Sulmuesi po kalonte kulmin e karrierës së tij, pasi po zhvillonte sezonin më të mirë me Nantën, të cilët vendosën ta shisnin te Kardifi në Premier League. Plot 17 milionë euro, një shifër rekord për klubin francez, ndërkohë që edhe Sala do të përfitonte shumë më shumë në Kardif.

Gjithsesi, argjentinasi me sa duket nuk e ka dashur një transferim të tillë. Këtë gjë e zbulon “L’Equipe”, që ka nxjerrë një mesazh zanor që vetë Sala i dërgonte një miku të tij në “Whats App”.

Sulmuesi dëgjohet të thotë që nuk e do kalimin te Kardifi, pasi nuk përputhet me pritshmëritë e tij, duke nënkuptuar që kërkon kalimin në një klub më të madh. Gjithashtu, ai shton se po detyrohet të kalojë atje dhe se kjo gjë nuk po i pëlqen.

Le documentaire « Emiliano Sala, les secrets d’un destin brisé » a révélé un message vocal de l’attaquant argentin à ses proches le 6 janvier. Il y exprime sa rancoeur envers Waldemar Kita, le président du FC Nantes #lequipeENQUETE pic.twitter.com/RCqIMcwOLv

— L’ÉQUIPE (@lequipe) May 22, 2019

“Mbrëmë fola me agjentin tim Meisa, më tha që Frank Kita, i biri i presidentit Valdemar Kita, i kishte thënë se duan të më shesin.

Kanë marrë një ofertë nga Kardif. Për vete kanë vendosur një çmim të lartë dhe Kardif ka pranuar, ndaj duan që unë të shkoj patjetër atje.

Është e vërtetë që është kontratë e mirë, por në aspektin sportiv nuk është interesante për mua. Gjithsesi, ata duan që unë të shkoj me çdo kusht.

Personalisht, nuk kam frikë të shkoj atje, jam mësuar me beteja gjithë jetën time. Megjithatë, shpresoj që Meisa të më gjejë diçka më të mirë deri në mbyllje të merkatos së janarit.

Edhe Meisa nuk do që unë të shkoj në Kardif dhe mendon se jemi në një pozicion superior, mund të vendosim vetë ku duam të shkojmë. Nuk më plas shumë për këtë gjë, por do doja që të gjeja një klub të mirë dhe një kontratë të mirë. Në futboll rrallë bëhen bashkë të dyja këto.

Nuk dua të flas, as ta shoh Kitan, sepse acarohem. Ai do që unë të shkoj në Kardif, do paratë e tij, ndërkohë që as më ka pyetur fare çfarë dua unë. Është e vështirë, shumë, sepse më duhet çdo ditë të shoh surratin e atij personi, por askush nuk më sheh mua, çfarë kam unë në zemër”.

Me uellsianët në avantazh 1-0 për një pjesë të madhe të ndeshjes, Çelsit iu desh një gafë kolosale e arbitrave për të barazuar, sepse Azpilicueta barazoi duke qenë një metër në pozicion jashtë loje dhe më pas Çelsi fitoi, në hapësirën e pak minutave.

Një leksion i mirë për anglezët kokëfortë, që nuk duan VAR në Premier Ligë, ndërsa tashmë të gjithë po binden se teknologjia nuk është e keqja e futbollit.

Trajneri i Kardifit Nil Uornok ishte “vullkan” pas golit të mbrojtësit spanjoll, por edhe në konferencë për shtyp pas ndeshjes nuk e ruajti dot qetësinë.

? Neil Warnock is not happy

? Watch now live on Sky Sports PL or follow here: https://t.co/jbI7BWlKx1 pic.twitter.com/00Zkfx7ZMw

— Sky Sports Premier League (@SkySportsPL) March 31, 2019

“Nëse ndokush kishte dyshime deri sot, VAR është përgjigja për t’ua hequr ato”, tha Uornok. “Arbitrat kanë nevojë për ndihmë, si mendoni? Do ishte zgjidhur gjithçka në 10 sekonda, nuk duhej as ndonjë punë e madhe për të parë që ishte gol i parregullt.

“Kemi punuar për javë të tëra për të aplikuar pozicionin jashtë loje në raste të tilla dhe tani djemtë më thonë: ‘Po tani ç’të bëjmë, trajner? Ç’vlerë ka?’. Është dëshpëruese”.

Neil Warnock’s stare down with the officials at full time ??? pic.twitter.com/fI05Hf51J7

— Footy Humour (@FootyHumour) March 31, 2019

Uornok kërkoi kohë që të qetësohej, para se të dilte para mediave, por sërish zemërimi i tij dukej qartë: “Asnjë vendim i gabuar në favorin tonë, mund të merrnim një penallti dhe mund të dilte me karton të kuq Rydiger. Me siguri tifozët e Bërnlit apo Brajtonit, rivalë për mbijetesë, janë kënaqur me ndeshjen tonë. Nuk është faji ynë që një arbitër nuk sheh pozicionin jashtë loje më të pastër që kam parë ndonjëherë dhe penalltinë më të qartë që kam parë ndonjëherë. Kemi kampionatin më të mirë në botë, por arbitrat më të këqij. Nuk e kanë idenë çfarë është në lojë, nuk mund të gabojnë në këto nivele”.

“Pas ndeshjes arbitrat ishin të zhgënjyer, si unë, por çfarë vlere ka? Ne mund të shkonim dy pikë larg mbijetesës, arbitrat vazhdojnë punën normalisht, e shumta ndonjë javë pushim”.

Kardifi u mbrojt shumë mirë dhe ishte shumë pranë një mrekullie, pasi po udhëhiqnin 1-0 deri në minutën e 84’, minutë kur Azpilikueta barazoi shifrat. Mbrojtësi spanjoll ishte në pozicion të parregullt, por goli qëndroi dhe Çelsi barazoi. Ndërsa në sekondat e fundit, Blutë do të përmbysnin gjithçka, falë golit të Loftus-Çik.

Çelsi me këtë fitore ngjitet në vend të pestë, në kuotën e 60 pikëve, aq sa ka dhe Arsenali me një ndeshje më pak. Gara për një vend në Champions është ashpërsuar shumë në Premier Ligë.

Premier League, java 31’

Kardif – Çelsi  1-2
Kamarasa 46’ / Azpilikueta 84’, Loftus-Çik 90+1’

ndërmend të paguajë. Nanta e ka çuar në FIFA këtë çështje, por te Kardifi janë të qetë, pasi marrëveshja nuk ishte mbyllur ligjërisht.

Sipas klubit anglez, duhej që lojtari të prezantohej dhe të firmoste një kontratë të dytë, ku do të flitej për bonuset dhe për rregullat që ka klubi.

Kjo kontratë nuk u nënshkrua asnjëherë, për shkak të tragjedisë së sulmuesit argjentinas. Nanta duket se ka mbetur pa asnjë qindarkë, por kjo çështje vazhdon të zvarritet në zyrat e FIFA-s.

Kardifi duhet t’i paguajë Nantës 15 milionë sterlina, sipas marrëveshjes, por për momentin gjithçka ka mbetur pezull.

Klubi uellsian duhej të depozitonte këstin e parë të pagesës, prej 6 milionë eurosh, deri sot, por klubet kanë rënë dakord që të ketë një javë shtyrje të transaksioneve bankare.

Avokatët e Nantës i kërkuan Kardifit që të fillonte shlyerjen e pagesës për sulmuesin e pafat, i cili humbi jetën në aksident ajror, në një kohë që transferimi i tij ishte kompletuar në aspektin juridik.

Megjithatë, Kardifi e ka bërë të qartë që kërkon të presë përfundimin e hetimeve për rënien e avionit dhe gjithashtu po studion për “anomali” në detajet e kontratës.

Situata është e ndërlikuar, edhe për faktin se gjysma e pagesës për sulmuesin e takon Bordosë, për shkak të një klauzole kur Sala kaloi te Nanta në vitin 2015.

Nëse edhe pas një jave nuk ka marrëveshje, gjithçka do të kalojë në zyrat e FIFA-s, ose do të shkojë direkt në Gjykatën e Arbitrazhit Sportiv (CAS).

Për momentin nuk bëhet e ditur se trupi i cilës prej viktimave është gjendur. Gjetja e avionit të zhdukur prej dy javësh u bë e mundur prej kërkuesve privat, të cilët u kontraktuan, pasi një fushatë e nisur në internet grumbulloi mbi 300 mijë euro nga donacionet e më shumë se 200 personave nga anembanë botës.

DEKLARATA E LËSHUAR NGA DEGA E HETIMIT TË  AKSIDENTEVE AJRORE

“Pajisja kërkuese e komanduar nga ne kërkoi të gjithë zonën përreth rrënojave të avionit,  por nuk u bë e mundur gjetja e pjesëve të tjera. Tragjikisht në pamjet video që na u përcollën nga pajisja, dallohet një trup. Ne së bashku me konsultimin e  policisë dhe familjarëve, po mendojmë për hapat e radhës që duhen ndërmarrë”.

Gjithsesi, në sfidën e sotme, ka rënë në sy gjesti i bërë nga ekipi i Kardifit përpara ndeshjes. Në listën e lojtarëve, vihet re se është dhe emri i Emiliano Salës, i cili në vend të numrit në fanellë, i kanë vendosur një lule.

Gjest i madh nga Kardif Siti, teksa gjatë javës së shkuar gjithashtu, pranë stadiumit të ekipit kanë bërë shumë homazhe.

Një bisedë e datës 18 janar mes Salës dhe Mekkej, futbollist i Kardif Sitit, është publikuar në mediat angleze dhe ky i fundit ka bërë rolin e organizatorit, duke i gjetur avionin dhe duke i caktuar orarin shokut të tij të ri të skuadrës.

Mekkej i ka thënë Salës që ia ka gjetur ai avionin pa pagesë dhe i detyrohet vetëm ta ndihmojë në fushën e lojës, për të shënuar sa më shumë gola së bashku. Sala e ka pranuar ndihmën e shokut të tij dhe ka udhëtuar pikërisht me avionin që Mekkej i ka vënë në dispozicion.

Disa fjali nga biseda mes dy futbollistëve:

Mekkej – “Babai im më tha se do të shkosh në shtëpi nesër. Ai ka mundësinë të gjejë një avion që të çon në Nantë dhe të rikthen në Kardif të nesërmen. T’i them që ta gjejë avionin?

Sala – “Shkëlqyeshëm, sa do të më kushtojë?”

Mekkej – “Asnjë qindarkë, vetëm nëse më ndihmon të shënoj gola.”

Sala – “Patjetër miku im, do të shënojmë shumë gola së bashku.”

Autoritetet e Guernseyt prej tre ditësh kanë bërë kërkime, të cilat kanë nisur çdo mëngjes dhe janë mbyllur deri kur është errësuar, por deri në këto momente, ende nuk ka pasur asnjë shenjë. Ditën e sotme, më saktë para pak momentesh, policia e Guernseyt ka postuar në “Twitter”, vendimin që ndoshta mbyll gjithçka.

3.15pm Update.

Please read the attached statement.

Unless there is a significant development, there will be no further updates pic.twitter.com/jbEIFMB3zi

— Guernsey Police (@GuernseyPolice) January 24, 2019

Sipas autoriteteve dhe kapitenit David Barker, kërkimet janë mbyllur përfundimisht. Prej tre ditësh kërkime intensive me tre avionë, 5 helikoptera si dhe dy varka shpëtimi, tashmë është vendosur që kërkimet të ndalojnë. Në një letër të hapur, kapiteni Barker ka sqaruar të gjithë opinionin si dhe i ka shprehur ngushëllimet e tij familjeve. Ndoshta dhe shpresat e fundit u shuan…

Ndërkohë, gjatë orëve të fundit ka ardhur një rrëfim tronditës nga Uruguai. Futbollisti Diego Rolan, lojtari i përfaqësueses uruguaine dhe koleg i Salës, kur luanin të dy së bashku vite më parë te Bordoja, ishte i ftuar në një emision radioje, ku tha se kishte marrë vesh se Sala kishte shkëmbyer mesazhe me një mik të ngushtë gjatë fluturimit.

“E di që Emiliano i ka dërguar një mesazh një miku ndërsa ishte në avion dhe para se të zhdukej sinjali, duke i thënë që kishte frikë dhe se nëse nuk do e gjenin, do e kishte ditur atë që kishte ndodhur”, tha Rolan.