Përfundimisht ata e kanë ndarë vëmendjen dhe nuk kanë ndërmend të paguajnë. Kjo sepse sipas tyre Nanta ka shkelur rregullat e FIFA-s dhe kontrata që ata kishin nënshkruar konsiderohet e pavlefshme për shkak se nuk ishte regjistruar nga liga.

Në artikullin e publikuar nga The Telegraph, thuhet se Nanta nuk kishte bërë me dije se përgjegjës për transferimin e Sala ishte menaxheri Mark MëkKei. Kjo bie në kundërshtim me nenin 3 të Statutit të Lojtarit dhe Transferimeve, që thotë se “klubi duhet të informojë në lidhje me emrin e ndërmjetësit dhe komisionit të tij”. Kështu, Nanta rrezikon edhe të dënohet nga FIFA.

Trajneri i skuadrës uellsiane, Neil Uarnok, kreu një reagim epik në përfundim të ndeshjes, duka shkuar pranë trupës së arbitrave dhe duke u ngulur sytë përreth një minutë.

Neil Warnock's stare down with the officials at full time ??

Glad we're not the referee or linesman right now ? pic.twitter.com/026qLMpgL5

— Soccer AM (@SoccerAM) March 31, 2019

Në intervistën pas përfundimit të ndeshjes, trajneri 70-vjeçar tha: “E kam shumë të vështirë të përtyp këtë humbje. Jam shumë krenar për lojtarët e mi. E papranueshme kjo që na bënë gjyqtarët, përse nuk përdoret sistemi VAR. Kemi punuar tre javë dhe gjithçka shkoi dëm për shkak të vendimeve të gjyqtarëve. Është pozicioni jashtë loje më i qartë që kam parë ndonjëherë”.

“Në këtë lloj niveli nuk mund të bëhen gabime të tilla. Kam mbetur pa falë, lojtarëve të mi u duket sikur dikush u ka gjuajtur me grusht fytyrës. Është diçka kriminale, unë dhe skuadra ime nuk e meritojmë  këtë”.

Francezët kanë marrë fillimisht një këst prej 6 milionë eurosh dhe tani ka një “betejë” për pjesën tjetër të pagesës. Momentalisht Kardifi refuzon të paguajë, por mund t;i presë një dënim i rëndë nëse e bëjnë diccka të tillë.

“The Times” raporton se FIFA është fati t’i bllokojë merkaton klubit uellsian. Afati për të shlyer pagesën prej 11 milionë është 10 ditë. Nëse shkelet afati, atëherë pritet që Kardifi të dënohet nga qeveria e futbollit botëror.

15 milionë paundë pagoi Kardif Siti për kartonin e sulmuesit argjentinas, para që do të kalonin në arkat e skuadrës franceze të Nantës. Megjithatë, kjo shumë ende nuk është transferuar në llogaritë e klubit francez, që sipas “BBC Wales”, janë gati të hedhin në gjyq Kardifin.

Edhe pse shumë vazhdojnë të jenë të tronditur nga ngjarja e ndodhur, bordi drejtues i Nantes e ka mendjen te paratë dhe në rast se 15 milionë paundët nuk paguhen brenda kësaj jave, do t’i drejtohen dyerve të gjyqit.

Si pasojë, klubi i Kardifit ka ngelur pa sulmues dhe i ka kërkuar bordit të Premier Ligës të shtyhet merkato për ta, në mënyrë që të gjejnë një sulmues tjetër.

Bordi i Premier Ligës ka vendosur sot dhe shtyrje merkato, nuk do të ketë. Me datë 31 janar, gjithçka do të mbyllet dhe klubet nuk do të kenë mundësi të transferojnë më lojtarë.

Kërkimet ishin pezulluar si pasojë e stuhive dhe shikueshmërisë së vogël, por policia ka nisur kërkimet në zonat bregdetare, siç lajmëron në rrjetet sociale. Pesimizmi është i madh dhe shanset e shpëtimit të pilotit dhe Salës janë të vogla, duke llogaritur dhe temperaturat e ulta të ujit. Orë ankthi për tifozët e Nantës dhe Kardifit, por jo vetëm.

Ngjarja e ndodhur me 28-vjeçarin ka trishtuar gjithë tifozët e futbollit, ndërsa më të vështirë se të gjithë e ka familja e tij… Ata dhe të gjithë luten, besojnë akoma me shpresën që Emiliano do të jetë gjallë dhe duke pritur ndihmë…

Por diçka befasuese ka dalë nga hetimet e kryera, pasi piloti i dytë nuk është nisur me avionin e zhdukur. David Henderson kishte kaluar kontrollet e fundit së bashku me pilotin e parë Ibotson dhe futbollistin, por ai ka vendosur të kos e ndërmarrë këtë fluturim.

Lajmi raportohet nga “Ouest France”, që tregon dhe postimin pilotit të dytë në rrjetet sociale. “Në kundërshtim nga çfarë po flitet nëpër media, unë nuk kam vdekur. Nuk isha në atë avion…”, shkruan Henderson. Tashmë atij do i duhet t’u japë shpjegime autoriteteve për arsyet e mungesës së tij.

Misteri rritet dhe më shumë nga fakti që Ibotson i kishte shkruar një mikut të tij pak ditë përpara ngjarjes tragjike. “Jam konsumuar pak me sistemin e uljes…”, shkruante publikisht piloti i parë për avionin ku u ngjitën për herë të fundit ai dhe Emiliano Sala.

24th January
7.50am update.

We are commencing a coastal search using be Channel Islands Air Search plane of Burhou, the Casquets, Alderney, the north coast of the Cherbourg Peninsula, north coast of Jersey and then back over Sark.

Further information released when available

— Guernsey Police (@GuernseyPolice) January 24, 2019

Edhe sot, “Guernsey Police” ka kryer kërkimet rutinë për nëntë orë, por asnjë gjurmë të avionit të zhdukur nuk është gjetur. Disa çaste më parë, erdhi dhe njoftimi nga policia, për ndërprerjen e kërkimeve për ditën e sotme.

Po ashtu, më poshtë u njoftua se gjasat për gjetjen e sulmuesit janë ulur ndjeshëm, por kërkimet do të vazhdojnë intensivisht. Gjithashtu, gjatë ditës së sotme, u publikua një lajm në mediat franceze, që sipas tyre kishte një dëshmitar okular në momentin që sipas tij, avioni ka shpërthyer.

Gjithsesi, ky lajm është përgënjeshtruar menjëherë nga “Guernsey Police” dhe sipas tyre, në vendin ku dëshmitari tha se është rrëzuar avioni, nuk është gjetur asnjë gjurmë.

Mbrëmjen e 21 janarit, në orën 20:30, avioni Peper Malibu në të cilin udhëtonte Emiliano Sala, lojtar i ekipit të Nantës në Ligën parë franceze, pati kontaktin e fundit me qendrën e kontrollit. Italo-argjentinasi ishte nisur nga Nanta në drejtim të Kardifit, ekipit të tij më të ri në Premier Ligë.

Momentalisht, kur kanë kaluar më shumë se 36 orë nga zhdukja e mistershme, pavarësisht kërkimeve, ende nuk ka asnjë shenjë të lojtarit apo të pilotit që ishte në bordin e avionit. Lumturia e 28-vjeçarit, i cili para pak ditësh firmosi kontratën e jetës duket se nuk zgjati shumë.

Zakonisht, kur një njeri humbet jetën, atëherë nis dhe vlerësohet, por rasti i Emiliano Salës nuk është i tillë. Gjithnjë, në Francë sidomos, është cilësuar si një nga sulmuesit më luftarakë që kanë luajtur në Ligën e parë.

E nisi rrugëtimin e tij në Evropë duke kaluar menjëherë nga Argjentina në Ligën e parë franceze, ku e priste Bordoja. Në atë kohë vetëm 20 vjeç, nuk arriti të “çante” në ekipin e parë dhe luajti me rezervat. Djaloshi 20-vjeçar shënon 11 herë në 29 ndeshje si titullar në sezonin e tij të parë. Jo keq për një të sapoardhur nga Argjentina.

Tre sezonet e ardhshme i kalon në huazime, fillimisht në “National” (liga e tretë franceze), me ekipin e Orleans. 19 golat e ndihmojnë që sezonin e ardhshëm të hauazohet te Niorti në “Ligue 2”. Përsëri sezon pozitiv, teksa tund rrjetën 18 herë në 37 takime, duke qenë pikë referimi për ekipin e tij.

Në verën e 2014, pritej rutina e përhershme. Kthim te Bordoja dhe huazim diku tjetër. Por këtë herë nuk ndodhi kështu, pasi zhirondinët vendosën t’i besonin. Gjysmë sezoni me Bordon, asgjë për t’u përmendur, vetëm katër takime si titullar dhe një gol i shënuar. Në janar kthehet te rutina…

Kaeni i beson dhe e merr në huazim. Gjysmë sezoni i mjaftoi për të luajtur, shtatë takime si titullar dhe gjashtë si zëvendësues. 5 gola të shënuar, me një mesatare, gol çdo dy ndeshje. Aq i mjaftoi, Emiliano Salës që të bindte Nantën të paguante 1 milionë euro për ta marrë në radhët e tyre.

Sezoni i parë ishte si nxehmje për italo-argjentinasin, i cili shënoi vetëm 6 gola në 22 ndeshje si titullar. Pavarësisht se nuk dha më të mirën në vitin e parë në Nantë, sezoni 2016/2017 do të ishte një ndër më të suksesshmit për Emiliano Salën, teksa me 12 gola ndihmoi ekipin e tij të renditej në vendin e shtatë në Ligën e parë.

I njëjti rendiment vijoi dhe në sezonin pasardhës ku shënoi 12 herë dhe Nanta e tij u rendit e nënta. Për të ardhur në sezonin aktual. Padyshim, më i miri në gjithë karrierën e tij. Një fazë e luajtur, 12 gola të shënuara me “kanarinat”. Ato që kishte bërë sezonin e shkuar dhe dy sezone më parë, i bëri në vetëm një fazë këtë vit.

U përfol pafund, teksa në një periudhë rivalizonte dhe yjet e PSG-së për golashënuesin më të mirë, si dhe ishte një ndër sulmuesit argjentinas më me shumë gola të shënuar këtë sezon. Gjysmë sezoni perfekt, u kurorëzua me interesimin dhe kalimin në Premier Ligë. Padyshim, një ëndërr për çdo lojtar. 17 milionë euro në tavolinë për Nantën dhe një kontratë me shifra të majme për sulmuesin.

“Ka ardhur Sala i ri në qytet. Shumë i lumtur që nënshkruaj këtu. E di që sfida është e madhe, por së bashku do t’ia arrijmë. Pres me padurim të zbuloj Premier Ligën dhe skuadrën”, ishin këto fjalët e sulmuesit pas nënshkrimit të kontratës me Kardifi Sitin.

Pas këtij postimi, është dhe një postim i fundit. Ai me ish-ekipin e tij, të cilët kërkoi vetë t’i takonte dhe mori leje në klubin e Kardifit. Shkrimi në foto “La ultima ciao”, nuk ka nevojë për shumë koment. Ndoshta ka qenë me të vërtetë lamtumira e fundit…

“E imagjinoj që tani që Emiliano ka zbritur në një plazh në Guernesey dhe me pilotin në shpatulla po thotë: e kam hundën e thyer, por do të luaj të shtunën”.

Të gjithë jemi me sytë nga qielli dhe lutemi që këto fjalë të bëhen realitet dhe “luftëtari” Sala të shfaqet për të tundur rrjetën dhe për të çuar peshë tifozët përsëri…

28-vjeçari ka qenë në bordin e avionit të zhdukur, por akoma nuk ka informacion të qartë për ngjarjen e ndodhur pranë farit “Casquets”, në Kanalin e La Manshit.

Dy helikopterë, dy avionë dhe një barkë shpëtimi po kërkojnë avionin PA 46 Malibu, siç raporton policia e ishullit Guernsey. “Kontaktet me avionin janë humbur rreth orës 8:30 të mëngjesit.” Babai i lojtarit, Horacio Sala, ka folur për “Radio Continental”, duke treguar momentin e fundit që ka biseduar me djalin e tij.

“Ndodhem në Argjentinë dhe nuk kam asnjë informacion, përveç faktit që po udhëtonte me një avion të vogël. Një shok më tregoi për ngjarjen e ndodhur. Jam në Rosario dhe po vdes nga dëshpërimi. Për herë të fundit kam folur të dielën me Emilianon dhe shpresoj që gjithçka të shkojë mirë dhe ai të gjendet.”

“Di që avioni ishte i presidentit të Kardifit, ata na informuan se avioni ishte zhdukur dhe se po vazhdojnë kërkimet për të”, shprehet Mercedez, nëna e sulmuesit.

Rojet bregdetare angleze kanë lajmëruar se incidenti ka ndodhur jashtë zonës territoriale të Anglisë, ndërsa kërkimet për të vazhdojnë. Pretendohet se avioni ka patur probleme në motor dhe ka fluturuar rreth 5-6 milje në një situatë të tillë.

Klubi i Nantës i ka kërkuar federatës franceze shtyrjen e ndeshjes së kupës kundër Entente SSG, që ishte programuar të zhvillohej nesër. Presidenti i klubit francez, Valdemar Kita, ka folur për “CNEWS”, duke deklaruar se shpreson që ai të jetë gjallë.

“Emiliano ishte një djalë i mrekullueshëm dhe gëzonte respektin e të gjithëve. Mendimet e mia shkojnë për familjen dhe miqtë e tij. Nuk dimë akoma asgjë se çfarë ka ndodhur, por shpresoj që ai të jetë diku. Nuk e dija as që ai kishte ardhur të takohej me shokët e ekipit para se të largohej. Shpresoj që ta gjejmë.”

Në Francë e bëjnë të sigurt që Sala ka qenë në avion. Policia, por edhe ish-klubi i tij Nanta, e konfirmojnë diçka të tillë. Ngjarja ka ndodhur pranë farit “Casquets”, në Kanalin e La Mansh. Argentinasi kishte mbyllur marrëveshjen me Kardif Siti dhe ishte nisur nga Franca drejt Anglisë.

Ngjarja ka ndodhur mbrëmë dhe në klubin anglez janë të shqetësuar mbi situatën e krijuar me futbollistin e tyre. Momentalisht kanë nisur kërkimet nga toka dhe ajri për avionin Piper Malibu, ku ndodhej sulmuesi 28-vjeçar, i cili u ble për shifrën rekord të 15 milionë sterlinave.

Ndeshja përfundoi në paqe, me ekipet që nuk arritën të shënonin, duke mbyllur çdo gjë me rezultatin e bardhë 0-0. Gjithsesi, ajo që ra në sy në këtë duel ishte se u shndërrua në ndeshjen që shihte për herë të parë në historinë e Premier Ligës, dy trajnerë që i kishin kaluar të 70-tat.

Roi Hoxhson përballë Neil Uornok. Dy trajnerë me shumë eksperiencë, ku Roi Hoxhson, njihet më shumë, sidomos për periudhën që kishte në krye të kombëtares angleze. Pikërisht ky i fundit numëron 71 vite mbi supe, ndërsa kolegu i tij Uornok është 70 vjeç e 25 ditë.

“Djajtë e kuq” vijuan të këmbëngulnin me lojën e tyre, pavrësisht avantazhit dhe në minutën e 29-të dyfishuan me anë të Ander Herrerës. Vendasit e Kardifit, reaguan në minutën e 38-të, ku Kamarasa shndërroi në gol një 11-metërsh duke shkurtuar diferencën në 1-2.

Gjithsesi, pjesa e parë ende nuk kishte të mbaruar, pasi Antoni Marsial, shënoi dhe golin e tretë, në minutën e 41-të, duke dërguar në dhomat e zhveshjes të qetë ekipin e tij. Pjesa e dytë ishte po aq produktive sa e para për ekipin e Solskjaer, pasi shënuan dhe dy herë të tjera, me anë të Xhesi Lingard, në minutat 57 dhe 90.

Kardif përmbysi golin e shpejtë të shënuar nga mbrojtësi Dank, ku Paterson fillimisht barazoi në minutën e 28-të dhe heroi i takimit ishte Sol Bamba. Mbrojtësi nga Bregu i Fildishtë shënoi një gol mjaft të rëndësishëm për ekipin e tij, por dhe mënyra se si shënoi ishte e veçantë.

Fillimisht Bamba provoi të shënonte me një roveshatë, por shtylla ia mohoi këtë gjë. Në vijimin e aksionit lojtarët e Kardif provuan përsëri, por fillimisht e ndali portieri, më pas topi shkoi në traversë, përpara se mbrojtësi 33-vjeçar të korrigjonte shënjestrën dhe këtë herë të mos gabonte. Rrëmujë totale për golin e shënuar dhe një Brajton me fat deri diku, pasi në fund të sfidës ishte Kardif që festoi.