Firma e parë, Laçi transferon mbrojtësin e Shqipërisë U21

Sport Ekspres — Tue, 01 Jan 2019 19:40:39 +0000

Laçi po kërkon të përforcohet dhe nga sot është pjesë e kurbinasit edhe një mbrojtës, i cili ka luajtur në Itali me grupmoshat dhe tanimë kërkon të hyjë në futbollin e rëndësishëm përmes Superiores dhe konkretisht me bardhezinjtë e drejtuar nga Besnik Prenga.

Flasim për mbrojtësin Irlian Ceka, titullar me Shqipërinë U21. Prej disa kohësh ai po stërvitej me Laçin dhe me hapjen e merkatos ka ardhur edhe firma. Futbollisti 20-vjecar ka nënshkruar për dy vite e gjysmë bëjnë me dije burime të Sportekspres.com pranë klubit të Laçit.

Në të shkuarën Ceka ka qenë pjesë e moshave të Romës, për të kaluar tek Askoli dhe Lacio. Nga lacialët kaloi te Sambenedetese. Lojtari i linjës së majtë të mbrojtjes kompleton repartin e prapavijës te Laçi.

Kurbinasit shtojnë edhe numrin e të rinjve kuqezi, teksa Selmani është edhe kapiten i Shqipërisë U21. Gjithashtu edhe Fangaj ka qenë pjesë e Shpresave, ndërsa një vend në skuadrën e Bushit e ka marrë edhe mbrojtësi Jon Mersinaj së fundmi.

Irlian Ceka, nga të rinjtë e Lacios te futbolli profesionist

Sport Ekspres — Thu, 13 Jul 2017 14:11:44 +0000

Irlian Ceka ka bërë hapin e parë të madh në karrierën e vet, sepse ditën e sotme është transferuar nga skuadra Primavera te Lacios, si quhen të rinjtë, te Sambenedeteze, në Lega Pro, raporton “gianlucadimarzio.com”.

Sezonin e shkuar Ceka shkëlqeu me Lacion, duke luajtur 28 ndeshje e duke shënuar një gol me të rinjtë.

Tani Lacio nuk i ka ofruar kontratë profesionisti dhe e ka lënë të lirë që të rritet, ndaj Ceka shkon në divizionin e tretë italian, që do të thotë se nis karriera profesioniste për 19-vjeçarin e talentuar. Te Samp trajner është një romanist, Moriero, ndërsa Ceka do të firmosë një kontratë 1+1.

Mbrojtësi luajti edhe para një muaji për Shqipërinë U-21, në sfidën kundër Estonisë.