Fabio Kapelo ka vlerësuar lojën e Ajaksit, ndërsa ishte e mendimit se goli i barazimit solli një shpërbërje totale të skuadrës së Juventusit.

“Pashë një Juventus të mirë në pjesën e parë që luajti kundër Ajaksit lojtar për lojtar. Ishin të pafatë ashtu si dhe në Amsterdam pasi goli i barazimit erdhi menjëherë. Në këtë moment Juve u shkri. Ata nuk patën të njëjtin ritëm dhe vetëbesim”.

“Ajaksi ishte i jashtëzakonshëm, ata nuk i lejuan Juventusit të shkelte në zonën e penalltisë së tyre dhe sa herë që merrnin e kontrollin e topit luanin një futboll të jashtëzakonshëm”, tha Kapelo.

Së fundmi 72-vjeçari ishte i ftuar në një emision radiofonik në Itali, ku u pyet se cili ishte futbollisti më i mirë që kishte trajnuar.

Përgjigja ishte e dyzuar. Kapelo ishte në dilemë midis Van Basten dhe Ronaldos, por në fund u duk sikur anoi më shumë nga holandezi, të cilin e trajnoi për katër sezone te Milani, në ndryshim nga Ronaldo me të cilin punoi në vetëm një sezon te Reali (2006/07).

“Është e vështirë të përmend një emër të vetëm. Ndoshta më i miri nga të gjithë lojtarët që kam trajnuar është Marko Van Basten, por dhe Ronaldo (braziliani). Van Basten ishte shumë i veçantë. Kur e kam trajnuar kishte shtuar ca kile, por përsëri kishte cilësi në këmbët e tij, driblonte mirë dhe kishte kualitete të tjera unike. Megjithatë, ka pasur dhe mbrojtës që i veçoj si Maldini dhe Baresi, të cilët s’do t’i harroj kurrë”.

Sipas Kapelos, dy janë lojtarët që i konsideron më të mirët që ka drejtuar në karrierë, por Ronaldo ka një vend unik për të: “Futbollistët më të mirë që kam stërvitur kanë qenë Van Basten dhe Ronaldo. Fenomeni ka bërë shumë herë rrëmujë në kohën kur e drejtoja, sepse ishte i shëndoshë, por kishte cilësi që nuk i kam parë te askush tjetër: shpejtësi, intuitë, gjuajtje. Ronaldo kishte gjithçka, edhe pse nuk ishte në formë”.

Nga kohërat te Reali, te kombëtarja italiane, sepse Italia tashmë nis kualifikueset drejt Euro 2020. Kapelo ndalet te dy lojtarë: “Për mënyrën e lojës dhe lëvizjet, më pëlqen shumë Zaniolo, por edhe Barella është lojtar që e vlerësoj shumë”.

Diçka e tillë ka zemëruar trajnerin e famshëm italian, i cili tha: “Nuk kishte asnjë faull. Bonuçi u hodh, me shpresën se arbitri do gënjehej. Ky është fryti i mentalitetit në Itali, ku më një përkëdhelje rrëzohesh. Rezultati duket vetë”.

Trajneri italian në këtë mënyrë u “tërheq” veshin edhe klubeve të tjera italiane, që duhet të mësohen me luftën e fortë sportive dhe përplasjet në kompeticionet europiane.

“Lojtarët nuk mund të pranojnë që partnerja të bëjë disa deklarata dhe ti të mos flasësh fare, e pakta duhet të thuash diçka. Duhet të lëshosh një deklaratë ku përkrah ekipin, shokët e tu,

“Këtë gjë do duhej të bënte edhe Ikardi, menjëherë, por nuk e bëri. Për këtë arsye, as nuk guxoj ta imagjinoj çfarë ka ndodhur dhe si ka hyrë në dhomat e zhveshjes.

“Kapiteni nuk është vetëm për t’i shtrënguar dorën arbitrit dhe për të shkëmbyer stemën e klubit me kapitenin kundërshtar, në një kohë që kapitenin e vërtetë e ke në shtëpi“.

Deklaratë e fortë, që shigjeton bashkëshorten-agjente të Ikardit, Uanda Nara, e cila i ka krijuar gjithë këto probleme sulmuesit argjentinas, duke folur pa teklif në media.

Eliminimi nga PSV, që luante kot, është një njollë e rëndë  përveçse dështim financiar, ndërsa trajneri i famshëm Fabio Kapelo në analizën pas ndeshjes në Sky Sport i tha gjërat troç.

“Interi luajti shumë mirë ndaj Juves, por sepse nuk i duhej të fitonte patjetër. Me PSV ishte e kundërta dhe kur Interi është i detyruar të fitojë, nuk ka zgjidhje.

“Rruga e vetme është topi te Ikardi dhe e zgjidh ai. Është gabim, sepse ai mbetet i izoluar përpara dhe nuk ka zgjidhje tjetër, një plan B.

“Edhe mesfusha është e dobët, nuk ka cilësi dhe nuk di si të ndryshojë ritëm e të krijojë raste për Ikardi. Kështu është e kotë, nuk mjafton as Naingolan, i cili u ble për këtë punë”.