuadra duhej rindërtuar dhe nuk ka patur shumë kohë në dispozicion. Megjithatë, mendoj se ka bërë një gabim. Fakti që mori me vete Zhorzhinjon. Jam dakord që ai është një futbollist i mirë, por kishte një francez në atë rol, një kampion bote. Pse duhet të marrësh një lojtar tjetër kur ke Ngolon në atë rol, pse?”

Gulit nuk mund të mos komentojë edhe paraqiten e Ajaksit. “Harkëtarët” i dhuruan botës një futboll të mrekullueshëm, por fati i keq i la jashtë finales së madhe të Champions Ligës. Ish-mesfushori ndalet te një lojtar i ekipit surprizë të këtij sezoni.

“Kam punuar me Van de Bek para një viti në kombëtare. Më pëlqen shumë ajo çfarë ka në kokë, është shumë i pjekur për moshën që ka. Punon fort dhe e di mirë se çfarë kërkon. Doni shënon edhe shumë gola, njësoj si Lampard te Çelsi. Është teknik dhe i ftohtë para portës, prandaj e krahasoj me ish-mesfushorin e Çelsit”, përfundon Rud Gulit.

Gjithashtu për tifozët e të dyja skuadrave janë vendosur në dispozicion vetëm 12 mijë bileta gjithsej. Një numër gati i papërfillshëm për një staduim me 68700 vende. Jurgen Klop ka folur rreth kësaj, duke prekur edhe idenë se tifozët do duhet të fluturojnë 9 mijë kilometra. Ai i etiketon si të papërgjegjshëm zyrtarët e UEFA-s, që kanë marrë vendimin që finalja të luhet në Baku. Klop shprehet se ata duhet të mendojnë edhe këtë pjesë.

“Këta zotërinj që marrin vendime, nuk e di se çfarë ushqimi hanë në mëngjes. Nuk e kam idenë sesi tifozët do të shkojnë atje, është një udhëtim i lodhshëm dhe nuk ka një fluturim të rregullt. Këto vendime duhet të jenë më të më të menduara dhe të arsyeshme. Duket një veprim i papërgjegjshëm, nuk e di si e bëjnë këtë”, u shpreh Klop.

Përveç Eden Hazard, “Los Blancos” pritet të transferojnë edhe yje të tjerë. Egoja e Florentino Perez nuk mund të durojë edhe një vit tjetër pa trofe dhe ka vënë një çek të bardhë në dizpozicion të Zidan për të kompletuar një ekip me mentalitet fitues. Pol Pogba, Luka Joviç apo yje të tjerë pritet të zbarkojnë në Madrid këtë verë. Megjithatë Eden Hazard do të ketë rolin e liderit për ta marrë skuadrën prej dore drejt triumfeve.

Ndeshja shkoi në shtesa dhe finalisti u përcaktua nga goditjet e penalltive. Emocione të mëdha në “Stamford Bridge”, aty ku basku Kepa priti dy penallti. Ajo deçizive u godit nga Eden Hazard, me belgun që nuk gaboi dhe dërgoi tifozët dhe shokët e ekipit në delir.

Festë e madhe edhe për Didier Drogba. Ish-sulmuesi potent nga Bregu i Fildishtë është një legjendë e “Bluve të Londrës”. Afrikani u shfaq tepër i lumtur pas shënimit të golit deçiziv, siç dallohet në videon e postuar në rrjetet sociale.

Finalja e madhe do të zhvillohet me datë 29 maj. Çelsi do të përballet në Baku të Azerbajxhanit me Arsenalin në një derbi londinez, që parashikohet të jetë tepër i zjarrtë dhe spektakolar.

 

View this post on Instagram

 

Well done My People @hazardeden_10 @chelseafc ????????????? Another final!!!on the road to Baku @europaleague Let’s win it NOW

A post shared by didierdrogba (@didierdrogba) on May 9, 2019 at 2:52pm PDT

Finale e gjitha angleze, ashtu si edhe në Champions midis Liverpulit dhe Totenhemit, duke konfirmuar faktin që Premier Liga është prej kohësh kampionati numër një në planet. Sarri ndihet i lumtur për këtë gjë dhe tregon ndryshimet midis Anglisë dhe vendlindjes së tij. Ushqim dhe kulturë tjetër dhe mbi të gjitha shumë ndeshje plot ritëm ishulli.

“Futbolli anglez është në rritje, edhe pse zhvillohen shumë ndeshje në kampionat. Kultura futbollistike këtu është e veçantë. Kam gjetur një vend që ndryshon shumë nga Italia në aspektin e ushqimit dhe kulturës. Të gjithë trajnerët në Premier janë europianë dhe luhet një futboll me taktikë të avancuar, por pa humbur ritmin klasik anglez. Zbavitëm me kaq shumë ndeshje, por nuk kam mundur të merrem shumë me fazën defensive. Rikthimi në Itali? Jo, nuk bëhet fjalë për momentin”, përfundon Mauricio Sarri.

“Jemi informuar nga UEFA se të dy klubet do të marrin nga 6 mijë bileta për finalen e Ligës së Europës. Po diskutojmë me ta që të marrim më shumë bileta për tifozët tanë. Kjo shpërndarje zhgënjyese na vë në vështirësi ekstreme me tifozët tanë besnikë.

Kemi rreth 45 mijë abonime sezonale dhe 180 mijë anëtarë zyrtarë. Shumë prej tyre na kanë ndjekur kudo dhe nuk do të kenë mundësinë për të shijuar finalen në stadium”, shkruhet në komunikatën e Arsenalit. Klubi nxori edhe çmimet e biletave që variojnë nga 26, 43, 78 dhe 121 sterlina.

Megjithatë tifozët e londinezëve gëzojnë një dashuri shumë të madhe për të dhe kujtojnë emocionet që 28-vjeçari i ka dhuruar. Ata kurrsesi nuk dëshirojnë të largohet “benjamini” i tyre. Hazard është lojtari më i mirë i bluve dhe një prej më të mirëve të planetit.

Mbrëmë në ndeshjen gjysëmfinale të Europa League ndaj Aintrahtit të Frankfurtit tifozët janë munduar të hyjnë në ndjenjat e belgut. Ata kanë shpalosur një flamur gjigant, ku tregojnë dëshirën e tyre që Hazard të mos largohet.

#Hazard banner out one last time in the Matthew Harding End. #CHEFRA pic.twitter.com/q7tL0nBDK1

— Simon Johnson (@sjstandardsport) May 9, 2019

Takimi i zhvilluar në Spanjë ishte mbyllur ashtu siç nisi dhe të dy ekipet kërkonin kualifikimin për në finalen e madhe të Romës. Majkëll Esien kalonte vendasit në avantazh në minutën e 9-të dhe në stadium niste festa.

Barcelona tenton golin, por dalja me të kuqe e Erik Abidal rreth mesit të pjesës së dytë ia vështirëson gjërat ekipit katalanas.

“Blutë e Londrës” i afrohen disa golit të sigurisë, por i pengon edhe arbitri kryesor. Norvegjezi i quajtur Tom Ovrebo kthehet shumë shpejt në ferrin e djemve të Hidink dhe tifozëve të Çelsit. Plot 3 penallti të paakorduara për ekipin anglez bënë që polemikat të mos kishin fund.

E paharrueshme skena kur Majkëll Balak i turrej në vrap nordikut “të pashpirt”. Didier Drogba nuk u përmbajt në fund, duke iu drejtuar kamerave me fjalët “Skandal, turp i qelbur”.

https://www.youtube.com/watch?v=AMyAh-8XtR8

Edhe pse me 10 vetë, Barcelona arriti të barazonte ndeshjen. Andres Iniesta shënoi një gol shumë të bukur në minutën e tretë shtesë dhe dërgoi ekipin e tij drejt Romës, aty ku do të triumfonin përballë një tjetër ekipi anglez.

Kësaj radhe mposhtej Mançester Junajtid me golat e Samuel Eto dhe Leo Mesit. Me futboll dhe pa ndihmën e arbitrit…

10 years ago today, football witnessed one of the biggest robberies and scandals ever. Chelsea were denied 4 clear penalties against Barcelona. Drogba at the end sums it all up. “It’s a f**king disgrace!” ? pic.twitter.com/kCogatjQCC

— FutbolBible (@FutbolBible) May 6, 2019

Në një prononcim për mediat angleze, 33-vjeçari zbulon një detaj që nuk i pëlqen fare nga ish-trajneri i Napolit. Megjithatë, ai thekson se nuk ka pengje dhe do të largohet me kokën lart nga klubi ku fitoi gjithçka.

“Nëse nuk e aktivizon një futbollist, një, dy, tre apo katër herë, nuk ke se pse i shpjegon gjë atij. Por nëse bëhen tetë apo nëntë ndeshje, ty si trajner duhet që të japësh shpjegimet e duhura se çfarë po ndodh. Sarri nuk e bëri kurrë një gjë të tillë.

Kam parë disa situata aspak të drejta me lojtarë që janë shpallur kampionë me Çelsin. Nuk po flas për veten time. Bëhet e vështirë për mua të respektoj dikë, i cili nuk ka respektuar fare atë që kemi fituar ne me këtë klub. Unë do të largohem me kokën lart”, thekson mbrojtësi anglez i “Bluve të Londrës”.

Kroati regjistron vetëm dy asiste në këtë sezon megjithëse është një mesfushor i avancuar. Ky fakt ja sfumon idenë e blerjes Çelsit. Londinezët nuk e shohin si një mendim të mirë të shpenzojnë 45 milionë euro për një lojtar që nuk krijon. Ndërkohë që me blerjen e Kovaçiç do “vihej shqelmi” një talenti tjetër të bluve, që është Mason Maunt. 20-vjeçari është i huazur në Holandë te Vitese dhe po tregon një nivel shumë të lartë. Në dy vite në Eredivise ai ka shënuar 25 herë dhe asistuar 15.

Mediat spanjolle bëjnë me dije se akordi është arritur. Reali nuk po nxiton të zyrtarizojë marrëveshjen me lojtarin fantazist. Çelsi është në garë për fitimin e Ligës së Europës dhe një vend në katërshen e parë.

Lajmi i largimit të Hazard mund të sillte pasoja negative në këtë pikë të sezonit, kështu që dy klubet kanë vendosur të shtyjnë momentin e zyrtarizimit të marrëveshjes. Diçka e tillë do të ndodhë me 12 maj, pasi të jetë mbyllur Premier Liga.

Një detaj i pazgjidhur ka të bëjë edhe me çmimin e kartonit. Anglezët duan 140 milionë euro për 28-vjeçarin, shumë të cilën Reali e cilëson të madhe, duke marrë parasysh edhe faktin që belgut i përfundon kontrata me “Blutë e Londrës” në fund të sezonit të ardhshëm.

Megjithatë, Reali është i detyruar të pranojë kushtet e Çelsit dhe t’i dhurojë trajnerit Zidan dhe tifozëve një emër të madh për të ardhmen.

Fantazisti belg ka qenë një nga tre futbollistët e përzgjedhur për të prezantuar uniformat, pavarësisht se ai është shumë afër kalimit te Reali i Madridit. Diçka e tillë është përforcuar edhe më shumë nga fjalët e Hazard, ndërsa pritet vetëm zyrtarizimi i këtij transferimi.

“Na lidhin shumë kujtime me ‘Stamford Bridge’. Është natyrale që t’i bëjmë tribut stadiumit tonë me bluzën e re të ekipit”, thekson Eden Hazard.

Introducing our 2019/20 @nikefootball home kit! ?

Get yours ? https://t.co/TJfP0JhBuG#ITSACHELSEATHING pic.twitter.com/mq5cKQ7VT4

— Chelsea FC (@ChelseaFC) May 2, 2019

Argjentinasi ka shënuar vetëm 4 gola më “Blutë e Londrës”, një shifër e ulët për kualitetin e tij, por dikush i del në mbrojtje dhe beson akoma tek ai.

Mauricio Sarri është shumë i lidhur me Pipitën që nga koha kur ishin pjesë e Napolit. Trajneri e lidh formën e dobët me vështirësinë për t’u përshtatur me futbollin anglez dhe merr shembull Luis Suarezin kur u transferua nga Ajaksi te Liverpuli.

“Një sulmues e ka të vështirë të përshtatet në futbollin anglez dhe Premier Ligën. Kjo nuk vlen vetëm për Higuain. Mbaj mend që Suarez shënoi vetëm 3 gola sezonin e parë me Liverpulin. Më pas shënoi 16 dhe pastaj 24. E përsëris, është e vështirë për t’u përshtatur. Jam i sigurt që Higuain do të shënojë shumë gola sezonin e ardhshëm. Do e blejmë atë? Nuk e di, nuk merrem me merkaton, por besoj se po”, përfundon trajneri italian i Çelsit.

Huan Mata zhbllokoi sfidën duke ndëshkuar ish-ekipin e tij në minutën e 9-të, por Çelsi barazoi shifrat me anë të Alonsos, i cili shfrytëzoi një gafë për portierit David De Gea. Fraksioni i dytë i lojës foli më shumë Çelsin, por rezultati mbeti i pandryshuar.

Teksa në lojë janë vetëm 6 pikë, Junajtid e gjen veten në vendin e gjashtë, tre pikë larg dhe një pikë larg Arsenalit. Një fitore e bluve të Londrës do të mbyllë matemakisht shanset e “djajve të kuq” për të arritur zonën Champions.

Është bërë zakon në klubet Evropianë që akoma pa u mbyllur sezoni aktual, të prezantohen uniformat e sezonit pasardhës. Pas Barcelonës dhe Juventusit, ka qenë radha e Çelsit për të zbuluar sesi do të vishen “Blutë e Londrës” vitin që vjen. “Nike” është firma sportive e veshmbathjeve, që bashkëpunon prej dy vitesh me londinezët.

Uniforma e re, përveç ngjyrës dhe sponsorit nuk ngjan në asnjë tipar tjetër me këtë aktualen. Në të gjithë bluzën ka disa vizime të çrregullta që me siguri e kanë një domethënie, por që dizenjuesit kanë dështuar ta bëjnë të kuptueshme vendosjen e atyre motiveve. Jaka është në formën e shkronjës “V”, që është një model i dalë mode tashmë. Në uniformën e dytë mbizotëron e bardha.

Kontrata me Çelsin i përfundon në verën e vitit 2020. Rinovimi nuk ka shanse të ndodhë dhe drejtuesit e klubit anglez janë të detyruar që ta shesin “yllin” e tyre, për të mos e humbur me parametra zero.

Sipas raportimeve të “The Sun”, Çelsi do e lejë të lirë fantazistin për shumën e 100 milionë sterlinave (rreth 116 milionë euro). 28-vjeçarin e pret një kontratë faranike. Presidenti Perez është gati t’i ofrojë 400 mijë sterlina në javë, ose ndryshe 24 milionë sterlina në vit!

Vizitorët zhbllokuan rezultatin me anë të një goli spektakolar të Xhef Hendrik, ndërsa Çelsi u kundërpërgjigj me dy gola të shpejtë të Kantes dhe Higuain. Vouks mbylli serinë e golave të takimit që në minutën e 24-të.

Pika e sotme çon Çelsin në vendin e katërt me pikë të barabarta me Totenhemin dhe një më shumë se Arsenali i vendit të pestë, por blutë e Londrës kanë një ndeshje më shumë se këto të dy skuadra. Bileta e Champions League tashmë nuk është më duart e tyre.

Çelsi 2 – 2 Bërnli
Shënues: Kante 12’, Higuain 14’ / Hendrik 8’, Vouks 24’

Sulmuesi argjentinas zbulon për “ESPN” se ka raste kur detyrohet të mbyllet brenda në shtëpi për të mos dëgjuar komentet negative të tifozëve.

31-vjeçari i “Bluve të Londrës” ka përfunduar shumë herë edhe në “sulmin” e tifozëve argjentinas për paraqitjet e tij me kombëtaren latine. Sadopak është mësuar, por Pipita nuk arrin të kuptojë gjithë këto fjalë dhe kritika që qarkullojnë për të dhe futbollistët në përgjithësi.

“Shpeshherë mbyllem në shtëpi dhe nuk dal jashtë prej frikës se çfarë do të më thonë njerëzit. Ndihem keq për këtë situatë. Ka njerëz që bëjnë gjëra të këqija dhe sillen vërdallë qetësisht pa ndjerë pikë turpi. Pyes veten se pse ne futbollistët, të cilët nuk bëjmë asgjë të gabuar, nuk mund të dalim nga shtëpia?

Njerëzit merren gjithmonë me faktin që fitojmë shumë, por ndjenjat nuk kompensohen me para. Në 14 vitet e fundit kam kaluar Krishtlindjen dhe ditëlindjen time me njerëz të ndryshëm. Për të qëndruar me mua, babait tim i duhet të bëjë 15 orë fluturim. Por njerëzit nuk e vrasin mendjen për diçka të tillë, merren vetëm me golat që shënojmë dhe paratë që fitojmë. Sinqerisht që më duket pak e ekzagjeruar, pavarësisht se tashmë jam mësuar”, përfundon Gonzalo Higuain.

Gjithsesi, gjithçka u zgjidh dhe 31-vjeçari u huazua përsëri nga kampionët e Italisë dhe u ritakua me ish-trajnerin Mauricio Sarri nën drejtimin e të cilit zhvilloi sezonin më të mirë të karrierës, duke shënuar një shifër rekord prej 36 golash me Napolin gjatë sezonit 2015/2016.

Megjithatë, teksa kanë kaluar tre muaj nga transferimi, Higuain nuk ia ka dalë të përligjë besimin e klubit londinez dhe teknikut italian. Në 13 aktivizime me blutë e Londës, “El Pipita” ka shënuar tre gola, këto të realizuar ndaj skuadrave të nivelit të dobët si Fulhem dhe Hadërsfilld. Paraqitjet e dobëta të Higuain u shfrytëzuan nga francezi Olivier Zhiru, i cili tani është pjesë e formacionit titullar.

Sipas së përditshmes angleze “Metro”, drejtuesit e Çelsit nuk janë në favor të blerjes përfundimtare të sulmuesit, por ka një kleçkë. Çelsi është dënuar nga FIFA me pezullimin nga merkatos e verës që vjen  dhe dimrit të 2020-ës. Klubi londinez shpreson që dënimi të hiqet në apel, por nëse kjo nuk ndodh, te Çelsi mund të jenë të detyruar të blejnë argjentinasin.

Sulmuesi i Çelsit po vuan për të bindur Mauricio Sarrin për t’i besuar një fanellë titullari. Zhiru numëron vetëm 802 minuta aktivizim në kampionat, aty ku ka shënuar dy gola, ndërsa në Ligën e Europës shifrat janë më të mira: 9 gola në 759 minuta.

Kontrata me “Blutë e Londrës” i përfundon në fund të sezonit. Ofertat nuk i mungojnë, por sulmuesi preferon Çelsin. Në një prononcim për “Four Four Two”, Zhiru kërkon garanci për t’u aktivizuar më shumë.

“Më besoni, bëhem keq sa herë që nuk luaj, thjeshtë nuk e shfaq. Frustrimin duhet ta mbash brenda, për ta transformuar më pas në energji pozitive kur zbret në fushë. Më kanë kontaktuar disa skuadra, por nuk do i tregoj emrat. Prioriteti im mbetet Çelsi. Megjithatë, unë dua të zbavitem, jam 32 vjeç dhe kam fituar Kupën e Botës. Dua të tërhiqem nga futbolli i kënaqur”, përfundon sulmuesi francez.

Lajme të çuditshme vijnë nga Anglia. Burime të brendshme të prestigjozes “Daily Star”, zbulojnë disa të dhëna mbi trajnerin italian dhe performancën e tij. Sipas gazetarit Dankan Kestëlls, Sarri nuk dëshiron të vazhdojë të jetë trajner i “Bluve të Londrës”. Ai nuk ndihet mirë në  kryeqytetin anglez dhe ndjen shumë presion nga njerëzit pranë klubit.

Gazetari i famshëm shkon edhe më tej. Ai thotë se Sarri nuk po bën maksimumin në “Stamford Bridge” dhe po pret që drejtuesit ta shkarkojnë. Gjëndja e tij ka arritur deri aty ku do të gëzohej nëse e largojnë nga puna. Ish-trajneri i Napolit do ta pranonte me kënaqësi largimin dhe do të kthehej në Itali, ku destinacioni më i mundshëm është Roma.

Italiani është më i pëlqyeri nga presidenti Xhejms Palota, por firmosja me të duket e vështirë, duke parë kërkesat ekonomike të tij. Vështirë të arrihet edhe te portugezi, i cili synon një ekip që lufton për trofe. Kështu sipas mediave vendase një tjetër italian ka dalë në skenë.

Mauricio Sarri, trajneri i Çelsit, shihet si një mundësi serioze. Madje ka pasur edhe një takim mes tij dhe drejtorit sportiv të Romës, Franko Baldini. Të dy gëzojnë marrëdhënie sumë të mira me njëri-tjetrin.

Gjatë takimit mes palëve, Sarri i ka premtuar drejtorit sportiv të klubit italian se nëse Çelsi vendos të mos vazhdojë bashkëpunimin më të, Roma do të jetë destinacioni i ardhshëm. Ai pritet të bëjë edhe një sakrificë financiare vetëm për t’u ulur në stolin e ekipit kryeqytetas.