Callum Wilson

Çelsi ofroi një “mal” me para, ylli anglez vendos për të ardhmen

Sport Ekspres — Sat, 13 Jul 2019 09:05:30 +0000

Kallum Uillson ishtë një nga yjet më shndritshëm të Premier Ligës në sezonin e shkuar. Sulmuesi, që aktivizohet me Bornemuth ka shpërthyer, duke shënuar plot 14 gola në kampionat.

27-vjeçari është kërkuar nga disa klube, përfshirë edhe Çelsin. Londinezët në merkaton e dimrit ofruan plot 50 milionë euro, por Bornemuth nuk pranoi ta lintë lirë. Në merkaton aktuale 27-vjeçari u lidh me një kalim tek Uest Hem, që ishin gati të hapnin thesin pas largimit të Arnautoviç.

Edhe kjo nuk ishte e destinuar të ndodhë. Uillson dhe klubi i Bornemuth kanë rënë dakort për një mërrëveshje të re. Ai ka nënshkruar kontratë 4-vjeçare. Lojtari shprehet i lumtur në marrëveshjen e re dhe është bindur nga projekti i ri ambicioz i klubit.

Abramoviç nuk di të kursehet, 50 milionë sterlina për sulmuesin

Sport Ekspres — Wed, 09 Jan 2019 19:56:34 +0000

Zërat e merkatos sa vijnë e shtohen për një transferim të mundshëm të Gonzalo Higuain drejt Çelsit, gjithsesi ende nuk ka pasur diçka zyrtare. Sidoqoftë, drejtuesit e bluve me sa duket nuk po punojnë vetëm për një pistë të vetme, pasi në rast se transferimi i Higuain nuk arrin të finalizohet, londinezët e kanë zgjidhjen.

Kalum Uillson, lojtari i Bornmuth, i cili ka shfaqur një formë fantastike në pjesën e parë të sezonit, mund të jetë përfocimi i duhur për sulmin e Çelsit. Anglezi ka realizuar plot 9 gola këtë sezon në Premier Ligë dhe ka asistuar 5 herë për shokët e skuadrës.
Drejtuesit e Çelsit, thuhet të kenë bërë gati një ofertë prej 50 milionë sterlinash, që do të tundojë jo pak ekipin e Bornmuthit. Gjithsesi, pritet me interes se si do të shkojë çështja e Higuain, më pas do të veprohet për Uillson.

Çelsi në hall për sulmues, në janar mund të vijë goditja e madhe

Sport Ekspres — Tue, 18 Dec 2018 20:18:05 +0000

Çelsi në ndeshjet e fundit është parë të luajë pa sulmues, ku herë Pedro Rodrigez, herë Eden Hazard kanë luajtur në rolin e sulmuesit fals, kushtëzuar dhe nga fakti se Alvaro Morata ka qenë i dëmtuar. Gjithsesi, shifrat flasin qartë dhe paraqitjet e dy sulmuesve, Morata e Zhiru, nuk kanë qenë në pritshmëritë e trajnerit Sarri.

Për këtë arsye, shihet e domosdoshme që në merkaton e janarit, blutë e Londrës të shohin për ndonjë përforcim në sulm. Emrat janë të shumtë, por ai më konkreti shihet të jetë Kalum Uillson. Sulmuesi i Bornmuth, është një ndër më të spikaturit në Premier Ligë dhe në lidhje me këtë çëshje foli dhe Xhanfranko Zola, i cili aktualisht është në rolin e asistentit te londinezët.

“Kalum Uillson po bën mjaft mirë me Bornmuth. Është mjaft i fortë, i fortë dhe shënon shumë. E pëlqej shumë si lojtar, pasi jo vetëm është i fortë në ajër, por është dhe i shpejtë. Ka shumë kualitete si lojtar. Por nuk dua të flas më gjatë për këtë çështje”.

Klubi i Bornmuth më parë ka deklaruar se, për Uillson pranojnë vetëm ofertat që shkojnë të paktën në 40 milionë sterlina.