catalonia

VIDEO| Mënyra më seksi e të festuarit, ja ç’bëhet në Katalunjë

Sport Ekspres — Sat, 01 Jun 2019 14:07:33 +0000

Të fitosh një titull apo të ngjitesh një kategori më lart pas një viti plot vështirësish dhe sfidash është një gëzim i madh. Kjo hare zakonisht pasohet nga një festë më e shfrenuar se ç’duhet. Deri këtu mund të mendosh dikë që fillon të këndojë një kor ofendues për kundështarin apo të kërcejë si i çmendur. Por jo, ka festë akoma më të shfrenuar dhe këtë e bëjnë në Spanjë.

Klubi i Llança arriti të ngjitej në kategorinë e dytë të kampionatit rajonal të Katalunjës. Gjatë festimit të çmendur me këngë e shampanjë, lojtarëve u është bashkuar edhe një striptiste. Vajza tepër seksi ka performuar para skuadrës për disa minuta. Gjatë performancës stafi dhe futbollistët e lagnin me shampanjë për të shtuar spektaktlin.

Video ka bërë xhiron e botës dhe ka marrë shumë kritika. Mediat dhe opinioni publik në Spanjë e kanë kritikuar mënyrën e festimit. Ata e cilësojnë si një skandal dhe rast të papreçedentë. Gjithashtu ka nga ata që shprehen se ka dënim penal për atë që ka filmuar videon dhe e ka publikuar. Klubi i Llanças ka dalë me një deklaratë zyrtare, ku ka kërkuar falje. Striptisten nuk e kishte sjellë klubi, por një tifoz i veçantë i tyre.

Barça provokon Spanjën me fanellën e dytë, do e veshë në “El Clasico”

Sport Ekspres — Sat, 18 May 2019 07:00:30 +0000

Barcelona në bashkëpunim me kompaninë e veshjeve sportive “Nike” kanë vendosur të dizenjojnë një fanellë të veçantë që do të përdoret në ndeshje të mëdha apo me ndikim të veçantë. Uniforma mban ngjyrat e flamurit katalanas.

Është e verdhë dhe në pjesën e përparme përshkohet nga katër njolla të kuqe. Sipas “Sport.es” katër njollat simbolizojnë gishtat e lyer me gjak e më pas të vënë mbi mburojën e tij të heroit dhe themeluesit të vendit, Guifre El Pilos. Nga imazhi i këtij luftëtari është frymëzuar edhe vetë flamuri i Katalunjës.

I sigurt është fakti se blaugranët do e veshin këtë bluzë në njërën nga klasiket kundër Realit të Madridit dhe me shumë mundësi në “Santiago Bernabeu”. Uniformat e ekipit katalanas akoma nuk kanë dalë në shitje. Fanellat e para me stilin e uniformës kroate varen në stendat e dyqaneve “Nike” nga 4 qershori. Ndërkohë nuk dihet akoma se kur do të dalë në shitje kjo uniformë me ngjyrat e flamurit katalanas.

Vlerësimi i radhës është i veçantë, qeveria katalanase nderon Leo Mesin

Sport Ekspres — Tue, 30 Apr 2019 14:38:59 +0000

Leo Mesi ka dhënë aq shumë për Barcelonën, sa e duan më shumë në Katalunjë sesa në Argjentinë. “Mundo Deportivo” zbulon se qeveria e Katalunjës në bashkëpunim me bashkinë e Barcelonës kanë vendosur t’i akordojnë 31-vjeçarit çmimin “Creu de Sant Jordi”. Ky është çmimi më i nderuar në shtetin në varësi të Spanjës dhe i jepet personave që kanë kontribuar në ruajtjen e identitetit dhe zhvillimin e Katalunjës.

Kjo dekoratë në përgjithësi i akordohet individëve jashtë botës së sportit, por Leo është një përjashtim. Çmimi do t’i dorëzohet Mesit në mesin e muajit të ardhshëm. Motivi i dekorimit të argjentinasit me këtë çmim ishte: “I njohur si futbollisti më i mirë i të gjitha kohërave, Leo Mesi mishëron atribute të mëdha sociale e sporive. Ai simbolizon përulësinë, ndershmërinë, të mësuarit, kreativitetin, shpirtin e ekipit dhe respektin.”

Katalonja gati për miqësoren historike, publikohet lista e të grumbulluarve

Sport Ekspres — Wed, 20 Mar 2019 18:42:17 +0000

Kombëtarja e Katalonjës do të zhvillojë miqësoren historike të shtunën e 23 marsit, teksa do të luajë kundër kombëtares së Venezuelës. Në përfaqësuesen katalanase janë grumbulluar emra si Zherard Pike apo Ksavi Hernandez, ndërkohë që disa lojtarë nuk kanë shkuar në grumbullim.

Emra si Zherard Delofeu, Kristian Tejo apo Zherard Moreno i Vijarealit nuk kanë ardhur sipas trajnerit Lopez. Gjithsesi emra si Mark Bartra, Aleiks Vidal apo Bojan Krkiç nuk mungojnë. Tjetër vështirësi për kombëtaren katalanase ishin edhe vendimet e disa klubeve të La Ligës, të cilët nuk liruan lojtarët e tyre, si Vajadolid apo Hueska.

Gjithsesi, lista e të grumbulluarve është bërë zyrtare dhe të gjithë luajnë në Spanjë, përveç katër lojtarëve, ku tre luajnë në Angli dhe Ksavi që luan në Katar. Ekipet që bien më së shumti në sy janë Girona dhe Espanjol me nga katër lojtarë.

Portierë: Edgar Badia (Elçe) Isak Becerra (Gimanstik Tarragona)

Mbrojtës: Zherard Pike (Barcelona), Mark Muniesa (Girona), Mark Bartra (Betis), Dídac Vilà (Espanjol), Martín Montoja (Brajton), Mark Cucurela (Eibar) Aleiks Vidal (Sevija)

Mesfushorë: Víktor Sánçez (Espanjol), Óscar Melendo (Espanjol), Joan Zhordán (Eibar), Oriol Romeu (Sauthempton), Ksavi Hernández (Al-Sadd), Pere Pons (Girona), Aleiks Garsia (Girona), Àleks Granel ( Girona)

Sulmues: Serxhio Garsía (Espanjol), Bojan Krkiç (Stok Siti) Marc Kardona (Eibar)