Rastësia e solli që protagonist kryesor i ndeshjes të ishte ish-sulmuesi i Partizanit Kaleb Ekuban, penalltia e të cilit u prit nga portieri i Tunizis, Ben Mustafa,  veprim ky që më pas solli eliminimin e ganezëve. Në çerekfinale Tunizia do të ndeshet me ekipin surprizë të këtij edicioni Madagaskarin.

Tunizi 1 – 1 Ganë
(5 – 4, Penalltitë)
Shënues: Khenisi 73’ / Bedui (aug) 90+2’

Sulmuesi ganez  u huazua në klubin turk në fillim të sezonit nga Lids Junajtid. Teksa kanë mbetur dhe pak ndeshje nga fundi i kampionatit, ka ardhur momenti që palët të finalizojnë marrëveshjen.

Agjenti i Ekuban, Graciano Batistini, ka folur për portalin italian “tuttomercatoweb.com”, ku ka sqaruar të ardhmen e lojtarit të tij: “Ekuban po bën shumë mirë te Trabzonspori. Ka shumë shanse që të marrë pjesën në Kupën e Afrikës me Ganën. Është një futbollist me potencial dhe po e tregon këtë. Trabzonspori ka vendosur ta blejë nga Lidsi. Momenti i tij po vjen, besoj se është gati të luajë në nivele të mëdha”.

Ekuban ka në emër të tij pesë gola dhe dy asiste në Superligën turke, ndërsa në Kupa ka gjetur tri herë rrugën e rrjetës. Pak javë më parë 25-vjeçari pati një debutim ëndrrash me kombëtaren e Ganës, ku gjeti golin e parë në arenën ndërkombëtare pak minuta pasi ishte futur në fushë në ndeshen ndaj Kenias.

Debutimi në ndeshjen ndaj rivalëve direkt të Kenias nuk kishte si të shkonte më mirë. Ekuban u fut në fushë si zëvendësues dhe pak minuta më vonë gjeti golin e parë me fanellën e “yjeve të zinj”. Sfida u mbyll me rezultatin 1 – 0 çka i mundësoi Ganës vendin e parë të grupit kualifikimin direkt në turneun prestigjioz të “Kupës së Kombeve”.

https://twitter.com/ForzaTS1967/status/1109821769542705152

Italo-ganezi, Ekuban, shënoi goli e parë në fitoren 2 – 1 të Trabzonsporit ndaj Balikesirsporit të kategorisë së dytë. Ish-sulmuesi i Partizanit ende nuk e ka nisur një ndeshje si titullar në kampionatin turk, duke u aktivizuar 12 herë nga stoli i rezervave, por në ndeshjet e Kupës ai ka qenë gjithmonë titullar, duke shënuar 3 gola në 4 takime e zhvilluara deri më tani.

https://twitter.com/haberhertelden/status/1085630065981960192

Ish-mesfushori i Skënderbeut Nimaga debutoi ditën e sotme me fanellën e Hatajsporit. Futbollisti nga Mali sapo është kthyer nga një dëmtim i rëndë, që e ka mbajtur për më shumë se tre muaj jashtë fushave. Fatkeqësisht debutimi i Nimagës u shoqërua një karton të kuq, pasi 24-vjeçari mori dy të verdha brenda 31 minutash në ndeshjen ndaj  Instabul Bashakshehir, që u fitua me rezultatin 1 – 0 nga kryesuesit e Superligës turke.

Edhe pse është mbyllur vetëm gjysma e parë e kampionatit, Ekuban ka fituar zemrat e tifozëve dhe drejtuesve turq, të cilët me shumë mundësi do ta blejnë përfundimisht kartonin e tij në fund të sezonit. Gjithashtu, vitin e ri, 24-vjeçari e nisi në mënyrë perfekte, ku shënoi dy herë dhe dhuroi një asisit në miqësoren ndaj Den Hagut, të fituar me shifrat 3-1.
Ish-lojtari i Partizanit, ka folur për mediat turke në lidhje me ecurinë e tij te Trabzonspori si dhe për vendimin e tij për të shkuar në Turqi, ku është shprehur i lumtur për formën e tij dhe ka shprehur dëshirën për të qëndruar. “Ardhja këtu është vendimi më i mirë që kam marrë në jetën time. Jam në huazim, por klubi dëshiron të më mbajë dhe unë gjithashtu synoj të qëndroj”, përfundoi Ekuban.

Ganezi kaloi verën e këtij viti në radhët e klubit turk, në formën e huazimit me të drejtë blerje nga Lids Junajtid, me të cilët nuk arriti të gjente shumë hapësira. 24-vjeçari është kthyer në një lojtar mjaft deçiziv për Trabzonsporin, kështu që drejtuesit e këtyre të fundit po mendojnë për blerjen e tij përfundimtare. Në lidhje me këtë çështje ka folur numri një i klubit, pikërisht presidenti Ahmet Agaoglu.

“Ne po mundohemi të sjellim shpirt te ky klub dhe mendoj që jemi në rrugën e duhur për ta arritur këtë gjë. Mjafton të shohësh Ekubanin. Një djalosh nga Gana, i cili erdhi te Trabzonspori në fillim të sezonit, po jep gjithçka për ekipin në çdo ndeshje, por edhe në çdo stërvitje. Jemi shumë të lumtur që kemi këtë sjellje përreth klubit”.

Gjithsesi, pavarësisht dëshirës për ta pasur të tyrin 24-vjeçarin, klauzola që është vendosur për blerjen definitive thuhet të jetë 1 milionë euro dhe presidenti i klubit turk, duket se nuk është gati për një shumë të tillë dhe ka kërkuar nga Lids që të ketë një lëshim, për sa i përket çmimit.

Fillimisht, ishin raportuar shifra të tjera për afrimin e Ekuban te Trabzonspor, ku thuhej se ishin paguar 200 mijë euro për huazimin e tij, ndërsa 200 mijë euro të tjera do të paguheshin në fund të sezonit. Gjithashtu 225 mijë euro, do të derdheshin në arkat e menaxherit të Ekuban dhe kostoja përfundimtare do të ishte në shifrat e 625 mijë eurove. Gjithsesi, pritet fundi i sezonit, për të kuptuar se çfarë do të ndodhë me ish-sulmuesin e Partizanit.

Ish-sulmuesi i Partizanit, duket se është kthyer në një “hajmali” të vërtetë për klubin e tij. Javën e shkuar ganezi golin e avantazhit në transfertë ndaj Kajserispor, ndërsa pak momente më parë i ka dhënë një tjetër fitore ekipit të tij ndaj Konjaspor. 24-vjeçari shënoi golin e dytë të takimit, teksa ndeshja u mbyll në shifrat përfundimtare 3-0.

Tribün çekimi Uzun metrajl? Ekuban golüüü. pic.twitter.com/DjxDTw2CDp

— Burçak (@brcksglm) December 8, 2018

Sulmuesi nuk shënoi, por në fund festoi së bashku me skuadrën. Ekuban nuk mund të mos emocionohej nga festa në shkallët e stadiumit pas triumfit me Fenerbahçen. Në llogarinë e tij në “Instagram” ai ka postuar një video nga spektakli i dhuruar.

https://www.instagram.com/p/BqpI70jhlj8/?utm_source=ig_web_copy_link