carles alenja

Karles Alenja shpërthen ndaj klubit, arsyeja është De Jong

Sport Ekspres — Thu, 25 Jul 2019 19:39:08 +0000

Frenki De Jond erdhi me një ide të qartë në Barcelonë. Ai donte të mbante numrin 21 në fanellë sepse në atë mënyrë kujtonte gjyshin e tij. Këtë ja tha gjithë botës në ditën e prezantimit. Dilema ishte nëse Karles Alenja, mbajtësi i atij numri, do ishte dakort t’ia linte holandezit.
Pas një bisede mes të dyve në stërvitje, u ra dakort që Frenki do merrte numrin 21 dhe mesfushori katalanas do mbante 19-ën mbi shpinë. Megjithatë, kjo çështje nuk mbyllet me kaq. Në një intervistë, Alenja shkarkon mllefin ndaj klubit.

Ai zbulon se drejtuesit ja kishin premtuar më parë numrin De Jongut dhe për këtë nuk ndihej aspak mirë. Megjithatë, holandezi u tregua i drejtë edhe pse klubi ja kishte premtuar. Ai bisedoi personalisht me shokun e tij dhe gjithçka e zgjidhën mes tyre.

“E dija se Frenki donte atë numër. Por kjo ishte një çëshjte që më përkiste vetëm mua. Do të doja që klubi të më kishte njoftuar përpara se t’i premtonin 21-shin atij. Ai ishte i përlulur, më pyeti dhe ja dhashë sepse kishte një lidhje personale me atë numër. Me veprimin e drejtuesve nuk ndihem mirë, ne kemi folur gjithmone hapur”, përfundoi Alenja.

Talenti Alena i plotëson dëshirën, De Jong do mbajë numrin legjendar

Sport Ekspres — Mon, 15 Jul 2019 17:11:25 +0000

Pasi u mbyll gjithçka rreth transferimit të Frenki De Jong te Barcelona, e vetmja gjë që i “brente” mendjet e tifozëve ishte numri që do mbante holandezi mbi shpinë. 22-vjeçari kishte 21-shin te Ajaksi dhe ishte mësuar me atë numër.

Në 21-vjetorin e ditëlindjes iu largua nga jeta një person shumë i dashur, gjyshi i tij. Pas kësaj, numri që Frenki mbante mbi shpinë mori kuptim dhe shpresonte të mos e ndryshonte atë as te Barcelona.

Në fakt këtë numër më parë e mbante Karles Alenja. Megjithatë, talenti katalanas është treguar bujar ndaj kolegut të tij, duke ja dhuruar numrin. Kështu, Frenki do të vazhdojë të kujtojë gjyshin e tij, një person që e ndiqte kudo gjatë karrierës së tij. Ndërkohë Alenja do të luajë me 19-ën mbi shpinë.

Barcelona i pati propozuar atij numrin 14. Një numër me mjaft vlerë, pasi më parë atë e ka mbajtur një legjendë si Johan Krujf. Ndërsa numrin 21 e ka futur në modë dikush si Andrea Pirlo.

VIDEO | Talenti Alenja i jep tri pikë Barçës, festa e titullit gjithnjë e më pranë

Sport Ekspres — Tue, 23 Apr 2019 21:21:43 +0000

Barcelona ka marrë tri pikët në transfertën e sotme ndaj Deportivo Alaves. Përveç fitores trajneri Ernesto Valverde mund t’i gëzohet dhe golit të talentit të mesfushës Karles Alenja, i cili zhbllokoi takimin e sotëm në minutën e 55-të.

Lajm i mirë ishte dhe goli i Luis Suarez. Uruguaiani nuk shënonte prej tri takimesh dhe finalizimi i sotëm nga pika e bardhë mund ta ndihmojë për t’u rikthyer në formë për dy përballjet në Champions League ndaj Liverpulit.

Alaves 0 – 2 Barcelona
Shënues: Alenja 55’, Suarez 60’ (pen)