Në sezonin e tij të fundit me ekipin lezhjan, Kamara luajti në 24 ndeshje ku shënoi 9 gola. Futbollisti afrikan është afrimi i e gjashtë i Kukësit për këtë sezon dhe lojtari i dytë që vjen te verilindorët nga një skuadër e Kategorisë së Parë, pas Marko Çemës, i cili iu bashkua Kukësit pasi mbylli bashkëpunimin me Dinamon.

NJOFTIMI I KLUBIT

Klubi njofton arritjen e marrëveshjes me ekipin e Besëlidhjes, për futbollistin Umar Turad Kamara.

Mesfushori vjen në formë huazimi për një sezon futbollistik te skuadra jonë, nga ekipi i cili militon në Kategorinë e Parë.

Afrikani është afrimi i gjashtë i merkatos së verës, pas ardhjes së Ilir Avdylit, Emiljano Mustës, Bruno Lulajt, Marko Çemës dhe Tome Kitanovskit.

“Dje mbaruam stërvitjen dhe po shkonim në shtëpi. Dy çuna na ofenduan me kore raciste dhe unë i ofendova me një gjest. Ata u larguan dhe erdhën më vonë me disa çuna tjerë. Shoku im mori në telefon presidentin e klubit dhe erdhi menjëherë. Më pas, denoncuam rastin në polici.

Nuk e di pse ndodhi një gjë e tillë. Kemi tre vite që luajmë këtu dhe asnjëherë nuk kemi hasur gjëra të tilla. Nuk e kuptoj pse ndodhi.

Unë personalisht nuk kam asnjë problem. Kemi dhënë gjithçka këtu dhe nuk jam aspak i lumtur me ata njerëz që na sulmuan. Ata tregojnë një pjesë të errët, që nuk i takon këtij qyteti. Një qytet që na ka pritur shumë mirë dhe ende jam i befasuar pse na ndodhi kjo gjë”, – u shprehën futbollistët.

Flamurtari i mori këtë verë në huazim nga Besëlidhja, për t’i provuar në futbollin e madh, por mesfushori Sidibe dhe sulmuesi Kamara kanë bindur të gjithë. Shpëtim Duro i kërkoi me ngulm në Vlorë, duke i konsideruar lojtarë me të ardhme të shkëlqyer, por këta dy afrikanë të talentuar po tregojnë që janë edhe me të tashme të shkëlqyer.

Sidibe një digë në mesfushë, tashmë një titullar fiks për Duron, ashtu si Kamara në të djathtë të sulmit.

Menjëherë Duro ka këshilluar administratorin Sinan Idrizi dhe Sport Ekspres mëson se është vendosur që dy talentet të blihen përfundimisht.

Besëlidhja i ka huazuar në Vlorë, por Flamutrari ka të drejtën e blerjes për 20 mijë euro secili. Shifër e vogël për Flamurtarin, ndaj Sinan Idrizi ka dhënë OK, duke i besuar verbërisht trajnerit të vet. Dy talente më shumë bëhen pronë e klubit vlonjate.

Futbollistë të rinj, por shumë të talentuar e energjikë, Sidibe e Kamara janë bërë menjëherë zgjedhje të para të trajnerit Shpëtim Duro, i cili nuk ka vendosur asnjë hierarki në skuadër, duke u dhënë hapësirë të gjithëve.

Megjithatë, për ndeshjen hapëse në Korçë Duro ka pasur një problem: lejohen vetëm 4 të huaj në fushë, ndërsa ai ka 5 në dispozicion, të gjithë rëndësishëm. Bushiç në sulm dhe Danilo Alvesh e Zhufo pas tij janë të konfirmuar në formacion, ashtu si Sidibe në mesin e fushës, ndaj i ka takuar Kamarasë të sakrifikohet. Në vend të tij tij do të luajë Jakovljeviç, i cili konsiderohet shqiptar, sepse ka pasaportë kosovare.

Ndërkaq, në qendër të mbrojtjes do të luajë Pollozhani, në vend të Veliut, i dëmtuar.

Formacioni i mundshëm i Flamurtarit

Nurkoviç

Siljanovski Bicaj Jakovljeviç Mersini

Useini Sidibe

 Zhufo  Pollozhani   Alvesh

Bushiç

Talenti 20-vjeçar i Besëlidhjes ka firmosur dhe është prezantuar pasditen e sotme, duke u bërë përforcimi i radhës për kuqezinjtë, që po kompletohen nga dita në ditë.

Kamara i shënoi Flamurtarit në Vlorë për kupë dhe kishte befasuar me nivelin e lojës së tij, duke marrë edhe duartrokitjet e tifozerisë vlonjate.

Sulmues krahu, Kamara mund të bëhet një lojtar i rëndësishëm me pasimet e tij për Bushiç.

Lajmi i fundit se futbollistët nga Maqedonia nuk do të llogariten më si të huaj ka qenë një surprizë e bukur në Vlorë, pasi tashmë lirohen vende për të huajt dhe Siljanovski e Useini do të konsiderohen vendas, duke bërë që vetëm Tomisllav Bushiç dhe braziliani Zhufo të jenë të huaj, gjithnjë duke menduar që Danilo Alvesh nuk kthehet më në Vlorë.

Për këtë arsye, Flamurtari ka disa vende bosh për lojtarë të huaj dhe “Sport Ekspres” zbulon se klubi kuqezi ka bërë dy goditjet e radhës: nga Besëlidhja transferohen në Vlorë dy zbulimet e mëdha të sezonit të fundit, Lansinet Sidibe dhe Seku Kamara.

Të dy vijnë nga një sezon i shkëlqyer, edhe pse Besëlidhja nuk u ngjit dot në Superiore, ndërsa tashmë bëjnë hapin e madh të karrierës.

Sidibe është vetë, 20 vjeç, luan në mesfushë dhe mbrojtje, sezonin e fundit ishte një pikë kyçe në formacionin lezhjan, duke luajtur 29 ndeshje mes kampionatit e kupës, gjithnjë titullar, me 2 gola të shënuar dhe 9 kartonë të verdhë, çka tregon se është një lojtar paksa i ashpër fizikisht.

Ndërkaq, Seku Kamara nuk i ka mbushur ende 20 vjeç dhe luajti 29 ndeshje në formacionin bazë te Besëlidhja sezonin e fundit, me 9 gola në kampionat e 1 në kupë. Goli në kupë u shënua në fitoren 2-1 në Vlorë ndaj Flamurtarit dhe aty Kamara ka befasuar të gjithë me ritmin e tij të jashtëzakonshëm në krahët e sulmit, duke futur në krizë gjithë mbrojtjen vlonjate. Lojtar i shpejtë e shumë teknik, Kamara arrin të japë më të mirën në fusha të mëdha, ku ka shumë hapësirë, ndërkohë që në Vlorë pritet të zhvillohet edhe më shumë, sepse mosha e tij e re dhe puna me Duron janë një avantazh i madh, me Flamurtarin që do ta trajtojë si një investim serioz.

Të dy futbollistët janë tashmë drejt Vlorës dhe do të firmosin që sot, duke bërë që Flamurtari të jetë thuajse i kompltuar dhe të presë vetëm fundin e aventurës evropiane të skuadrave shqiptare, pasi disa lojtarë do të dalin në treg brenda pak javësh.