bvb

VIDEO | Bajerni e nis mbrapsht, Superkupa i takon Dortmundit

Sport Ekspres — Sat, 03 Aug 2019 20:30:59 +0000

Borusia Dortmund e nis në mënyrën më të mirë të mundshme sezoni e ri duke siguruar trofeun e Superkupës së Gjermanisë. Verdhezinjtë mposhtën Bajernin e Mynihut me rezultatin 2 – 0 falë golave të Alkaser dhe Sanço.

Ky është trofeu i gjashtë i Superkupës për klubin e Dortmundit dhe i pari në pesë vitet e fundit. Përvecc motivimit të shtuar në prag të fillimit të Bundesligës, kjo fitore vlen shumë dhe për të vënë në presion kampionët në fuqi.

SUPERKUPA E GJERMANISË

BORUSIA DORTMUND 2 – 0 BAJERN
Shënues: Alkaser 48′, Sanço 69′

https://twitter.com/SportsAfrica4/status/1157738917124292610?s=20

VIDEO | Dortmundi vret ëndrrën e titullit, Verderi dhe Rashica e ndalin

Sport Ekspres — Sat, 04 May 2019 18:25:21 +0000

Ëndrra e titullit kampion mund të quhet përfundimisht e mbyllur për skuadrën e Borusias së Dortmundit.

Verdhezinjtë nuk ia dolën të dilnin me tri pikë nga transferta e Verder Bremen edhe pse e mbyllën pjesën e parë të takimit nën avantazhin e dy golave, falë finalizimeve të Pulisiç dhe Totenhem. Në fund të 90 minutave, të dyja skuadrat ndanë nga një pikë me rezultatin e përgjithshëm që u mbyll në 2 – 2.

Milot Rashica, nuk ia doli të vinte emrin në listën e shënuesve, por djaloshi nga Vushtrria e la një shenjë në këtë takim duke dhënë asistin e golit të parë të Verderit.

Verder Bremen 2 – 2 Borusia Dortmund
Shënues: Mohvald 70’, Pizarro 75’ / Pulisiç 6’, Alkaser 41’

Gëce: Klop dhe Guardiola të paarritshëm, ja për kë bëj tifo në Premier

Sport Ekspres — Fri, 05 Apr 2019 08:35:15 +0000

Ylli i Borusia Dortmundit, Mario Gëce ka punuar si me trajnerin Jurgen Klop, i cili e provoi në skuadrën A të verdhezinjve, ashtu dhe me Pep Guardiolën, te skuadra e Bajernit të Mynihut. Në Premier Ligë, Klop dhe Guardiola po “kacafyten” për titullin kampion dhe për Gëcen, kjo gjë është shumë emocionuese:

“Janë dy trajnerë shumë të ndryshëm dhe është e pamundur t’i krahasosh. Fakti është fakt dhe filozofitë e tyre janë shumë të ndryshme, por kanë fituar kudo që kanë shkuar. I shikoj sa mundem si ndeshjet e Liverpulit, ashtu dhe të Mançester Sitit. Premier Liga ka qenë gjithmonë një kampionat shumë i fortë.

Me Klopin flas edhe sot. Ai më dha mundësinë kur isha vetëm 17-vjeç që të luaja me skuadrën e parë dhe që nga ajo ditë, nuk i kemi shkëputur asnjëherë kontaktet. Besoj se këtë sezon do të arrijë të fitojë titullin kampion në Angli”, përfundoi Gëce.

Dortmundi hedh sytë nga Milani, gati oferta për mbrojtësin

Sport Ekspres — Sat, 23 Mar 2019 12:44:50 +0000

Borusia e Dortmundit ka si prioritet merkatoje blerjen e një mbrojtësi të majtë. Gjermani Marsel Shmelzer nuk jep garanci për të ardhmen, ndërsa i riu Ashraf Hakimi është në huazim nga Real Madrid dhe pozicioni i tij i preferuar është ai i mbrojtësit të djathë.

Sipas medies gjermane “WAZ”, trajneri i Lysjen Favre i ka kërkuar drejtuesve të skuadrës të interesohen për mbrojtësin e Milanit, Rikardo Rodrigez. Futbollisti zviceran luan prej dy sezonesh në Itali, ku nuk ka përmbushur pritshmëritë e skuadrës italiane edhe pse ka luajtur me minuta të plota.

Rodrigez e njeh mjaft mirë kampionatin gjerman, pasi ka qenë më parë pjesë e skuadrës së Volfsburgut për shumë sezone. Transferimi i zviceranit mund t’i kushtojë Dortmundit diku te 15 milionë euro. Një tjetër lojtar që po shikohet për atë rol është dhe Filip Maks. Mbrojtësi i Augsburgut është një opsion më i shtrenjtë, i cili vlerësohet diku te 25 milionë euro.