Lidhur em ndeshjen e një natë më parë ndaj Torinos, foli edhe Antonio Kasano. Ish-lojtari i kuqezinjve kritikoi me tone të ashpra ekipin aktual dhe shtoi se Gatuzo nuk ka përgjegjësi për gjendjen e Milani, pasi lojtarët janë mediokër.

“Gatuzo merr përgjegjësi që nuk janë të tijat, për mua skuadra aktuale është mediokre. Ndër lojtarët që janë atje tani, askush nuk do të kishte luajtur me Milanin që luaja unë. Drejtuesit duhet të synojnë fitoren.”

Përballë ish-futbollistit ishte gruaja e Ikardit, Uanda Nara, e cila nuk e priti aspak mirë këshilën e Kasanos.

Kasano: “I jap një këshillë Ikardit dhe ia thotë dikush që ka bërë plot idiotllëqe. Duhet të shkojë në dhomat e zhveshjes, të sqarohet me shokët, ose me trajnerin. Ai ka probleme me Spaletin dhe me disa lojtarë, kjo është e qartë tashmë. Duhet të sqarohet dhe të mbyllë gjithçka aty, sepse ai i duhet Interit dhe Interi i duhet atij. Nëse nuk ka pajtim, nuk ka më kthim pas”.

Uanda iu përgjigj ashpër: “Këto janë gjepura, si të shkojë në dhomat e zhveshjes, ai shkon përditë aty. Ku ka gabuar Ikardi, për çfarë të kërkojë falje dhe çfarë duhet të sqarojë?”.

Kasano ka një përgjigje origjinale kur pyetet se çfarë do të ndjente, nëse do të ishte në vend të argjentinasit dhe do i hiqnin shiritin e kapitenit. “Ashtu siç jam ndërtuar unë, do shkatërroja gjithçka, por duhet gjetur zgjidhja, pasi Ikardi nuk mund të qëndrojë pa luajtur deri në verë”, përgjigjet barezi i famshëm.

Wanda Nara and Icardi getting lessons in diplomacy and morals from Antonio Cassano.
“Tell your husband to apologise to his team-mates and sort this situation out before it’s too late!”

This is getting beyond ridiculous now ??https://t.co/RSeQk8UFtU

— Uncle $harma ?? (@RSharmzz) February 25, 2019

Në Serinë C italiane nuk është regjistruar, për shkak se një vendim i Kolegjit të Garancisë e kthen në B, për shkak se u përjashtuan disa klube për probleme financiare.

Në B nuk e pranojnë, sepse kampionati ka nisur dhe është vendosur të luhet në 19 ekipe.

Tashmë çështja ka përfunduar në TAR të Lacios, Gjykata Administrative Krahinore, por vendimi është shtyrë për më 23 tetor.

Ndërkaq, Entela vijon stërvitjen dhe mbetet në ajër, por klubi ka përfunduar në qendër të vëmendjes për një tjetër çështje, sepse ditët e fundit ka prezantuar Antonio Kasanon.

Cili është misioni më i vështirë, kthimi në B, apo kthimi i Kasanos në parametrat normale të një futbollisti profesionist?

Ditën e sotme Kasano i është bashkuar zyrtarisht në stërvitje skuadrës së Virtus Entelës. Mes palëve nuk ka ende një kontratë, por pritet që në javët në vazhdim të merret një vendim përfundimtar dhe në rast të gjetjes së një akordi, Kasano do të provojë për herë të parë të luajë në Serie C.

Te Virtus Entela, Kasano do të stërvitet së bashku me ish-lojtarin e Partizanit, Kristian Adorjan. Mesfushori holandez, i cili nuk la gjurmë te të kuqtë, u rikthye në Itali pas një eksperiencë të shkurtër në Irlandë.

Këtë gjë e konfirmon dhe lëvizja e tij më e fundit, pasi italiani është regjistruar në kursin e trajningut në qendrën me famë botërore të Koverçianos.

Kasano është pjesë e një grupi prej 44 kursantësh, ku bëjnë pjesë dhe kolegë të vjetër tij si portieri De Sanktis, mbrojtësi Zakardo dhe djali i Roberto Mançinit, Andrea.

Para pak ditësh FantAntonio deklaroi largimin nga Verona (kishte firmosur më 10 korrik), por brenda pak orësh ndryshoi mendim dhe premtoi se do të jepte gjithçka për klubin veronez.

Gjithçka? Zgjati pak ditë dhe sot erdhi sërish vendimi i largimit. Arsyeja? Mungesë motivimi!

“Nuk kam ndërmend ta lë futbollin, thjesht nuk dua të luaj për Veronën. Fizikisht jam shumë mirë, siç e kam treguar 15 ditët e fundit, por mendërisht ky klub nuk më stimulon”, shkruhet në adresën Twitter të bashkëshortes së Kasanos, Karolina Marçalis.

Peccato, sembrava così in forma… #Cassano pic.twitter.com/TnLIcptMcE

— Guglielmo Mastroiann (@gumas75) July 24, 2017

Natyrisht, nuk mund të mos plaste ironia në rrjetet sociale, por edhe ofendime pa fund për sulmuesin, i cili në karrierën e vet ka bërë plot gafa, por duket se nuk është rritur ende.

Exclusive footage of Cassano’s 8 days at Verona pic.twitter.com/QCj6XPTvNu

— Tancredi Palmeri (@tancredipalmeri) July 18, 2017

Paraditen e sotme sulmuesi italian deklaroi se po prishte kontratën e lidhur para 8 ditësh me Veronën, duke nxjerrë si justifikim mallin për shtëpinë dhe familjen e tij.

Megjithatë, në një konferencë për shtyp mbajtur sot në orën 16.00, Fantantonio habiti të gjithë, si zakonisht, duke deklaruar se ka ndryshuar mendje.

“Ishte një moment dobësie të madhe. Sot njoftova që dëshiroja të tërhiqesha nga futbolli, por tani kam vendosur të anuloj vendimin. Jam i bindur në vendim që kam marrë, falë forcës që më kanë transmetuar bashkëshortja dhe fëmijët e mi. Është një bast që duhet ta fitoj, po bëja gabimin e radhës në jetën time”.

Megjithatë, duket se Kasano e ka mbyllur me futbollin, sepse sot ka vendosur të prishë kontratën me Veronën dhe me shumë gjasa do të tërhiqet përfundimisht.

Sipas Gazzetta dello Sport, Kasano ka mall për shtëpinë dhe me shumë gjasa nuk do të luajë më futboll, edhe pse ka deklaruar kohët e fundit se ndihet ende një futbollist shumë i zoti për Serinë A.

“Kur shoh ca lojtarë që kanë sukses tani, them që unë jam fenomen”, tha para pak kohësh Kasano me humor, duke premtuar kthimin në aktivitet, pas ndarjes në fund të janarit me Sampdorian, me shumë polemika.

Tani Kasano firmos për Veronën, aty ku gjen Xhampaolo Pacinin, një “ujk” i vjetër goli, me të cilin në periudhën 2007-2011 bënte namin te Sampdoria, duke siguruar edhe kualifikimin për në Champions League.

Tani synimi është mbijetesa e Veronës dhe nëse nuk mjafton eksperienca e tyre, Verona merr edhe Alesio Çerçin. Pas disa sezonesh në errësirë, anësori ofensiv ka prishur kontratën me Atletikon e Madridit dhe kthehet në Serinë A, ku me Torinon mahniste disa vite më parë.