Celina

Strakosha rikthehet titullar, Rashica dhe Celina shkëlqejnë

Sport Ekspres — Sat, 03 Aug 2019 16:12:22 +0000

Thomas Strakosha është rikthyer nga dëmtimi që pësoi në fundin e sezonit të shkuar dhe sot ka luajtur titullar në takimin e Lacios kundër Paderbornit. Portieri kuqezi luajti 90 minuta, duke pësuar 2 gola në këtë sfidë.

Lacio triumfoi 4-2 në fund përballë Paderbornit, ekip me të cilin u aktivizua edhe mesfushori Jurgen Gjasula. Milot Rashica u aktivizua 90 minuta në takimin miqësor mes Verder Bremenit dhe Evertonit, duke bërë një paraqitje shumë të mirë.

Ndërsa në Angli, sot startoi liga e dytë angleze, Championship dhe Celina zbriti në fushë për ekipin e Suonsit. Fantazisti i Kosovës luajti titullar përgjatë gjithë takimit dhe ndihmoi ekipin e tij të fitojë me përmbysje 2-1.

VIDEO | “Perla” shqiptarësh, gola të frikshëm nga Celina dhe Papa

Sport Ekspres — Sun, 21 Jul 2019 08:04:49 +0000

Bersant Celina dhe Enriko Papa kanë qenë dy ndër futbollistët shqiptarë që kanë autorët e dy golave fantastik në ndeshjet e ditës së djeshme. Lojtari i përfaqësueses së Kosovës ishte autori i një dopiete në fitoren 3 – 1 të uellsianëve të Suonsi në miqësoren kundër Ekseter Siti.

Celina….what a goal! pic.twitter.com/qGqXgBwIcl

— Swans Analytics (@SwansAnalytics) July 20, 2019

22-vjeçari zhbllokoi takimin me një ekzekutim perfekt të një goditje dënimi. Celina ia doli të dërgonte topin trekendësh me një goditje të fuqishme nga rreth 30 metra. Pak minuta më vonë mesfushori me tipare sulmuese ia shënon sërish.

Zhvendosemi në Rumani ku Enriko Papa ka shënuar golin e parë në sezonin e ri të kampionatit rumun. Goditjet nga largësia kanë qenë gjithmonë një specialitet i kuçovarit, i cili pati rastin ta tregonte këtë gjë ditën e djeshme teksa çoi në 4 – 1 rezultatin e fitores së Botosanit ndaj Voluntarit.

VIDEO | Tentoi “Panenka”, ylli shqiptar bëhet qesharak në Angli

Sport Ekspres — Wed, 13 Mar 2019 21:18:26 +0000

Bersant Celina ka “pushtuar” rrjetet sociale, pasi në takimin e sotëm mes skuadrës së tij, Suonsi, kundër Uest Brom, nuk arriti të shënoj nga pika e bardhë e penalltisë. Jo vetëm kaq, por numri 10 i skuadrës uellsiane tentoi të shënojë me “Panenka”, duke djallosur gjithçka.

Këmba e tij mbështetësë rrëshket në momentin e fundit dhe topi nuk lëviz asnjë metër. Skuadra kundërshtare arrin të largojë sferën nga zona e rreptësisë dhe Suonsi shpërdoron një shans të artë. Celina ka qenë një nga lojtarët më të mirë në “Championship” këtë sezon, pasi ka qenë lojtari më i rëndësishëm për Suonsin, por pas gafës së sotme, të gjithë e kanë kritikuar.

VIDEO | Celina shkëlqen në Angli, dhuron spektakël me golin e tij

Sport Ekspres — Sun, 17 Feb 2019 20:01:59 +0000

Bersant Celina ka qenë protagonisti i takimit të “FA Cup”, ku Suonsi i tij mundi Bredfordin me rezultatin e thellë 4-1 dhe siguroi biletën për në çerekfinalet e këtij turneu.

Lojtari i përfaqësueses së Kosovës ishte autori i një goli fantastik ku dribloi katër lojtar dhe më pas çoi topin drejt rrjetës.

Futbollisti 22-vjeçar po kalon një formë shumë të mirë dhe te Suonsi është kthyer në një titullar të padiskutueshëm, ndoshta këto paraqitje mund t’i shërbejnë atij për të rënë në syrin e trajnerit të Kosovës, Bernard Shaland, i cili gjatë vitit të kaluar e ka lënë jashtë grumbullimit në disa raste.

VIDEO | Celina nuk përmbahet, tund rrjetën me “silurin” e mrekullueshëm

Sport Ekspres — Sat, 26 Jan 2019 18:50:32 +0000

Bersant Celina vazhdon të impresionojë me skuadrën e Suonsit. Në takimin e sotëm kundër Gillinghemit të vlefshëm për raundin e katërt të “FA Cup”, 22-vjeçari u bë protagonist me një gol të mrekullueshëm nga distanca.

Skuadra e Celinës kaloi në raundin e pestë pas fitores së thellë me shifrat 4 – 1. Situata në kampionat për klubin uellsian nuk ka qenë aspak e mirë, por të paktën drejtuesit e skuadrës mund të sigurohen me faktin që kanë një kontingjent një lojtar që premton shumë si 22-vjeçari i Kosovës.

Në 25 ndeshje në “Championshi”, Celina ka regjistruar katër gola dhe katër asiste. Ecuria e mirë e lojtarit mund të bjerë dhe në syrin e trajnerit të përfaqësueses së Kosovës Bernard Shaland. Qëkur zvicerani u vu në krye të pankinës së Kosovës, 22-vjeçari ka është aktivizuar në vetëm një takim.

Formë fantastike e Celinës, titullar dhe kualifikim për kosovarin në “FA Cup”

Sport Ekspres — Sat, 05 Jan 2019 18:54:05 +0000

Mesfushori kosovar, Bersant Celina vazhdon të bëjë paraqitje të shkëlqyera në Angli me ekipin e Suonsi. Sot, skuadra uellsiane luajti në transfertë përballë Aston Vilës, ndeshje e vlefshme për “FA Cup”.

Numri 10 i Suonsit luajti 90 minuta, duke qenë lider në mesfushë dhe duke treguar se është një lojtar që premton shumë. I dalë nga akademia e Mançester Sitit, Celina duket se është një nivel më lart se pjesa tjetër e skuadrës së tij.

Suonsi fitoi me rezultatin 0-3, duke e dominuar sfidën. Celina nuk arriti të gjejë rrugën e rrjetës, por çdo aksion i rrezikshëm kalonte në këmbët e tij.

Paraqitjet e mira të kosovarit kanë filluar të trembin skuadrën e Suonsit, pasi oferta nga klube të njohura në Angli nuk mungojnë dhe drejtuesit e skuadrës uellsiane mund të privohen nga shërbimet e tij që në muajin janar.

VIDEO | Celina “magjik”, Durmishaj ngushëllon veten me gol

Sport Ekspres — Sat, 15 Dec 2018 17:23:00 +0000

Fiorin Durmishaj vijon momentin e mirë. Lojtari kuqezi ka shënuar përsëri me Panionisin, ku për fat të keq ekipi i tij është mposhtur me shifrat 3-1 nga Janina e Andi Lilës. 22-vjeçari shënoi golin e barazimit të përkohshëm në minutën e 82-të dhe ky ishte goli i pestë në kampionat për lojtarin tonë, i cili vijon formën e mirë.

Ndërkohë, Andi Lila u aktivizua për 67 minuta në këtë ndeshje. Në Danimarkë, Ylber Ramadani dhe Arbnor Muçolli, ishin titullarë në humbjen që Vejle pësoi në fushën e Randers 2-0. Të dy lojtarët u zëvendësuan, përkatësisht Ramadani në minutën e 69-të, ndërsa Muçolli në minutën e 81-të.

Nga Anglia, Bersant Celina dhuron spektakël me Suonsin. Lojtari i përfaqësueses së Kosovës ishte në stol në ndeshjen ndaj Shefilld Uednesdej, ku Atdhe Nuhiu ishte titullar për 90 minuta nga ana tjetër. Gjithsesi, në minutën e 65-të Celina erdhi në fushë dhe Suonsi po humbiste me shifrat 0-1.

Vetëm tetë minuta i mjaftuan 22-vjeçarit për të treguar vlerat e tij, teksa fillimisht shënoi në minutën e 72-të dhe vetëm një minutë më pas dhuroi një asist për golin e dytë dhe të përmbysjes.

Celina's equalizer. pic.twitter.com/RcM9d5WmB7

— ??? ??????????? (@OldDominionJack) December 15, 2018

Siti shet Celinën, sulmuesi kryen testet mjekësore

Sport Ekspres — Mon, 30 Jul 2018 14:46:06 +0000

Klubi i “Championship” në Angli, Suonsi, në prag të nisjes së kampionatit, ka bërë 2 goditje të reja në merkato. Bersant Celina dhe Beri MekKei janë futbollistët më të rinj të ekipit uellsian.

Besart Celina sezonin e kaluar u aktivizua për ekipin e Ipsuiç Taun, ku në 38 ndeshje shënoi 8 gola. 21-vjeçari do t’i kushtojë Suonsit si fillim 3 milionë stërlina, duke u rritur në 4 milionë, në varësi të klauzolave që do t’i vendosin kampionët e “Premier Ligës”, Mançester Siti.

Por, ende asgjë nuk është zyrtare përsa i përket shifrave të transferimit. Futbollisti është aktivizuar edhe me përfaqësuesen e Kosovës në 5 takime, ku 3 i ka luajtur si titullar.

Përsa i përket mesfushorit skocez, MekKei, ai u ble për shifrën e 500 mijë stërlinave nga klubi i Notingham Forestit. Në 28 ndeshjet e luajtura në “Championship”, ai shënoi 5 gola.

Celina kthehet në Angli, Siti e huazon sërish

Sport Ekspres — Tue, 04 Jul 2017 11:05:31 +0000

Klubi anglez Ipsuiç Taun ka bërë me dije se ka huazuar për një vit nga Mançester Siti yllin kosovar të këtij ekipi Bersant Celina.

Mesfushori 20-vjeçar, i cili ka luajtur vetëm një ndeshje me Sitin (një asist për Agueron në humbjen 3-1 ndaj Lesterit në sezonin 2015/16), kur ekipi drejtohej nga Manuel Pelegrini, sezonin tjetër do të luajë në divizionin e dytë anglez.

Talenti shqiptar nga Kosova ishte i huazuar në Holandë te Tvente sezonin e kaluar, ku në 28 ndeshje shënoi 5 gola, duke pasur një rendiment shumë pozitiv.

Celina ka luajtur 3 ndeshje kualifikuese Botërori me Kosovën.

?? | @BersantCelina has discussed his loan move to #itfc by speaking to iFollow Ipswich ahead of the pre-season trip to Ireland. pic.twitter.com/hSq9VccFgT

— Ipswich Town FC (@Official_ITFC) July 3, 2017