burim kukeli

E ardhmja pas futbollit, Kukeli i ka idetë e qarta

Sport Ekspres — Wed, 17 Jul 2019 12:35:24 +0000

Burim Kukeli vendosi të vazhdojë futbollin profesionist në Zvicër duke firmosur një kontratë 1-vjeçare me skuadrën e ligës së dytë SC Kriens. Megjithatë, 35-vjeçari është i vetëdijshëm që së shpejti duhet të mendojë të ardhmen pasi të varë këpucët në gozhdë.

Në një intervistë për “zentralplus.ch”, ish-futbollisti i kombëtares shqiptare zbuloi se po punon me kohë të pjesshme si trajner në një akademi fëmijësh në Zvicër, ndërsa në të ardhmen afërt do të ketë në duart e tij certifikatën UEFA B.

Gjatë intervistës Kukeli foli dhe për përvojën e re me Kriensin: “Dua të jap më të mirën dhe të nxis konkurrencën në ekip. Besoj se skuadra ka nivelin e duhur për të qenë e barabartë me ekipet e tjera. Tani ndihem mirë, megjithëse viti i kaluar nuk ishte aspak i lehtë. Pësova dy dëmtime të rënda gjatë vitit tim të fundit te Sioni. Gjithsesi, nuk mund të kërkoj më shumë, jam shumë krenar për ato që kam arritur në futboll”, tha Kukeli.

Befason Burim Kukeli, tani shfaqet si goleador

Sport Ekspres — Sat, 13 Jul 2019 11:36:23 +0000

Burim Kukeli është larguar nga Sioni dhe do të luajë në Challenge League këtë sezon. Mesfushori, i cili së fundmi është tërhequr dhe po luan më shumë si qendërmbrojtës, është pjesë e skuadrës së Kriens. Sezonin e shkuar ishte i pafat, pasi ka luajtur vetëm dy ndeshje. Një dëmtim e penalizoi.

Ai shpreson që këtë sezon të mos ketë probleme dhe momentalisht po kalon një formë të mirë. Kukeli së fundmi edhe ka shënuar një gol me Kriens, në një ndeshje kundër Jang Bojs ditën e sotme.

Mesfushori ka realizuar golin e dytë (52’) në triumfin 0-2 të regjistruar sot. Kukeli nuk shquhet për shënimin e golave. Gjatë karrierës së tij ai ka shënuar vetëm pesë herë në kampionat.

Kukeli me skuadër të re, firmos për një vit në Zvicër

Sport Ekspres — Wed, 19 Jun 2019 19:29:53 +0000

Burim Kukeli e mbylli njëherë e mirë me skuadrën e Sionit, por jo me futbollin. Ish-mesfushori i kombëtares sonë ka firmosur një kontratë 1-vjeçare me klubin e divizionit të dytë SC Kriens.

Futbollisti 35-vjeçar rikthehet në “Challenge League” pas dy vitesh në SuperLigën zvicerane me Sionin. Kriens ëshë një klub modest, ku objektivi i vetëm është mbijetesa në divizion e dytë për nga rëndësia të futbollit zviceran.