Calja

Calja nderohet nga Presidenti, por ende nuk ka marrë atë çka i takon

Sport Ekspres — Thu, 06 Dec 2018 17:28:28 +0000

Peshëngritësi Briken Calja është nderuar ditën e sotme me titullin e lartë “Kalorësi i Urdhrit të Skënderbeut” nga Presidenti i Republikës së Shqipërisë Ilir Meta. 28-vjeçari është një prej sportistëve që ndër vite e ma ngritur lart emrin e vendit tonë, duke arritur që të shpallet edhe kampion Europe.

Edhe pse peshëngritësi nga cërriku është nderuar me një titull i cili do të thotë shumë për të, mbështetja nga ana e shteti i ka munguar. Calja ende nuk ka mundur që të marrë shpërblimin që i takon për suksesin e arritur në arenën ndërkombëtare.

Calja sfidon dhimbjet, renditet i gjashti në Botëror

Sport Ekspres — Sun, 04 Nov 2018 18:06:00 +0000

Shtangisti shqiptar Briken Calja garoi sot në Botërorin e peshëngritjes në Turkmenistan. 28-vjeçari nuk ka shkuar më shumë se vendi i gjashtë, kjo dhe për shkak të një dëmtimi që sportisti nga Shtërmeni pësoi gjatë ngritjes së shtangës në stilin e shkëputjes.

Në herën e tij të parë në stilin e shkëputjes, Calja ngriti me lehtësi 148 kilogram, ndërsa në të dytën ngriti dhe pesë kilogramë më shumë, por më pas shtangisti shfaqi qartazi shenja dëmtimi në lëvizje. Në provën e tretë 28-vjeçari tentoi të ngrinte 157 kilogramë, por pa sukses.

Ndërkohë, në stilin e shtytjes, provën e parë Calja ngriti shtangën prej 181 kilogramësh, duke ndezur garën. Në provën e dytë, Calja ngriti 4 kilogram më shumë, ndërsa në provën e tretë dhe atë decizive, peshëngritësi kuqezi tentoi 189 kilogram, provë në të cilën dështoi për ta kryer me sukses.

Fitues i medaljes së artë u shpall kinezi Shi Zhijong, i cili regjistroi peshën më të lartë në të dyja stilet, 164 kg në shkëputje dhe 196 kg në shtytje.

https://www.youtube.com/watch?v=55Qhn-WiSyQ

Calja premton: Do derdh djersë e gjak, edhe pse kam 6 javë i dëmtuar

Sport Ekspres — Sun, 04 Nov 2018 08:22:15 +0000

Kampionati Botëror i Peshëngritjes do të zhvillohet në Turkmenistan këtë edicion. Shqipëria do të përfaqësohet me 5 sportistë këtë herë, një numër shumë i vogël krahasuar me edicionet e shkuara. I pari që do të garojë është Briken Calja.

28-vjeçari përmes një postimi në profilin e tij zyrtar në Facebook ka premtuar se do të bëjë më të mirën e tij për të bërë një paraqitje sa më dinjitoze sot, ku do të garojë në peshat 73 kilogram. Vetë sportisti tregon se është i dëmtuar prej 6 gjashtë javësh, por kjo nuk e ka penguar që të marrë pjesë dhe të tentojë pse jo edhe zonën e medaljeve. Kujtojmë që gara kanë një rëndësi të madhe dhe për Lojërat Olimpike dhe sportistët kuqezi duhet të grumbullojnë sa më shumë pikë, nëse duan që të jenë pjesëmarrës në eventin e radhës olimpik.

“Ju ftoj nesër (sot) të gjithëve të më ndiqni në orën 16:00 në Kampionatin Botëror që po zhvillohet në Turkmenistan ku do të garoj në peshën deri në 73 kg.

Edhe pse fati nuk ka qenë me mua gjatë fazës përgatitore, nga ku prej 6 javësh vuaj prej një dëmtimi, ju premtoj që do të derdh djersë e gjak për ti dhënë pikë kualifikuese vendit tonë dhe të nderoj vlerat e peshëngritjes shqiptare në botë.

Kampionati botëror i peshëngritjes, sportistët kuqezi synojnë zonën e medaljeve

Sport Ekspres — Sat, 03 Nov 2018 13:43:06 +0000

Kampionati botëror i peshëngritjes do të zhvillohet në Turkmenistan këtë vit dhe si gjithnjë do të ketë pjesëmarrës dhe nga Shqipëria, pretendimet në këtë sport janë të larta, pasi në të shkuarën peshëngritësit tanë kanë mundur që të ngjiten në podium, duke rrëmbyer medalje.

Ndryshe nga ccdo edicion më, parë këtë vit do të ketë vetëm sportistë meshkuj. Kampionati i cili do të zhvillohet në Turkmenistan ka nisur në datën 1 nëntor dhe do të zgjasë deri më datën 10 nëntor. Briken Calja do të kërkojë medalje në në peshën deri në 73 kg, ashtu si dhe Arbër Çerçizi. Të dy këta sportistë do të garojnë më 4 nëntor 2018. Erkand Qerimaj dhe Daniel Godelli do të garojnë në peshën deri në 81 kg, ndërsa në peshën 89 kg do të garojë Krenar Shoraj.

Sigurisht që priten rezultate të larta nga përfaqësuesit tanë, kjo për faktin se rezultate e arritura në këtë kampionat botëror, pasi do të merren parasysh për kualifikueset për në Lojërat Olimpike në 2020.

Skuadra shqiptare ka arritur në Turqi, diçka që është njoftuar dhe nga trajneri i ekipit kombëtar Sokol Bishanaku, i cili ka treguar se skuadra është akomoduar në nga Ashgabat të Turmekistanit.