Siç raportohet nga mediat italiane, Konte ka studiuar me kujdes të gjithë lojtarët e akademisë dhe ka vendosur të mos përfshijë asnjë futbollist me ekipin A, madje i ka kërkuar klubit t’i shesin në mënyrë që të rrisë sa më shumë buxhetin për të sjellë në San Siro lojtarë të afirmuar.

Tre futbollistë të akademisë ka nxjerrë Interi në shitje. I pari, është Davide Morola, i cili duket shumë pranë firmës me Bolonjën. Plot 2 milionë euro dhe 20% të vlerës së tij në rast se shitet sërish në të ardhmen do të përfitojë Interi.

Ndërsa dy futbollistët e tjerë, janë Burgio dhe Vergani, të cilët do të nënshkruajnë me Atalantën. Klubi bergamesk do t’i paguajë Interit 5 milionë euro për dy futbollistët e talentuar.