Canelo

Canelo refuzon duelin me Golovkin, në ring e pret një ukrainas

Sport Ekspres — Thu, 01 Aug 2019 07:35:01 +0000

Boksieri më i njohur i momentit, Saul “Canelo” Alvarez, do rikthehet në ring në muajin tetor. Mediet amerikane kanë zbuluar se kundërshtari i ardhshëm i meksikanit, do të jetë ukrainasi Sergiy Derevyanchenko.

Dueli është bërë pas presionit të konfederatës IBF. Në rast se Canelo do refuzonte këtë duel, brezi kampion bote i kësaj konfederate do i hiqej kampionit të peshave të mesme.

Before approving Derevyanchenko as an opponent for Canelo's next fight October 26th, DAZN boss John Skipper also dropped his request that Canelo guarantee that he'd fight Golovkin in his following fight if Derevyanchenko were approved. Negotiations ongoing this afternoon.

— Keith Idec (@Idecboxing) July 31, 2019

Meksikani pritet të mos hasë shumë pengesa me kundërshtarin e radhës, i cili ka një rekord prej 13 fitoresh (10 me nokaut) dhe vetëm 1 humbje, kjo ndaj një emri të njohur si Daniel Jacobs.

Pas duelit me Derevyanchenko, meksikanit s’do të ketë më asnjë pengesë për përballjen e tretë e të shumëpritur midis Canelos dhe kazakut, Gennadyi Golovkin.

Befason Canelo, “triologjia” me Golovkin drejt kolapsit

Sport Ekspres — Sun, 07 Jul 2019 10:03:54 +0000

Saul “Canelo” Alvarez dhe Gennady Golovkin kanë dhuruar 2 ndër duelet më të famshme të viteve të fundit. Në të dyja rastet verdiktin e dhanë gjykatësit. Dueli i parë u mbyll barazim, ndërsa në përsëritjen para një viti fitorja i shkoi meksikanit Canelo, por ky vendim solli shumë pakënaqësi pasi për shumë gazetarë dhe njerëz të sportit fituesi duhej të ishte kazaku Golovkin.

Boksieri kazak kërkon një duel të tretë me kampionin e peshave të mesme për të sqaruar njëherë e mirë rivalitetin midis tyre. Megjithatë, Canelo nuk është i këtij mendimi. Sipas medies amerikane “BoxingScene”, boksieri meksikan nuk dëshiron të ndeshjet sërish me 37-vjeçarin Golovkin.

Kjo gjë përveç fansave të shumtë ka mërzitur dhe gjigantin mediat “DAZN”, të cilët kanë paguar plot 350 milionë dollarë për të pasur të drejtat e transmetimit të dueleve të meksikanit. Dueli ndaj Golovkin do të regjistronte shifra rekord shikueshmërie, ndërsa në rast të mosrealizimi, humbjet e “DANZ” do të ishin të dërrmuese.

Kovalev refuzon ofertën e Canelos, Golovkin qëndron në pritje

Sport Ekspres — Tue, 02 Jul 2019 17:57:29 +0000

Boksieri rus Sergey Kovalev ka refuzuar duelin me meksikanin Saul “Canelo” Alvarez. Lajmi bëhet i ditur nga media amerikane “Sports Illustrated”. Plani i Kovalev është të mbrojë titullin e tij kampion bote në divizionin “light heavyëeight” kundër anglezit Anthony Yarde, duel ky që do të zhvillohet në muajin gusht në Rusi (deri në 79 kg).

Në mungesë të Kovalev, Canelo mund të zgjedhë që të ndeshet me kazakun Genadi Golovkin. Të dy boksierët janë ndeshur dy herë në tri vitet e fundit me të dyja duelet që i përshkruan të 12 raundet. Golovkin është shprehur prej kohësh se kërkon hakmarrje, ndërsa

Golovkin (majtas) në duelin ndaj Saul “Canelo” Alvarez

Në të parin, palët u ndanë në barazim, ndërsa në duelin e dytë Canelo fitoi me një vendim maxhoritar tepër të ngushtë (113 – 115, 113 – 115, 114 – 114). Dueli i ardhshëm i kampionit të botws pritet të zhvillohet në muajin shtator.

Çmenduria e Canelos, kërkon duelin me rusin Kovalev

Sport Ekspres — Fri, 28 Jun 2019 18:50:23 +0000

Boksieri më i njohur i momentit, Saul Canelo Alvarez, po planifikon të ndërmarrë duelin më të rrezikshëm të karrierës së tij. Kampioni i divizionit middleweight (72.5 kg) ka në plan të vihet përballë kampionit të divizionit light heavyweight (79 kg), Sergey Kovalev.

Meksikani kishte vite që fliste për këtë duel, por asnjëherë nuk kishte bërë diçka konkrete dhe pak vetë besoni se ai do të guxonte të kapërcente dy divizione peshash. Mediet të ndryshme në Amerikë raportojnë se bisedimet kanë filluar.

Sergei Kovalev

Rusi Kovalev njihet si një ndër boksierët më të mirë në botë. 36-vjeçari njihet për fuqinë e tij, jo më kot regjistron 28 nokaute në 33 fitore.

Canelo siguron titullin e tretë kampion bote, meksikani s’ka konkurrencë

Sport Ekspres — Sun, 05 May 2019 11:10:40 +0000

Boksieri më i paguar në planet, Saul “Canelo” Alvarez ka regjistruar fitoren e 52-të në karrierë përballë amerikanit Daniel Jacobs.

Fitorja e meksikanit erdhi me vendim unanim të gjyqtarëve 115 – 113, 115 – 113 116 – 112. Triumfi ndaj Jacobs i mundëson meksikanit brezin kampion bote të konfederatës “IBF” në divizionin e peshave të mesme (deri në 73 kg).

?WBC ?WBA ?RING ?IBF #TeamCanelo #DoItYourWay pic.twitter.com/qhTclIuq62

— Canelo Alvarez (@Canelo) May 5, 2019

Canelo, i cili është gjithashtu kampion i bote i konfederatave “WBA” dhe “WBC” ka mundësinë për t’u shpallur kampion i padiskutueshëm i peshave të mesme nëse arrin të bëjë të tijin brezin “WBO”, që për momentin mbahet nga amerikani Demetrius Andrade.

Gjithsesi ajo që fansat e boksit duan është një duel i tretë midis tij dhe boksier kazak Gennadiy Golovkin, përballje kjo që përflitet të ndodhë në muajin shtator, i njëjti muaj ku janë zhvilluar duelet e mëparshme midis dy boksierëve në vitin 2018 dhe 2017.

Kartat e gjyqtarëve

https://www.youtube.com/watch?v=S86Qf7e8NNs

Kahn i motivuar para duelit me Crawford : Ky është shansi im!

Sport Ekspres — Wed, 10 Apr 2019 13:32:01 +0000

Legjenda e boksit britanik, Amir Khan, është do të rikthehet në ring më datë 20 prill. Kundërshtari i 32-vjeçarit është mbajtësi i brezit kampione bote “WBO” në divizionin e peshës “welterweight” (deri në 66.5 kg), Terence Crawford.

Crawford vjen si favorit absolut në këtë takim. Boksieri 31-vjeçar ka një rekord të pamposhtur prej 34 fitoresh (25 me nokaut) dhe pesë takimet e fundit i ka fituar me nokaut. Kompanitë e basteve e kuotojnë fitoren e amerikanit me koeficientin 1.1.

Pavarësisht shanseve të pakta, Khan beson se do t’ia dalë të befasojë kundërshtarin e tij dhe mosbesuesit: “Luftoj prej vitesh dhe më duhet kjo lloj sfide që të vazhdoj të qëndroj në këtë sport”, tha Khan në një intervistë për “The Guardian”.

“Besoj se mund të fitoj, pavarësisht se çdokush mendon se kam shanse të pakta. Ai është i pamposhtur, por është pikërisht kjo gjë që më duhet. Në fund të këtij dueli mund të shpallem sërish kampion bote dhe mendoj se Zoti po ma jep këtë mundësi. Nëse fitoj ndaj Crawford-it do të jem në gjendje të transformoj karrierën time”.

Në intervistë Khan diskutoi dhe mbi humbjen e pësuar në vitin 2016 ndaj boksierit më të mirë të momentit, Saul “Canelo” Alvarez: “Në atë duel boksova mirë, por “Canelo” ishte shumë i rëndë dhe i fortë. Është një boksier shumë i zgjuar që zotëron shumë fuqi. Duhet të mësoj nga ai duel. Kësaj radhe duhet të tregohem më i kujdeshëm në pjesën e mbrojtjes”.

Kahn vs Canelo (2016)

Golovkin rikthehet në ring, e sfidon boksieri amerikan

Sport Ekspres — Fri, 29 Mar 2019 22:13:10 +0000

Boksieri kazak Gennady Golovkin do rikthehet në ring më datë 8 qershor. Kundërshtari i 36-vjeçarit do të jetë boksieri amerikan Brandon Adams, i cili ka një rekord prej 21 fitoresh dhe dy humbjesh.

Ky do të jetë rikthimi i Golovkin në ring dhe dueli i parë i kontraktuar nga kompania mediatike “DAZN”, që nënshkroi me kazakun pak javë më parë një marrëveshje bashkëpunimi 3-vjeçare në këmbim të 60 milionë dollarëve.

Nëse dueli ndaj Adams do të rezultojë i lehtë për t’u kaluar, atëherë Golovkin do të ketë mundësinë për t’u ndeshur sërish me meksikanin Saul “Canelo” Alvarez, i cili i shkaktoi humbjen e parë në karrierë gjatë përballjes së zhvilluar në shtatorin e kaluar në “Las Vegas”, ku triumfoi me vendim maxhoritar.

Zyrtare | Golovkin – Canelo vetëm çështje kohe, 60 milionë $ bindin kazakun

Sport Ekspres — Fri, 08 Mar 2019 22:57:51 +0000

Boksieri i famshëm kazak, Gennady Golovkin, i ka dhënë fund pikëpyetjeve për të ardhmen e tij, duke firmosur një kontratë 3-vjeçare me “gjigantin” mediatik “DAZN”.

Falë kësaj marrëveshjeje, Golovkin, përfiton të paktën 60 milionë dollarë në këmbim të drejtave televizive për 6 duelet e tij të ardhshme, që me shumë gjasa do të jenë dhe të fundit të karrierës së tij, pasi boksieri së shpejti do të mbushë 37 vjeç.

Firma me “DAZN” e bën thuajse të sigurt përballjen e tretë me meksikanin Saul “Canelo” Alvarez, duel ky që është ndër më të kërkuarit në planet. Në dy duelet e mëparshme, Golovkin nuk arriti të fitonte ndaj Canelo-s, duke barazuar në përballjen e parë dhe humbur të dytën me vendim maxhoritar.

GGG in 2019. ?@GGGBoxing joins #DAZN for the remainder of his career.https://t.co/dnfVhMDaDj pic.twitter.com/NWG0qXp5Qi

— DAZN (@dazngroup) March 8, 2019

Zyrtare | Canelo në ring për titullin botëror, njihuni me kundërshtarin

Sport Ekspres — Fri, 18 Jan 2019 15:50:54 +0000

Boksieri i famshëm meksikan Saul “Canelo” Alvares ka zbuluar kundërshtarin e tij i radhës do të Daniel Jacobs. Boksieri amerikan ka një rekord prej 35 fitoresh (29 me nokaut) dhe dy humbjes, ndërkohë që aktualisht është mbajtësi i titullit kampion bote i federatës “IBF”.

Story coming to @latimes now… https://t.co/ASq2vgWDx1

— Lance Pugmire (@pugboxing) January 17, 2019

Canelo, i cili aktualisht mban titujt dy kampion bote (WBA, WBC) ka thënë se synimi i tij është që të mbledhë të gjithë brezat kampion të divizionit të peshave të mesme. Dueli do të zhvillohet në Las Vegas më datë 5 maj.

Canelo (m), Jacobs

De La Hoya u jep fund dilemave: Canelo do të ndeshet me Golovkin në maj

Sport Ekspres — Sun, 13 Jan 2019 18:04:29 +0000

Oscar De la Hoya, administratori i kompanisë së njohur të promocionit “Golden Boy Promotion”, ka konfirmuar se boksieri i njohur Saul “Canelo” Alvarez kërkon të ndeshet përsëri me kazakun Genadi Golovkin.

Të dy boksierët janë ndeshur më parë, në dy rast. Dy vite më parë dueli i parë midis boksierëve nuk solli asnjë kampion, ndërsa përballja e tyre e dytë në shtator të 2018-ës përfundoi me një fitore të Canelos-s, që u shoqërua me shumë kontestime.

De La Hoya (d)

Dueli do të kryhet në kuadrin e divizionit në peshave të mesme (deri në 73 kg), ku Canelo është zotëruesi i dy titujve kampion (WBA dhe WBC).

Boks/ Njeriu 365 milionë dollarësh, Alvarez, sot për titullin në peshën “super middleweight”

Sport Ekspres — Sat, 15 Dec 2018 13:10:16 +0000

Boksieri meksikan, Saul “Kanelo” Alvarez, i cili vlen 365 milionë dollarë, do të ngjitet sonte në ring, për duelin ndaj anglezit Roki Filding. Kanelo kërkon t’i marrë boksierit nga Liverpuli brezin kampion bote WBA, në peshën “super middleweight” (deri në 76 kg), si dhe synon titullin e tretë botvror të tre kategori të ndryshme.

Ky do të jetë dueli i parë i meksikanit në këtë divizion peshe dhe rikthimi i tij në ring që prej përballjes së shtatorit me kazakun Genadi Golovkin. Kundërshtari i tij, Filding, do të mbrojë për herë të parë titullin e kampion bote WBA, që e fitoi në muajin gusht duke mundur gjermanin Tajron Cojge.

?? WEIGH-IN & FACE OFF ? @canelo vs @rocky_fielding ?

Live tomorrow night on @DAZN_USA & @SkySportsBoxing! ? #CaneloRocky #CaneloFielding pic.twitter.com/G12GTMzhzS

— Matchroom Boxing (@MatchroomBoxing) December 14, 2018

Aspekti më interesant i këtij dueli është diferenca e madhe e gjatësisë midis dy boksierëve. Kanelo 1.75 m dhe Fielding 1.85 m. Meksikani do ta ketë të vështirë, por në sytë e të gjithë ekspertëve, ky duel do të fitohet nga ai, pasi Fielding, megjithëse mbajtës i një brezi kampion, ka nuk cilësohet si një prej boksier elitar në kategorinë “super middleweight”.

Alvarez i përket skuadrës së ish-Djalit të Artë të boksit botëror, Oskar De La Hoja, i cili edhe si organizator është po aq i shkëlqyer sa ishte boksier, mjafton të shihet si është trajtuar Alvarez në dy duelet me Golovkin: barazim me mik sfida e parë, fitore me pikë në ndeshjen e dytë, që ishte sërish shumë e paqartë.

Në horizont është një duel i tretë me Golovkin, por ndërkohë Kanelo fiton kohë dhe ndërkohë mendon edhe për personin e vetëm që e ka mundur në karrierë, Floj Mejuedhër, i cili në 31 dhjetor do zhvillojë një ndeshje-show me yllin e kik-boksit japonez Nasugaua, me 3 raunde. “Shfaqje të tilla janë qesharake. Boksi do donte një tjetër sfidë mes nesh”, thotë Kanelo, por harron që Mejuedhër është 41 vjeç dhe me boksin e ka mbyllur.

The weigh-in for Canelo Alvarez vs. Rocky Fielding has been completed.

??????? Fielding: 167.6 lbs.
?? Canelo: 167.4 lbs. pic.twitter.com/8yvr4mgvGz

— Coral (@Coral) December 14, 2018

Hije skandali në boks, “WADA” pezulloi testimin e Kanelos

Sport Ekspres — Mon, 19 Nov 2018 16:47:21 +0000

Saul “Kanelo” Alvarez shkroi historinë e boksit, teksa mundi në muajin shtator kazakun Genadi Golovkin, që deri vinte në duelin ndaj meksikanit me një rekord të pamposhtur me 38 fitore e një barazim, si dhe me tituj kampion bote.

Vendimi i gjyqtarëve u shoqërua me polemika, pasi shumë vetë e konsideruan Golovkinin si fituesin e vërtetë të duelit. Për t’i hedhur benzinë zjarrit ka menduar promotori i kazakut, i cili ditën e sotme zbuloi se “Shoqata Vullnetare e Anti-Dopingut” kreu një lëvizje të paprecedentë, duke anuluar një test dopingut të programuar për meksikanin menjëherë pas duelit me boksierin kazak.

Jake, Vada scheduled a random test for GGG a week after the fight. I made sure that Canelo was also going to be tested. Next day the random test was cancelled. Strange that it was scheduled then cancelled, maybe Canelo was already in MX eating steaks celebrating his “decision” https://t.co/HTrzBNiOYm

— Tom Loeffler (@TomLoeffler1) November 18, 2018

Kanelo në të shkuarën është pezulluar me 6 muaj për përdorimin e substancës “clenbuterol”, dënim që ai e justifikon me faktin se nuk ishte i vetëdijshëm për paligjshmërinë e saj. Sipas shumë analistëve boksi mund të renditet në vendet e para përsa i përket nivelit të korrupsionit.

Kanelo arrin marrëveshjen rekord, tani zyrtarisht atleti më i paguar në planet

Sport Ekspres — Wed, 17 Oct 2018 17:20:57 +0000

Boksieri meksikan Kanelo Alvarez, ka nënshkruar një marrëveshje me kompaninë mediatike gjermane “DAZN”, ku për të drejtat televizive të 10 dueleve të tij të ardhshme do të përfitojë një shumë të jashtëzakonshme prej 365 milionë dollarësh.

Meritën më të madhe për këtë marrëveshje e ka promotori i Kanelos dhe njëkohësisht ish-boksieri amerikan Oskar De La Hoja. Kampioni i peshave të mesme ka rënë dakord që të në pesë vitet e ardhshme të luftojë të paktën dy herë në vit, në këmbim të shumës së lartpërmendur.

Kanelo Alvarez duke nënshkruar kontratën e re me kompaninë “DAZN”

Paratë e marrëveshjes me kompaninë televizive do t’i sigurojnë Kanelos të ardhura prej 73 milionë dollarësh, po të shtojmë dhe të ardhurat nga marrëveshjet e marketingut, meksikani është lehtësisht atleti më i paguar në planet me mbi 100 milionë dollarë para të xhiruara në vit, duke lënë në vend të dytë Lionel Mesin.

Kanelo lajmëron kundërshtarin e radhës, një anglez sfidon meksikanin

Sport Ekspres — Sat, 06 Oct 2018 08:00:04 +0000

Saul “Kanelo” Alvarez ka lajmëruar ditën e djeshme kundërshtarin e tij të radhës. Mbajtësi i tri brezave do të ndeshet me boksierin anglez Roki Fillding, në një duel që do të zhvillohet në “Madison Square Arena” në Nju Jork.

Fillding është një boksier që ka garuar deri më tani në divizionin e peshave super të mesme, por 31-vjeçari nga Liverpuli do të zbrezë një kategori më poshtë për të luftuar me kampionin e peshave të mesme.

Roki Fillding

Megjithëse fansat e boksierit meksikan prisnin një kundërshtar më të fortë, Fillding nuk është për t’u nënvlerësuar. Rekordi i tij në boksin profesionist është mbresëlënës, pasi në 27 duele ka fituar 27 dhe ka humbur vetëm një.

Nxehet dueli “Kanelo vs Golovkin”, sherr gjatë përballjes së më sy

Sport Ekspres — Sat, 15 Sep 2018 19:30:56 +0000

Dueli më i shumëpritur i boksit për vitin 2018, ai mes Genadi Golovgin dhe Kanelo Alvarez është vetëm një ditë larg dhe situata midis dy kampeve është ndezur shumë. Tensioni i lartë që ekziston midis palëve është vënë re qartë gjatë matjes së peshave para duelit, ku në momentin e përballjes së më sy, meksikani Kanelo, ka shtyrë rivalin e tij kazak.

Në të shkuarën të dy boksierët nuk janë shquar për ngacmime para ndeshjes , duke ia linin gjithçka ringut, por kësaj radhe ka qenë krejtësisht e kundërta. Dueli midis kampionëve te peshave të mesme (70-73 kg), do të zhvillohet në Las Vegas dhe pritet të fillojë të hënën në orën 2 të mëngjesit sipas orës shqiptare.

Genatdi Golovkin (38-0-1, 34 KOs), 3 tituj

Kanelo Alvarez (49-1-2, 34 KOs)

Golovkin nxeh duelin: Kanelo ka përdorur injeksione

Sport Ekspres — Wed, 12 Sep 2018 16:38:35 +0000

Kur kanë mbetur vetëm tre ditë nga dueli midis Genadi Golovkin dhe Saul “Kanelo” Alvarez, ka ardhur dhe shkëndija e parë. Ka qenë boksieri kazak, ai që ka lëshuar një thumbim drejt rivalit të tij meksikan në lidhje me pezullimin 6 mujor që ai mori për doping.

“Kanelo thotë se doli pozitiv për shkak të mishit të përpunuar me kimikate, por nuk ka asnjë doktor në planet që e beson këtë gjë. Është fare e thjeshtë ai ka përdorur injeksione. Po të shikosh me vëmendje duart e tij dallohen shenjat e shiringave në venat e tij”, tha Golovkin.

Dueli midis dy boksierëve të peshave të mesme (70-73 kg) do të zhvillohet më datë 15 shtator në Las Vegas. Kazaku Golovkin është mbajtësi i tri titujve kampion, dhe nuk ka asnjë humbje, ndërsa Kanelo cilësohet si e ardhmja e boksit të peshave të mesme. Dueli i parë midis palëve përfundoi në barazim.