Mbrojtësi është një përforcim i rëndësishëm për Bylisin, pasi ka shumë eksperiencë në kampionatin shqiptar të futbollit. 30-vjeçari do të nisë sezonin e tij të 10-të në Superiore, kësaj radhe me fanellën e Bylisit.

Zyrtare: FC Vushtrria ka arritur marrëveshje me Eri Lamçja

Sulmuesi 25-vjeçar i lindur ne Elbasan, pjesë e akademisë së KF Elbasanit, duke vazhuar më pas me klubet e KF Teutës së Durrësit dhe KF Luftëtarit nga Gjirokastra, ndërsa në edicionin 2018/19 është transferuar në ekipin e KF Dritës nga Gjilani, ku pas qëndrimit 6 mujor transferohet të skuadra e KF Bylis nga Shqiperia.

Së fundmi ai ka gjetur marrëveshjen me mbrojtësin Ditmar Bicaj, i cili në Superiore është aktivizuar me skuadra si Tirana, Dinamo, Partizani, Vllaznia, Flamurtari dhe Teuta. Tashmë do të mbrojë ngjyrat e Bylisit.

“ZYRTARE! Supergoditje e presidencës në merkato. Ditmar Bicaj, mbrojtësi me eksperiencë firmos te BYLISI, pasi ka gjetur akordin me presidentin Besnik Kapllanaj. Bicaj ka një karrierë mjaft të pasur, duke qenë edhe pjesë e ekipit Kombëtar A!”, shkruan klubi ballshiot. 

https://www.facebook.com/155956507855116/posts/2348285608622184/

“Humbja që pësuam sot është gjëja më e mirë që na ka ndodhur. Kuptuam ku e kemi problemin. Tirana na shënoi 5 gola, ne mezi krijuam një rast për gol. Kjo i tregon të gjitha. Merkato? Duhen të paktën edhe tre lojtarë. Duhen dy qendërmbrojtës dhe një sulmues pykë.

Portierët? Zero të dy! Ne e dimë se në këtë moment që jemi, mund të luajmë vetëm një pjesë loje. Jemi shumë të ngarkuar. Na duhen lojtarë me eksperiencë që të bëjmë lojën që duam”, përfundoi Dovedan.

FORMACIONET

Tirana: Lika, Osmani, Doka, Imami, Hoxhallari, Çelhaka, Batha, Kale, Torasa, Dunga, Halili. Trajner: Mema

Bylis: Taleski, Ndreca, Janku, Tueabov, Ymeralilaj, Mutataj, Qardaku, Antoni, Guindo, Mellugja Barjamaj. Trajner: Dovedan

Bylisi u rikthye në Superiore si skuadra kampione e Kategorisë së Parë dhe synon të mbijetojë në elitën e futbollit shqiptar. Peçi është një lojtar me cilësi të mira dhe ka luajtur për disa skuadra.

22-vjeçari ka dalë nga akademia e Tiranës, skuadër me të cilën ka luajtur në dy sezone (2015/16 dhe 2016/17). Por gjatë sezonit 2016/17, Peçi ka pasur dhe një aventurë me skuadrën e Sopotit, si i huazuar. Në sezonin 2017/18, Peçi ka luajtur për dy skuadra, Korabin e Peshkopisë dhe me Burrelin.

Futbollisti 22-vjeçar aktivizohet më së shumti si mesfushor qendre, por mund të përshtatet edhe si qendërmbrojtës. Turabov ka qenë pjesë e rregullit e kombëtares U21 të Azerbajxhanit gjatë dy viteve të fundit.

Njoftim i klubit

Eltun Turabov, ish-lojtar i Karabakut zyrtarisht pjese e Bylisit. Turabov eshte nje goditje pasi vjen nga Superliga e Azerbajxhanit ku eshte cilesuar si nje nga lojtaret me te talentuar dhe perspektive! Turabov vjen ne Ballsh nga klubi Sabah, fale marredhenieve te mira te menaxherit te mirenjohur Luan Kadriu me presidentin e klubit, Besnik Kapllanaj!

Turabov eshte nje nga lojtaret azerbajxhanas me perspektive dhe aktualisht pjese e U-21 te shtetit te tij!

Paraqitjet e mira në sezonin e kaluar dhe eksperienca në Kategorinë e Parë e bëjnë Bytyçin një portier ideal për skuadrat që synojnë ngjitjen në Kategorinë Superiore për sezonin e ardhshëm. Krahas Bytyçit nga Bylis janë larguar dhe mesfushorët Ildian Shyti e Alfred Zefi si dhe sulmuesi Eri Lamçja.

Ndërkohë që edhe FK Bylis e ka konfirmuar divorcin, e njëherësh e ka falënderuar sulmuesin anësor. Në një deklaratë për Sportekspres.com ai shprehet se ka patur disa oferta dhe të hënën do të zbulohet ekipi ku do të luajë sezonin e ardhshëm futbollistik.

“Pas largimit nga Bylisi më kanë kontaktuar disa skuadra, nga Kategoria Superiore dhe nga Kategoria e Parë. Sot që flasim nuk kam vendosur. Besoj se në fillimin e javës së ardhshme do ta marr një vendim. Rëndësi ka që të hënën do kem një skuadër të re”, tregon Lamçja.

Futbollisti nga Elbasani nuk zbulon emrin e skuadrës, teksa shton: “Besoj se ka një korrektesë në të tilla raste në merkato. Nuk mund t’ua them skuadrën. Ju deklaroj me sinqeritet se nuk kam vendosur 100% emrin e skuadrës së re, sepse në këtë situatë duhet menduar mirë hapi kur hidhet. Ky do jetë një sezon i bukur dhe i vështirë për mua, por do përjetohet në fushë”.

AGRON KAJA

Futbollisti kurbinas iu bashkua skuadrës së Bylisit një vit më parë. 27-vjeçari ishte një ndër lojtarë me të aktivizuar të ballshiotëve me 22 aktivizime, ku pjesa dërrmuese e të cilave ishin si pjesë e formacionit titullar.

NJOFTIMI I KLUBIT

Faleminderit Alfred Zefi!

Nga sot klubi dhe mesfushori mjaft punëtor dhe profesionist Alfred Zefi nuk do të bashkëpunojnë më. Përfundimi i kontratës së Zefit, sigurisht që ka gjetur konsensusine klubit për ta mbyllur bashkëpunimin!

Klubi e falenderon për kontributin maksimal dhe do të mbahet mend si një lojtar fjalë pak e punë shumë!

Suksese të mëtejshme Alfred Zefi!

Ndërsa Mbrojtësi Edison Ndreca, luajti për dy klube të Superiores sezonin e shkuar. 24-vjeçari mbrojti ngjyrat e Teutës dhe Kastriotit, por me fanellën krutane mori më shumë vëmendje, pasi bëri paraqitje shumë të mira. Sot, Qardaku dhe Ndreca janë prezantuar nga klubi i Bylisit.

Njoftimi i Bylisit:

“Sulmuesi i talentuar Eridon Qardaku firmos per 4 vite si pjese e Bylisit dhe shihet si nje lojtar me te ardhme ne futbollin shqiptar. Sot u prezantua edhe Edison Ndreca”.

I pari është Edison Ndreca, mbrojtësi i majtë i cili sezonin e shkuar mbajti fanellën e Teutës dhe Kastriotit. Një përforcim shumë i mirë për skuadrën ballshiote, pasi Ndreca ka eksperiencë në Superiore dhe ka treguar ritme të larta.

Afrimi i dytë është mesfushori Donald Mëllugja. Mesfushori 24-vjeçar u aktivizua me skuadrën e Besës sezonin e shkuar, ku luajti 19 ndeshje dhe shënoi një gol në Kateorinë e Parë.

Njoftimi i Bylisit:

“Merkaton e nism me dy lojtare cilesore!

Edison Ndreca dhe Donald Mellugja jane pjese e skuadres sone per sezonin e ardhshem! Ndreca luan ne linjen e majte, ndersa Mellugja eshte mesfushor qendre. Puna nis zyrtarisht!”

Shyti është lojtari i dytë që largohet nga skuadra mallakastriote. Pak ditë më parë klubi njoftoi ndërprerjen e bashkëpunimit me sulmuesin togolez Doseh Kofi. Përsa i përket afrimeve, në Ballsh duhet të presin edhe akoma.

Një nga emrat e përfolur për t’iu bashkuar ballshiotëve është Donald Mëllugja, futbollist që e mbylli sezonin e shkuar me Besën e Kavajës. 24-vjeçari luajti 19 ndeshje në Kategorinë e Parë, ku 18 prej tyre i nisi si titullar. Mëllugja ka shënuar dhe një gol me fanellën e kavajasve.

Mesfushori dhe klubi i Besës nuk kanë preferuar të mos vazhdojnë bashkëpunimin dhe me shumë gjasa, 24-vjeçari i lindur në Burrel do të vazhdojë karrierën e tij te Bylisi.

Një nga afrimet e Bylisit këtë merkato, do të jetë mesfushori kosovar, Ilir Mustafa. Sipas Gazetës Sheshi, 22-vjeçari është në bisedime me drejtuesit e klubit ballshiot, pasi kontrata e tij me Lirinë e Prizrenit ka skaduar. Sezonin që sapo u mbyll, Mustafa ishte një nga lojtarët kryesorë për Lirinë, duke treguar energji dhe cilësi të mira në mesin e fushës.

Ditë më parë, presidenti i Bylisit rinovoi kontratën me futbollistin nigerian, Amos Beji Antoni, të cilin e konsiderojnë si lojtar të rëndësishëm për Superioren. Bylisi po mendon të mbajë talentet që kishte në dispozicion sezonin e shkuar, ndërsa i mbetet Dovedan të formojë stafin teknik për sezonin e ri.

Drejtuesit po shohin të përforcojnë skuadrën me elementë cilësorë për Superioren. Trajneri Dovedan e ka thënë më parë që nuk kërkon shumë lojtarë, por ata që do të vijnë, duhet të jenë cilësorë dhe që të bëjnë diferencën me grupin aktual.

AGRON KAJA

Lezhjani 19-vjeçar hyri si zëvendësues në lojë në minutën e 80-të dhe iu deshën vetëm 3 minuta për të gjetur rrugën e rrjetës. Ujka, për SportEkspres.com ka deklaruar: “E falënderoj trajnerin që më dha mundësinë të jem pjesë e kësaj fitoreje të madhe, që me meritë na shpalli kampionë të Kategorisë së Parë. Goli që shënova ishte pjesë e lojës së mirë që po zhvillonte skuadra dhe unë iu bashkova shumë shpejt ritmit të saj. Fati më dha mundësinë të shënoja pas tre minutave në fushë”, theksoi mesfushori Ujka i Bylisit.

Për të ardhmen, lezhjani deklaron se do të jetë në shërbim të skuadrës së Bylisit jo vetëm prej kontratës: “Bylisi më motivon sa herë që futem në fushën e lojës. Këtu do qëndroj për më shumë suksese. Paraqitja ime shpresoj që t’i shërbejë skuadrës në Superiore. Do jemi pretendentë”.

AGRON KAJA

“Nuk do të kërkojë shumë Bylisi në merkato. Ekipi është gati, por ndoshta do të ketë 2-3 blerje. Flas për 2-3 lojtarë që mund të futen direkt në formacion. Unë punoj gjithmonë për tifozët e skuadrës që drejtoj. E respektoj futbollin në Shqipëri. Në Superiore, ka 4-5 ekipe shumë serioze, futbolli është shumë cilësor. Do të jetë shumë e vështirë”, u shpreh Dovedan.

Aldo Kullira, i cili bëri edhe përkthyesin për Dovedan deklaroi më pas: “Të gjitha synimet që kishim i arritëm. Kemi bërë një punë shumë të mirë, që te ne lojtarët, deri te presidenca. Nuk kam shumë fjalë për të thënë, pasi e gjithë Shqipëria e ka parë çfarë ekipi është Bylisi. Më mbaron kontrata tani, por jam në bisedime me presidentin për rinovimin. Ofertat nuk më kanë munguar, sidomos nga Greqia”.

Pas ndeshjes presidenca e Bylisit ka planifikuar një event të veçantë ku janë ftuar këngëtarë të ndryshëm për të festuar së bashku me tifozët rikthimin në Superiore pas katër vitesh.

Viti 2019 ka qenë perfekt për skuadrën ballshiote që fitoi çdo ndeshje në Kategorinë e Parë, duke mbyllur disa javë para fundit të kampionatit çështjen e mbijetesës.

Bylis 4 – 0 Besa
Shënues: Guindo 2’, 28’, Lamçja 11’, Peposhi 47’

“Të dielën bëjmë festë, në stadium dhe në qendër të qytetit tonë! Mos mungoni, ne jemi në Kategorinë Superiore dhe është koha për festën. Do ketë edhe surpriza. Është dita e madhe kur Bylisi zyrtarizon rikthimin në elitë, qytetai dhe Mallakastra në festë! #ForcaBylis #NjeklubshumeZemra”, kështu thuhet sot në këtë njoftim të shkurtër të FK Bylis në rrjetin social Facebook.

Në një prononcim të dhënë për SportEkspres.com, Bytyçi thekson se rivalët nuk kanë zhvilluar garë të ndershme ndaj tyre. Ai beson se janë të denjë për Superioren dhe rikthimi në elitë është më se e merituar.

“Bylisi ka qenë skuadra më e përgatitur në Grupin B, si edhe i denjë për të qenë në Superiore. Edhe pse ndaj nesh është zhvilluar një garë jo e ndershme nga rivalët, kemi treguar në fushën e lojës me seriozitet e profesionalizëm se e meritojmë ngjitjen në elitë. Tashmë kjo është fakt, çfarëdo vendimi që të dalë pas ndeshjes së fundit mes nesh e Besës në Kavajë”, deklaroi Bytyçi fillimisht.

Bylisi ka në përbërje shumë elementë të rinj dhe portieri “veteran” ndihet mirë mes tyre. “Unë ndjehem shumë mirë në katërkëndorin e Bylisit, sepse të gjithë të rinjtë janë shumë profesionistë në fushë dhe jashtë saj”, shton “gardiani” i ballshiotëve.

Superiorja sigurisht që kërkon nivel, ndaj edhe drejtuesit e Bylisit do të bëjnë përforcime gjatë merakos së verës. Bytyçi, si një njohës i mirë i kampionatit dhe futbollit, mendon se baza e skuadrës është edhe për sezonin tjetër. “Mendoj se duhen edhe 2-3 përforcime të vogla për Superioren. Boshti i skuadrës aktualisht është i plotësuar”, përfundoi lideri i Bylisit.

AGRON KAJA

Trajneri i ekipit kavajas, Gugash Magani, ka folur për “RTSH SPORT” në përfundim të takimit. Tekniku peqinas mori përgjegjësitë për lojën e dobët të skuadrës së tij, por nuk ngurroi të sulmonte arbitrin Klajdi Kola, të cilin e akuzon për njëanshmëri.

Në fakt, dua ta filloj nga pjesa teknike e lojës. Mund të them që kemi zhvilluar një ndeshje të dobët. Kanë ndikuar dy faktorë: Presioni, që na duhej patjetër, por mund të luhej edhe për barazim. E dyta është që kur kanë ardhur arbitrat, kanë qenë të paragjykuar dhe pasi pashë lojën, jam dakord për paragjykimin.

Gjithsesi, unë mendoj që goli i Bylisit ka qenë faull para se topi të shkonte atje. Kemi dyshime për një penallti që na u mohua. Kartoni i kuq i vuri vule gjithçkaje. Lojtari godet topin, ai i nxjerr karton të kuq lojtarit tim. Për dy rastet e para, nuk mund të jap një mendim të saktë, por te kartoni i kuq ka qenë diçka e papranueshme.

Mendonim që do të vinte një gjyqtar i FIFA-s. Gjithsesi, loja fitohet në fushë dhe me drejtësi. Sot, nuk kishte drejtësi. I njëjti arbitër më ka ndëshkuar edhe në Durrës. Nuk mund ta them se pse mund ta paragjykoj arbitrin. Përderisa ai gjykon në Superiore, nuk është i paaftë. Ai na ka ndëshkuar me dashje. Trajnerët në Shqipëri nuk thonë gjithmonë të vërtetën, por unë po e them. Marr përsipër lojën e dobët të skuadrës dhe fjalët që thashë për arbitrin” përfundoi Magani.

Duke pasur parasysh që asnjëra nga skuadrat nuk është në Kupën e Shqipërisë, të dy trajnerët kanë vendosur që të aktivizojnë lojtarët titullarë, në mënyrë që të ruhet gjendja e tyre fizike.

Kjo sfidë miqësore është mbyllur me rezultatin e barabartë 2-2 dhe në fushën e lojës, u pa një ndeshje shumë e bukur. Murataj dhe Jaupaj shënuan për Bylisin, ndërsa autorët e golave të Luftëtari ishin Uarden dhe Ymeraj.

Miqësore

Bylis – Luftëtari  2-2
Shënues: Murataj 30’, Jaupaj 76’ / Uarden 20, Ymeraj 50’

Bojkoti vetëm për një ndeshje është një absurditet tipik shqiptar, sepse nëse vendoset për bojkot, çohet lufta deri në fund dhe këtë gjë shumica e tifozëve e kanë thënë troç, duke dalë kundër vendimit të klubit.

Arbitri i ndeshjes në Ballsh, Indrit Myrtja, ka zbatuar rregulloren, duke pritur një orë për beratasit, që as që kishin njoftuar ndokënd zyrtarisht se nuk do të udhëtonin për në Ballsh.

Natyrisht, humbja në tavolinë 3-0 është sipas rregullores, ashtu si ndonjë gjobë, por në Berat i kanë bërë llogaritë, pasi fundja gjoba vlen aq sa shpenzimet për udhëtimin.

Në Ballsh ka pasur zhgënjim, për faktin se prisnin të luanin dhe të fitonin në fushë, por ndërkohë lajmi se Lushnja mundi Besën ishte surpriza më e bukur e ditës, sepse kreu është gjithnjë e më shumë i blinduar.

Trajeri i Bylisit, Veljko Dovexhan, pas përfundimit të ndeshjes së Lushnjës deklaroi: “Prisnim të luanim, na duhej edhe për të mbajtur ekipin në formë, por jam dyfish i kënaqur ditën e sotme, pasi jo vetëm që formalisht presim një fitore në tavolinë, të cilën nuk e diskutoja që do ta meritonim edhe në fushë, por na kënaq humbja e rivalit tonë Besa në fushën e Lushnjës. Është një rezultat më shumë se i favorshëm për Bylisin,  edhe një shenjë pozitive për një garë korrekte nga Lushnja. Tani do të punojmë fort gjatë gjithë javës, me qëllim që mungesa e ndeshjes me Tomorin të mos na ulë përqendrimin dhe do të punojmë shumë që ndeshjen e fundit të fazës së dytë ndaj Orikumit ta mbyllim me fitore“.

EDI SPAHIU

Lagunarët shënuan nga një gol për pjesë. Alushi gjeti golin e avantazhit në minutën e 12-të, ndërsa Fatjon Sefa vulosi fitoren e ekipit vendas 11-të minuta përpara fundit të ndeshjes. Kjo fitore e ngjit Lushnjen në vendin e katërt me 27 pikë, ndërsa Besa e Maganit mbetet në vendin e dytë me 32 pikë (7 larg Bylisit kryesues.)

Ndeshja tjetër mes Bylisit dhe Tomorit nuk u zhvillua, pasi ekipi beratas nuk u paraqit, ashtu siç e kishte paralajmëruar më parë një gjë të tillë. Ekipi ballshiot do të fitojë ndeshjen në tavolinë me shumë mundësi, çka do e ngjiste në kuotën e 40 pikëve.

Lushnja-Besa 2-0
(Alushi 12’, Sefa 79’)

Duhet të djersinë më shumë se të tjerat Kukësi e sidomos Laçi nëse duan që të avancojnë më tej. Edhe pse të dyja skuadrat veriore janë konsideruar si eksperte në këtë kompeticion, kanë hasur vështirësi, respektivisht ndaj Apolonisë dhe Bylisit. Kuksianët u mundën në Fier 2-1. Edhe me një fitore minimale do të kalonin në turin tjetër, ndërsa Laçi duhet të bëjë një përmbysje të madhe, pasi duhet të fitojë me tre gola diferencë ndaj ballshiotëve, të cilët në shtëpinë e tyre fituan 2-0.

Partizani duket se e ka likuiduar Kastriotin që në takimin e parë, ashtu si dhe Luftëtari Egnatian. Edhe Teuta duhet të administrojë suksesin e ndeshjes së parë. Skënderbeu po ashtu nuk pritet që ta ketë të vështirë ndaj Besëlidhjes, ashtu si dhe Tirana që ka fituar pastër në kryeqytet me Flamurtarin që ka pa fund probleme.  Interesante duket ndeshja mes Vllaznisë dhe Kamzës, ku mbetet rezultati i hapur.

Kupa e Shqipërisë – Turi i dytë (ndeshjet e kthimit)

E mërkurë, më 6 shkurt
Ora 13:30 | Partizani-Kastrioti (4-2)
Ora 13:30 | Kamza-Vllaznia (1-2)
Ora 13:30 | Luftëtari-Egnatia (3-0)
Ora 13:30 | Skënderbeu-Besëlidhja (2-1)

E mërkurë, më 6 shkurt
Ora 13:30 | Kukësi-Apolonia (1-2)
Ora 13:30 | Teuta-Lushnja (3-1)
Ora 13:30 | Flamurtari-Tirana (0-2)

Ora 13:30 | Laçi-Bylisi (0-2)

Në njoftimin e bërë në llogarinë zyrtare në “Facebook”, ballshiotët pretendojnë se lojtari po gënjen dhe ndaj tij ka pasur korrektësi në pagesa, diçka për të cilën disponojnë dhe dokumentet përkatëse.

Reagim i plotë i Bylisit

“Klubi i Bylisit ka reaguar për akuzat e sulmuesit ganez Gideon Ofei, i cili pretendonte se ka tre muaj që nuk është paguar dhe ankohet për kushtet në Ballsh. Sipas ballshiotëve, lojtari hedh akuza të pavërteta. Në një reagim për mediat, klubi i Bylisit ndër të tjera ka theksuar: “Jemi njohur me akuzat e lojtarit Gideon Ofei. Në radhë të parë Ofei ka një kontratë deri në 31 maj dhe duhet që ta respektojë atë. Askush nuk e ka larguar, ka ikur vjedhurazi, pa njoftuar askënd dhe duhet që të ishte paraqitur në stërvitje dhe për këtë do të ketë masa. Në radhë të parë, Ofei ka një kontratë deri në 31 maj dhe duhet që ta respektojë atë. Ai lojtar nuk është sjellë si profesionist në qoftë se e quan veten të atillë. Sa i përket thënieve që ai pretendon se e kanë lënë në këmbë, akuzat e tij janë qesharake. Mbase Ofei do avion apo taksi private, apo t’i blejmë edhe çadër. Klubi nuk i ka marrë përsipër që ta çojë me makinë apo me autobus çdo ditë në stërvitje apo t’i blejmë çadër mos ta lagë shiu. Ai ka për detyrë që të paraqitet në stërvitje në orar sipas programit që bën stafi. Ka ardhur ditët e fundit të merkatos dhe në dy ndeshje është aktivizuar ndonëse ka bërë paraqitje të dobët dhe s’e ka bindur stafin! Ng ky moment stafi nuk e ka aktivizuar, e madje nuk e ka grumbulluar as në 18-she dhe nga ky moment sjellja e Ofeit ndaj klubit ka ndryshuar totalisht! Theksojmë se në vijim, gjithë kohës që ka qenë në Ballsh, ka qenë problematik dhe jo korrekt disa herë, madje duke mos u impenjuar sa duhet në stërvitje, apo ka sjellë probleme nga më të ndryshmet duke u ftohur edhe marrëdhëniet me këtë lojtar. Lojtari nuk tregon të vërtetën, sepse klubi nuk ka asnjë detyrim financiar ndaj tij për sa është dakordësuar në kontratë dhe për këtë disponojmë dokumentacionin e plotë për pagesat e kryera. Klubi ka bërë edhe ankesë në FIFA duke e vënë menjëherë në dijeni për të marrë masat përkatëse. Klubi ka 25 lojtarë me kombësi të ndryshme dhe kanë marrë edhe muajin e fundit të pagesës”

Xhixhua në të shkuarën ka qenë pjese e skuadrës së Partinazit, ku nuk gjeti shumë hapësira dhe më pas u transferua te Erzeni, ku 14 ndeshje gjeti 8 herë rrugën e rrjetës. Në gjysmën e parë të këtij sezoni, kamerunasi ishte pjesë e Burrelit, ku në nëntë ndeshje shënoi tre gola.

Ymeraliaj 24-vjeç vjen nga kampionati grek, ku së fundmi aktivizohej me skuadrën e Rodosit në kategorinë e tretë të vendit fqinj. 20-vjeçari Ujka i bashkohet skuadrës mallakastriote nga skuadra e Shënkollit, ku është aktivizuar gjatë dy viteve të fundit. Futbollisti lezhjan shihet si një afrim me perspektivë dhe ka firmosur një kontratë për tri sezone.

Megjithatë, në pjesën e dytë djemtë e Mezanit barazuan me anë të Demos, goli i të cilit vendosi dhe rezultatin final të kësaj miqësore. Skuadra e Bylisit ëshë kryesuese në Kategorinë e Parë, Grupin A dhe shihen si pretedentët kryesorë për tu ngjitur në Superiore.

Në fazën e parë, ballshiotët bënë ndeshje shumë të mira dhe ruajnë një distancë prej katër pikësh me ndjekësin më të afërt, Besën, ndërsa Luftëtarit do t’i duhet të luftojë në gjysmën e dytë të kampionatit, për të shmangur rënien nga kategoria Superiore.

Miqësore

Bylis – Luftëtari 1-1
Shënues: Antoni / Demo

Ekipi i Orges Shehit ka kaluar pa probleme Bylisin, teksa e ka mposhtur me shifrat 3-1 Bylisin, në ndeshjen e luajtur në kompleksin “Tropikal”, në Durrës. Elmir Asani ishte risia e Skënderbeut, ku mesfushori debutoi me gol në vetëm pesë minuta. Më pas, ishte Muzaka nga pika e bardhë që dyfishoi rezultatin, përpara se Kofi të shënonte për miqtë.

Shtatë minuta nga fundi i pjesës së parë, ishte Bruno Dita, i cili shënoi përsëri për bardhekuqtë, duke dërguar të tijtë në pushim me rezultatin 3-1. Në pjesën e dytë, ekipi i Shehit administroi mirë, teksa dy minuta përpara fundit kishte vend dhe për Oto Xhon në listën e golashënuesve, për të mbyllur çdo gjë në 4-1.

MIQËSORE/ SKËNDËRBEU – BYLIS 4-1

GOLAT:  Asani 5’, Muzaka 7’ (pen.), Dita 38?, Oto Xhon 88’ / Kofi 25’

FORMACIONET: 

SKËNDËRBEU: Teqja , Radas, Abazi , Lulaj, Kaba, Dita, Muzaka, Guedj, Asani, Gripshi, Krasniqi  Trajner: O. Shehi

BYLIS: Bytyqi, Janku, Peposhi, Doksani, Zefi, Ujkaj, Hadroj, Shyti, Lamçe, Antonio, Kofi. Trajner: V.Dodevan

Gjysmën e parë të këtij sezoni ai e luajti me Dritën e Gjilanit në Kosovë, ndërkohë që te Bylisi duket përforcim serioz, edhe për synimin në Superiore. Lamçja e ka nisur karrierën te Elbasani në sezonet 2012-2015, dhe në dy sezonet e tjera ka qenë pjesë e Teutës në Kategorinë Superiore. Në sezonin 2017-2018 ishte pjesë e Luftëtarit, në këtë rikthim klima sportive në Kosovë ndoshta nuk ka rezultuar e përshtatshme.

AGRON KAJA

Ky do të jetë testi i dytë për djemtë e Orges Shehit, të cilët dy ditë më parë mundën Tiranën me rezultatin 2 – 1. Ndërohë, kampionët në fuqi të Kategorisë Superiore do ta mbyllin fazën përgatitore me miqësoren ndaj Teutës, që do të kryhet me datë 18 ose 19 janar.

Të mërkurën Bylisi barazoi 1-1 me Orikun, në një miqësore të cilën ballshiotët ndoshta nuk e kishin menduar me rezultat të tillë. Golat u shënuan nga Çaushaj për Orikun, duke e mbyllur në avantazh pjesën e parë, ndërsa në të dytën Kasaj shënoi golin e barazimit për Bylisin.

Miqësoret për ballshiotët do vazhdojnë edhe këtë fundjavë, ku të shtunën në mesditë Bylisi do të ndeshet me Skënderbeun në Kompleksin Sportiv “Tropikal”, ndërsa të mërkurën e ardhshme do të luajë miqësoren e radhës me Tiranën.

AGRON KAJA

Në një intervistë për “RTSH Sport”, numri i një i klubit kavajas foli për emërimin e trajnerit të ri dhe u shpreh i bindur, se në fund  të edicionit, skuadra e tij do të triumfojë ndaj rivalëve të Bylisit, që për momentin mbajnë kreun e tabelës.

“Kemi marrë Maganin si trajner me bindjen që do të shkojmë në Superiore. Nuk pretendonim shumë në gjysmën e parë të sezonit, por rezultatet e këqija në ndeshjet e fundit, ndikuan në shkarkimin e Begesë, që ishte një trajner shumë i mirë, por me pak përvojë”, tha presidenti i Besës.

Apolonia reagoi në të dytën dhe barazoi me Nakon, i cili realizoi ndaj ish-skuadrës së tij. Gjithsesi Bylisi arrit të shënonte sërish dhe këtë herë ishte i riu Aliaj ai që realizoi dhe i dha fitoren ballshiotëve.

Miqësore – E diel, më 6 janar, ora 13:30
Apolonia-Bylis 1-2
Shënues: Nako 68’ / Bajramaj 38’, Aliaj 79’

LARGIMET – Tek Apolonia më parë janë larguar katër futbollistë, ndërkohë që ka sërish firo. Njëri prej tyre është anësori Agim Meto. Futbollisti 32-vjeçar u kthye te bardhejeshilët në verë dhe tanimë del lojtar i lirë. Meto ka luajtur rregullisht në pjesën e parë të sezonit, teksa është aktivizuar në 12 ndeshje (9 si titullar).

Ervis Troka gjithashtu e ka mbyllur bashkëpunimin me Apoloninë. Mesfushori 23-vjeçar do ndryshojë për herë të dytë ekip, pasi më parë ka qene edhe pjesë e Orikut. Këtë sezon ai ka luajtur tetë ndeshje nga minuta e parë, ndërsa në dy takime të tjera është hedhur në fushë si zëvendësues.

SportEkspres.com ka disa ditë që kërkon kontakt me Presidentin e FK Bylis, Besnik Kapllanaj, por telefoni i tij tregon i mbyllur nga dita e premte. Pa dashur që ta aludojmë si të qëllimshme këtë mungesë kontakti me njëshin e klubit ballshiot, por në këtë situatë duhej një qëndrim zyrtar i klubit. Dhe vetëm Kapllanaj mundet ta bënte këtë, sepse do të jetë ai që do të zgjidhë qesen (ose jo) për pagesën ndaj Mbellës.

Në të kundërt, Bylisit do ti hiqen tri pikë nga renditja aktuale dhe rreziku nuk mbaron me kaq, sepse mosshlyerja e kësaj shume në vazhdimësi e zbret skuadrën një kategori më poshtë. Në këtë sezon Bylisi kryeson renditjen në Grupin B të Kategorisë së Parë dhe çdo penalitet që mund të vijë nga ky vendim i FIFA-s nuk do të jetë pozitiv jo vetëm për financat e Kapllanajt, por edhe për ecurinë e skuadrës në këtë sezon.

Bylisi ishte më agresiv, natyrshëm, pasi luante në shtëpi, por duhej të evitonte rrezikun që mysafirët të përsërisnin një sukses si në fazën e parë, kur triumfuan në shifrat 2-0. Bylisi ju afrua shumë golit në sekondat e fundit të ndeshjes, por Miraka u bë disa herë shpëtimtar për skuadrën e tij. Notë pozitive dhe për portierin Bytycci, i cili po ashtu nuk lejoi që porta e tij të prekej.

Skuadra kavajase nuk ia ka dalë që të marrë vendin e parë në klasifikim në Ballsh, me Bylisin që vijon të mbetet lideri i grupit të B, me 27 pikë. Besa shkon në kuotën e 25 pikëve, por sheh Egnatian vetëm 3 pikë larg. Si Besa ashtu dhe Bylisi janë skuadrat favorite për t’u ngjitur në Kategorinë Superiore.

Migjen Skënderi ka një karrierë të gjatë te Bylisi, jo vetëm si futbollist për më shumë se 13 sezone, por edhe si trajner e drejtues në klub. Edhe pse inxhinier në profesion, ai ndjehet pjesë e kësaj skuadre, jo vetëm në ndjekshmëri. Këtë sezon, është optimist se skuadra e tij do të rikthehet në Kategorinë Superiore, sepse sipas tij po tregon që e meriton.

INTERVISTOI: AGRON KAJA

Bylisi luan në Kategorinë e Parë dhe jo në Superiore, si pjesë e historisë së tij, ju si ndjeheni?
-Shumë keq nuk ndjehem, sepse kjo varet nga kushtet dhe nga rrethana të tjera. Por kur në këtë kategori luajnë edhe skuadra si Vllaznia, Dinamo, Elbasani, Tomori, Apolonia, Besa apo edhe Besëlidhja që kanë luajtur në Superiore, këtu më shumë mendohet realiteti para nostalgjisë.

Duke qenë larg skuadrës së Bylisit, si një ish-futbollist, trajner e drejtues i tij, e ndiqni në stadium?
-Biografia ime sportive ma imponon të qenurit pranë futbollit, kryesisht me Bylisin. Shkoj në seanca stërvitore, ndërsa në ndeshjet zyrtare nuk mungoj. Sot është skuadra më e mirë e Grupit B jo vetëm se renditet në krye, por edhe për lojërat që ka zhvilluar, kryesisht ndaj rivalëve.

Si e shikoni Kategorinë e Parë në tërësi, jo vetëm nga renditja aktuale në grupe?
-Natyrisht që është rritur niveli i kësaj kategorie, sepse aty kanë luajtur e luajnë skuadra që kanë dalë kampione në Superiore. Në sezonin e kaluar ishte Tirana pjesë e Kategorisë së Parë dhe me Bylisin rivalizoi deri në fund. Kjo është një dukuri që tregon progresin e kësaj kategorie.

Të shtunën Bylisi pret Besën në Ballsh, do të jetë kjo sfidë e kalueshme për të mbajtur kreun e grupit?
-Për mendimin tim, Bylisi e fiton takimin e nesërm me Besën. Jo se luan në fushën e tij, por edhe për faktin se ka diferenca me më shumë kualitete nga skuadra kavajase, kryesisht në sulm. Madje do të jetë ky repart që do ta vendosë rezultatin, gjithmonë për fitoren e Bylisit.

Dhe ju e mendoni Bylisin vetëm “Kampion Dimri” në Grupin B, apo kryesues deri në fund?
-Gjysmën e sezonit Bylisi e mbyll në vendin e parë në grup, ndërsa për vazhdimësinë e fazës së dytë unë do t’i kërkoja më shumë kujdes. Sepse formula e fazës së tretë është shumë e egër, në kuptimin e pikëve të përgjysmuara. Luhatjet mund të jenë të rrezikshme për vendin e parë.

Java e 13-të e Kategorisë së Parë është shtrirë në tri ditë, cilën nga ndeshjet e tjera e quani si më të veçantë?
-Të gjitha janë ndeshje të veçanta, sepse kjo është faza ku skuadrat kërkojnë të grumbullojnë sa më shumë pikë. Nisur kryesisht nga ky fakt, kalendari i javës ofron sfida të vështira ku favoritët në letër janë vështirë të përcaktohen. Gjithsesi, skuadrat pritëse kanë një avantazh të lehtë.

Bylisi ka mposhtur Apoloninë në derbin e prefekturës dhe vazhdon të kryesojë i vetëm grupin B, duke qenë plotësisht në “shinat” e pretendimeve për të kërkuar rikthimin në Superligë. Në një ndeshje mjaft të dyluftuar dhe me shumë rivalitet, skuadra ballshiote ka shfaqur një lojë të bukur dhe me theks sulmues, jo vetëm duke mos e vënë në dyshim fitoren, por edhe se ndryshe nga shifrat minimale, me lojën e treguar mallakastriotët meritonin vërtetë një fitore me shifra akoma më të thella.

Në këtë takim, ku ka shkëlqyer sërish nigeriani Beji, që shënon golin e tij të shtatë në këtë kampionat, skuadra e teknikut Dovedan tregoi se po shfrytëzon mjaft mirë si faktorin fushë, ashtu edhe ecurinë pozitive në kampionat, ku në tetë javët e fundit ka realizuar shtatë fitore dhe një barazim, ecuri që ka rritur shumë adrenalinën tek skuadra dhe tifozeria vendas.

Javën e ardhshme ballshiotët do të kenë një takim me vlera finale po në Ballsh, përballë Besës, duke kërkuar thellimin e diferencës në tabelë nga ndjekësit e tyre më të afërt.

BYLIS – APOLONIA         1-0

Shënues: Beji 64′

Bylis: Bytyci, Beji, Barjamaj (Doksani 84′), Koffi, Kullira, Liçkollari (Çela 64′), Ntefe, Peposhi, Smanda, Shyti, Zefi. Tr: V. Dovedan.

Apolonia: Harizaj, Bakalli, Buzi, Hidershaj, Hysenshahaj, K. Mehmeti (Omeri 73′), Meto, Nako, K. Prifti, Sota, Troka (Mihana 70′) Tr: M. Miho

Kartonë të verdhë: Barjamaj 21′, Bytyçi 78′,, Kullira 90′ / Hysenshahaj 22’, Buzi 28′, Troka 58′

Gjyqtarë: E. Jorgji, E. Ganxhi, U. Kora (Elbasan)

TË VEÇANTA:

– Minuta 67′ ka krijuar ilaritet në stadium, pasi portieri vendas Bytyçi po vononte lojën, duke i treguar kryesorit Jorgji që i ishte zgjidhur njëra prej këpucëve. Futbollisti mik Bakalli ka vrapuar disa metra në drejtim të Bytyçit, duke i lidhur këpucën dhe më pas loja ka vijuar.

– Gjatë gjithë takimit tifozeria mike Brigada C ka ofenduar në korr kryesorin e takimit Enea Jorgji. Në pjesën e dytë, duke e pasur shumë pranë sektorit ku ndodheshin, nuk kanë kursyer sharjet as për portierin vendas Mario Bytyçi.

– Në fund të takimit, teksa futeshin në dhomat e zhveshjes, futbollistët e Apolonisë kanë krijuar tension të panevojshëm, duke u kapur dhe fyer disa futbollistë vendas.

PAS NDESHJES:

1. Dovedan ( Tr. Bylis): Ky është momenti ynë, pasi ecuria e skuadrës për sa u përket rezultateve është vërtet fantastike, dhe kryesimin e kemi merituar plotësisht. Por vazhdojmë të shpërdorojmë raste pa fund para portës kundërshtare, dhe me të drejtë unë ndihem i mërzitur gjatë ndeshjes, pasi prodhojmë shumë lojë dhe krijojmë raste pa fund, dhe për të qenë të sinqertë me ata që e ndoqën këtë takim si dhe me veten tonë, fitorja jonë sot meritonte të ishte me 3-4 gola, por le të shpresojmë se ato do të vijnë me Besën ndeshjen e ardhshme sërish në shtëpi.

1. Miho (Trajner i Apolonisë): Kemi zhvilluar një takim të barabartë me vendasit, dhe kjo më bën që të flas pozitivisht për paraqitjen e skuadrës sime, pasi nuk e meritonim që të dilnim me humbje nga ky takim, Unë kam rezerva për gjykimin e Enea Jorgjit, pasi na trajtoi paksa si shumë ashpër në këtë përballje, aq më shumë kur ndeshja ishte Live në ekranin e TVSH dhe në disa ndëshkime me kartonë është treguar i njëanshëm, dhe po kështu i akordonte shumë lehtë disa faulle të paqena në afërsi të zonës sonë me qëllim që të ndihmonte hapur Bylisin.