Carvajal

Karvahal: Për një javë shkatërruam gjithçka, sezoni mbaroi!

Sport Ekspres — Tue, 05 Mar 2019 22:11:38 +0000

Mbrojtësi i Realit, Dani Karvahal foli menjëherë pas mbarimit të ndeshjes për mediat spanjolle, ku u shpreh shumë i zhgënjyer me atë që skuadra dha në fushën e lojës. Në fjalën e tij, spanjolli tha:

“Sezoni mbaroi! Shkatërruam gjithçka për një javë. Jam pa fjalë, nuk e kam pasur asnjëherë këtë ndjesi. Filluam mirë në pjesën e dytë dhe u munduam të futeshim në lojë, por goli 0-3 na preu këmbët dhe skuadra u dorëzua”,- tha shkurtimisht mbrojtësi i djathtë.

Karvahal e thotë hapur: Nuk e lë futbollin pa luajtur në Angli

Sport Ekspres — Tue, 09 Oct 2018 09:54:11 +0000

Dani Karvahal është rikthyer prej vitesh në një lojtar stabël në formacionin e Real Madrid, që është dhe klubi ku spanjolli u formua që në moshën 10-vjeçare. Në një intervistë për medien peruane “Libero”, Karvahal tha se në të ardhmen do të dëshironte një aventurë jashtë Spanjës, në kampionatin anglez.

“Do dëshiroja që të luaja në Premier League. Është një eksperienca që dua ta provoj dhe s’kam ndërmend të heq dorë nga futbolli pa e provuar atë”, tha mbrojtësi i Realit.

Kontrata e 26-vjeçarit me Realin mbaron mbas katër sezonesh, kështu që fansat e Realit nuk kanë arsye se përse të shqetësohen për të ardhmen e mbrojtësit, që siç duket vitet e fundit të karrierës preferon t’i kalojë jashtë vendlindjes.

Karvahal provokon: Atletiko vononte lojën që nga minuta e parë

Sport Ekspres — Sun, 30 Sep 2018 07:38:01 +0000

Barazimi në derbi mes Realit dhe Atletikos ofroi shumë përplasje dhe pak futboll, sidomos në pjesën e dytë.

Sipas mbrojtësit Dani Karvahal, faji është i Atletikos: “Është e vështirë të fitosh kur luan kundër një rivali që fillon të vonojë lojën që në minutën e parë”.

Mbrojtësi i kombëtares krijon polemika me fjalët e tij:” Për Atletikon pika ishte e artë. Çdo ekip luan sipas dëshirës dhe planit të vet, por kur një ekip luan që në fillim për barazim, duke u munduar të zvarritur lojën në çdo moment, është e pamundur të krijosh lojë e të dominojnë”.

Karvahal nuk shqetësohet nga seria e gjatë pa humbje e Atletikos në Bernabeu: “Jam gati të firmos çdo vit që Atletiko të na marrë pikë në Bernabeu dhe më pas ne te fitojmë trofetë”.