Akuzës së trajnerit të Mançester Sitit i është përgjigjur natyrisht Xhemi Karrager, sepse atij i ka djegur më shumë, duke qenë analist dhe ish-legjendë e Liverpulit.

Me një artikull të publikuar në Telegraph, Karrager shkruante ndër të tjera: “Nuk ekziston një komplot anti-Siti, edhe pse nëse unë përfshihem te gazetarët nën akuzë, e pranoj pa turp e frikë se anoj nga Liverpuli, duke qenë se kam luajtur mbi 700 ndeshje për këtë klub. Dua që titullin ta fitojë Liverpuli, lutem që të ndodhë, por vetëm kaq, fjalët mbeten fjalë. Edhe kolegu im Geri Nevil do të njëjtën gjë për Mançester Junajtid”.

https://twitter.com/GNev2/status/1126839895526445056?s=19

Kaq është dashur që Geri Nevil t’i përgjigjet në Twitter: “Ti dhe tifozët e Liverpulit jeni 75% e medias. Në 2 muajt e fundit ka qenë e vështirë për mua të punoja në Liverpool TV”.

Batutës se hidhur Karrager i ehete përgjigjur flakë për flakë: “TV i Liverpulit, por të kemi lejuar gjithsesi të ankohesh çdo javë për Ed Uoduord. A ka ndonjë shans që të kesh b*ole dhe të drejtosh gishtin te pronarët e Man Utd, familja Glejzers?”.

I pari është legjendë e Liverpulit dhe i dyti i Mançester Junajtid, ndaj natyrisht vizita në Etihad nuk ishte ëndrra e tyre në punën që bëjnë.

Gjithsesi, dy ish-futbollistët e famshëm gjetën mënyrën për ta bërë interesante xhiron nëpër stadium para ndeshjes. Nevil, me telefon në dorë, filmonte veten dhe Karrager, duke u vërdallisur nëpër Etihad, derisa përpara u doli “Salloni i Legjendave”.

Ishte rasti perfekt për t’u tallur pak me Sitin, sepse në sfond dëgjohet Karrager që thotë: “Geri, këtu qenka salla e legjendave”.

Nevil u tregoi shikuesve në video, duke qenë live në Instagram: “Shihni, ky është salloni i legjendave”.

Ndërkaq, nga larg Karrager lëshoi thumbin epik: “Qenka bosh!“.

Gati t’ia plaste të qeshurit, Nevil dëgjohet duke thënë emrat e Stiv Lomas dhe Georgi Kinkladze, dy lojtarë të preferuar nga tifozët e Sitit para epokës së sheikëve.

Natyrisht, kaq u desh që videoja të bënte xhiron e internetit, me komente pa fund, herë duke ngritur në qiell dyshen fantastike të Sky e herë duke i sharë, natyrisht sharjet nga tifozët e Sitit.

Gary Neville and Jamie Carragher while doing a bit of a tour behind the scenes at the Etihad.

Carragher: "eyar Gary, here's the 'Legends Lounge' – there's no-one in it!" ?? #MCILEIhttps://t.co/dz8E4mShyx

— BenchWarmers (@BeWarmers) May 6, 2019

Kjo gjë ka nodhur më së shumti me Sadio Mane, i cili ka pasur shumë raste për të shënuar, por Salah nuk e ka pasuar topin. Kjo gjë është vënë re dhe nga Jurgen Klop, megjithatë trajneri vendosi ta mbrojë lojtarin e tij, duke thënë se në futboll janë gjëra që ndodhin.

Por ai që nuk e ka kaluar pa u vënë re këtë situatë ka qenë ish-lojtari i Liverpulit dhe analisti i “SkySport”, Xhejmi Karrager. Ky i fundit tha: “Salah është treguar egoist në shumë raste, pasi Mane ka qenë në një pozicion më të mirë për të shënuar dhe nuk e ka pasuar. Egoizëm, por për fat të mirë, Klop ka shumë lojtarë që arrijnë të shnëojnë dhe të nxjerrin rezultatin nga hiçi. Mane po kalon një sezon shumë të mirë dhe për mua, ai është lojtari kryesor i Liverpulit”, përfundoi Karrarger, i cili ka qenë mbrojtësi numër një për Salah, por tashmë ka ndryshuar mëndje.