Cazorla

Sakrificat e 34-vjeçarit nuk shkojnë dëm, Enrike e rikthen

Sport Ekspres — Fri, 17 May 2019 11:54:08 +0000

Jeta ka ulje-ngritjet e saj. Shpeshherë përsëritet fjalia që mosha nuk ka shumë rëndësi në futboll dhe shembulli i fundit vjen nga Spanja.

Santi Kazorla ka vuajtur shumë 4 vitet e fundit. Mesfushori ofensiv qëndroi pushim rreth dy vite dhe kreu 11 operacione për të shpëtuar karrierën e tij, e cila ndodhej në udhëkryq. 6 gushtin e kaluar la Arsenalin për t’u rikthyer te Vijareali.

Dielli filloi të ndriçonte përsëri në Spanjë dhe 34-vjeçari filloi të luante përsëri futbollin e tij. 45 ndeshje në të gjitha kompeticionet kanë bërë që të marrë ftesën nga kombëtarja e madhe.

Me “La Roja” ka luajtur 78 ndeshje dhe ka shënuar 14 gola. Luis Enrike ka shpallur listën e lojtarëve të grumbulluar për dy ndeshjet e Euro 2020 kundër Ishujve Faroe (7 qershor) dhe Suedisë (10 qershor) dhe ka vendosur të shpërblejë sakrificat e mëdha të Kazorlës.

Përveç tij bien në sy edhe rikthimet e Iskos dhe Mikel Ojarzabal, ndërsa Kepa dhe De Gea do të luftojnë fort për një post titullari mes shtyllash.

LISTA E SPANJËS

PORTIERË: De Gea (Mançester Junajtid), Kepa (Çelsi), Pau Lopez (Real Betis)
MBROJTËS: Sergio Ramos, Karvahal (Real Madrid), Lorente (Real Sociedad), Hermoso (Espanjol), Gaia (Valencia), Inigo Martinez (Atletik Bilbao), Zhordi Alba, Serxhi Roberto (Barcelona),
MESFUSHORË: Buskets (Barcelona), Navas (Sevija), Kazorla (Vijareal), Pareho (Valencia), Rodri (Atletiko Madrid), Fabian (Napoli)
SULM: Oiarzabal (Real Sociedad), Isko, Asensio (Real Madrid), Rodrigo (Valencia), Aspas (Selta Vigo), Morata (Atletiko Madrid)

Santi Cazorla recalled to Spain squad for first time in four years after being told he may never play againhttps://t.co/7rHvXckZmF

— Telegraph Football (@TeleFootball) May 17, 2019

VIDEO | Kazorla i magjishëm, Reali tanimë 7 pikë larg kreut

Sport Ekspres — Thu, 03 Jan 2019 22:28:01 +0000

Real Madrid ka marrë vetëm një pikë nga transferta ndaj Vijarealit, takim ky që përfundoi me rezultatin 2 – 2. Heroi i nëndetëses së verdhë ishte Santi Kazorla, i cili u bë protagonisti i takimit të sotëm me dopietën e tij.

Vijareali e filloi ndeshjen në mënyrë të përkryer, duke shënuar golin e parë të takimit në minutën e tretë. Kazorla shrytëzoi siç duhet një top të shkëlqyer të sulmuesit nigerian Çukueze dhe u dha avantazhin të tijve, por Reali përmbysi gjithçka me golat e Benzema dhe Varan.

Në pjesën e dytë, një dëmtim i Gareth Bejl, ndikoi shumë në lojën e “Los Blancos”, që filluan të humbsnin terren. Në minutë e 82-të, të takimit, Kazorla shënoi golin e dopietës, duke gjuajtur siç duhet me kokë një krosim të Fornals, diçka shumë ironike, pasi kemi të bëjmë me një lojtar 1.68 centimetra të gjatë.

Vijareal 2 – 2 Real Madrid
Shënues: Kazorla 3′, 82′ / Benzema 7′, Varan 20′

Studimi: Lojtarët pa këmbë të dobët, në krye një italian

Sport Ekspres — Fri, 02 Nov 2018 19:33:36 +0000

Nuk janë të pakët futbollistët që janë të aftë të përdorin të dy këmbët në mënyrë perfekte. Të mos pasurit një këmbë të dobët është një avantazh tejet i madh për këdo lojtar, pasi i bën ata një makth për mbrojtjen e kundërshtarëve.

Një studim i sajtit të njohur “transfermarkt.com”, ka analizuar të gjithë lojtarët e ligave elitare nëpër Europë dhe ka nxjerrë se kush janë futbollistët që përdorin më së shumti këmbën e tyre të dobët për sa i përket goditjeve.

Në listën 18 lojtarëve që përdorin më së shumti këmbën e dobët për gjuajte nuk bën pjesë asnjë mëngjarash. Në krye është Simone Verdi i Napolit, i cili në 61% të rasteve godet me të majtën edhe pse e djathta është këmba e tij e preferuar. Italiani ndiqet nga Lalana i Liverpulit me 57% dhe Ivan Perisic i Interit me 51%. Në listë nuk kishte si të mungonte deh Santi Kazorla dhe Usman Dembele, dy lojtarë këta që njihen për aftësitë e tyre me dy këmbët.

Kryesuesi i listës, Simone Verdi, është ndoshta lojtari i vetëm në planet që ka shënuar dy goditje dënimi gjatë në një ndeshje me dy këmbë të ndryshme. 26-vjeçari shtangu të gjithë gjatë sezonit të kaluar kur i shënoi një dopietë Krotones.