Kroati ka përvojë të madhe, nga Hajduku i Splitit ku u rrit e deri te Superiorja, ku luajti te Vllaznia, Tirana, Flamurtari e Teuta. Pas ndeshjeve në Europa League, Bushiç kërkoi largimin nga Teuta dhe arriti të gjente marrëveshje, edhe pse kishte edhe 6 muaj kontratë.

Me këtë sulmues Gjilani kompleton repartin e avancuar dhe thuajse është gati për kampionatin, ku synon një ndër 3 vendet e para.

Sulmuesi iu bashkua klubit bregdetar gjatë merkatos së janarit, por bashkëpunimi rezultoi zhgënjyes me kroatin që shënoi  një gol me fanellën e klubit bregdetar.

Bushiç është sulmuesi i dytë që largohet ditën e sotme nga Teuta. Pak orë më parë Gerhard Progni u zyrtarizua te skuadra e Gjilanit.

https://www.facebook.com/59064889461/posts/10157381428204462?sfns=mo

NJOFTIMI I KLUBIT TË TEUTËS

Gerhard Progni dhe Tomislav Bushiç nuk do të jenë më pjesë e Teutës.

Klubi I Futbollit Teuta zyrtarizon mbylljen e bashkëpunimit me Gerhard Progni dhe Tomislav Bushiç Mesfushori dhe Sulmuesi  i kanë perfunduar kontrata me Teutën. Të dy lojtarët, i’u bashkuan skuadrës sonë sezonin e kaluar. KF Teuta falenderon Gerhard Prognin dhe Tomislav Bushiç për kontributin e dhënë me skuadrën tonë dhe i urojmë suksese në karrierë!

“Jam një person familjar. Jam i martuar dhe kam dy fëmijë, një djalë e një vajzë që jetojnë Kroaci. Kam qenë pjesë e akademisë së Hajdukut të Splitit për pesë vite, më pas luajta me ekipin  e parë, ku fitova një kampionat në Kroaci. Në një sezon isha golashënuesi më i mirë i skuadrës, por kalova një moment të keq ku pësova shumë dëmtime. Kur erdha në Shqipëri, nuk disa asnjë gjë për këtë vend. Tani jam si një shqiptar (qesh)”.

TIRANA – “Tirana është klub i madh, më i madhi në Shqipëri. Edhe atje kisha probleme me pagesat dhe probleme me presionin nga tifozët. Presioni atje është më i madh, por kryesorja ishte problemi i pagave që ndikoi te loja e keqe”.

FLAMURTARI DHE VLORA – “Jam kënaqur me kohën që kam luajtur në Vlorë. Atje kam shumë shokë. Kam respekt për të gjithë qytetin e tifozët. Për mua Vlora është një ndër qytet më të bukura në Shqipëri. I uroj tifozëve që ekipi të rikthehet te trofetë”.

PROBLEMET – “Ekipi pretendent për tituj kërkon profesionalizëm në çdo aspekt. Duhet profesionalizëm në pagesa. Kur lojtarët paguhen në kohë, të gjitha funksionojnë. Dallohet te Teuta, këtu të gjithë lojtarët janë në gjendje të mirë dhe po luftojmë për Europën dhe Kupën”.

MUNGESA E GOLIT – “Për çdo sulmues është i rëndësishëm golin, por unë jam lojtarë eksperiencë dhe e di se nëse vazhdoj të luaj mirë për ekipin e të jap asiste edhe goli do të vijë. Tani në ndeshjen e Kupës kundër Kukësit do të kërkoj të shënoj golin e parë”.

FUTBOLLI NË KROACI DHE SHQIPËRI – “Në Shqipëri është një futboll më agresiv, me më pak qarkullim topi”.

MBROJTËSI DHE SULMUESI MË I MIRË ?  – “Radas (qesh). Ka shumë mbrojtës të mirë, si Jashanica e Osmani. Sulmuesi më i mirë? Pero Pejiç normalisht. Ai është lojtari i huaj me më shumë gola në Shqipëri. Daniel Xhafaj ka qenë gjithashtu një sulmues i mirë. Edhe Ekuban i Partizanit ishte super”.

“Pas dy barazimeve duhet të rikthehemi te fitorja dhe tri pikët, pasi do të na shërbejnë shumë për javët e ardhshme. Gjithmonë të shënosh është shumë e vështirë, jo vetëm Teuta, por dhe Barcelona dhe Reali e kanë të vështirë.

Jam dakord që nuk jemi aty ku ne kemi kërkuar, por mendoj se ndikon pak edhe momenti i merkatos, ardhjes, ikjes. Por shpresoj që pas kësaj jave, të gjithë të jenë në 100% dhe të jenë të gatshëm.

Vajushi do të jetë i grumbulluar kundër Kamzës, por nuk është ende gati ta nisë nga fillimi. Është një vlerë e shtuar për ne, nuk diskutohet dhe jam i bindur se do të na ndihmojë shumë. Unë thjesht dua që të vijnë sa më shpejt në formën e tyre më të mirë, si Vajushi, ashtu dhe Bushiç, pasi janë lojtarë shumë cilësorë”,- u shpreh Shkëmbi.

Pa kaluar 24 orë nga kjo sfidë, Teuta ka zbritur sërish në fushë, kësaj radhe një ndeshje miqësore, përballë KF Vëllaznimit. Ndeshja u ndërpre në minutën e 80’ për shkak të kushteve atmosferike të rënduara dhe u mbyll me rezultatin 2-2.

Golat për KF Vëllaznimin u shënuan nga Almedin Murati, ndërsa për Teutën realizuan Vecaj dhe Bushiç, i cili shënon golin e parë me fanellën durrsake. Në këtë takim, u aktivizua edhe Renato Arapi, i cili debutoi me skuadrën e tij të re.

Miqësore, 28 janar 2019

Teuta – Vëllaznimi  2-2
Shënues: Bushiç, Vecaj / A. Murati x2

Destinacioni i ri i 32-vjeçarit është Teuta. Klubi durrsak ka zyrtarizuar firmën me ish-sulmuesin e Flamurtarit me anë të një postimi në llogarinë zyrtare në “Facebook”.  Me ardhjen e kroatit, Bledi Shkëmbi merr një qendërsulmues me eksperiencë dhe rrit konkurrencën për ganezin Latif.

Në gjysmën e parë të këtij sezoni, Bushiç realizoi pesë gola me Flamurtarin, ndërsa në dy sezonet e mëparshme me ekipin bregdetar, kroati shënoi 8 dhe 10 gola respektivisht.

Danilo Alvesh siç dihet nuk është kthyer ende nga Brazili, por edhe kapiteni Tomislav Bushiç duket se nuk mund të presë më premtimet e presidentit Idrizi dhe ka menduar që të mos paraqitet sot në ndeshjen miqësore mes Flamurtarit dhe Lushnjes.

Lojtari duket se e ka ndarë mendjen dhe nuk do të tërhiqet derisa të shlyhen të gjitha detyrimet karshi tij. Një histori që në Vlorë është bërë zakon gati çdo janar dhe nuk merr zgjidhje asnjëherë. Nuk do ishte aspak çudi që shembullin e kapiteni ta ndiqnin edhe disa lojtar të tjerë, që nën zë e pranojnë se nuk mund të durojnë pa fund pa u paguar.

“Kamza ka një grup lojtarësh me eksperiencë dhe cilësor. Kemi një luftë me Kamzën dhe ekipi është gati për të marrë maksimumin. Në Laç luajtëm një ndeshje të mirë, por një gabim në goditje standarde u ndëshkuam. Kishim disa raste për të shënuar dhe nuk i shfrytëzuam. Ajo ndeshje është lënë pas dhe tani shohim para. Kampionati është i gjatë. Do të jetë një ndeshje e vështirë, por ne do të kërkojmë fitoren”.

Më pas ishte Pollozhani, i cili u ndal tek rasti i 11-metërshit që vlonjatët pretenduan në takimin me Laçin. Mesfushori deklaroi se që të jepet një 11-metërsh për skuadrën e tij duhet që të jetë 200%, por në të njëjtën kohë kërkon një gjykim sa më të drejtën në sfidën e nesërme.

“Në fushë nuk e kisha shumë të qartë se çfarë ndodhi, por nga pamjet filmike shihet qartë se ishte 11-metërsh. Gjithsesi, ne jemi mësuar, të paktën këtë një vit e gjysmë që jam unë këtu, që për Flamurtarin duhet të jetë 200% penallti. Nuk e di se çdo të ndodhë në Kamzë, por uroj të jetë një gjykim korrekt dhe ai që e meriton në fund të marrë fitoren”.

30-vjeçar ka postuar sot në profilin e tij në “Instagram” disa foto e video, ku shihet se po shijon bregdetin e Vlorës. Së bashku me të është dhe sulmuesi e njëkohësisht kapiteni i Flamurtarit, Tomislav Bushiç, si dhe argjentinasi Agustin Torasa, i afruar këtë verë.

Entuziast braziliani me bukuritë e bregdetit shqiptar dhe siç shikohet po i shijon ditët e verës, edhe pse e ardhmja e tij është ende pezull. Vlora siç duket po i mundëson një komoditet më të madh se Kukësi.

Elton Nika

Faza e parë e kampionatit tashmë e përfunduar, vendi i tretë në kampionat, titulli i golashënuesit në Superiore, por edhe pjesëmarrja e Flamurtarit në kupat e Europës, për këto dhe të tjera flet sulmuesi Tomisllav Bushiç në intervistën për “Sport Ekspres”. Sulmuesi kroat, autor i gjashtë golave me vlonjatët, beson shumë te skuadra e tij, por kërkon që të vijohet me këtë ecuri. “Këpuca e Artë” nuk është një “fiksim” për të, duke vënë në plan të parë objektivat e klubit.

– Bushiç, tashmë është mbyllur faza e parë. Si mund ta komentoni ecurinë e Flamurtarit?

– Skuadra ka bërë mjaft mirë, edhe pse nëse më duhet të pranoj të vërtetën, kemi disa pikë më pak në renditje. Por kjo skuadër është e fortë, luan mjaft mirë dhe jemi në rrugën e duhur. Faza e parë ishte pozitive për Flamurtarin, kur kemi humbur vetëm një ndeshje përballë Skënderbeut dhe atë në nisje të sezonit. Më pas kemi bërë një fazë shumë cilësore.

– Gjashtë gola deri tani, “Këpuca e Artë” ju josh ndopak?

– Padyshim që çdo sulmues e dëshiron gjithmonë golin dhe mendoj se me gjashtë golat e shënuar deri tani kam bërë mirë. Unë përpiqem gjithmonë të jap maksimumin, të punoj mirë në zonë dhe padyshim të shënoj. Por nuk ka shumë rëndësi “Këpuca e Artë”. Kam shënuar unë, Danilo, Bicaj apo Hoxhaj. Nuk ka rëndësi se kush shënon, e rëndësishme mbetet që Flamurtari të marrë pikë dhe të shkojë para në renditje. Nuk jam i fiksuar pas titullit si golashënues, por padyshim dua të shënoj sa më shumë për skuadrën.

– Ndeshjen e fundit barazuat me Kukësin. Ç’mund të na thoni për atë takim?

– Për fat të keq po, barazuam. Po të shohësh të gjitha ndeshjet e fazës së parë, Flamurtari ka dominuar në fushën e lojës me të gjithë kundërshtarët. Kështu ndodhi edhe me Kukësin, që ka një ekip shumë të mirë. Nuk ishte e lehtë dhe rezultati mendoj se ishte i mirë, pasi pjesën e parë kemi qenë në disavantazh dhe më pas kemi barazuar pa u dorëzuar asnjëherë. Kemi merituar madje edhe fitoren, por në fund u mbyll 1-1.

– Skënderbeu është kundërshtari i radhës, si e shikoni këtë përballje?

– Mendoj se është një skuadër mjaft e mirë Skënderbeu dhe e vetmja që na ka mundur. Për fat të mirë do të luajmë me tifozë dhe unë e dua stadiumin plot ndeshjen me Skënderbeun, ndaj i bëj thirrje të gjithëve të vijnë në stadium. Padyshim një ndeshje e vështirë, por të shohim deri atëherë, pasi ka ende kohë.

– E shikoni Flamurtarin në kupat e Europës?

– Nëse vazhdojmë me këtë ritëm, padyshim që po. Më shumë se ajo që pyetet për golashënues, unë dua të jemi në Europë me Flamurtarin. Deri tani kemi bërë mirë dhe të vijojmë në këtë rrugë. Kështu shkojmë në Europë padyshim.

– Dy vjet te Flamurtari. Si ndihet Bushiç në Vlorë?

– Mjaft mirë. Kemi një skuadër cilësore këtë vit dhe jam në vitin e dytë në Vlorë. Jam ndjerë mjaft mirë, si në shtëpinë time. Kam mësuar edhe shqip. Shpresoj shumë që t’u japim kënaqësi këtë vit tifozëve dhe qytetit.