“Goal.com” raporton se dy ekipet kanë hyrë në bisedime intensive që më datë 6 qershor. Këto negociata kanë hyrë në nivel më serioz ditën e sotme. Juventusi kërkon një shifër prej 50 milionë euro për yllin e tyre.

Siti përtej pëlqimit të madh, nuk shfaqet shumë e gatshme për të plotësuar kërkesat financiare të “Zonjës”. Gjithsesi, një e mesme e artë është mjaft afër dhe Kanselo është shumë pranë transferimit në Mançester.

Paralel me gjetjen e trajnerit, po punohet edhe për merkaton dhe për përforcimet e mundshme. I domosdoshëm për kampionët e Italisë duket blerja e një mbrojtësi të djathtë, pasi Zhoao Kanselo duket çdo ditë e më afër transferimit te Mançester Siti.

Lidhur me këtë çështje, mediat angleze e quajnë të sigurt kalimin e portugezit nga Juventusi në Mançester, madje kanë raportuar edhe se “Zonja e Vjetër” e ka gjetur zëvendësuesin e Kanselos, i cili luan pikërisht në Premier League.
Bëhet fjalë për Kiran Tripier, i cili është një ndër më të rëndësishmit te Totenhemi si dhe Kombëtarja e Anglisë. Bisedimet e drejtuesve kanë nisur dhe pritet që shumë shpejt të arrihet marrëveshja, gjithmonë sipas mediave në ishull.

Trajneri Alegri u largua nga kreu i pankinës dhe bashkë me të, mund të largohet dhe “i preferuari” i tij. Bëhet fjalë për portugezin Zhoao Kanselo.

Mbrojtësi i djathtë pëlqehet shumë nga Pep Guardiola dhe siç raportojnë mediat britanike, është bërë një ofertë zyrtare për shërbimet e Kanselos.

Plot 53 milionë sterlina ka qenë oferta e parë e “Qytetarëve”, që kërkojnë me doemos të përforcojnë prapavijën. Juventusi nuk do që të privohet nga shërbimet e Kanselos, por një ofertë e tillë, vështirë të refuzohet.

Pasi ka mundur Milanin me një përmbysje fantastike në kampionat, Juve e ka mbyllur praktikisht kampionatin dhe tani e tutje mendon vetëm për Champions League, fiksimi i madh i klubit.

Të mërkurën Bardhezinjtë do të vizitojnë Ajaksi dhe trajneri Maks Alegri do të hedhë në fushë me të mirët, sepse praktikisht janë të gjithë gati.

Mbrojtësi Zhoao Kanselo mungoi ndaj Milanit për një dëmtim në pulpë, por është riaftësuar plotësisht: “Jam mirë, kisha një dëmtim të lehtë dhe për këtë mungova në dy ndeshjet e fundit, por tani jam gati të luaj që në Amsterdam”.

Dilema e madhe quhet Kristiano Ronaldo, por bashkëkombësi i tij qetëson të gjithë: “Po stërvitet dhe do të bëjë gjithçka për të luajtur të mërkurën. Mendoj se do grumbullohet, pastaj a do jetë titullar do ta vendosë trajneri”.

Tifozi, i fiksuar pas lojës “Fantacalcio”, “fantazi futbolli”, ku në mënyrë virtuale të gjithë mund të bëhet trajnerë online, ishte i zhgënhyer nga paraqitjet e portugezit në ndeshjet e fundit, ndaj e kritikoi, pasi i kishte hequr goxha pikë në lojën virtuale.

Ish-mbrojtësi i Interit nuk duroi, duke iu përgjigjur në mënyrë ofensive. Tifozi publikoi më pas mesazhin e tij: “Domethënë, për një asist apo ndonjë gol duhet të presim dy vjet? Në Fantacalio i shpenzova gjithë paratë te ty në mbrojtje, por për momentin zhgënjim. Pastaj gjithë këto kartonë të verdhë që i merr kot, nuk e marr vesh…“.

KANSELO – Përgjigja e mbrojtësit anësor nuk vonoi: “Ik q**u, nuk më plas fare për Fantacalcio a fantamut, rëndësi ka të fitojmë. Mos më dërgo më mesazhe!“.

Huan Kuadrado dhe Zhoao Kanselo kanë pësuar dëmtime një natë më parë, ku si shkak kryesor shihet të jetë fusha me bar sintetik i zviceranëve të Jang Bojs. Kuadrado mund të ketë diçka më serioze se sa portugezi, pasi duket se ka një dëmtim në gju, por pritet të vlerësohet në ditët në vijim.

Ndërkohë, të paktën një lajm i mirë vjen nga Medhi Benatia. Marokeni i mbrojtjes nuk udhëtoi me ekipin drejt transfertës së Champions si pasojë e një dëmtimi, por duket se çdo gjë është lënë pas krahëve dhe ditën e sotme Benatia u stërvit në mënyrë të rregullt, duke mos shfaqur shqetësime.

Mbrojtësi 23-vjeçar, titullar i rëndësishëm i Valencias në dy sezonet e fundit, është në Milano dhe po kryen kontrollet mjekësore.

Zhoao Kanselo debutoi fundjavën e shkuar në kampionat, por u zëvendësua në fund dhe doli i përlotur, duke u ndarë përfundimisht me tifozët e tij.

Marrëveshja e Interit parashikon një shkëmbim huazimesh me Valencian, me mesfushorin Kondogbia që do të shkojë në Spanjë. Francezi ka zhgënjyer totalisht në Milano, edhe pse prej tij pritej shumë, ndërsa tani shpreson të bindë te Valencia.