Sipas asaj që raportohet nga mediat në Itali e Angli, 27-vjeçari do të kalojë në formulën e huazimit me të drejtë blerje në Milano. Nesër do të kryhen vizitat mjekësore dhe firmosja e kontratës. Ndërkohë, Shime Vërsaljko, i cili u mor me bujë nga Atletiko Madrid këtë verë duket se do t’i japë fund aventurës në Itali.

Kroati, sipas gjasave do të rikthehet përsëri te Atletiko, ku së fundmi ka pësuar një tjetër dëmtim. Mbrojtësi, ka luajtur në vetëm 8 takime si titullar për Interin, ku nuk shfaqi asgjë nga forma që tregoi në Botërorin e vitit të kaluar.

Pasi u fol për një interesim për Elseid Hysajn, Interi është pranë akordit me një tjetër mbrojtës të djathtë. Siç raporton portugezja “O’Jogo”, zikaltrit janë pranë mbylljes së marrëveshjes për Sedrik Soares. Dy klubet kanë një akord mes tyre dhe lojtari pritet të kalojë në Serie A.

27-vjeçari i bën mirë të gjitha rolet e krahut të djathtë dhe është pjesë e Southemptonit, me të cilët ka kontratë deri në verën e vitit 2020, por ai nuk bën pjesë më në skemat taktike të trajnerit Hasenhutëll.

Soares ka lindur në Gjermani, por ai ka vendosur të luajë me Portugalinë. Mbrojtësi numëron 33 ndeshje të zhvilluara me kombëtaren luzitane, ndërkohë që ka shënuar dhe një gol.