Axhem sezonin e shkuar ishte pjesë e Sloboda Tuzla sezonin e shkuar dhe luajti rregullisht si titullar. Së bashku me Aleksandar Ignjatoviç (ka firmosur me Laçin dhe debutoi dje në ndeshjen e Europa League ndaj Hapoel Ber Sheva) spikatën në ekipin boshnjak dhe këtë verë zgjodhën Shqipërinë për të vijuar karrierën.

Bylisi ende nuk e ka zyrtarizuar marrëveshjen me Axhem, por pritet që shumë shpejt të ndodhë. Kështu për trajnerin Veljko Dovedan vihet nën urdhra një mbrojtës me vlera, prej të cilit pritet shumë sezonin e ardhshëm.

Pak ditë më parë te Bylisi u përshëndeten me mesfushorin Alfred Zefi, kurse këtë herë me sulmuesin Eri Lamçja. Futbollisti nga Elbasani e ka ndërprerë me marrëveshje kontratën dhe do ta vazhdojë karrierën në ekip tjetër.

NJOFTIMI I BYLISIT – Eri Lamçja nuk do të jetë më pjesë e skuadrës sonë, ndonëse ka pasur edhe një vit kontratë. “Kalova shumë mirë në Ballsh dhe arritëm rekorde, Bylisi do të jetë “hirushja” e Superiores. Do rri afër familjes, Ballshi ka qenë një nga eksperiencat më të bukura, më kanë respektuar shumë dhe iu uroj suksese grupit të lojtarëve, shumica talente që do lënë gjurmë në Superiore. Me respekt Eri Lamcja”! Faleminderit Eri Lamçja #7# Forca bylis #NjeklubshumeZemra

https://www.facebook.com/155956507855116/posts/2304379836346095/

Një prej atyre që ka bindur është sulmuesi Saliu Guindo, i afruar në merkaton e janarit pas një eksperience te Skënderbeu në Superiore. Klubi ballshiot ka informuar se me lojtarin nga Mali është nënshkruar një kontratë për dy vitet e ardhshme.

“Zyrtare! Saliu Guindo firmos edhe për dy sezone në Ballsh. Presidenti Kapllanaj dhe sulmuesi i Kombetares së Malit vijojnë bashkëpunimin edhe në Superiore!”, njofton klubi i Bylisit përmes faqes zyrtare në Facebook. 

“Sa shumë vite të bukura dhe të paharrueshme. Po të filloj me falënderime do jetë shumë e vështirë sepse duhen falënderuar  shumë persona. Do falënderoj nga zemra çdo trajner që më ka stërvitur, çdo drejtues të akademisë dhe çdo njeri tjetër që më ka ndihmuar në këto vite. Ndoshta është e vështirë të shprehem, por këto janë fjalë zemre, janë fjalë që dalin nga një person i dashuruar pas Vllaznisë.

Duke mos dashur ta zgjas shumë, do them vetëm që mbase një ditë do më humbasë mirënjohja me njerëzit ose diçka e tillë, por jam i sigurt që mirënjohja për ato ngjyra e për atë emër të madh nuk do humbasë kurrë. Emrin e Vllaznisë nuk e hedhin dot as 10, as 100, as 1000 e as 1 milion persona, sepse emri i Vllaznisë është i shenjtë.

Respekt, mirënjohje për çdo tifoz që më ka mbështetur, ndoshta edhe me një fjalë goje. Tani është koha për një hap më tepër në karrierën time, një hap që do e filloj me ekipin e mrekullueshëm të Bylis. Shpresoj të jap maksimumin tim dhe të gjithë së bashku të bëjmë një punë të mirë. Gjithmonë i juaji, gjithmonë zemrën me ju”, shkruan Qardaku.

Qardaku, vjet u shpall edhe shënuesi më i mirë në kampionatin e moshave, duke tundur 21 herë rrjetat e kundërshtarëve. Sulmuesi 19-vjeçar tanimë nis rrugëtimin si profesionist dhe do kërkojë të spikasë me Bylisin.

Vllaznia nga ana tjetër sheh t’i ikë nga duart një tjetër lojtar i formuar prej tyre. Bylisi shpreson që Qardaku të shpërthejë me ta dhe në të ardhmen të shitet jashtë vendit.

Kukësi, Kastrioti dhe Vllaznia kanë qenë skuadrat me të cilat ai ka tentuar të luajë. Pas eksperiencës me Burrelin, ku luajti pjesën e dytë të sezonit, në Ballsh janë bindur t’i japin një mundësi Kasapis. Ballshiotët gjatë kësaj periudhe nuk kanë qenë aktivë në merkato, por duket se kanë nisur të lëvizin.

Trajneri Veljko Dovedan e ka thënë hapur se bazën e ekipit e ka, por sigurisht që është e nevojshme të bëhen edhe 3-4 ndërhyrje. Drejtuesit e dinë mirë se skuadra ka nevojë edhe për ndonjë element cilësor, me eksperiencë, që të ndihmojë skuadrën të marrë rezultatet dhe të rinjtë të rriten.

Fillimi i muajit korrik pritet të sjellë zhvillime dhe presidenti Besnik Kapllanaj është nga ata që nuk kursehet, ndërkohë që duhet thënë se edhe me prurjet nga jashtë shpesh ka qëlluar. Mbetet për t’u parë se si do të operojë këtë herë në merkato.

Në tribunën e stadiumit “Selman Stërmasi” binte në sy prania e presidentit të Bylisit, Besnik Kapllanaj. I shoqëruar nga menaxheri Florin Biba ai ndoqi miqësoren e Shpresave. Më pas në tribunë mbërriti edhe Olsi Rama, drejtori i përgjithshëm i Partizanit dhe njeriu i cili merret me merkaton në klubin e kuq.

45 minuta në tribunën e gazetarëve, më pas një takim me Ardian Memën. Një bisedë miqësore mes tyre dhe më pas trajneri i Tiranës u pozicionua në krah të presidenti Refik Halili në tribunë. Më siguri edhe ka mbajtur shënime për ndonjë lojtar, ashtu sikurse përfaqësues të klubit të Laçit. Administratori Kleo Laska dhe zëvendëstrajneri Klevis Hima ishin në tribunë dhe panë nga afër ndeshjen.

Klubi ballshiot ka dalë me një deklaratë dhe mohon që të kenë bërë bisedime me mesfushorin Musfta, e për më tepër të kenë një marrëveshje.  “Sqarojmë mediat se Bylisi nuk ka asnjë kontakt me Ilir Mustafën nga Kosova, siç edhe raportojnë mediat. Nuk kemi pasur dhe as nuk e kemi në planet tona lojtarin në fjalë, pa e paragjykuar aspak për vlerat që mbart”, njofton klubi ballshiot.

Bylisi po punon për t’u përforcuar gjatë kësaj periudhe. Më parë janë lakuar edhe emra të tjerë që lidhen me ballshiotët, por klubi ka dalë me deklaratë dhe ka mohuar gjithçka. Në klub janë të vendosur për të bërë pak ndryshime, pasi janë të kënaqur nga grupi i lojtarëve që e ngjitën Bylisin në Superiore.

Kështu, drejtuesit kanë vendosur të hapin një vend dhe është mbyllur marrëveshje me sulmuesin Dose Kofi, të cilin ballshiotët e afruan në verë. “Sulmuesi nga Togo, Dose Kofi është largimi i parë nga skuadra jonë. Gjithçka është zgjidhur me marrëveshje”, njofton klubi ballshiot.

Ai më parë ishte aktivizuar te skuadra e Skopje në Maqedoni, ku kishte shënuar pesë gola. Me fanellën e Bylisit ai shënoi një më tepër, ndërkohë që luajti në total në 16 ndeshje. 12 prej tyre i ka nisur nga minuta e parë.

Për Muratajn, baza e këtij suksesi mbetet organizimi e menaxhimi i mirë i klubit. “Kam dy sezone që luaj në radhët e Bylisit, por këtu organizimi e menaxhimi i skuadrës është në nivele shumë të mira. Kjo mendoj na dha suksesin, pra ngjitjen në Kategorinë Superiore. E veçanta tjetër është se futbollistët e rinj kanë gjetur hapësira te kjo skuadër dhe përbëjnë bazën edhe për sezonin e ri”, theksoi kapiteni i Bylisit.

Murataj flet edhe për sezonin e ardhshëm dhe pritshmëritë në Superiore: “Të gjithë mendojmë e besojmë se Bylisi do të jetë skuadër rivale për vendet e kreut të renditjes. Nuk është i tepërt edhe synimi që gjatë sezonit të ri të luftojmë që Bylisi të luajë në Europë. Do jetë një rrugëtim i vështirë dhe i bukur, por edhe i arritshëm”.

AGRON KAJA

Lëvizjet e para kanë nisur dhe është konfirmuar marrëveshja me Amos Bexhi Antoni, nigerianin që ka spikatur këtë sezon me ballshiotët. Futbollisti 20 vjeçar arriti të shënojë 8 gola në kampionat dhe tashmë ka nënshkruar edhe për tre vite të tjera me Bylisin.

Ndërkohë ballshiotët kanë hedhur poshtë zërat për një rikthim të mundshëm të portierit Shkëlzen Ruçi, si dhe theksojnë se nuk po tentojnë lojtarë të Luftëtarit që janë nën kontratë. “Nuk ka asnjë të vërtetë që skuadra jonë të jetë në bisedime me lojtarë të Luftëtarit, të cilët janë pjesë e një ekipi aktualisht në kontratë! Ne jemi klub korrekt dhe respektojmë “Fair-Play” në çdo aspekt!

Nuk bëhet fjalë që të kemi negociata me portierin Ruçi apo të tjerë lojtarë! Lajmi i vetëm është që kemi zyrtarizuar dhe rinovuar për 3 sezone me nigerianin dhe një nga lojtarët më të mirë, Beji Antoni!”, shkruan klubi ballshiot në një postim në faqen zyrtare në Facebook.

“Siç e thatë dhe ju, ishte një sezon perfekt. Dua të falënderoj stafin drejtues, presidentin, ekipin. Kemi bërë ndeshje shumë të mira gjatë gjithë sezonit, kemi presuar lart, kemi bërë ndeshje të mëdha. Sot, motivim i madh ishte presidenti, i cili ishte në dhomat e zhveshjes. Sezoni i ardhshëm? Nuk di të kem oferta tjera, besoj do të jem pjesë e Bylisit dhe sezonin e ardhshëm në Superligë”, përfundoi Bajramaj.

Mario Bytyçi, portieri pogradecar i Bylisit, pas ndeshjes me Vllazninë deklaroi: “Një sezon i vështirë që kurorëzohet me këtë Kupë. Jam shumë i emocionuar. Falënderoj Zotin që më dha këtë Kupë në këtë moshë. Falënderoj drejtuesit dhe të gjithë tifozët. Ia dedikoj familjes dhe nënës time në veçanti. Nuk e di nëse do vazhdoj, por do të flas me drejtuesit. Besoj se do jem”.

Eri Lamçja, autor i tre golave me ballshiotët, deklaroi: “Fillimi i mirë që kishte bërë skuadra, duke nisur nga merkato, më bindi. Kishin marrë lojtarë cilësorë si Zefi e Peposhi. Janë ekip që na kanë vënë vështirësi edhe kur isha te Luftëtari. Më joshi edhe presidenti, i cili më bëri një ofertë të mirë. Vllaznia ishte më mirë. Më 31 maj e mbyll me Bylisin, për vazhdimësinë nuk e di”.

Reagimi i Bylisit ishte i menjëhershëm. Skuadra e drejtuar nga Dovedan iu afrua golit në disa raste, madje goditi edhe tranversën me anë të Jankut. Gjithsesi Vllaznia e ruajti epërsinë në pjesën e parë dhe shkoi në pushim e qetë.

Bylisi ishte më këmbëngulës dhe u shpërblye në fillimin e fraksionit të dytë të lojës. I zakonshmi Antoni Bej arriti t mposhte portierin Selimaj dhe të vendoste baraspeshën menjëherë. Ballshiotët nuk i ndalën sulmet dhe arritën të përmbysnin me anë të mesfushorit Marjo Bajramaj.

Ky i fundit pati një dëmtim dhe dhjetë minuta para përfundimit të kohës së rregullt u largua nga fusha dhe i la vend mesfushorit Serxho Ujka. Ish-futbollisti i Laçit për tre minuta arriti të shënonte në portën e Vllaznisë dhe vulosi fitoren e Bylisit, që shpallet kampion i Kategorisë së Parë dhe përfiton 30 milionë lekë të vjetra. Në fund pati një zënkë mes Gurishtës dhe Zefit, të dy të ndëshkuar me kartonë të kuq.

FINALJA E KATEGORISË SË PARË
E enjte, më 23 maj 2019, ora 16:00

VLLAZNIA-BYLIS 1-3
Shënues: Ignat 17’ / Antoni 48’, Bajramaj 61’, Ujka 83’

Vllaznia: Selimaj, Zeqaj (Zogaj 62’), Ignat, Malota, Gurishta, Krymi (Hajdari 74’), Tafili, Gocaj (Marku 60’), Lika, Kruja, Zhunior. Trajner: Agim Canaj

Bylisi: Bytyçi, Franklin (Ymeraliaj 84’), Janku, Samda, Peposhi, Murataj, Barjamaj (Ujka 80’), Zefi, Lamçja (Kullira 94’), Anthoni, Guindo. Trajner: Veljke Dovedan

Karton të verdhë: Malota 88’ / Kullira 92’
Kartonë të kuq: Gurishta 90’ / Zefi 90’

]]> https://sportekspres.com/bylisi-kampion-i-se-pares-i-jep-dajak-vllaznise/feed/ 0 https://sportekspres.com/memushi-ky-bylis-me-lart-se-vllaznia-te-denje-per-superioren/ https://sportekspres.com/memushi-ky-bylis-me-lart-se-vllaznia-te-denje-per-superioren/#respond Wed, 22 May 2019 08:30:37 +0000 http://sportekspres.com/?p=266902 Bylisi rikthehet në Superiore dhe Eqerem Memushi është një nga ata trajnerë që ka punuar me ballshiotët. Në një instervistë të dhënë për SportEkspres.com, ai thekson se skuadrës ballshiote i duhen disa ndryshime në boshtin e saj dhe gjithçka duhet ta fillojë nga porta.

Memushi vlerëson drejtuesit e Bylisit si një pikë e fortë e kërtij klubi, për shkak të financave të garantuara që ky klub ka. Fjalë të mira edhe për grupin e lojtarëve, që me siguri do të përforcohet me disa lojtarë të tjerë cilësorë. Sa i takon finales me Vllazninë, Memushi shikon ballshiotët favoritë.

INTERVISTOI: AGRON KAJA

Si e shikon rikthimin e Bylisit në Kategorinë Superiore, të vonuar apo në kohën e duhur?
-Rikthimin e Bylisit e shoh me shumë optimizëm. Kur shoh disa skuadra në Superiore që kanë problematika në financa e drejtim dhe më shpejt zbresin nga kategoria se sa bëjnë paraqitje të mira, ngjitja e Bylisit duket e vonuar. Po flas për një klub të mirëorganizuar.

Mendoni se këtë herë skuadra ballshiote do të ketë forca për ta përballuar elitën?
-Ka shumë ndryshim Bylisi në raport me sezonet e kaluara. Përveçse ka lojtarë shumë cilësorë, ka një organizim e menaxhim shumë profesional. Pak skuadra të Superiores e kanë, ndaj shikoj një Bylis të denjë për sezonin e ri.

Çfarë ndryshimesh duhet të bëjnë drejtuesit e Bylisit për sezonin e ardhshëm?
-Ndryshime duhet të ketë në skuadër, sepse nuk ka kuptim ngjitja në Superiore. Me gjithë respektin që kam për portierin Bytyçi, ndryshimi te Bylisi duhet të fillojë që nga porta. Drejtuesit duhet të përforcojnë edhe boshtin e skuadrës, tani është në Superiore!

Kampionati i Kategorisë së Parë po kontestohet për formulën, a mendoni se duhet ndryshuar që në sezonin e ri?
-Me çfarë po prodhon kjo formulë, ajo duhej të ishte ndalur disa sezone më parë. Çdo vonesë në ndryshimin e saj do të ketë ndikime negative në nivelin e futbollit në Kategorinë e Parë, pse jo edhe më poshtë. Një grup me 14 apo 16 skuadra është shumë më normal për këtë kategori.

Të enjten luhet finalja e Kategorisë së Parë, cilën skuadër shikoni favorite, Bylisin apo Vllazninë?
-Duke qëndruar në argumentat që ju përmenda më sipër, unë mendoj se Bylisi do jetë skuadra fituese e finales. Bylisi ka më shumë kualitete nga Vllaznia dhe të mos harrojmë se Grupi B kishte në përbërje skuadra që kanë luajtur në elitë, më të forta nga Grupi A.

Kategoria e Parë – Java 23
E shtunë, më 13 prill, ora 15:00

BESA-BYLIS 0-1
Shënues: Antoni 19′

Karton i kuq: Danaj 75’

EPISODET –

80’ – Ndërpritet ndeshja në Kavajë. Gjyqtari Klajdi Kola merr vendimin për ta ndërprerë takimin, pasi asistenti i tij i godit me shishe nga tribuna.

75’ – Danaj bën një ndërhyrje shumë të ashpër kundër sulmuesit të Bylisit dhe ndëshkohet menjëherë me karton të kuq nga gjyqtari Kola. Besa me 10 futbollistë.

57’ – Shumë tension në Kavajë. Shishet hidhen pa pushuar në fushën e lojës dhe gjyqtari ndërpret takimin për thuajse 3 minuta. Gjithsesi, pasi paralajmëroi kapitenin e Besës, takimi rifilloi

46′ – Murataj pranë portës nuk arrin ta dërgojë dot topin në rrjetë. Mundësi e artë

45+2′ – Mziu lëshon një silurë nga distanca, portieri Mario Bytyçi i kundërpërgjigjet duke e devijuar topin. Këndore për Besën.

45′ – Peposhi përparon nga e majta, kroson në zonë për Guindo. Sulmuesi e devijoi topin pak mbi traun e portës. Mundësi e mirë e Bylisit.

29′ – Antoni bën një ndërhyrje dhe ka tension. Tifozët nuk durojnë dhe lumë shishesh u hodhën në fushën e blertë.

19′ – GOOOOL Antoni merr një top në zonë dhe i vetëm me portierin Miraka arrin të realizojë. Ballshiotët në festë. Kavajasit protestojnë për faull.

PRETENDIMET PËR PENALLTI

15′ – Guindo, sulmuesi i Bylisit, fluturimthi në hyrje të zonës gjuajti krejtësisht gabim. Lojtari i ballshiotëve nuk arriti të koordinohej

8′ – Cara provon me një goditje dënimi, Janku me kokë largon rrezikun. Sinjali i parë i verdhezinjve

Besa: Miraka, Çaço, Danaj, Dikson, Biba, Mëlluxha, Mëziu, Ndraxhi, Cara (Thaci 55′), Çelhaka, Onuh. Trajner: Gugash Magani

Bylisi: Bytyçi, Samda, Kullira, Janku, Peposhi, Zefi, Lamçja, Murataj, Antoni, Guindo, Kofi. Trajner: Veljko Dovedan

Gjyqtarë: Klajdi Kola, Denis Rexha, Denis Agaraj
Karton i verdhë: Antoni 20′

Në Laç ishin tre arbitra që e kanë mbyllur karrierën, kurse në kryeqytet gjykoi një nga punonjësit e klubit bardheblu. Nesër do të zhvillohet një tjetër miqësore. Kastrioti do të presë Shënkollin dhe ndeshja do të luhet prej orës 14:00 në kompleksin e ekipeve kombëtare në Kamzë.

Flamurtari, që është eliminuar nga Kupa e Shqipërisë, do të zhvillojë nesër një miqësore në Vlorë. Në stadiumin e kuqezinjve ndeshja nis në orën 15:00 dhe përballë do të jetë Bylisi, që pak ditë më parë barazoi me Luftëtarin.

Në grupin B Bylisi e Besa do duelojnë në distancë. Lushnja, që dy javë më parë mposhti kavajasit, këtë herë do tentojë të ndalojë ballshiotët. Ndërkohë verdhezinjtë luajnë në transfertë. Besa ka disa mungesa, por edhe tek Egnatia do të shohim sot një “revolucion” në formacion. Problemet financiare mbeten prezente dhe lojtarët kanë bojkotuar sërish stërvitjen. Mbetet të shihet se kush do ta ketë shëtitje sot. Në pesëshen e dytë Elbasani pret Pogradecin dhe do synojë tre pikët, për të tentuar lënien e vendit të parafundit në vazhdimësi.

KATEGORIA E PARË – Java 19

GRUPI A / PLAY-OFF
Datë 3 mars 2019
Besëlidhja-Erzeni        15:00

GRUPI B / PLAY-OFF
Datë 3 mars 2019
Lushnja-Bylis              15:00
Egnatia-Besa               15:00

GRUPI B / PLAY-OUT
Datë 3 mars 2019
Elbasani-Pogradeci     15:00

Korabi u ngjit në vendin e tretë, pasi mundi Veleçikun me golat e Skukës, autor i një tregolëshi. Në Shënkoll Besëlidhja mposhti me përmbysje vendasit. Vora e vendit të fundit ka marrë një fitore me vlera kundër Dinamos dhe shpreson të qëndrojë në të Parën.

KATEGORIA E PARË – Java e 15-të
GRUPI A
E shtunë, 2 shkurt 2019
Vora-Dinamo              1-0
Shënues: Ezike 37′
Shënkolli-Besëlidhja  1-2
Shënues: R. Danaj 28′ / Kamara 58′, Soumah 89′
Erzeni-Vllaznia            2-0
Shënues: Xhemalaj 2′, Marku 52′ (aut.)
Korabi-Veleçiku          3-1
Shënues: Skuka 11′, 44′, 57′ / Ujkaj 91′ (pen.)

E mërkurë, 6 shkurt 2019
Iliria-Burreli                14:00

Bylisi në grupin B vijon serinë e rezultateve potivive. Lushnja nuk ia ka dalë të rezistojë përballë ballshiotëve, që me “tris” morën pikët e plota. Kundërpërgjigjet edhe Besa, që 0-3 fitoi në transfertë kundër Elbasanit.

Verdheblutë gjithsesi mbeten të parafundit, pasi edhe Turbina është mundur në shtëpi nga Tomori me shifrat 0-2. Apolonia ka marrë një fitore me vlera dhe ka qenë i riu Mihana ai i cili ka nderuar fierakët me golin e shënuar.

GRUPI B
E shtunë, 2 shkurt 2019
Apolonia-Pogradeci    1-0
Shënues: Mihana 69′
Turbina-Tomori           0-2
Shënues: Sharavolli 2′, Dervishi 70′
Bylis-Lushnja               3-0
Shënues: Shyti 23′, Bytyçi 41′ (pen.), Bajramaj 66′
Elbasani-Besa              0-3
Shënues: Çelhaka 45′, Çekiçi 45+1′, Onuh 81′

E diel, 3 shkurt 2019
Egnatia-Oriku             14:00 (Luhet në Peqin)

Gjithashtu në Ballsh mendojnë edhe për elementët e rinj. Janë afruar disa lojtarët më perspektivë, por ka edhe nga ata që nuk mund të mbahen në ekip. Kjo për shkak se në vijim e kanë të vështirë të marrin minuta.

Për këtë arsye drejtuesit e klubit kanë arritur marrëveshjet për huazimin e tre lojtarëve. Jurgersi Liçkollari ka kaluar tek ish-skuadra e tij, Pogradeci. Ervis Kaja dhe Sadik Çela janë dy lojtarët e tjerë që kanë mësuar skuadrën e re, teksa do të jenë pjesë e Vorës së drejtuar nga Rezart Maho.

Moçka rikthehet në Kategorinë e Parë. Në të shkuarën ka qenë pjesë e Mamurrasit në këtë nivel të futbollit shqiptar dhe tanimë ka nënshkruar me Bylisin, klub që kryeson grupin B të së Parës. Drejtuesit pritet t’i besojnë katërkëndorin Moçkës dhe objektivi i vetëm është rikthimi në elitë.

Një lëvizje e mirë e ballshiotëve, që rivalin kryesor kanë Besën e drejtuar nga Gugash Magani. Moçka në të shkuarën ka qenë edhe pjesë e Flamurtarit, Kastriotit, Laçi dhe Teutës. Gjatë kësaj vere Kastrioti dhe Luftëtari janë munduar ta bindin, por vlonjate zgjodhi Bylisin si stacionin e radhës në karrierë.

Ofei kaloi te Bylisi nga Tirana në formë huazimi dhe në fillim u aktivizua. Anësori pretendon se ballshiotët nuk e kanë paguar për tre muaj, ndërkohë që ai tregon edhe çfarë i ka ndodhur në klubin mallakastriot.

“Për një muaj rresht kam kaluar shumë net pa gjumë. Një ditë binte shi dhe trajneri tha që nuk do zhvillonim stërvitje. Kur mbërrita në shtëpi, klubi më telefonoi dhe presidenti më gjobiti sepse mungova në stërvitje. Autobusi i ekipit nuk erdhi të më merrte dhe m’u desh të ecja një orë në këmbë, për të mbërritur te fusha e stërvitjes”, tregon Ofei.

Më tej ai vazhdon rrëfimin: “Nuk është njerëzore të braktisesh kështu. Kur fola me nënën time në Skype, ajo nisi të qante. Më tha që t’u lutesha të më blinin një biletë avioni dhe të më nisnin për në shtëpi”.

Me ballshiotët e ka mbyllur gjithçka dhe Vora i ka ofruar një kontratë. Aktivimi me Tiranën dhe Bylisin ka vënë në dyshim kalimin e tij te skuadra tjetër e Kategorisë së Parë. Ndërkohë, 20-vjeçari do të kërkojë në FIFA jo vetëm pagat e padhëna, por edhe dëmshpërblim për trajtimin e bërë. Ballshiotët pak kohë më parë kanë humbur një gjyq në FIFA me Emanuel Mbellën, të cilit u detyruan t’i kalojnë 18500 dollarë në llogaritë e tij, ndryshe do t’i zbriteshin tre pikë nga klasifikimi.

Anësori i djathtë është produkt i Shkëndijës së Tiranës dhe për herë të parë si profesionist është aktivizuar me Laçin, madje në Europa League kundër Anorthosis Fagamusta këtë verë. I riu ishte titullar, pasi bindi trajnerin Besnik Prenga.

Tashmë Hadroj ka nënshkruar për dy vite më Bylisin, pasi me Laçin e mbylli aventurën e tij pa u mbyllur pjesa e parë e sezonit. Pukjani kishte disa kohë që ishte vënë nën urdhrat e trajnerit Dovedan, i cili do e ketë nën urdhra në vijim ish-futbollistin e kurbinasve.

Golat nga Bytyçi, Aliaj dhe Xhixhiua i dhanë fitoren ballshiotëve, që duken në një formë shumë të mirë dhe janë pretendentë seriozë për ngjitjen në Superiore këtë sezon.

Daja hodhi në fushë një formacion jo të plotë, duke lënë jashtë emra si Bushiç e Kale. Gjithsesi, kuqezinjtë nuk zhvilluan një ndeshje pozitive dhe me gjysmën e dytë të sezonit që po afron shumë shpejt, duke se tekniku Daja ka ende punë për të bërë.

Miqësore, 16 janar 2019, ora 14:00, Ballsh

Bylis – Flamurtari  3-0
Shënues: Bytyçi (p), Aliaj, Xhixhiua

Flamurtari: Koliçi, Siljanovski, Deliaj, Polozhani, Musta, Useini, Mustafa, Batha, Rrapaj, Torasa, Ribaj Trajner: I. Daja

U aktivizuan: Qirko, Ymeraj, Diamanti, Mucollari, Ziaj, Licaj, M. Qarri, J. Qarri, Haruni, Bushiç

Në njoftimin e bërë nga Skënderbeu, thuhet se takimi me Tiranën do të luhet më datë 9 janar dhe jo me 6. Tanimë janë mësuar edhe dy ekipet e tjera me të cilat korçarët do përballen.

Teuta dhe Bylisi do të vihen përballë Skënderbeut, ndërkohë që datat e zhvillimit të ndeshjeve me këto dy ekipe janë opsionale: me 12 ose 13 janar zhvillohet takimi me ballshiotët, ndërsa më durrsakët miqësorja luhet  më 18 ose 19 janar.

Emanuele Mbella, ish-sulmuesi anësor i ballshiotëve, e kishte dërguar Bylisin në FIFA për pagat e prapambetura dhe kishte fituar. Komisioni i Disiplinës kishte sjellë në FSHF dhe në klubin ballshiot ultimatumin për shlyerjen e borxhit ndaj kamerunasit me pasaportë franceze.

Për t’u paguar ishin plot 18.500 dollarë, ndërkohë që afati i fundit ishte 28 dhjetori. Nëse pagesa nuk bëhej, atëherë Bylisi rrezikonte t’i hiqeshin tre pikë nga tabela e klasifikimit. Ky rrezik nuk ekziston më, pasi Mbella është paguar.

“SportEkspres.com” ka pasur një kontakt me vetë lojtarin, i cili e ka konfirmuar diçka të tillë. “Po, Bylisi më ka paguar”, është shprehur shkurtimisht Mbella. Sulmuesi anësor mund t;i festojë gëzuar festat e fundvitit, ashtu si edhe Bylisi që mendjen e ka te arritja e objektivit final: rikthimi në Superiore.

VLADIMIR PRENGA

Pogradecari shënoi me penallti golin e avantazhit 2-1, por Apolonia nuk u dorëzua dhe i riu Mihana shënoi dhe barazoi përkohësisht rezultatin. Në fund pati sërish penallti në favor të Bylisit dhe portieri Bytyçi sërish u tregua i saktë dhe i dha fitoren skuadrës së tij me rezultatin 3-2.

Miqësore – E enjte, më 27 dhjetor, ora 13:00
Bylisi-Apolonia 3-2
Shënues: ?, Bytyçi (2, pen.) / Hysenshahaj 13’, Mihana

“Njoftim. Për të gjithë tifozët kavajas, nesër (sot) në orën 10:30 në qendër të qytetit nisen autobusët falas drejt Ballshit. Të gjithë së bashku për të mbështetur Besën! Forca Besa”, shkruhet në njoftimin e klubit verdhezi.

Bylisi-Besa luhet sot prej orës 13:30 në stadiumin “Adush Muçaj” dhe transmetohet drejtpërdrejt në RTSH Sport. Ballshiotët kanë grumbulluar deri më tani 26 pikë, dy më shumë se kavajasit e vendit të dytë.

“FSHF ka njoftuar se ka një ndryshim te orarit të ndeshjes Vllaznia- Besëlidhja. Ajo nuk do të nisë në orën 14.00 siç ishte planifikuar, por në orën 13.30 në stadiumin “Loro Boriçi” të qytetit të Shkodrës”, njofton klubi shkodran.

Por në 13.30 nuk do të luhet vetëm Vllaznia-Besëlidhja. FSHF ka vendosur që edhe takimi i së dielës, mes Bylisit dhe Besës, të luhet në atë orar. të dy këto takime janë edhe ndeshjet më të rëndësishme të kësaj jave.

Dinamo dhe Erzeni ndjekës luajnë gjithashtu në transferta. Blutë përballen me Veleçikun në Shkodër, kurse shijakasit janë mysafirë të Ilirisë në Fushë-Krujë. Burreli do kërkojë pikë mbijetese në shtëpi kundër Besëlidhjes, ndërsa Vora ndaj Shënkollit.

Kategoria e Parë – Java 10                                                  

GRUPI A
E shtunë, më 24 nëntor 2018, ora 14:00                 
Korabi-Vllaznia
Iliria- Erzeni
Veleçiku-Dinamo
Vora-Shënkolli
Burreli-Besëlidhja

Bylisi  përballet me Egnatian në Ballsh dhe do kërkojë fitoren, për të vënë në presion Besën kryesuese. Kavajasit luajnë të dielën me Pogradecin në shtëpi, takim ky që zhvillohet pa praninë e tifozëve.

Pa spektatorë luhet edhe në Lushnjë, ku vendasit presin Tomorin me probleme mungesash e pagash. Apolonia e ka detyrim të fitojë në shtëpi këtë herë me Turbinës. Elbasani është ende në kërkim të fitores së parë dhe ndaj Orikut në shtëpi nuk do ta ketë aspak të lehtë.

GRUPI B
E shtunë, më 24 nëntor 2018, ora 14:00
Apolonia-Turbina
Lushnja-Tomori
Bylis-Egnatia
Elbasani-Oriku

E diel, më 25 nëntor 2018, ora 14:00       
Besa-Pogradeci

Në stadiumin “Adush Muçaj” është zhvilluar një ndeshje mjaft e luftuar dhe gjithçka është vendosur nga nigeriani Beji Anthoni, i cili ka arritur të realizojë në minutën e 36-të të takimit pas një pasimi të Zefit.

Ballshiotët kanë qenë më kërkues gjatë gjithë ndeshjes dhe u shpërblyen. Ata u përpoqën të gjenin edhe golin e dytë, por po ia arritur dot qëllimit. Gjithsesi goli i shënuar nga Anthoni mjaftoi për të fituar dhe Bylisi shkoi në kuotën e 13 pikëve,  një më pak se Besa e vendit të parë.

Kategoria e Parë – Java 7

E diel, më 28 tetor 2018, ora 14:00
Stadiumi “Adush Muçaj”, Ballsh

Bylisi-Pogradeci 1-0
Shënues: Anthoni 36’

Por këtë herë rrezikojnë mbylljen e stadiumit, pasi disa herë më parë Komisioni i Disiplinës i ka gjobitur. Ndërkohë nga ana e klubit ballshiot ka ankesa për dhunë. Sipas tyre, sulmuesi Kofi dhe trajneri Dovedan janë goditur.

“Dhunë barbare! FSHF të marrë masa, pasi krahas sulmuesit Dose është goditur dhe trajneri Veljko Dovedan! Jo vetëm kaq, por është nxjerrë jashtë edhe e vetmja femër në stadium, gazetarja e FSHF-së! FSHF të dënojë ashpër dhunën e Lushnjës!”, shkruhet në postimin e klubit ballshiot.

Muhameti shënoi në portën e Tomorit, që më pas u zgjua. Katër minuta më pas beratasit fituan një penallti dhe ekzekutimin e saj e mori mbrojtësit Mujkiç. Boshnjaku u tregua i saktë nga pika e bardhë dhe barazoi shifrat.

Tomori kërkoi edhe golin e fitores dhe e gjeti në minutën e 81-të. Ishte anësori Drabo ai i cili gjeti rrugën e rrjetës dhe përmbysi avantazhin e Albpetrolit. Kështu, me rezultatin 2-1 beratasin fituan dhe tanimë mendojnë për ndeshjen e kampionatit.

Në Gjirokastër ndërkohë u luajt një miqësore mes Luftëtarit vendas dhe Bylisit. Ky takim nuk pati fitues, pasi u mbyll me rezultatin 1-1. Të parët shënuan ballshiotët me anë të sulmuesit Kofi, por bluzinjtë ia dolën të barazojnë me Rapon.

Luftëtari-Bylis 1-1
Shënues: Rapo / Kofi 37’

Tomori-Albpetroli 2-1
Shënues: Mujkiç 70’ (pen.), Drabo 81’ / Muhameti 66’

Së fundmi në Ballsh ka mbërritur edhe një nga afrimet e bëra gjatë kësaj vere. Sulmuesi nga Togo, Kofi Dosef, është vënë nën urdhrat e stafit teknik. Sulmuesi vjet ka luajtur me Skopje, duke shënuar edhe pesë gola në elitën e futbollit maqedonas.

Bylisi i bëri një ofertë këtë verë dhe pasi e pa në fushë nënshkroi kontratën. Presidenti Kapllanaj ka qenë mjaft aktiv dhe ka bërë shumë afrime në klubin e tij, me synim rikthimin në Superiore.

“Sport Ekspres” ka kontaktuar me drejtues të klubit dhe specialisti i sporteve në bashki, Alban Pambuku, ka deklaruar: “Tomori ka vendosur ta luajë pa tifozë këtë ndeshje, për shkak se nuk ka kontratë me polici private. Përveç kësaj, duke pasur parasysh tensionin e madh në sfidat kundër Bylisit sezonin e shkuar, është e pamundur që të garantohet siguria me pak efektivë të bashkisë. Kjo ka bërë që të vendoset për të luajtur me dyer të mbyllura, për të mos rrezikuar ndonjë ngjarje që mund të dënojë rëndë klubin”.

Duhet kujtuar se sezonin e shkuar përballjet mes Tomorit e Bylisit kanë pasur tension e përplasje të ashpra, shoqëruar me polemika të mëdha pas sfidave, ndaj inati mund të jetë mbartur edhe sot dhe tifozët ndoshta do ta tepronin.

Jashtë stadiumit në Berat ka pasur një grup tifozësh të zemëruar, për shkak se prisnin të ndiqnin ndeshjen, por disa orë para takimit u vendos në mënyrë të prerë që të luhet pa tifozë.

EDI SPAHIU

Futbollisti nga Togo konsiderohet një lojtar me vlera dhe në Ballsh presin shumë prej tij. Sezonin e shkuar në Maqedoni ai arrit të realizonte pesë gola. Tanimë do tentojë të ndihmojë Bylisin të rikthehet në Superiore.

“Kofi Doseh, sulmuesi nga Togo vjen në Ballsh! E kemi federuar që kur është vëzhguar në miqësoren me Albpetrolin! Ka shënuar 5 gola ne Superligen maqedonase vjet! Por jo vetem.: Bytyci, Çela, Peposhi, Doksani, Janku, Shyti, Zefi, Lickollari, Barjamaj, Beji Antoni, Kasaj, Tushi, Jaupaj, Ofei e Kofi! Ta nisim mbare nga Rrogozhina, sot ora 16:00”, njofton klubi ballshiot.

“Avernold Qyrani firmos për i vit huazim me Korabin. Portieri është pjesë e Luftëtarit të Gjirokastrës dhe dy klubet kanë rënë dakord me drejtuesit e klubit për ta huazuar portierin për 1 vit tek Korabi. Klubi i uron mirëseardhjen, suksese dhe mbarësi në vijim”, njofton klubi dibran.

Ndërkohë edhe dy lojtarë të tjerë janë dhënë në huazim te skuadra e Bylisit. Sulmuesi Ardit Jaupaj, është një prej tyre, kurse së fundmi të njëjtën rrugë ka marrë edhe Stivian Janku. Qendërmbrojtësi do të ketë mundësinë të luajë me ballshiotët, që duan rikthimin në Superiore.

Trajneri i ri i Bylisit, 64 vjeç sot, ka drejtuar më parë edhe në Bosnje Hercegovinë, ku ka qenë në krye të Slavija. Gjithashtu ai numëron eksperienca të rëndësishme edhe në Greqi.

Dovedan ka punuar për llogari të Niki Volos dhe Panahaiki. Tashmë Bylisi i ka bërë një ofertë teknikut serb dhe ai ka provuar të drejtojë ballshiotët në Kategorinë e Parë. Objektivin e ka të qartë, të ngjitë skuadrën e Besnik Kapllanajt në Superiore.

Stavri Nica e aktivizoi titullar në ndeshjen me Laçin në transfertë dhe më pas mbeti në formacion falë paraqitjeve të tij të mira. Gjithsesi këtë sezon është menduar të jepet në huazim tek Erzeni, ku do të mund të luajë rregullisht si titullar.

Shijakasit kanë afruar një tjetër lojtar, i cili është një njohje e vjetër e Gentian Stojkut. Bëhet fjalë për mbrojtësin Aldo Bella, i cili ka luajtur edhe në Superiore me Elbasanin. Stojku e ka pasur në ekip 31-vjeçarin edhe te Pogradeci, ndërkohë që tani do bashkëpunojë edhe tek Erzeni. Vjet mbrojtësi qendror ishte pjesë e Bylisit.

Shyti luan në qendër dhe në mbrojtje të mesfushës. Edhe më parë ka qenë objektiv i skuadrës mallakastriote. Liçkollari në të shkuarën ka qenë objektiv e skuadrave të Superiores, madje në janar nënshkroi një parakontratë me Luftëtarin. Gjithsesi ai nuk iu bashkua gjirokastritëve me fillim e përgatitjeve.

Në Ballsh, veç merkatos, temë kryesore është trajneri që do të udhëheqë skuadrën sezonin e ardhshëm. Vjet ka pasur shumë ndryshime në pankinë dhe ajo situatë nuk është e pranueshme këtë sezon, pasi objektivi Superiore është i panegociueshëm.

Ballshiotët konfirmojnë se janë në bisedime me Kamzën dhe marrëveshja mes palëve është afër. Presidenti Besnik Kapllanaj ka refuzuar disa oferta për sulmuesin deri më tani. Zisi nuk ishte bashkuar në stërvitje me Bylisin dhe largimi i tij ishte thuajse i sigurt. Tanimë mësohet edhe destinacioni i ri.