Casillas

E ardhmja e Kasijas, Porto merr vendimin

Sport Ekspres — Mon, 15 Jul 2019 10:58:43 +0000

Iker Kasijaj do vazhdojë të mbetet pjesë e skuadrës së Portos, por jo si futbollist. Klubi portugez njoftoi se 38-vjeçari do të jetë pjesë e stafit teknik derisa situata e tij shëndetësore të shkojë drejt normalizimit.

?? @IkerCasillas fará parte do staff diretivo da equipa de futebol, enquanto recupera do problema de saúde.
? “Vou fazer a ligação entre a equipa e o clube.”
? “Que todos juntos possamos fazer uma grande época”
Notícia completa? https://t.co/3yJTdPS57b #FCPorto pic.twitter.com/0NUWqxR5E8

— FC Porto (@FCPorto) July 15, 2019

Problemet për Kasijas filluan në muajin maj, kur “gardiani” pësoi një atak kardiak gjatë një seance stërvitore. Ndërhyrja e shpejtë e mjekëve bën që 38-vjeçari ta merrte me shpejtësi veten.

Pavarësisht ngjarjes së ndodhur, Kasijas nuk është frikësuar dhe beson se mund t’ia dalë të rikthehet në portë edhe për disa ndeshje të fundit në të ardhmen e afërt.

E ardhmja pa Kasijas, Porto përgatit një super goditje

Sport Ekspres — Wed, 15 May 2019 07:18:44 +0000

E ardhmja e Iker Kasijas në fushën e gjelbërt është në një dyshim të madh. Spanjolli pësoi një arrest kardiak më 1 maj gjatë stërvitjes më Porton dhe për fat të mirë arriti ta mundë sëmundjen e befasishme. Megjithatë kujdesi duhet të jetë maksimal dhe rikthimi i tij në fushë shihet me shumë skepticizëm. Duke parë rrezikshmërinë e kësaj sëmundje një realitet i tillë nuk shihet akoma në horizont.

Antoni Lopez pritet të jetë portieri, që do të ketë nderin të zëvendësojë një nga emblemat e historisë. Portugezi aktivizohet me Olimpikun e Lionit dhe vazhdimisht po tregon siguri dhe pjekuri mes katërkëndëshit të francezëve. Porto do të hidhet në sulm për shërbimet e 28-vjeçarit. Vlera e tij në merkato është rreth 30 milionë euro. Shifër që “Dragonjtë” e Portos nuk do ta kenë problem ta derdhin në arkat e Lionit.

Kasijas del nga spitali, pranon dilemën e karrierës para gazetarëve

Sport Ekspres — Mon, 06 May 2019 15:25:08 +0000

Iker Kasijas ka lënë ambientet e spitalit ku po qëndronte prej pesë ditësh për shkak se pësoi një infarkt në zemër.

Portieri i Portos ra pa ndenja gjatë një seance stërvitore dhe u shoqërua me urgjencë në spital ku iu nënshtrua një ndërhyrje kirurgjikale që i shpëtoi jetën.

Pas një ngjarje kaq të rëndë shumë vetë menduan se “gardiani” spanjoll do të njoftonte dorëheqjen nga sporti, por nuk ka ndodhur kështu, siç duket për të marrë këtë vendim do i duhet pak kohë.

Në fjalët e para të tij para gazetarëve, Kasijas shpjegoi se problemi ne zëmër është zgjidhur, por e ardhmja mbetet një enigmë: “Nuk e di ccdo të ndodhë në të ardhmen. Si fillim do të duhet të pushoj për disa javë”, tha 37-vjeçari

Kasijas operohet dhe ka një mesazh: Gjithçka nën kontroll!

Sport Ekspres — Wed, 01 May 2019 19:56:16 +0000

Iker Kasijas ka postuar një foto nga spitali ku është shtruar me urgjencë sot, për shkak të një ataku kardiak. Portieri i Portos u çua me urgjencë në spital, për shkak se ndjeu dhembje të forta në kraharor gjatë stërvitjes së të mërkurës.

Legjenda e portës u operua me urgjencë, për të mundësar qarkullimin normal të gjakut, ndërsa më pas nga spitali CUF në Porto shpërndau një mesazh në rrjetet sociale.

“Gjithçka është nën kontroll, pak panik, por i fortë si gjithmonë. Falënderime nga zemra për gjithë mesazhet dhe dashurinë“, shkruan Kasijas.

Todo controlado por aquí, un susto grande pero con las fuerzas intactas. Muchísimas gracias a todos por los mensajes y el cariño ??? pic.twitter.com/i3TXsELUGD

— Iker Casillas (@IkerCasillas) May 1, 2019

Ish-portieri i Realit (3 herë kampion Europe) dhe Spanjës me shumë gjasa nuk do të luajë më këtë sezon. Reali ishte një ndër klubet e shumta që i dërgoi mesazh për shërim të shpejtë, duke e quajtur “kapiteni ynë i përjetshëm”.

Comunicado Oficial: @IkerCasillas #RealMadrid https://t.co/VOdwjw9DpD

— Real Madrid C.F.? (@realmadrid) May 1, 2019

Kasijas hyn në histori, dy dekada punë për të vendosur rekordin unik

Sport Ekspres — Tue, 18 Sep 2018 18:39:00 +0000

Me aktivizimin në ndeshjen ndaj Shalkes, Iker Kasijas, vendos një rekord unik në botë e futbollit. Gardiani spanjoll do të luajë sezonin e tij të 20-të në Champions. 37-vjeçari është aktivizuar për herë të parë në këtë kompeticion në sezonin 1999-2000.

Në 19 edicionet e kaluara, Kasijas ka arritur ta fitojë 3 herë titullin më të lakmuar të futbollit evropian, duke triumfuar në tre finalet, ku ka marrë pjesë. Kontrata e Kasijas me Porton, mbaron në fund të këtij sezoni, por spanjolli ka deklaruar se nuk është ende gati për të lënë futbollin, dhe më ka shumë gjasa që të çojë këtë rekord në 21 sezone.