Golat për skuadrën e Tërbunit janë shënuar nga sulmuesit Aldo Selenica dhe Redi Veriu, të dy këta futbollistë të dalë nga akademia e klubit të Tiranës, që kanë zgjedhur të hedhin hapat e parë në futbollin profesionist në ekipin e drejtuar nga Oltion Kërnaja.

Trajneri i pukjanëve ka vlerësuar paraqitjen e lojtarëve të ardhur në merkaton verore: “Po tregojnë se kanë cilësi dhe uri. Jam i kënaqur, sidomos nga Veriu, i cili edhe sot tregoi sa vlen, edhe pse doli para kohe për dëmtim. Jemi në rrugën e duhur, skuadra po sillet gjithnjë e më mirë dhe fizikisht do të arrijmë maksimumin në momentin e duhur, para fillimit të kampionatit”.

MIQËSORE
Tërbuni 2 – 0 Burreli
Shënues: Selenica, Veriu

Tërbuni: Roxher, Myrta, Hithi, Zagani, Metani, Saliaj, Mezini, Çangu, Tabaku, Veriu, Doda

U aktivizuan: Hasa, Kumanova, Zhivanaj, Selenica, Meshaj, Palushi, Merdini

“Pas përfundimit të kontratës me Burrelin, e kam detyrim moral e profesional edhe një takim me drejtuesit e klubit e të Bashkisë. Gjithsesi nuk i kam thënë ‘jo’ bisedave edhe me ekipe të tjera, sepse jemi në një periudhë merkatoje. Përzgjedhja më e mirë është gjëja e parë që duhet bërë.

Kam patur dhe kam bisedime me dy klube këtu në Shqipëri. Ju po këmbëngulni për Apoloninë, por nuk deklaroj emra skuadrash. Për të vendosur duhet pak kohë, që të dyja palët të jemi të qartë”, u shpreh Plori për SportEkspres.com.

Trajneri shkodran pritet që shumë shpejt të vendosë për të ardhmen e tij, pasi tanimë nis edhe ndërtimi i skuadrave dhe kudo që të shkojë i duhet të punojë për të bërë një skuadër cilësore. Sezonin e shkuar ai e nisi në Superiore te Kastrioti, për të kaluar më pas te Burreli.

AGRON KAJA

Për SportEkspres.com, Plori deklaroi se më 31 maj, kontrata e tij në pankinën e Burrelit përfundoi. “Zyrtarisht unë e mbylla kontratën më 31 maj dhe ndihem mirë për faktin se skuadra qëndroi në Kategorinë e Parë. Kjo ishte një mbyllje e mirë, edhe pse ka qenë një kampionat me shumë stres, jo vetëm për zhvillimin e tij, por edhe nga faktorë të tjerë që e vështirësojnë garën në këtë kategori. Për këtë eksperiencë, ndihem i detyruar të falënderoj Bashkinë për besimin”.

Plori e le të hapur qëndrimin te Burreli: “Më 31 maj, mua më përfundoi kontrata me Burrelin, por edhe mund të qëndroj për një tjetër sezon, nëse nga Bashkia do të ketë një projekt serioz. Është sakrificë e madhe, sidomos nga ana profesionale që të mos kesh një projekt të mirë, pasi puna bëhet e mirë nëse projekti është i tillë. Ndaj, unë do bëj zgjedhjen më të mirë, koha është në favor”, përfundoi trajneri.

AGRON KAJA

Pas fitores së sotme me skuadrën nga Kopliku ai nuk është përmbajtur. E ka me rivalët, që sipas trajnerit shkodran kanë gabuar me llogaritë e tyre në një kampionat që ai e ka habitatin e tij. Rezultati i ka dhënë të drejtë Plorit.

Për mediat në Shkodër ai ka deklaruar: “Javën e fundit ishim pushim dhe të gjitha llogaritë, sipas tyre, jo sipas nesh, ishin të tjera. Nuk dua të zgjatem shumë, jam shumë i gëzuar, por u ngatërruan me babën e Kategorisë së Parë. Fitoi zemra dhe jo lapsi, kaq”.

“Luajmë ndeshjen e fundit të këtij sezoni ndaj Veleçikut, një transfertë e vështirë që mbetet si ndeshja kryesore e gjithë sezonit. Do të luajmë për pikë, sepse nuk duam të rrezikojmë të luajmë në Play-off me skuadra të Kategorisë së Dytë. Për të qenë më të mbrojtur edhe nga aleancat që mund të ndodhin këtë javë, i kërkojmë FSHF-së që të sjellë arbitra të FIFA-s në këtë ndeshje delikate”, u shpreh Ajazai.

Si sulmues ai do të donte të shënonte ndaj Veleçikut, por me shumë rëndësi është që të marrë rezultat skuadra. “Kur golat janë në shërbim të arritjes së synimit, atëherë kanë vlerë dyfish. Unë rikthehem pas dëmtimit dhe të shënoj gol ndaj Veleçikut e skuadra të marrë fitoren, do jetë një sukses i madh. Burreli e meriton që të jetë pjesë e Kategorisë së Parë, sepse ka skuadër të mirë. Nga pankina, e gjithë drejtuesit e tjerë janë të përkushtuar për më të mirën”.

AGRON KAJA

Zëvendëskapiteni Maringlen Stana ka folur për SportEkspres.com para ndeshjes me Ilirinë e Fushë-Krujës dhe ka theksuar se i pret një përballje e vështirë. “Për ndeshjen e kësaj jave, si ne, ashtu edhe Iliria, kemi një pozicion që nuk na e garanton plotësisht mbijetesën.

“Për këtë arsye ne e vlerësojmë këtë si një përballje të vështirë. Gjithsesi, synimi ynë është fitorja dhe këtë do ta kërkojmë në fushën e lojës”, është shprehur mesfushori 25-vjeçar, i cili prej katër sezonesh luan rregullisht si titullar te Burreli.

AGRON KAJA

Një ndeshje që për lezhjanët vlen sa një sezon. Trajneri i Burrelit, Elvis Plori, deklaron se do të jetë një ndeshje shumë e fortë. Për SportEkspres.com, trajneri shkodran theksoi se Burreli shkon për të marrë maksimumin.

“Shënkolli është fushë e vështirë dhe pak ekipe kanë marrë pikë, por ne do shkojmë në këtë sfidë për të dhënë maksimumin tonë. Jemi në lojën e mbijetesës të gjitha ekipet, prandaj kërkoj një skuadër cinike. Përqendrimi duhet të jetë fjala kryesore në këtë ndeshje”, u shpreh trajneri Plori.

AGRON KAJA

Iliria ka marrë tre pikë të arta për mbijetesën, teksa ka kaluar me sukses Shënkollin. Fushë-krujasit iu falën golit të shënuar nga Boçi dhe morën pikët e plota. Skuadra e Fatmir Salës pati mundësinë të shënonte edhe golin e dytë, por portieri Hasanaj ndali Gjokejën nga pika e bardhë e 11-metërshit. Më parë anësori kishte realizuar, por arbitri vendosi që penalltia të përsëritej. Gjithsesi Iliria mori tre pikët e shumëdëshiruara.

Humbja e Shënkollit fut në lojë Vorën, që mposhti skuadrën e Burrelit me rezultatin e ngushtë 1-0. Kapiteni Allmeta shënoi në minutat shtesë të pjesës së parë golin trepikësh nga penalltia dhe tashmë vendi i parafundit është vetëm dy pikë larg.

KATEGORIA E PARË – JAVA 21 

Grupi A / Play-off
Vllaznia-Besëlidhja 4-0
Shënues: Zhunior 54′, Ignat 63′, Kruja 80′, Hajdari 88′

Grupi A / Play-out
Vora-Burreli 1-0
Shënues: Allmeta 45+5′ (pen.)
Iliria-Shënkolli 1-0
Shënues: Boçi 63′

80′ GOLI i ARSID KRUJËS

63′ GOLI I DAN IGNAT

54′ – Supergoli i Zhunior

Sipas teknikut shkodran, Vora edhe pse ka vetëm 5 pikë, ka të drejtë të shpresojë te mbijetesa. Matematika ua lejon diçka të tillë, ndërkohë që  Burreli do mundohet të marrë maksimumin dhe të realizojë sa më shpejt objektivin sezonal.

Për SportEkspres.com, Plori deklaroi: “Ndeshja me Vorën është përcaktuese për Burrelin, pavarësisht se jemi në krye të zonës Play-out në Grupin B. ‘I mbyturi të mbyt’ , ndaj duke qenë se edhe matematika na mban të gjitha skuadrave në lojë, duhet seriozitet dhe vlerësim për këtë sfidë. Ky pushim nuk na favorizon, por duke qenë i planifikuar, po e respektojmë me përgatitjet dhe miqësoret që do zhvillojmë”.

AGRON KAJA

Madje shkodrani thekson se lufta për mbijetesë do të jetë shumë e fortë deri në fundin e fazës së tretë. Të dielën në “Liri Ballabani” te Burreli mungon Emiljano Veliaj i skualifikuar, por Plori i ka marrë masat për zëvendësimin e mesfushorit beratas.

“Burreli nuk e arriti synimin që të renditej në zonën Play-off të Grupit A, por edhe në Play-out nuk është dorëzuar për mbijetesë. Ne jemi në kreun e kësaj zone, por objektivi ynë për të qenë pjesë e Kategorisë së Parë edhe për sezonin tjetër nuk është sigurt.

Ndaj në ndeshjet e fazës së tretë jemi të fokusuar vetëm te fitoret. Të dielën ndaj Ilirisë luajmë vetëm për tri pikët. Kemi vetëm mungesën e futbollistit me përvojë Emiljano Veliaj, por i kemi mundësitë që ta zëvendësojmë me lojtarët që kemi në dispozicion”, mbyll Plori deklaratën e tij

AGRON KAJA

QËNDRIMI I KORABIT – Granit Sulko, dhe ju Granitët e tjerë, pse e shëmtoni futbollin tonë?! Atë futbollin që po përpiqemi ta zbukurojmë dhe ta nxjerrim nga mjerimi e zona e zymtë që është futur! Në Shkodër të kontestuam publikisht për golin që shënoi Veleçiku, kontestuam për kartonin e kuq që dhe ndaj nesh, por në fund u pajtuam dhe ulëm kokën duke menduar se janë gabime njerëzore.

Në Burrel provuat që ka një tendencë dhe qëllimi është dashakeq, edhe pse të gjithë e dinim që përqindja e fushës i takon vendasve dhe e kishim përgatitur ekipin për një gjykim në disfavor, por jo të njëanshëm!

Ajo fanellë që përdhosët ju është fanella e dibranëve, ata djem që luajtën në fushë ushqejnë familjen me këtë punë dhe jeni ju që talleni me djersën dhe bukën e tyre.

Një penallti qesharake në disfavor, një penallti e mohuar dhe një gol i pa akorduar janë shumë dhe vlejnë me tepër se ai “harami” që keni marrë, vlen më tepër se ajo nota negative që morët sot, me tepër se ai dënimi jo publik që do merrni në FSHF!

Klubi i Futbollit “Korabi” shpall non-grata grupin nga Lushnja që ka gjykuar Korabin në dy humbjet e pësuara këtë sezon, pasi kanë ndikuar drejtpërdrejt në rezultatin e takimit. Po investohen paratë e biznesmenëve të ndershëm dibranë, paratë e taksapagueseve dibranë, koha dhe mundi i stafit dhe lojtarëve për të ardhmen e futbollit dibran dhe shqiptar, ndaj kërkojmë publikisht të drejtën tonë dhe lojë të ndershme! (Në videon e mundësuar nga Rruzhdi Xhediku janë rastet e takimit dhe momentet për gjykim).

Mjaftuan vetëm dy minuta lojë për t’u zhbllokuar sfida. Kabiru kaloi vendasit në avantazh, ndërsa nuk mungoi reagimi i ekipit matjan. Sulmuesi Ajazi barazoi shifrat në minutën e 18-të për ekipin e Plorit dhe pjesa e parë u mbyll me këtë rezultat.

Pjesa e dytë nisi e fortë dhe plot rivalitet, por ekipin nga Fushë Kruja gjeti golin e avantazhit në minutën e 77-të. Xhaferri shënoi golin e fitores për Ilirinë dhe ky trepikësh i ngjit djemtë e Salës në vendin e shtatë në grupin A të Kategorisë së Parë me 18 pikë.

Burreli vazhdon të qëndrojë në vendin e parafundit me 15 pikë dhe i duhet të luftojë fort për të siguruar qëndrimi në kategori.

KATEGORIA E PARË – JAVA 15
E mërkurë, më 6 shkurt, ora 14:00

Iliria-Burreli 2-1
Shënues: Kabiru 2’, Xhaferri 77’ / Ajazi 18’

24-vjeçari Kasapis ka tentuar të luajë edhe në skuadra të Kategorisë Superiore në futbollin shqiptar. Ai nuk është i panjohur për Plorin, pasi në verë u testua te Kastrioti që drejtohet nga shkodrani. Më parë ai është testuar edhe te Kukësi e Luftëtari. Burreli është stacioni për të në këtë sezon, kur kemi parasysh se merkato mbyllet më 31 janar 2019.

Shkon në 8 numri i  përforcimeve te Burreli, pasi gjatë këtij muaji janë afruar edhe lojtarët Milislav Vukmanoviç, Emiljano Veliaj, Senad Lekaj, Leonid Varfi, Donald Kurbneshi, Arsaed Rahova, Ari Djepaxhia dhe Ilias Kasapis.

Ndeshjen e javës së 15-të Burreli e luan në Fushë Krujë me Ilirinë, me të cilën ndajnë vendin e 8-të e të 9-të me nga 15 pikë. Mbetet për t’u përcaktuar se kur këto ekipe do të përballen mes tyre, pasi të shtunën është programuar të luhet në “Redi Maloku” sfida e Superiores mes Kastriotit dhe Skënderbeut.

AGRON KAJA

“Kalimin tim te Burreli e shoh me optimizëm. Humbja e miqësores me Tërbunin nuk tregon vlerat e vërteta që ka kjo skuadër, e cila është në kolaudim e sipër pas disa ndryshimeve që ka bërë në këtë merkato, në krahasim me gjysmën e parë të këtij sezoni. Në pjesën e parë humbën raste dhe u bënë gabime, në të dytën loja u përmirësua”, kështu deklaroi Veliaj për SportEkspres.com, duke theksuar më pas se Burreli do mbijetojë në Kategorinë e Parë.

“Unë luajta 45 minutat e dyta në miqësoren me Korabin dhe nuk kam qenë në gjendjen time më të mirë. Kisha rreth dy javë pa stërvitje, por në këto 10 ditë deri në rifillimin e kampionatit do të përmirësohem e do të përshtatem më mirë me ekipin. Skuadra ka elementë të mirë e të denjë për Kategorinë e Parë dhe për mbijetesën në këtë kategori”.

Burreli renditet në vendin e 9-të me 15 pikë, me pikë të barabarta me Ilirinë e vendit të 8-të, me të cilën do të luajë në javën e 15-të më 17 shkurt në Fushë Krujë.

AGRON KAJA

Të dy golat e kësaj ndeshjeje u shënuan nga mesfushori Saliaj, i cili është edhe lideri i ekipit të Oltijon Kërnajës. Më parë ai i ka shënuar edhe Ilirisë, në një ndeshje që u mbyll në barazim 1-1. Tërbuni më parë ka zhvilluar miqësore me Erzenin (ka fituar 4-3) dhe Vorën (ka humbur 3-1), ndërkohë që e radhës është programuar të shtunën një takim tjetër kundër Dinamos.

Në shkurt rinis kampionati dhe Tërbuni i drejtuar nga Oltijon Kërnaja ka bërë përforcime cilësore për të mos e lëshuar kreun e grupit A në Kategorinë e Dytë.

Në Pogradec është zhvilluar një tjetër takim miqësor, madje për liqenorët ishte i pari. Maliqi i Kategorisë së Dytë ishte kundërshtari dhe skuadra e Fetollarit ka fituar me rezultatin 3-1. Lame, Shkaluku dhe Saliaj ishin ata që arritën të realizonin për Pogradecin.

MIQËSORE – E mërkurë,  më 23 janar
TËRBUNI-BURRELI 2-0
Shënues: Saliaj (2)

POGRADECI 3-1 MALIQI
Shënues: Lame, Shkulaku, Ivani

Trajneri i kryeqytetasve vlerësoi lojën e mirë të skuadrës që u shpërblye me fitoren 3-1. Në fjalën e tij, kreu i pankinës dinamovite u shpreh: “Skuadra luajti mirë ndaj Burrelit, kryesisht në pjesën e dytë. Për mua rëndësi ka loja, harmonizimi i saj mbetet primar”, deklaroi Allmuça për “Sportekspres.com”.

Ndërsa Elvis Plori i Burrelit është i pakënaqur me skuadrën në tërësi: “Ndryshe nga miqësoret e tjera, sot me Dinamon skuadra nuk u shpreh mirë në lojë”. Takimi u mbyll me rezultatin 3-1 për Dinamon me golat e Marlind Nuriut, Rei Nuriut dhe Çelikut në pjesën e dytë. Golin për matjanet e shënoi Djepaxhia në pjesën e parë.

Miqësore, e shtunë 19 janar 2019,  ora 13:00 (Pezë)
Dinamo – Burreli  3-1
Shënues: M. Nuriu 25′, R. Nuriu 70′, Çeliku 75′ / Djepaxhia 90′

Dinamo: Laço, M.Nuriu, Sheta, Shaba, Ilir Allmuca, R.Nuriu, Sefa, Vrapi, Topalli, Çema, Prendi
Burreli: Millosheviç, Ujka, Papleka, Dedgjonaj, Lekaj, Farruku, Stana, Hyseni, Djepaxhia, Levendi, Ajazi.

Takimi tjetër miqësore ishte ai midis Besës së Kavajës dhe kosovarëve të KF Ballkanit. Skuadra e drejtuar nga Gugash Magani nuk duket ende në formë optimale dhe pas humbjes me Tiranën, ka pësuar një tjetër disfatë. Skuadra kosovare e Ballkanit fitoi 2-1, ndërsa golin e vetëm për kavajasit e shënoi Onuh.

Miqësore – E shtunë, më 19 janar

Besa-Ballkani 1-2
Shënues: Onuh

Fitore sot ka marrë dhe skuadra e Turbinës, që ka mposhtur ekipin e Shkumbinit me rezultatin e pastër 2-0. Golat nga Sallaku dhe Gjeci vendosën këtë sfidë dhe cërrikasit morën një triumf bindës.

Miqësore, e shtunë, 19 janar 2019 Cërrik

Turbina – Shkumbini 2-0
Shënues: Sallaku, Gjeci

Sot para miqësores me Dinamon, Plori deklaroi se ka kohë për të bërë më të mirën me grupin aktual. “Në bashkëpunim me Bashkinë e klubin ne kemi afruar futbollistë që nuk do na zhgënjejnë në synimin që skuadra e Burrelit ka në këtë vazhdim të këtij sezoni. Ne nuk do ngutemi në këtë merkato. Me dy afrimet: Senad Lekaj e Milan Vuksanoviç, emra që tregojnë se do jenë mbështetje serioze në arritjen e synimit që skuadra ka në këtë sezon, kemi hedhur një hap të rëndësishëm ”.

“Deri në nisjen e kampionatit më 2 shkurt janë edhe dy javë, që për ne do të jenë intensive dhe me ritëm në përgatitje, por edhe me lëvizje në merkato. Jemi në bisedime me dy futbollistë të njohur në Kategorinë e Parë dhe shpresojmë që deri javën tjetër t’i kemi mbyllur bisedimet me ta. Sot në miqësoren me Dinamon do ta shoh më mirë gjendjen në skuadër, së cilës i duhet më shumë besim tek objektivi kryesor i këtij sezoni. Kjo do të jetë më e rëndësishme në këtë periudhë përgatitore”.

Nga skuadra e Burrelit janë larguar katër futbollistë: Xhixhua, Olamba, Baholli e Danaj, ndërsa janë vetëm dy afrimet: Senad Lekaj e Milan Vuksanoviç. Matjanët renditen në vendin e 9-të në Grupin A të Kategorisë së Parë me 15 pikë, duke u pozicionuar në grupin e skuadrave që do të luftojnë për mbijetesë në këtë kategori.

AGRON KAJA

“Ka qene një ndeshje e mire për Burrelin, më shume për lojën e mirë që zhvilluam. Krahasuar me vitin e kaluar, progresi ishte i dukshëm. Deri në rinisjen e kampionatit, kam marrë miratimin e kryetarit të Bashkisë edhe për dy përforcime të reja, sepse ne mendojmë të ngjitemi në renditje në fundin e fazës se dytë”, thekson shkodrani i stolit të Burrelit për “Sportekspres.com”.

Kjo ishte miqësorja e dytë gjatë kësaj periudhe për ekipin verior, ndërsa trajneri ka garantuar një tjetër miqësore në mesjavë kundër një ekipi të Kategorisë së parë.

Burreli-Partizani B 1-0
(Mehmeti 70′)

“Kanë ardhur disa lojtarë në provë, ndërsa shumë lojtarë janë larguar nga skuadra dhe unë së bashku me drejtuesit kemi menduar të bëjmë diçka të mirë për të siguruar sa më shpejt mbijetesën”.

AFRIMET E REJA – “Do fillojmë me portën dhe qendrën e mbrojtjes, pasi aty shikoj një mungesë stabiliteti, gjithashtu do kërkojmë dhe një anësor të shpejtë, që t’i përshtatet lojës sime. E rëndësishme është që klubi të jetë korrekt, pasi e dimë që në Shqipëri kanë shumë probleme financiare. Kur kam ardhur kam kërkuar që të jetë kjo korrektësi. Në ekipet që administrohen nga bashkia, problemet e pagave zgjidhen në fazën e dytë, pasi buxhetet vjetore miratohen në janar e në muajt në vijim”, tha Plori.

“Në këtë fillim muaji, bashkia dhe drejtuesit të klubit të Burrelit janë ulur për vazhdimësinë e skuadrës së futbollit në Kategorinë e Parë. Së bashku kemi diskutuar për gjendjen aktuale të skuadrës, e cila renditet në vendin e 9-të në Grupin B, ku intersi dhe angazhimi i tyre është që ekipi të dalë nga kjo situatë. Mbështetja e tyre nuk ishte vetëm ana financiare, por edhe për merkato cilësore”, kështu deklaroi trajner Elvis Plori i Burrelit.

Ndërkohë, shkodrani i bankinës matjane deklaron se sot Bashkia vendos për një fond 100 milionë lekë për skuadrën e Burrelit, të cilën ai e quan të plotë për arritjen e synimit. “Unë kam marrë mbështetjen e plotë të bashkisë dhe të klubit për një fond 100 mln lekë për gjysmën e dytë të sezonit. Vecc detyrimeve të tjera, me këtë fond do të kryejmë merkato me 5-6 futbollistë. Aktualisht jemi në biseda me dy lojtarë malazezë dhe dy shkodranë, ndërkohë që presim dy të tjerë nga Superiorja”.

AGRON KAJA

Trajneri Plori ka piketuar edhe një lojtar te ish-skuadra e tij. Bëhet fjalë për qendërmbrojtësin Vilson Lila, i cili te Kastrioti mbante edhe shiritin e kapitenit. Mbrojtësi është i lirë, pasi e ka ndërprerë kontratën me krutanët.

Burreli synon mbijetesën dhe deri në fund të sezonit do të jetë një garë ashpër. Kështu përforcimet në merkaton e janarit janë të domosdoshme. Veç Lilës, matjanët do mundohen të bëjnë edhe përforcime të tjera për të realizuar objektivin sezonal.

“Unë nuk jam euforik në këtë deklarim, por realist në gjendjen e skuadrës. Ka elementë në këtë ekip që duhet të kishin dhënë më shumë se sa vendi i parafundit në renditje, por fillimi i këtij sezoni ka patur disa problematika, të cilat gradualisht u normalizuan. Burreli nuk do ta diskutojë mbijetesën në Kategorinë e Parë, edhe pse faza e tretë është paksa e ashpër me përgjysmimin e pikëve”.

Ndërsa mendon se takimin e radhës me Vorën duhet ta fitojë, tekniku shkodran deklaron se Burrelit i duhen tre-katër përfircime gjatë merkatos së janarit. “Këtë fundjavë luajmë me Vorën në fushën tonë, një ndeshje e fortë që duhet fituar. Kështu ngjitemi diçka në renditje dhe bëhemi gati për katër ndeshjet e mbetura të fazës së dytë, në të cilat synojmë të marrim 6 pikë”.

Goli u kërkua që në fillim dhe vonoi disia, pasi vetëm në minutën e 39-të të takimit u zhbllokua gjithçka në stadiumin “Loro Boriçi”. Ishte sulmuesi brazilian Zhunior ai që shënoi për Vllazninë dhe shkodranët shkuan në dhomat e zhveshjes në epërsi.

Pjesa e dytë nisi me një gol të shpejtë të Ignat. Mbrojtësi rumun qetësoi shpejt kuqeblutë, që vijojnë të qetë rrugëtimin e tyre për t’u rikthyer në Superiore. Seria e golave nuk ishte mbyllur, pasi edhe kapiteni Gilman Lika provoi të realizonte në portën e Burrelit.

Me rezultatin 3-0 u mbyll i gjithë takimi dhe Vllaznia shkoi në kuotën e 28 pikë, duke kryesuar renditjen pas 11 javëve kampionat. Burreli mbetet i parafundit, me 9 pikë të grumbulluara deri më tani.

KATEGORIA E PARË – JAVA 11
E diel. më 2 dhjetor 2018, ora 14:00

Vllaznia-Burreli 3-0
Shënues: Zhunior 39’, Ignat 49’, Lika 73’

Por kujt i intereson dhe çfarë mund t’u kërkosh futbollistëve, që gjysmën e pagës që marrin e lënë rrugëve. Për t’u ushqyer si profesionistë as që bëhet fjalë. Hartën e klubeve në të Parën me probleme financiare e zgjeron Iliria e Fushë-Krujës. Së fundmi edhe te skuadra e drejtuar nga Fatmir Sala ka pasur probleme.

Te Lushnja, edhe nëse nuk do të ketë probleme financiare, ekziston një problem tjetër që ka të bëjë me kushtet ku ekipi stërvitet. Tani që po hyjmë në dimër, ditë më të vështira do të ketë për ekipin e drejtuar nga Ilir Gjyla.

Aneksi pranë stadiumet është amortizuar prej vitesh dhe ekipi stërvitet aty mes baltës. Shpesh është punuar edhe në stadium, çka e dëmton tapetin. Ende asnjë zgjidhje nga Bashkia e Lushnjës, që në fakt tregohet shpesh bujare me fondet që akordon dhe që shkojnë në 300-400 milionë lekë.

Në grupin A, Veleçiku ka mundur Burrelin me rezultatin 1-0. Ishte goli i Plishtit në pjesën e dytë që bëri diferencën në këtë sfidë. Në këtë mënyrë është skuadra nga Kopliku shkon në vendin e 5 me 12 pikë, ndërsa Burreli mbete në vendin e parafundit me vetëm 6 pikë.

Në grupin tjetër Besa ka marrë një fitore jo pak të vuajtur ndaj Lushnjes, pasi ka pritur deri në minutën e 87-të për të gjetur golin e avantazhit. Tedi Cara ka realizuar golin me vlerën e tre pikëve, duke i rikthyer kavajasit në vendin e parë në grupin B me 17 pikë. Në krahun tjetër del duarbosh Lushnja, e cila e sheh veten në kuotën e 8 pikëve, duke u pozicionuar në vendin e tetë.

Matjanët e drejtuar nga Stavri Nica në shtëpi kërkojnë të mundin çdo kundërshtar dhe përjashtim nuk bën as Vllaznia. Në grupin B luhet gjithashtu një sfidë mjaft interesante.

Besa pret Apoloninë, klube këto të denja për Superioren për nga tradita. Gjithsesi garojnë në të Parën dhe tre pikët vlejnë shumë sot. Fierakët do tentojnë t’i vihen pas Egnatias kryesuese, por në Kavajë nuk do ta kenë të lehtë.

KATEGORIA E PARË – JAVA 2

GRUPI A
E diel, më 16 shtator, 16:00
Burreli-Vllaznia

E shtunë, më 15 shtator, 16:00
Iliria-Shënkolli 3-1
Dinamo-Besëlidhja 2-0
Veleçiku-Vora 2-1
Korabi-Erzeni 1-0

GRUPI B
E diel, më 16 shtator, 16:00
Besa- Apolonia

E shtunë, më 15 shtator, 16:00
Bylis- Turbina 2-0
Elbasani- Egnatia 1-2
Lushnja-Oriku 1-0
Pogradeci- Tomori 0-1

Dhjetë minuta më vonë ishte Ajazi që kaloi në avantazh matjanët. Gjithsesi sulmuesi Bërdufi do korrigjonte veten në të 40’, kur edhe barazoi shifrat në 1-1. Në barazim u mbyll pjesa e parë, kurse në të dytën pati edhe zëvendësime të shumta.

Turbinas kaloi në avantazh në minutën e 50-të, kur Gjonpalaj shënoi në portën e tij. Më pas ishte nigeriani Ejoh ai që shënoi dy herë të tjera për cërrikasit, që kanë ruajtur një pjesë të mirë të ekipit të sezonit të shkuar.

Miqësore – E mërkurë, më 15 gusht

Turbina 4 – 1 Burreli
Shënues: Bërdufi 40’, Gjonpalaj 50’ (autogol), Ejoh 60’, 80’ / Ajazi 20’
Turbina: Varfi, Zeneli, Pashaj, Bejko, Gazheli, Taulla, Qorri, Cake, Cara, Hasa, Berdufi. (U aktivizuan: Collari, Cami, Dervishi, Beqiraj, Qosja, Xhelili, Ejoh, Ugo, Shkreta, Sina, Alillari). Trajner: Sinan Bardhi.

MARIGLEN MIRAKA

Kontrata e ofruar nga Burreli ka qenë mjaft e mirë dhe e krahasueshme me atë që Xhixhiua mund të merrte edhe në Superiore. Matjanët kanë besim te cilësitë e lojtarit dhe kanë sakrifikuar disi. Tani ata presin golat e kamerunasit.

Xhixhiua ka provuar të luajë në elitë me Partizanin, por tek të kuqtë nuk pati shumë hapësira dhe në janar u largua për të luajtur me Erzenin në Kategorinë e Parë. Me shijakasit realizoi 8 gola në 14 ndeshje, që i nisi të gjitha si titullar.

Vitin e shkuar ish-sulmuesi drejtoi Tiranën U17, ndërkohë që këtë verë ka pasur një ofertë nga klubi i Burrelit. Memelli ka vënë disa kushte, duke nisur nga shlyerja e lojtarëve e të tjera. Duke qenë se askush nuk ia garantonte kushtet e vëna, e ka parë të rrugës të refuzojë.

Burreli më pas nuk humbi kohë, duke zgjedhur në krye të skuadrës Stavri Nicën, i cili për herë të fundit drejtoi në Superiore skuadrën e Teutës. Durrsaku ka drejtuar më parë edhe Laçin, Erzenin, Besëlidhjen, Bylisin e Mamurrasin.

Tashmë Nica do të drejtojë një ekip të ri. U mendua se do të punonte me moshat tek Erzeni, por oferta e bërë nga Burreli është pranuar nga ana e trajnerit durrsak. Fakti që matjanët stërviten në kryeqytet e ka bindur atë.

Sigurisht edhe oferta e bërë nga ana e administratorit Demir Çupi ka qenë e kënaqshme. Nica vjet në Kategorinë e Parë drejtoi për disa javë Bylisin, ndërkohë që Burreli pasuron listën e ekipeve që ai ka drejtuar në të shkuarën.

“Jemi të trishtuar, – thanë zyrtarët e Burrelit – Nuk e kishim menduar këtë agresivitet të drejtuesve të Korabit. Lojtari unë u godit me grushta e shkelma nga Femi Mëziu, djali i tij, tekniku Bubeqi dhe mirëmbajtësit e fushës. E goditën keq sapo mbaroi ndeshja dhe kur po dilnim nga stadium. Turpi i botës çfarë ndodh në futbollin shqiptar. Fusha e Korabit për të disatën herë është bërë e rrezikshme për lojtarët e ekipeve të tjera”, pohuan drejtuesit e Burrelit. Ata i bëjnë thirrje FSHF-së të marrë masa që ngjarje të tilla të mos përsëriten në futbollin shqiptar.

“Kemi gjithsej 80 milionë lekë të vjetra për gjithçka, nga topat gjer te grumbullimet. Merr kë të duash. Duam të shpëtojmë”. Julian Ahmataj u kthye gati tre javë më parë nga Burreli pa asnjë mëdyshje. Mund t’ia dal. Ishte e vështirë sa të duash. Burreli kishte 6 pikë dhe gjendej në vendin e fundit. Merkato e janarit nuk premtonte shumë, ndërkohë që konkurrentët kishin organikë dhe mbështetje. Me kaq para është pothuaj e pamundur të bësh gjëra të rëndësishme. Ahmataj është një nga ata që nuk frikësohet. Sezonin e shkuar mori Besën në një situatë të ngjashme dhe e shpëtoi, ndërsa në pjesën e parë të sezonit punoi me Korabin duke e lënë në vendin e tretë. Por Burreli ishte një sfidë e vërtetë. Ai është një trajner që dëshiron lart, dhe dështimi do ish relativisht një hap mbrapa. Për më tepër Burreli është klub bashkie dhe nuk ka president. Në realitetin e Kategorisë së Parë, presidentët janë shumë të rëndësishëm. Ndoshta më mirë kështu. Mori përgjegjësinë e zgjedhjes së lojtarëve dhe harton vetë deri në detaje çdo gjë, deri te uniformat dhe grumbullimet.

Këtë të shtunë fitoi 2-1 në Pukë. Nuk ishte e thjeshtë, sepse fillimisht shënuan vendasit dhe më pas 2 gola për të bërë përmbysjen e madhe. Në 4 ndeshje janë marrë 10 pikë, madje ka fituar në fushën e vështirë të Kavajës e ka mundur dhe një ekip ekspert në këtë nivel si Besëlidhja. Kush është çelësi i suksesit?

Përzgjedhja e lojtarëve ka qenë e kujdesshme. Osmanllari dhe Ivani erdhën në huazim nga Skënderbeu. Me Osmanllarin ka punuar dhe te Korabi, ashtu sikundër portierin Selaci e ka pasur dhe në Kavajë dhe te Korabi. Levendi erdhi huazim nga Tirana, prej ku erdhi edhe qendërmbrojtësi goleador Johan Beçka, autor i dy golave me vlerë 6 pikë në vitin e ri, ndërkohë që Bërdufi është një lotjar shumë i fortë. Në mesfushë afroi Fejzon, ish-lojtar i Bylisit, 20-vjeçar që në të shkuarën ka mundur pothuaj i vetëm Partizanin në Superiore. Mesfushë e sulm i bën shkëlqyeshëm një lojtar që është gati për Superiore, Majkel Peçi, një që fatkeqësisht nuk ka pasur besimin e duhur nga Tirana.

Burreli është i fortë dhe bën një futboll të mirë. Disa shenja u dhanë në miqësoren kundër Lirisë së Prizrenit në janar. Ndeshja përfundoi 3-1 për të besuarit e Shkëmbit, por pjesa e parë, ajo ku le të themi luajnë titullarët, shkoi në barazim1 1-1. Shkëmbi dhe Ahmataj janë i njëjti brez dhe pas ndeshjes konsumuan një kafe duke kujtuar kohët e vjetra. Kanë të dy një të përbashkët. Karrierën si trajner e kanë nisur nga dera e pasme, me këmbë në tokë dhe me predispozitën për t’u ngjitur.

Në Burrel janë të kënaqur. Një javë më parë në stadium ishin rreth 1500 vetë. Burreli i kishte humbur shpresat për qëndrim në Kategorinë e Parë, ndërsa këtë javë e panë dikë pas, Besën e Kavajës. Kanë marrë 10 pikë në këtë 2018 dhe nuk duan të ndalen këtu. Duan mrekullinë, të shpëtojnë duke qenë në 5 më të mirat para fazës së tretë, aty ku më pas e kanë të paktën të sigurt mbijetesën.

Gjergji Stefa

– Johan, e ke nisur me gol te Burreli. E ëndërroje një start të tillë?

– Në fakt, kam shënuar shpesh në të shkuarën, pasi shfrytëzoj shtatlartësinë time në krose. Edhe kur isha pjesë e Skënderbeut, me të rinjtë, ku dolëm kampion, shënova disa gola.

– Na trego pak si ke mbërritur deri te Burreli.

– Jam rritur te moshat e Arisit në Selanik, më pas kam qenë për dy sezone te të rinjtë e Skënderbeut, një vit në Greqi tek Apollon Kallamarja dhe pastaj te Tirana, prej verës së shkuar. Te Tirana isha pjesë e ekipit të parë, por nuk gjeta hapësira.

– Si erdhi kalimi te ekipi matjan?

– Trajneri Julian Ahmataj u emërua te Burreli dhe më kontaktoi duke më ofruar një vend në ekipin që po rindërtonte. Pranova pa u menduar dy herë, sepse unë dua të luaj, nuk ka rëndësi emri i madh apo kategoria.

– Skuadër e rindërtuar, por start perfekt për Burrelin këtë vit.

– Po, skuadra është bërë thuajse nga zero dhe u lidhëm shumë më shpejt nga sa e prisnim. Luajtëm kundër Besëlidhjes, skuadër superiore në teori dhe me ambicie, por luajtëm më mirë dhe kërkuam të luanim futboll sulmues, siç na kërkon trajneri Ahmataj. Tifozët mbetën të kënaqur, besoj se kjo fitore i ka ngrohur shumë, sepse ishin të zhgënjyer nga ekipi në fazën e parë.

– Stërvitjet në Pezë-Helmës dhe ndeshjet në Burrel?

– E lehtë nuk është, stërvitemi në bar sintetik dhe luajmë në fushë me bar natyral, që nuk është në kushte perfekt, por pak a shumë kështu bëjnë të gjitha skuadrat.

– Synimi yt dhe i Burrelit?

– Unë dua të luaj sa më shumë, jam në një moshë ku më duhet të gjej minuta e të fitoj eksperiencë. Nuk vendos plane afatgjatë, nuk shoh aspektin financiar në këtë moment, thjesht dua të luaj. Sa për Burrelin, synimi është mbijetesa dhe jemi të gjithë shumë optimistë se do t’ia dalim të mbijetojmë. Jam i sigurt se do të mbijetojmë, sepse skuadra është cilësore, janë lojtarë mjaft të mirë, edhe pse skuadra sapo është ndërtuar. Skuadrat në Kategorinë e Parë nuk kanë shumë ndryshime nga njëra-tjetra dhe në ndeshjen e parë luajtëm mjaft mirë, ndaj nuk kemi frikë askënd, edhe pse Kategoria e Parë nuk është e lehtë, në çdo drejtim.

Albi Lala

Sport Ekspres mëson se klubi nga Fushë-Kruja ka mbyllur sot marrëveshjen edhe me ish-kapitenin e Burrelit, Donald Mëllugja, mesfushor me aftësi mjaft të mira sulmuese.

Vetëm 22 vjeç, Mëllugja aktivizohet prej vitit 2013 me ekipin e parë në qytetin e vendlindjes, duke qenë titullar fiks në 4 ndeshjet e fundit dhe duke marrë edhe shiritin e kapitenit.

Tani Mëllugja braktis për herë të parë Burrelin, duke firmosur tek Iliria.

Maringlen Miraka

Është zhvilluar në kompleksin “Pepa” në Elbasan miqësorja midis Turbinës dhe Burrelit. Të dyja skuadrat janë paraqitur me formacionet më të mira, ndërkohë që skuadra e drejtuar nga Sinan Bardhi vuante lodhjen e një ditë më parë, pasi të mërkurën ishte përballur me skuadrën e Kamzës, që i mundi cërrikasit me rezultatin 3-1. Freskinë fizike e kanë shfrytëzuar matjanët, që kanë shënuar me Ujkën në minutën e 25’të, duke befasuar Turbinën. Janë përpjekur cërrikasit të baraspeshojnë rezultatin, por Burreli e ka mbyllur me avantazh minimal pjesën e parë. Në pjesën e dytë nisi “loja” e zëvendësimeve dhe ekipet aktivizuar djemtë e ri që po testoheshin. Në minutën e 65-të ishte Mema që realizoi golin e dytë për ekipin e drejtuar nga Shahin Berberi, ndërsa në të 72-n minutë Bali ka “vulosur” fitoren e Burrelit me rezultatin 3-0.

Turbina    0
Burreli    3
Shënues: Ujka 25’, Mema 65’, Bali 72’.
Turbina: Malaj, Peqini, Baçi, Ferhati, Beqiri, Roshi, Sulmataj, Qorri, Doda, Allamani, Sallaku. (U aktivizuan: Demollari, Agalliu, Gazheli, Sina, Shkreta, Adili, Gjeçi, Tafani, Cami). Trajner: S. Bardhi
Burreli: Hila, Sala, Lame, Mema, Kadiu, Pashaj, Mëllugja, Stana, Ujka, Farruku, Limani.(U aktivizuan: Lekgegaj, Hysa, Lika, Xhuveli, Hyka, Reçi, Bali).Trajner: Sh. Berberi.
Gjyqtarë: S. Dyrmishi, R. Preça, E. Gjoni(Elbasan).

POGRADECI – DRITA

Një tjetër miqësore është zhvilluar ditën e djeshme, teksa skuadra e Pogradecit është përballur me ekipin e Dritës së Gjilanit, që garon në Vala Superliga e Kosovës. Në formacionin e liqenorëve ra në sy prania e sulmuesit Çekiçi, por për 90 minuta Pogradeci nuk mundi të shënonte dot. Pjesa e parë e takimit u mbyll me rrjeta të paprekur, ndërkohë që dhjetë minuta pas nisjet së pjesës së dytë ishte Kastriot Rexha ai që realizoi për Dritën. Nuk vonoi shumë edhe goli i dytë, këtë herë nga Xhevdet Shabani, ndërsa golin e tretë e realizoi përparim Livoreka. Skuadra nga Kosova është më përpara me përgatitjet dhe tregoi nivel më të lartë, duke e merituar fitoren.

Pogradeci 0
Drita      3
Shënues: Rexha 55’, Xh. Shabani 67’, Livoreka 82’
Pogradeci: Mali, Hysenllari, Pere, Pura, Kllogjri, Liçkollari, Jahaj, Shyti, Topllari, Alillari, Çekiçi. Trajner: F. Fetollari
Drita: Rexhepi, Musaj, Limani, Gërbeshi, Haliti, B. Shabani, Krasniqi, Xh. Shabani, Kryeziu, Ismailaj, Fazliu. (U aktivizuan: Rexha, Livoreka, Kuka, Bislimi, Ruhani, Isufi, Salihu, Ramadani, Haliti)

“Ne, kishim piketuar disa trajnerë, por përzgjodhëm si më të mirin Berberin. Ai është një specialist i mirëfilltë futbolli, njeh mirë këtë sport dhe në Burrel ka njohje të shumta me lojtarët e ekipeve të tjera. Madje, si drejtues është shumë kurajoz dhe mbi të gjitha ka ambicie”. Ndërkohë, kujtojmë që Shahin Berberi, ka qenë një lojtar që ka spikatur te Partizani, por ka luajtur trajnuar edhe skuadra si: Tërbuni, Kevitani, Olimpiku. Madje, ka ngjitur për herë të parë skuadrën e Kukësit, nga e para në Superiore. Eksperienca e madhe në trajnim, natyrisht që do e ndihmojë edhe skuadrën matjane në arritjen e rezultateve pozitive, ndërkohë që në varësi të merkatos, do të jenë edhe objektivat sezonalë.

GRUMBULLIMI – Çupi shton se me 21 korrik, skuadra do të grumbullohet për të nisur fazën përgatitore. Ai tha se do të njoftohen të gjithë lojtarët e kampionatit të kaluar, por priten edhe fytyra të reja. Afrimet e reja, do të jenë edhe njohje të trajnerit Berberi.

RROGAT – Në lidhje me pretendimet e lojtarëve për rrogat e prapambetura administratori saktësoi se: “Lojtarët kishin katër paga të pashlyera. Së bashku me Bashkinë Mat mundësuam likuidimin e tri pagave. Edhe paga e fundit do t’u jepet lojtarëve. Ne i ftojmë ato të rikthehen te skuadra jonë pasi gjithçka do të shkojë normalisht”, – tha administratori Çupi. Nëse futbollistët që ankohen për rrogat dhe kontratat nuk do t’i bashkohen skuadrës së Berberit, atëherë këtij të fundit i duhet të negociojë me lojtarë të skuadrave të tjera.

“Nuk mund të presim pafundësisht. Me sa kuptojmë Burreli këtë sezon do të ketë probleme me grumbullimin e skuadrës. Ne nuk mund të djegim karrierën tonë se zyrtarët e Burrelit nuk na përgjigjen pozitivisht”, sqaruan ish-futbollistët titullarë të skuadrës së Burrelit në edicionin e shkuar. Ato pohojnë se kanë hyrë në bisedime më vartës të administratorit të klubit matjanë, por si përgjigje kanë marrë justifikimet e bashkiakëve se: “Për momentin nuk kemi lekë, sapo ato të sigurohen, do t’u jepen”.

Ky shqetësim është ngritur nga futbollistët që ditët e fundit të sezonit të kaluar. Shqetësimi vjen në rritje kur mëson se një pjesë e lojtarëve, ato me banim në qytetin e Burrelit, i kanë tërhequr pagat e plota, ndërsa “mysafirët” ende jo, megjithëse kanë mbajtur peshën kryesore në skuadër.