Një tjetër futbollist beratas që është prezantuar në një klub të ri është Gelando Sharavolli. Mesfushori 24-vjeçar i është bashkuar Apolonisë së Fierit, duke mbyllur kështu bashkëpunimin me klubin e Tomorit pas gjashtë vitesh.

Gjithçka lidhet me financat, sepse në drejtim të tij ka ardhur një ofertë financiare për t’u marrë në konsideratë, që do të thotë se është më e mirë se ajo kontratë aktuale që ka tek skuadra beratase.

Çaço ka një kontribut të cmuar dhe vlerësohet për eksperiencën e tij të madhe tek Tomori, ndaj mban në të njëjtën kohë edhe shiritin e kapitenit tek beratasit në këtë kampionat, ndaj një largim i mundshëm të tij do të trondiste jashtëzakonisht skuadrën beratase dhe planet e teknikut Dule.

Mungesa e tij gjatë seancës së ditës së premte pasdite ka nënkuptuar shumë rreth një lëvizje të mundshme të kapitenit, që të paktën mban me shpresë drejtuesit beratas për sa kohë që largimi i tij ende nuk është bërë de facto, për sa kohë nga klubi dhe vetë futbollisti nuk  ka një njoftim zyrtar, që do të thotë se letrat apo kartoni i federimit ende nuk janë tërhequr nga Tomori.

EDI SPAHIU

Skuadra është nisur drejt Vlorës gjatë ditës së premte pasdite, ndërsa të gjithë pa përjashtim janë shprehur të bindur se do të bëjnë gjithçka për të marrë maksimumin në këtë transfertë. Duke qenë se mungesa e vetme është ajo e kapitenit Çaço, nga ana e tij tekniku Devolli ka marrë të gjitha masat për ta zëvendësuar sa më denjësisht kapitenin, i cili do të mungojë vetëm në fushë por aspak në mbështetje të skuadrës.

ÇAÇO – “Më vjen vërtet shumë keq që më kanë pezulluar nga Komisioni i Disiplinës për ndeshjen në Kavajë, sepse të ngresh zërin si kapiten për të mbrojtur skuadrën nga dhuna e kundërshtarit në fushë dhe nga gjykimi i njëanshëm, disa zyrtarë e llogarisin si një veprim ekstrem. Një kapiten për këto shkelje flagrante duhet që të hapë gojën, se fundja për atë arsye është kapiten. Megjithatë, le të vrasë ndërgjegjja këdo që dënon kot një kapiten si në rastin tim, edhe pse sot përballë Orikumit do të mungoj në fushë, por jo fizikisht dhe moralisht, sepse do të motivoj skuadrën për të fituar dhe të hedhim një hap të sigurt për të siguruar pesëshen e parë, që për Tomorin bëhet realitet me një fitore në transfertë”, deklaron Çaço.

Kapiteni beratas ditën e djeshme komentoi në faqen e Sportekspres.com në Facebook, duke përgënjeshtruar problemet financiare te Tomori, edhe pse lajmi për gjoba e paga të prapambetura konfirmohet nga të gjithë në Berat, ashtu si lajmi se për muajin tetor rrogat nuk janë dhënë të plota: “Më vjen keq që merreni me lajme të kota, asnjë nga ne futbollistët e Tomorit nuk është ankuar për rrogat, çdo gjë është sqaruar nga ana e klubit. Këtu nuk ka pasur probleme rrogash sa të bëhet kaq alarmante. Ne kemi biseduar me drejtuesit dhe çdo gjë është OK. Më vjen keq që dikush arrin deri këtu sa do të përçajë ekipin”.                                                                                                          /EDI SPAHIU

Pas seancës stërvitore të ditës së premte, kapiteni i beratasve Ervis Çaço ka folur për objektivin e Tomorit në kampionatin e ri.

“Jemi vërtet një skuadër e ndërtuar rishtazi në këtë edicion të ri, por me ambicien e njohur që të nisim me fitore kampionatin. Kemi besim, jo vetëm se futbollistët e sapoardhur kanë shumë grintë dhe dëshirë për të përfaqësuar sa më denjësisht Tomorin, por mbi të gjitha, duke shfrytëzuar faktorin fushë dhe duke vlerësuar maksimalisht kundërshtarin, besojmë shumë që nëpërmjet fitores ndaj Lushnjës në shtëpi, të nisim sezonin e ri si një skuadër pretendente dhe pse jo si kokë grupi për të kërkuar ngjitjen në Superiore pas gjashtë sezoneve” është shprehur Çaço.

 Edi Spahiu

Në një prononcim dhënë për Sport Ekspres, ai ka folur në lidhje jo vetëm për punën e deritanishme të skuadrës, por edhe në lidhje me të ardhmen e Tomorit në sezonin e ri, ku si pas Çaços skuadra do të jetë shumë kompetitive dhe një kundërshtar apo rival shumë i fortë për t’u mundur.

ÇAÇO – “Puna jonë është në fazën e parë të saj, që do të thotë se jemi në një moment të atillë, ku përparësi merr faza selektive e grupit që do të përfaqësojë Tomorin në kampionatin e ardhshëm, dhe nga konstatimi im si kapiten mund të them me shumë siguri, se gjithçka po ecën shumë mirë dhe brenda parashikimeve të stafit teknik, që nga ana e tij po punon me intensitet të lartë edhe për të mbyllur ndoshta brenda javës së ardhshme merkaton e kësaj vere me elementët që i nevojiten skuadrës. Unë mendoj gjithashtu se ngarkesa në rritje, që do të vijë duke nisur nga java e ardhshme, do t’i shërbejë akoma më shumë skuadrës edhe në drejtim të harmonizimit të veprimeve gjatë lojës, ku futbollistët nëpërmjet edhe ndeshjeve miqësore, do të sinkronizohen akoma më mirë, por edhe do të përvetësojmë si duhet të gjithë filozofinë e lojës dhe vendosjen taktike të udhëzuar nga ana e stafit tonë teknik.

“Besoj shumë se në kampionatin e ri do të jemi një skuadër shumë kompetitivë dhe sigurisht skuadra më e vështirë për t’u mundur nga kundërshtarët tanë, që do të thotë  se Tomori i sezonit të ri, ndonëse pa shumë zhurmë, do të jetë një nga skuadrat kryesore për të synuar kreun, ose më mirë të themi se do të jemi pa diskutim në mes tre më të mirave të grupit tonë”, ka deklaruar kapiteni i skuadrës së Tomorit, Ervis Çaço.

Nga Berati, Edi Spahiu