Fitorja e ndeshjes së parë në Londër i kishte rritur aksionet e ekipit holandez po me 21%, ndërsa tashmë zbresin me të njëjtën shumë. Klubi do të kishte përfituar 15 milionë euro vetëm për kalimin e turit të fundit, pra kalimin në finale.

Megjithatë, sezoni i Ajaksit mbetet i mrekullueshëm dhe fitimit në bursë janë rritur me 52% krahasuar me vitin e kaluar. Gjithashtu edhe vlera e futbollistëve është rritur shumë dhe janë disa prej tyre që kërkohen me ngulm nga klubet më të mëdha në Europë.

Sajti i njohur italian “calcioefinanaza.com”, që specializohet për analizat financiare të ekonomisë së futbollit, ka publikuar së fundmi një artikull ku është analizuar rritja e aksioneve të Juventusit pas ardhjes së Ronaldos.

Rezulatet janë të pabesueshme. Sipas artikullit të lartpërmendur, në harkun e vetëm 3 muajve, vlera në bursë aksionet e Juventusit ka shkuar nga 620 milionë euro në 1.4 miliardë. Për të evituar ndonjë paqartësi, duhet theksuar se kjo rritje ka të bëjë vetëm me vlerën e klubit, pra nga kjo përfiton vetëm familja Anjeli, që ka në pronësi klubin. Gjithsesi, kjo i shërben edhe rritjes së vlerës së emrit të Juventusit si markë tregtare, çka rrjedhimisht do të rrisë të ardhurat nga marrëveshje marketingu.