Pas sherrit të djeshëm me trajnerin Klevis Dalipi, sulmuesi shtatlartë nuk ka dalë fare në stërvitje sot, çka lë të kuptohet se asgjë nuk është zgjidhur.

Klubi deklaron se futbollisti ka probleme fizike dhe një problem në gju nuk e lejon të stërvitet, por duket një justifikim i rastit, pasi dje Çani ishte në stërvitje rregullisht dhe nuk u largua për dëmtim, por vetëm për debatin e ashpër me trajnerin.

Fundi i muajit do të shënojë edhe divorcin mes palëve, tashmë kjo është e qartë, duke parë si po shkojnë punët, por gjithsesi është herët për të folur, sepse në verë priten sërish ndryshime të mëdha te Partizani, duke nisur nga stoli.

“Kam luajtur për shumë kohë në Itali, edhe në Toskanë. Më pëlqen shumë. Kombëtarja shqiptare? Besoj se ka bërë shumë hapa përpara, nuk duhet nënvlerësuar. Është kualifikuar për në Europianin 2016, ka ndodhur një evolucion i madh. Skuadra ka dëshirë të bëjë gjëra të mira, sidomos kur luan kundër kombëtareve të mëdha si Italia e Spanja. Janë ndeshje vitrinë, të gjithë japin diçka më shumë. Spanja është pak më lart se Italia, është më konstante në lojë dhe rezultate, por edhe Italia nuk duhet nënvlerësuar, sepse ka një grup të fortë dhe një skuadër cilësore”, deklaron sulmuesi.

Më pas, dy fjalë për aventurën shqiptare: “Është hera e parë që luan në atdhe. Ka aspekte negative e pozitive, në fillim të sezonit kemi bërë shumë ndryshime. Në këtë moment nuk po shkëlqejmë, jemi ende duke gjetur ekuilibrat e duhur. Duhet të punojmë pak më shumë, meritojmë një kampionat ndryshe dhe do t’ia dalim mbanë të paraqitemi më mirë”.

Nuk ka fund odiseja e Edgar Çanit, pasi problemet fizike po e pengojnë të shprehet në maksimum dhe duket se Partizani është nxituar që e ka aktivizuar në javët e shkuara. Në fakt, historia e Çanit dihet: në maj kreu një operacion delikat dhe i duheshin rreth 3 muaj për të rigjetur formën e plotë fizike dhe për të nisur stërvitjen me ritëm të lartë. Tani jemi në fund të shtatorit, por gjërat nuk kanë shkuar sipas parashikimeve dhe sulmuesi duhet të presë ende, për të gjetur formën optimale.

PROBLEMET – Starti i fazës përgatitore me vonesë, në mesin e gushtit, futi nën presion Partizanin, që duhej të arrinte formën optimale me urgjencë, me kampionatin në horizont. Çani u afrua si shpresa e madhe për të fituar titullin dhe duhej të zëvendësonte menjëherë një si Ekuban, i cili te Partizani ishte superstar për një sezon. Problemi është se Çanit ndoshta iu kërkua më shumë nga ç’mund të përballonte në atë kohë dhe herë pas here nuk stërvitej dot me ngarkesë të plotë. Edhe kur mediat, duke nisur nga “Sport Ekspres”, raportuan se sulmuesi kishte probleme fizike dhe duheshin disa javë para se të arrinte formën e plotë, sërish nga Partizani pati përgënjeshtrim, aq sa doli vetë Çani, i cili deklaroi se ishte shumë mirë dhe mediat shpifnin.

SFORCIMI – Ndaj Laçit Çani nuk luajti, çka hidhte poshtë gjithë pretendimet e Partizanit se lojtari ishte në formë perfekte. Në ndeshjen pasardhëse, me presion të madh mbi vete, Partizani e aktivizoi Çanin ndaj Kukësit, por pa e përfunduar ndeshjen. Luçiano Moxhi rrëfeu më vonë: “I bëra komplimente Çanit, sepse kishte vetëm 45 minuta në këmbë, por këmbënguli të vazhdonte dhe rezistoi 70 minuta, duke luajtur shumë mirë”. Pra, Çani nuk ishte në rregull fizikisht, edhe pse luajti rreth 65 minuta edhe në Korçë. Sa për kujtesë, kur në gusht “Sport Ekspres” botoi një shkrim ku thuhej se Çani nuk do të jetë në formën optimale para fundit të shtatorit, Partizani përgënjeshtroi, aq sa nxorri edhe sulmuesin  të deklaronte se ishte në formë shumë të mirë fizike. Me sa duket, nuk paska qenë ashtu.

Çani prish planet e Partizanit, mund të mungojë disa ndeshje

https://sportekspres.com/partizani-sqaron-cani-do-te-stervitet-i-diferencuar-shume-shpejt-gati/

PUSHIM ABSOLUT – Ndeshja kundër Lushnjës duket rasti ideal për ta lënë jashtë Çanin, i cili do të shkojë edhe në Itali për kontrolle, në klinikën ku është operuar. Ndërprerja e kampionatit për ndeshjet e kombëtares është një lajm i mirë, sepse Çani do të ketë kohë të pushojë dhe të stërvitet me ritëm të ulët. Shpresa është që sulmuesi të mos ketë asnjë problem të ri dhe të paktën nga mesi i tetorit e tutje të nisë të stërvitet dhe të aktivizohet me ritëm të lartë.

SUKAJ – Luajti kundër Laçit, goditi traversën dhe nuk pati fat të gjente golin. Tani Xhevahir Sukaj duket se do të rimarrë vendin në formacion, duke parë edhe problemet e Çanit. Shkodrani është në formë, po stërvitet mirë dhe kërkon hapësirë. Shansi për të treguar sa vlen do t’i vijë që të hënën, ndaj Lushnjës. Më tutje, të shohim…

Trajneri Mark Juliano ka punuar edhe me formacionin që do të hedhë nga minuta e parë në fushën e lojës. Tekniku italian i ka dhënë edhe fund dilemave, ndërkohë që i gëzohet edhe rikthimit të Alban Hoxhës në portë, si një siguri më tepër për ndeshjen kundër Kukësit.

Italiani e ka ndjerë jo pak dëmtimin e Fejzullahit, pasi është detyruar që të ndryshojë përsëri renditjen në mbrojtje. Megjithatë, ashtu siç e tha edhe vetë në konferencën për shtyp dilema mbetet Çani dhe Sukaj. E duket se trajneri italian ka surprizuar jo pak, pasi titullar pritet të jetë afrimi i bujshëm i verës.

FORMACIONI – Në portë do të jetë nga minuta e parë portieri Alban Hoxha. Pas dënimit dhe pankinës me Laçin, “gardiani i portës” rikthehet si titullar. Vendosja e tij në portë është siguri më shumë, pasi mbetet prej portierëve më të mirë shqiptarë të viteve të fundit. Pas dëmtimit të Fejzullahit, Juliano është i detyruar të improvizojë. Ibrahimi vendoset në krahun e djathtë, një rol që e njeh, pasi e ka bërë edhe më parë, ndërsa në qendër vendosen Krasniqi dhe Atanda. Në të majtë i është besuar Kotobellit.

Batha rikthehet në formacion dhe do të vendoset para mbrojtjes me La Kamera. Kapiteni dhe italiani do të jenë “tapat” përpara repartit defensiv. Në mesfushë, rolin e organizatorit do ta marrë Adorjan, ndërsa Progni dhe Trashi do të vendosen nga krahë. Vila është i sakrifikuari i formacionit të Partizanit.

SULMI – Surpriza e ndeshjes së sotme pritet të jetë Edgar Çani. Shtatlarti do ta nisë me shumë mundësi nga minuta e parë. Juliano e ka provuar në formacion dy ditët e fundit, duke ulur Sukajn në stol. Shkodrani luajti si titullar ndaj Laçit, ndërsa duket se ndeshjen ndaj Kukësit do e nisë nga stoli. Kjo ka mërzitur jo pak Sukajn. Çani duket në formë dhe minutat e goli në kupë e kanë liruar. Stafi teknik beson shumë te aftësitë e tij.

Formacioni zyrtar i Partizanit     

Hoxha – Ibrahimi, Krasniqi, Atanda, Kotobelli – Batha, La Kamera – Progni, Adorjan, Trashi – Çani

Pas ndeshjes, Çani u shpreh i kënaqur dhe sipas tij meritë në paraqitjen e tij të mirë kishte e gjithë skuadra: “Padyshim jam i kënaqur me këtë debutim, ku që në ndeshjen e parë kam gjetur golin, por duhet të theksoj se meritë kanë edhe shokët e skuadrës, pasi po funksionon së tepërmi dhe skuadra dhe nëse funksionon ajo, gjithçka ecën mirë. Më duhet të falënderoj dhe La Kameran për atë pasim. Objektivi im është të shënoj sa më shumë gola dhe shpresoj që të jenë dyshifrorë. Është ndeshja e parë pas Kombëtares në futbollin shqiptar, por mendoj se nuk përbën problem përshtatja. Nuk kam probleme dëmtimi dhe jam plotësisht i gatshëm për të dhënë maksimumin te skuadra e Partizanit”.

Ndonëse Partizani dhe vetë sulmuesi kanë deklaruar disa herë se nuk ekzistonte asnjë problem sezon, Çani nuk ishte as në stol ndaj Laçit, për një problem të vjetër fizik. Megjithatë, në një intervistë për Top-Channel Çani deklaron se ndihet gati: “Jam në fazën e fundit të rekuperimit dhe mund të them se jam gati. Do të flas me stafin dhe trajnerin se kur do të aktivizohem, por ndihem shumë më mirë”.

Debutimi me humbje ka shtangur Partizanin, por Çani ka besim: ““Ky është një kampionat shumë i vështirë, megjithatë mund të themi se kemi një skuadër të mirë dhe do t’ja dalim. Vendosemi mirë në fushë, por na duhet të korrigjojmë disa gabime”.

I ardhur nga Seria B italiane, Çani shpreson të bëjë të harrohet një tjetër produkt italian, Kaleb Ekuban: “Ekuban do të mbetet gjithmonë në mendjen e tifozëve dhe nuk do të harrohet, por unë do të përpiqem të bëj më të mirën e mundshme. Shpresoj të shënoj shumë gola, një numër me dy shifra”.

Sulmuesi ka ende probleme fizike dhe nuk duhet rrezikuar në asnjë mënyrë.

Megjithatë, në konferencë për shtyp trajneri Mark  Juuljano dha një lajm pozitiiv: “Çani vuan pasojat e operacionit të para disa muajve dhe nuk është stërvitur me regjim të plotë, duke ndjekur një program specifik.

“Megjithatë, do të luajë në kupë pas pak ditësh”.

Sot të kuqtë kanë nisur stërvitje në Shqipëri, duke zgjedhur tashmë Kompleksin e Ekipeve Kombëtare në Kamzë, sërish në fushë me bar artificial, si në Pezë-Helmës.

Në prani të tifozëve kuriozë, të kuqtë kanë kryer një seancë stërvitore, ku sërish ka rënë në sy fakti se sulmuesi kryesor Edgar Çani është stërvitur në mënyrë të diferencuar.

Një kontraktim në gju, apo ndonjë problem tjetër, për sulmuesin e kombëtares, i cili në gjurin e djathtë mbante një qese akulli. Përtej përgënjeshtrimeve të Partizanit, me deklarata zyrtare për shtyp, duket qartë që fizikisht Çani nuk është ende në formë perfekte, ndaj prania e tij në fushë fundjavën e ardhshme është në dyshim të madh.

Megjithatë, sot Edgar Çani ka folur për faqen zyrtare të klubit, duke përgënjeshtruar lajmet se ka dëmtim: ““Gjendja ime fizike ka ardhur si rezultat vetëm i mbingarkesave në stërvitje. Aktualisht po ndjek një program me intensitet të lart trajtimi në kujdesin e stafit mjekësor e shoqëruar me një përgatitje atletike të diferencuar nga grupi. Ndërkohë përgatitjen tekniko – taktike vazhdoj ta zhvilloj normalisht me skuadrën. Shpresoj që në të ardhmen nuk duhet të reagoj për formën time dhe të mos më duhet të mohoj fjalë jo të deklaruara nga unë personalisht , sepse nuk janë pjesë e profesionalizmit tim dhe nuk i shërbejnë pozitivisht ambientit te Partizani”.

Ndërkaq, Partizani ka postuar foto nga stërvitja e sotme, por edhe aty Çani nuk duket.

Mjeku i skuadrës Dhimosten Gjini ka sqaruar çështjen e dëmtimit të sulmuesit që erdhi me buj këtë verë në Shqipëri, duke pranuar se Çani ka një problem fizik, por që nuk është aq serioz sa pretendohet.

“Gjendja fizike që po kalon sulmuesi Çani është thjesht sforcim që ka ardhur për shkak të ngarkesës në stërvitje, fakt i cili është konstatuar edhe nga mjeku italian, i cili e ka operuar Çanin. Lojtari për disa ditë do të kryejë një program atletik të diferencuar nga grupi për t’u riaftësuar , nën kujdesin e fizioterapistëve. Kjo është e vërteta në lidhje me gjendjen fizike të sulmuesit Çani”, shprehet Gjini.

Kjo do të thotë se Çani në teori nis stërvitjen e plotë me grupin javën e ardhshme.

SKEMA – Trajneri Mark Juliano duket se ka vendosur të luajë me një skemë 4-3-3. Burime brenda klubit të kuq bëjnë me dije se italiani po merr shumë kohë në shpjegimin e kësaj skeme dhe e ka diskutuar shpesh me futbollistët e tij. Numri një i stolit ka nisur të përfytyrojë edhe lojtarët që mund të hedhë në fushë me anë të kësaj skeme. Të kuqtë duhet të kalojnë nga teoria në praktikë dhe aplikimi i një skemë të tillë nuk është lehtë, por kur titulli është objektivi kryesor, duhet sulmuar dhe fituar.

PROBLEMI – Momentalisht ka një problem te Partizani dhe ai mban emrin e sulmuesit Edgar Çani. Gjatë ditëve të fundit sulmuesi nuk është stërvitur me grupin, kjo për shkak të një problemi që ka në gju. Klubi i Partizanit nuk ka njoftuar për asnjë problem të sulmuesit, por dyshohet që 28-vjeçari do të humbasë prej dëmtimit të paktën tre javët e para në kampionat, por mund të mungojë edhe në pesë javë, për t’u kthyer në javën e gjashtë kundër Luftëtarit më 11 tetor. E shkuara ka treguar se Çani nuk i kalon lehët dëmtimet, ndaj kemi të bëjmë me një problem që në kampin e kuq shpresojnë të kalojë sa më shpejt. Nisja e kampionat është shumë e rëndësishme dhe Çani me shumë mundësi humbet premierën me Laçin, si dhe dy supersfidat me Kukësin dhe Skënderbeun, skuadra rivale për titullin kampion.

Formacioni i mundshëm (4-3-3)
Hoxha – Fejzullahi, Malota, Atanda, Kotobelli – Batha, La Kamera, Trashi – Sukaj (Progni), Adorjan, Çani

GJASHTË JAVËT E PARA TË PARTIZANIT
Partizani – Laçi
Partizani – Kukësi
Skënderbeu – Partizani
Partizani – Lushnja
Teuta – Partizani
Partizani – Luftëtari

Stafi mjekësor i Partizanit nuk jep detaje, por forma fizike e sulmuesit nuk është e mirë dhe nuk kuptohet ende nëse ka ndonjë dëmtim të mbartur nga sezoni i fundit, apo thjesht është pas me përgatitjet dhe nuk është gati për të përballuar ritmin e plotë të stërvitjes.

Gjithsesi, në ditët në vazhdim do të shihet dhe te Partizani shpresojnë që Çani të jetë fizikisht në rregull, sepse është një futbollist me strukturë të rëndë fizike dhe shpesh riaftësimet nga dëmtimet e lehta i ka pasur problematike në karrierën e vet.

Juliano shtrydh të kuqtë para sfidës së parë miqësore

Partizani ka mbyllur ditën e pestë të përgatitjeve në Kashia të Italisë, ku po zhvillon fazën përgatitore në prag të kampionatit. Trajneri Mark Juliano dhe stafi i tij po shfrytëzojnë në maksimum seancat stërvitore, duke përfituar edhe nga moti perfekt, ndaj të gjithë lojtarët po marrin ngarkesë të plotë fizike, me përjashtim të Çanit, i cili ka pasur shqetësime të vogla ditët e fundit. Programi stërvitor do të vazhdojë me dy seanca stërvitore në ditë deri më 17 gusht, ditë kur Partizani do të luajë miqësoren e parë italiane, kundër Vastezes. Megjithatë, ndeshja e vërtetë dhe më e rëndësishme luhet të shtunën, kundër Ternanës.

Ish-sulmuesi i Pizës do të marrë një pagë të frikshme, ka marrë ndërkohë edhe numrin 9, atë të sulmuesit kryesor. Është një numër ters te Partizani, ndaj Çani ka një barrë të madhe mbi shpatulla.

Është sulmues i kombëtares, vjen në Shqipëri si superstar, është vetëm 28 vjeç.

Problemi? Në karrierën e vet nuk ka shënuar kurrë shumë gola. Polonia ishte kulni, me 11 gola në srzonin 2011/2012, por nga Polonia e Varshavës largimi ishte traumatik.

Vetëm 45 minuta në Serinë A, 7 sezone e gjysmë në Serinë B, vetëm 30 gola në 189 ndeshje.

Pritet shumë pret Çanit, priter titulli, priten natyrisht gola, shumë, të paktën 15-20. E lehtë? Të shohim, sepse hiq ndonjë Pejiç a Salihi, të tjerët zor se i kanë dy sezone me mbi 15 gola.

Pastaj vjen mallkimi i numrit 9: te Partizani i Gaz Demit e kanë veshur në periudha të ndryshme Patrik Bordon, Almir Pliska, Liridon Osmanaj, Sebino Plaku, Astrit Fazliu, Ben Azubel e Methju Bonifejs! Të gjithë së bashku kanë shënuar më pak se Ekuban, por ky nuk mbajti numrin 9.

Tani e provon Çani: në teori, lojtari që bën diferencën në Superiore, në praktikë mbetet për t’u parë, sepse kemi një kampionat anormal, ku shpesh lojtarët cilësorë dështojnë, pak rëndësi i kujt është faji.

Sulmuesi ka pritur gjatë oferta nga Italia, nga Seria B, pasi nuk mund të shkojë më lart, por ofertat italiane nuk ishin asnjëherë aq joshëse ekonomikisht. Seria B e poshtë ekonomikisht nuk është parajsë, ndryshe nga Superiorja shqiptare, që po shpenzon shifra të frikshme, përtej futbollit që ofron dhe faktit që në Europë tre klube dështuan që në turin e parë.

Menaxheri i njohur Mario Cenolli tregon për “Sport Ekspres” se oferta e Partizanit ishte perfekte financiarisht, por Cenollit iu desh pak punë të bindte Çanin. Më e vështirë ishte të bindte bashkëshorten e Edgarit: “Nuk ishte e lehtë ta bindja Çanin, por i shpjegova që oferta e Partizanit ishte shumë e mirë ekonomikisht. Pastaj Shqipëria është një hap larg Italisë, tashmë Superiorja është më mirë se Seria B. Pengesë më e madhe ishte bashkëshortja, nuk dëshironte të largohej nga Italia, por e binda edhe atë”.

Tani Çani provon Superioren, me Moxhin: “Nga Partizani njeh vetëm lojtarët që ka pasur në kombëtare. Do të marrë numrin 9, nëse është i lirë, ose numrin 17. Me Moxhin nuk ka pasur marrëdhënie, por tani flet thuajse përditë”.