Festë e madhe për djemtë e Guardiolës, të cilët festuan gjatë me njëri-tjetrin dhe tifozët. Të gjithë në ekstazë dhe me kupën në duar, përveç njërit! Oleksandër Zinçenko ka shijuar festën e shokëve të tij, por pa patur mundësinë për të prekur trofeun.

Një gjë e tillë nuk ka ndodhur pa shkak, por kanë qenë vetë lojtarët e Sitit që i kanë mohuar 22-vjeçarit ukrainas prekjen e kupës. Shkakun e zbulon anglezja “The Sun”, që i rikthehet festës së sezonit të kaluar.

Mançester Siti zhvilloi një kampionat fantastik, duke e mbyllur në vendin e parë me plot 100 pikë. Gjatë festës së zhvilluar në skenën e e vogël të montuar në mesin e fushës, të gjithë lojtarët ishin në pritje të momentit për të ngritur në qiell trofeun e madh.

Mes euforisë së krijuar dhe adrenalinës së madhe, Zinçenko prek pa dashje me shpinë trofeun, që përfundon në tokë. Të gjithë tmerrohen për një moment, por nuk ka asnjë rrezik. Vinsent Kompani ngre në qiell kupën për të nisur zyrtarisht festën.

Lojtarët nuk e kanë harruar veprimin e mëngjarashit dhe janë kujdesur që ai të mos binte në kontakt me trofeun e fundit të fituar.

Man City letting Zinchenko lift the trophy because he dropped it last year! ? pic.twitter.com/aI2boOfa5m

— Soccer AM (@SoccerAM) February 24, 2019

Sipas teknikut italian, ishte i gjithi një keqkuptim dhe ndaj Kepas nuk do të ketë asnjë masë disiplinore. Gjithashtu, Sarri shtoi se portieri spanjoll pati të drejtë dhe se zëvendësimi u mendua të bëhej për arsye se pretendohej që Kepa ishte i dëmtuar.

GJESTI I KEPAS – “Ishte një keqkuptim. Nuk e kuptova problemin fillimisht, më pas kur arrita në pankinë u sqarova nga mjekët. Ishte një keqkuptim i madh, sepse unë mendova se portieri kishte probleme dhe nuk mund të vazhdonte. Nuk do të ketë asnjë masë disiplinore.”

TENTATIVA PËR T’U LARGUAR – “Nuk u largova. Thjesht doja të qetësohesha. Kepa e kuptoi që kërkova zëvendësim për arsye fizike dhe tha që nuk kishte asnjë problem dhe kishte të drejtë. E kuptova këtë gjë kur erdhi mjeku. Më pas fola me Kepën vetëm për ta sqaruar, që tani e kisha kuptuar si qëndronte situata.”

Pjesa e parë ishte thuajse e gjitha e dominuar nga ekipi i Guardiolës, të cilët dominuan në mbajtjen e topit dhe në lojë, por mbrojtja e Çelsit ishte në lartësinë e duhur. Fraksioni i dytë, ishte më pozitiv për blutë, të cilët krijuan dhe raste në fundin e ndeshjes, por Kante dhe Pedro nuk u treguan të saktë.

Kështu, ndeshja u mbyll pa gola dhe gjithçka kaloi në kohën shtesë. E njëjta melodi u luajt dhe në 30 minutat e shtësës, ku skuadrat nuk arritën të gjenin rrugën e rrjetës dhe iu drejtuan llotarisë së 11-metërshave për të vendosur fituesin.

Zhorzhinjo ishte i pari që goditi, me mesfushorin, i cili gaboi duke goditur një nga penalltitë më të këqija të karrierës. Më pas, Gyndogan, Azpilikueta, Aguero, e Emerson u treguan të saktë. Leroi Sane ishte ai që gaboi për Sitin, duke rikthyer përsëri Çelsin në lojë. Gjithsesi, mundësia nuk u shfrytëzua siç duhet, me David Luiz, i cili goditi shtyllën.

Bernardo Silva u tregua i saktë, ndërsa Hazard dhuroi një perlë, teksa mposhti Ederson me panenka. 11-metërshi deciziv u godit nga Sterling, i cili u tregua i saktë, duke çmendur në festë ekipin e tij.

Pas fitores kundër Totenhemit dhe kualifikimit në finalen e “Carabao Cup nga goditja e penalltive, 28-vjeçari ka dhënë mendimin e tij. Asnjë ndjesi për fjalët e trajnerit dhe “injorim” total për të.

“Po them të vërtetën, nuk më interesojnë fare fjalët e Sarrit. Unë mendoj vetëm të luaj futbollin tim. Jam i përqendruar te skuadra dhe mendoj vetëm ta ndihmoj për të fituar”, thekson Eden Hazard.

Disa tabloide, e cilësojnë këtë ndeshje si një shembull që duhet ndjekur nga të gjitha skuadrat, ndërsa disa media të tjera e “kryqëzojnë” teknikun Guardiola dhe lakminë e tij për sukses.

“Guardiola ka prishur futbollin anglez!” “Lakmia e Guardiolës mposht respektin!” Kështu citojnë disa nga mediat britanike, që pavarësisht se kanë kaluar shumë ditë nga kjo sfidë, vazhdojnë të shfryjnë ndaj teknikut spanjoll.

Ekipi i Burton ishte surpriza e bukur e këtij edicioni në “Carabao Cup”, pasi arriti me shumë punë dhe meritë në gjysmëfinale, por Guardiola nuk u kursye aspak përballë modestëve dhe aktivizoi një formacion shumë të fortë përballë tyre. Rezultati 9-0 tregoi plotësisht diferencat mes dy skuadrave dhe tregoi qartë se Pep nuk mendon gjë tjetër veç suksesit, pavarësisht polemikave që mund të sjellë.

Klubi, lojtarët dhe stafi i Burton nuk janë aspak të shqetësuar. Ata ishin jashtëzakonisht të kënaqur me arritjen e tyre dhe përballë Mançester Sitit, nuk kishin asgjë për të provuar.

Ndërsa Guardiola po! Mund të tregonte se para lakmisë së tij për sukses mund të vendoste respektin mbi kundërshtarin, mbi arritjen e tyre, mbi suksesin që ky ekip thuajse i “panjohur” arriti, por Pep, nuk mund të linte emra si Sane, Sterling apo Zhezus në stol. Ndoshta, akademia e Mançester Sitit nuk prodhon më lojtarë.

Ndoshta Brahim Diaz dhe Fil Foden janë dy futbollistët e vetëm që kanë dalë nga kjo akademi dhe Guardiola, duhet të luajë me doemos me lojtarë që vlerësohen 100 milionë euro…

VERONIK ISTREFAJ

Siti kërkon të fitojë sa më shumë trofe nën drejtimin e Guardiolës dhe kjo kupë shihet si një mundësi ideale për të shtuar numrin e trofeve në kabinetin e “Qytetarëve”.

E në këtë ndeshje shumë të rëndësishme, trajneri Guardiola i ka besuar portierit kosovar, Arijanet Muriç, i cili ka qenë titullar i padiskutueshëm në këtë kompeticion. Madje, talenti i përfaqësueses së “Dardanëve” ka qenë protagonist në këtë kupë, pasi me pritjet e tij e dërgoi Sitin deri në këtë fazë.

Mançester Siti eliminoi Lester Sitin falë pritjeve të shkëlqyera të portierit të Kosovës Arijanet Muriç, ndërsa në gjysmëfinale do të përballet me Bërtonin, që për herë të parë mbërrin kaq larg.

Ndërkaq, Totenhemi mposhti Arsenalin në çerekfinale dhe do të përballet me Çelsin në gjysmëfinale, një duel shumë interesant dhe i fortë.

#CarabaoCup Semi-Final Draw:@ManCity V @burtonalbionfc

— Carabao Cup (@Carabao_Cup) December 19, 2018

Gjysmëfinalet luhen më vajtje-ardhje dhe finalistët përcaktohen në fund të janarit, me finalen që do të luhet në shkurt.

Shorti i gjysmëfinaleve ka ngjallur debate të ashpra në internet, sepse dje ish-sulmuesi i njohur uellsian Kreig Belami, në transmetim direkt, tha se Siti do ndeshej me Bërtonin. Një frazë e thënë pa dashje, por që sot ka rezultuar e saktë dhe të gjithë akuzojnë për manipulim shorti.

https://twitter.com/dannyculley1/status/1075512907612471296?s=19

Trajneri i “topçinjve” Unai Emeri, i habiti të gjithë, teksa kishte vendosur në qendër të mbrojtjes Granit Xhakën. Mesfushori me origjinë shqiptare e tregoi qartazi që nuk ndodhet në rolin e tij natyral, pasi në të dy golat e Totenhemit bëri një gabim në vendosje, duke mbajtur në lojë kundërshtarin.

Në takimin tjetër të “Carabao Cup”, Çelsi mundi Bornmuth falë golit të Eden Hazard. Dy skuadrat londineze do t’i bashkohen Mançester Sitit dhe ekipit surprizë Bërton Albion në katërshen finale të këtij turneu.