Bundesliga

VIDEO | Fenomenal! Shijoni performancën e Sanços kundër Bajernit

Sport Ekspres — Sun, 04 Aug 2019 17:40:14 +0000

Xhejdon Sanço, vetëm 19 vjeç, por një lojtar i kompletuar në të gjitha aspektet. Dortmundi mundi ditën e djeshme Bajernin për Superkupën e Gjermanisë. “Vrasësi” i bavarezëve ishte pikërisht anglezi, që “rrezëlleu” me paraqitjen e tij.

Sanço ishte autor i një goli dhe dhe një asisti për Pako, duke marrë pjesë në të dy rrjetat e ndeshjes. Jo vetëm kaq por driblimet dhe vizioni i tij tejkalojnë limitet e një futbollisti normal. Me shumë mundësi do të jetë pikërisht ai, që do konkurrojë Mbapenë, në epokën e re që po nis.

Statistikat e Sanço kundër Bajernit:

81 minuta lojë
1 gol
1 asist
35 pasime
86% saktësia e pasimeve
1 gjuajtjë në portë
2 pasime vendimtare
4 driblime të kryera

Sancho’s performance vs Bayern tonight pic.twitter.com/mRQgCHjNPL

— H ?? (@HugoooG78) August 3, 2019

VIDEO | Nojer shkon mbi limitet, ndërhyrja e tij është “komedi”

Sport Ekspres — Sun, 04 Aug 2019 17:06:04 +0000

Manuel Nojer do të mbetet gjithmonë i njëjti. Portieri gjerman ishte titullar ndeshjen e mbrëmshme ndaj Borusia Dortmundit, e vlefshme për Superkupën e Gjermanisë. Gardiani njihet për aventurat e tij të shumta gjatë lojës dhe mbrëmë për pak sa nuk rezultoi një gabim amatoresk.

Pako Alkaser mori krahun e majtë. Nojer tentoi më shumë se mundësitë e tij dhe vrapoi të bllokonte sulmuesin. Pako e goditi menjëherë topin për ta dërguar në portën e boshatisur, por nuk ishte i saktë. Dajle e çusitshme e portierit, pasi Alkaser ishte i vetëm në sulm dhe lojtarët e Bajernit nuk do e kishin aspak të vështirë ta neutralizonin.

Typical neuer. pic.twitter.com/8j1K9TZPS4

— Bob (@slitnys) August 3, 2019

Milot Rashica është idhull te Verderi, merr vlerësimin e radhës

Sport Ekspres — Sat, 03 Aug 2019 21:06:31 +0000

Milot Rashica bëri një sezon të shkëlqyer në Gjermani me skuadrën e Verder Bremenit. Ylli i Kosovës pati një nisje të ngadaltë, por në muajin janar e deri në fund të sezonit, bëri ndeshje fantastike, duke shënuar një numër të madh golash dhe duke i dhënë pikë shumë të rëndësishme ekipit jeshil.

Sot, pas takimit miqësor kundër Evertonit, Rashica është vlerësuar me çmimin “Lojtari më i mirë i sezonit 2018-19”, çmim për të cilin votuan të gjithë tifozët e Verder Bremenit. Drejtuesit e klubit gjerman thanë se ky çmim është mëse i merituar për Rashicën, i cili i premtoi dhe besnikëri Verderit, duke vendosur të qëndrojë në Gjermani.

VIDEO | Evertoni nuk ndalet, zyrtarizon afrimin e radhës

Sport Ekspres — Sat, 03 Aug 2019 12:08:59 +0000

Zhan-Filip Gnabim është lojtari më i ri Evertonit. Ai ka firmosur kontratë 5-vjeçare, që e mban në “Goodison Parc” deri në vitin 2024. 23-vjeçari vjen pas katër sezonesh te Mainz 05 në Gjermani, ku arriti të bëhet një ndër lojtarëve kryesorë të ekipit.

Everton arriti ta sjellë në Liverpul për shifrën e 25 milionë eurove. Ylli nga Bregu i Fildishtë është një lojtar që arrin të mbulojë qendrën e mbrojtjes, por edhe mesfushën. Do të ishte një lojtar shumë i vlefshëm edhe para mbrojtjes. Gnabim është transferimi i katërt i Evertonit këtë verë.

?? | Summer signing number 4??!

Jean-Philippe Gbamin has joined #EFC on a five-year deal from @1fsvmainz05 for an undisclosed fee.

Welcome, JP! ?

— Everton (@Everton) August 2, 2019

Nga Prishtina në Bundesligë, transferimi i bujshëm drejt finalizimit

Sport Ekspres — Fri, 02 Aug 2019 07:59:37 +0000

Portieri i përfaqësueses së Kosovës, Visaj Bekaj, mbylli pak javë më parë bashkëpunimin me klubin e Prishtinës. Sipas portalit “gazetaolle.com”, 22-vjeçari do të bëjë një hap gjigant duke u transferuar te klubi i njohur gjerman, Hofenhajm.

Kjo lëvizje që pritet të zyrtarizohet në ditët në vazhdim është mundësuar nga vetë kreu i klubit prishtinas Remzi Ejupi. Bekaj ka qenë prej disa sezonesh një ndër portierët më të dalluar në IPKO Superliga e Kosovës dhe pjesë e rregullt e grumbullimeve të Bernard Shaland në përfaqësuesen e Kosovës.

Nëse transferimi kryhet me sukses, duhet përmendur se Bekaj do ta nisë si portier i tretë, pas titullarit të padiskutueshëm Oliver Bauman dhe portierit tjetër Filip Pentke. Me shumë gjasa aktivizimet e para të portierit shqiptar do të jenë me ekipin B të Hofenhajmit, që militon në Ligën Rajonale gjermane.

VIDEO | “Magjistarët” e Bundesligës, shijoni 10 golat më të bukur

Sport Ekspres — Mon, 29 Jul 2019 18:13:04 +0000

Golat nga goditjet e dënimit janë gjithmonë diçka për t’u shijuar. Bundesliga në faqen e saj zyrtare ka publikuar 10 rrjetat më të bukura të sezonit të kaluar nga goditjet e ndaluara. Bie në sy prania e dy kosovarëve në këtë renditje.

Rashica ka golin e nëntë më të bukur, ndërsa Florent Muslija qëndron i pesti me perlën e tij. Vendin e parë e mban Pako Alkaser. Podiumi plotësohet nga Leon Bejli i Leverkusen dhe Daniel Kaliguri i Shalke 04. Duhet të themi se Bejli përfaqësohet me dy rrjeta në këtë renditje.

“No Robbery, no problem”, ylli bavarez gati t’i zëvendësojë

Sport Ekspres — Fri, 26 Jul 2019 16:41:44 +0000

Arjen Roben dhe Frenk Riberi kanë lënë një boshllëk të madh me ikjen e tyre nga Bajern. Gjithë këtë hapësirë do i duhet ta mbulojnë Gnabri dhe Koman. Ky i fundit nuk është aspak në presion dhe është i gatshëm të marrë përgjegjësitë. Dëmtimet kanë qenë armiku kryesor i tij, por ka besim se tani gjthçka do shkojë mirë.

“Nuk nidej aspak presion nga ikja e Roben dhe Riberi. Kam luajtur në shumë ndeshje dhe kam pasur një rol të rëndësishëm në ekipin e sezonit të kaluar. Pa dyshim, tani kemi dy lojtarë më pak skuadra në skuadër, kështu që nuk duhet të lëndohen. Për momentin nuk jam në gjëndjen time optimale, por do e arrij atë përpara ndeshjes së parë ne Bundesliga”, u shpreh Koman.

Dortmund nuk ndalet, dërgon ofertën e parë për yllin e Barçës

Sport Ekspres — Thu, 25 Jul 2019 19:06:11 +0000

Barcelonës i duhen para, ndërsa Malkom Oliveirës i duhen minuta në këmbë. Katalanasit e kanë nxjerrë prej kohësh në shitje brazilianin. Së fundmi, “Goal” raporton se Borusia Dortmund interesohet për shërbimet e yllit 22-vjeçar.
Verdhezinjtë kanë ndërtuar një skuadër mjaft simpatike dhe Malkom mund të jetë i vetmi “ingranazh” që i mungon makinerisë verdhezezë. Gjermanët kanë nisur nagociatat me Barcelonën për të. Ata ofrojnë 42 milionë euro për të bindur Bartomeun të heqë dorë nga shërbimet e të riut.

Ardhja e Grizman e bën të pamundur qëndrimin e Malkom në Barcelonë. Është gati e sigurt se do largohet, pasi Barçës do i duhet të rikuperojë humbjet e mëdha financiare të blerjëve të Grizman, Dembele, Kutinjo e Frenki De Jong. Gjithashtu duhet të mbledhë fonde për të risjellë Nejmar në “Camp Nou”.

“Do jemi surpriza e sezonit”, talenti i Leverkuzenit i mbyll derën Bajernit

Sport Ekspres — Thu, 25 Jul 2019 07:01:35 +0000

Bajer Leverkuseni ka arritur të seleksionojë disa nga talentet më të mirë të momentit, duke ndërtuar një skuadër mjaft simpatike. Këtë verë kanë bërë plot gjashtë blerjë për ta forcuar edhe më shumë skuadrën. Xhonatan Tah është një “gurët e çmuar” në dispozicion të skuadrës së “aspirinave”.
23-vjeçari gjerman është një nga qendërmbrojtësit më të mirë të Bundesligës dhe drejt tij kanë ardhur oferta nga shumë klube të mëdha, mes tyre Bajerni. Në një intervistë për mediet vendase ai i shpreh besnikërinë klubit të tij dhe deklaron se do të jenë surpriza e Bundesligas.

“Jam shumë i gëzuar që jam kthyer të stërvitem me djemtë. Pushimet më sollën më të fortë dhe gati për të startuar. Për prurjet e reja kam dëgjuar vetëm fjalë të mira. Jemi forcuar dhe jam i bindur se sezonin e ri do të bëjmë mjaft surpriza”, deklaroi Tah.

Legjenda Hënes jep sinjale largimi, ja kur do vendos

Sport Ekspres — Wed, 24 Jul 2019 12:39:01 +0000

E ardhmja a Uli Hënes si president i Bajernit është drejt fundit. Legjenda e klubit bavarez është në një moshë të thyer (67 vjeç) dhe në vitet e fundit ka paralajmëruar disa herë dorëheqjen nga posti të cilin e mban prej 10 vitesh.

Në një prononcim të shkurtër për “Kicker”, Hënes tha: “Vendimin që kam marrë do e bëj të ditur më datë 29 gusht në mbledhjen me bordin drejtues. Deri më atë datë, s’do të ketë asnjë komunikatë zyrtare nga ana ime në lidhje më këtë çështje”.

Mediet gjermane aludojnë se në rast dorëheqje të Hënes, postin e presidentit të klubit do e mbajë Herbert Hajner, një anëtar i bordit të supervizorëve i njohur gjerësisht në gjermani si ish-shefi ekzekutiv i kompanisë së njohur “adidas”.

Hënes punon në klubin e Bajernit prej 40 vitesh. Menjëherë pasi i dha fund karrierës si boksier ai u emërua menaxher i përgjithshëm i skuadrës dhe drejtor i sektorit komercial, pozicion të cilin e mbajti për 30 vjet, derisa u bë president i klubit.

Kampioni i botës është i bindur: Do e trashëgojmë zakonin e Bajernit

Sport Ekspres — Mon, 22 Jul 2019 19:01:10 +0000

Bajerni duket se e ka nisur mbarë sezonin e ri. Skuadra e Niko Kovaç ka zhvilluar dy ndeshje të mira ndaj Arsenalit dhe Realit. Me anglezët rezultati nuk i mbështeti ata, por sfida në përgjithësi kishte nuanca të theksuara pozitive. Me Realin ishte një ndeshje e realizuar në të gjitha aspektet.
Ekipi duket se këtë vit po kthehet më solid se ç’ishte. Kështu mendon edhe Benxhamin Pavard. Francezi i ardhur nga Shtutgarti duket se i ka mësuar shpejt parimet e një klubi si kampionët e Gjermanisë. Ka besim se këtë sezon do arrijnë të trashëgojnë atë që i “lanë të parët”.

“Bajerni është një klub shumë i madh. Dihet tashmë se zakoni apo tradita e tyre prej shumë dekadash, është të fitojnë tituj çdo vit. Kam shumë besim se do vazhdojmë ta bëjmë edhe ne. Ekziston një atmosferë shumë e ngrohtë në klub. Në fushë gëzojmë të gjithë. Bashkë do bëjmë maksimumin”, përfundoi kampioni i botës.

Lajpcigu i marrosur pas anglezëve, nënshkruan me talentin e Çelsit

Sport Ekspres — Mon, 22 Jul 2019 17:29:30 +0000

Lajpcigu cit pas viti po konfirmohet si një nga ekipet më të mira në Bundesligë, por nuk po arrin që të kapë nivelet e Dortmundit apo Bajernit. Skuadra e drejtuar nga Julian Nagelsman ka vendosur t’i besojë të rinjve në merkato, për të ndërtuar një ekip sa më kompetitiv për edicionet e ardhshme.

Objektivi kryesor i gjermanëve është Ademola Lukan, talenti i Evertonit, por klubi nga Liverpuli po kërkon një shumë prej 30 milionë eurosh, shumë që Lajpcigu nuk ka ndërmend ta paguajë.

Transferimi i Lukman ka kaluar në plan të dytë, pasi sot, është zyrtarizuar afrimi i Ethan Ampadu. Mbrojtësi i talentuar uellsian do të kalojë një vit në formë huazimi në Bundesligë me fanellën e Lajpcigut.

Historia | Bajerni e bleu si pasardhësin e Riberisë, tani luan në kategorinë e nëntë

Sport Ekspres — Mon, 22 Jul 2019 12:12:27 +0000

Pakkush mund ta kujtojë, kur afro shtatë vjet më parë, te Bajerni i Myniut mburreshin se kishin blerë një super-talent të së ardhmes. Plot 2 milionë euro të paguara për një lojtar që ishte vetëm 18-vjeçar. Ai quhej Dejl Xhenings.

Në vitin 2011, në shtëpinë e futbollistit të ri trokiti Dietmar Haman. Xhenings e kujton shumë mirë atë ditë. Haman e kiste lavdëruar shumë djaloshin e Tranmere Rovers te drejtori sportiv i gjigandëve bavarezë, Kristian Nerlinger, i cili në atë periudhë ishte në kërkim të një alternative për Frank Riberi.

Për të fituar garën me klubet angleze, bavarezët investuan 2 milionë euro, me shpresën se kishin siguruar një xhevahir për të ardhmen. Por, asgjë nuk shkoi ashtu si duhej dhe ëndrra e adoleshentit u kthye në një makth, që i ka lënë shije të hidhur për gjithë jetën.

Xhenings nuk arriti të përshtatej në Gjermani, e kishte të pamundur të mësonte gjuhën dhe mbi të gjitha nuk dinte të gatuante asgjë. Në shtëpi konsumonte vetëm ushqime gjysmë të gatshme dhe kjo bëri që largësia nga shtëpia të ndihej. Prej situatës së krijuar, djaloshi e ndërpreu kontratën me Bajernin në vitin 2013, pa luajtur asnjë ndeshje me ekipin e parë.

Tashmë, pas pesë vitesh të kaluara mes vuajtjeve, dhimbjeve për atë çfarë mund të kishte qenë, por edhe angazhimeve familjare, djaloshi që u ble si pasardhësi Riberi nga gjermanët, vendosi të rinisë karrierën në ekipin amator të Rankorn Taun, i cili militon në kategorinë e nëntë. Vetëm 25-vjeçar dhe baba i tre fëmijëve, Xhenings u përball me vështirësi ekonomike dhe nevojën për të punuar për të mbajtur familjen.

Djaloshi që dikur merrte leksione futbolli nga një legjendë dhe fitues i Kupës së Botës si Filip Lahm, nuk e kishte shkelmuar topin në tre vitet e fundit. Pasi kishte hipur në çatinë e botës, ai kaloi disa eksperienca të këqija te Barnsli dhe MK Dons. Tashmë, te Rankorn Taun ka gjetur një klub modest, por simpatik dhe një trajner që është gati ta ndihmojë, për të rinisur karrierën profesionale në futboll.

Blerja e bujshme e Dortmundit: Do e shikoni sa të fortë jemi!

Sport Ekspres — Sat, 20 Jul 2019 20:41:48 +0000

Borusia Dortmundi deri tani është kampione Gjermanie në merkato, por do duhet ta bëjë këtë edhe në fushën e blertë. Kundërshtari kryesor quhet Bajern Mynih dhe vështirësitë kuptohen që kur lexon këtë emër. Borusia e ka nisur shumë mirë me miqësoret e fazës përgatitore.
Verdhezinjtë kanë fituar tre ndeshjet e para dhe kanë treguar se do jenë një kërcënim shumë i madh për klubin bavarez. Në një intervistë, një nga blerjet më të mëdha të verdhezinjve, Niko Shulc, shprehet se gjithçka po shkon mirë, por është shpejt të thuash se sa të fortë janë. Mbrojtësi është ambientuar shpejt në “Signal Iduna Parc” dhe ka besim se trofetë do vijnë.

“Borusia është një klub i madh, kemi mbështetje të madhe nga tifozët në këtë turne dhe jam shumë i kënaqur. Jam ambientuar mirë dhe nuk mund të ankohem. Kemi pasur një ngarkesë të lartë fizike dhe po luajmë shpesh. Kemi vetëm 10 ditë së bashku dhe nuk mund të them sesa të fortë jemi. Kam besim se do bëjmë një gjë të madhe dhe do fitojmë trofe këtë sezon”, u shpreh Shulc.

Historia e çuditshme e yllit të Frankfurtit: Kam alergji barin!

Sport Ekspres — Sat, 20 Jul 2019 18:11:55 +0000

Alergjitë ndaj materialeve të ndryshme natyrorë ose jo në ditët e sotme dhe jo vetëm janë shumë të përhapura. Çdokush nga ne mund të ketë një alergji nga një cep i vogël i asaj që na rrethon. E vetmja zgjidhje e kësaj është të rrish sa më larg asaj që të shkakton shqëtësime. Por a mund të rrijë një futbollist larg barit? E pamundur.
Rasti i Dani Da Kosta është një nga më të veçantit që mund të kemi parë. 26-vjeçari është alergjik pikërisht ndaj fushës së blertë, specifikisht barit. Në momentin që ai krijon kontakt me këtë bimë, krijohen skuqje dhe nuk duron dot pa kruajtje.

Megjithatë, alergjia nuk e ka mundur dashurinë për futbollin. Ai prej dy vitesh aktivizohet me Ajntrahtin dhe është titullar stabël. Në një intervstë Da Kosta tregon problemin e tij dhe mënyrën sesi e përballon këtë shqetësim aspak të vogël për një futbollist.

“Kam alegji barin. Nëse bie në kontakt me të më krijohen skuqje. Gjithmonë vesh bluzë të gjatë poshtë uniformës. Në verë dhe në dimër. Nuk e di se nga më vjen kjo alergji. Këmbët mbesin pak zbuluar, por fatmirësisht aty e përballoj më shumë se në pjesët e tjera të trupit. Kruajtja në këmbë është e durueshme”, përfundoi mbrojtësi me pasaportë gjermane.

Bajern “i marrosur” me yjet e La Ligas, synon një argjentinas

Sport Ekspres — Fri, 19 Jul 2019 20:21:14 +0000

Bajerni i Mynihut kërkon shërbimet e Xhovani Lo Çelso. 23-vjeçari aktivizohet me Betisin. Në klubin andaluzian ai ka bërë shumë mirë dhe e ka vendosur veten në qendër të vëmendjes së klubeve të mëdha evropiane.

Totenhem ka bërë ofensivën më të madhe për të. Betis kërkon 60 milionë paund, por dëshira e lojtarit për t’u larguar mund ta ulë këtë vlerë. Londinezët ishin dëshira e tij, megjithatë interesi i Bajernit me shumë mundësi do e bëjë të shohë vetëm nga Mynihu.

Betis bëri një biznes mjaft të mirë, duke e blerë për vetëm 22 milionë euro nga PSG. Tani mund të fitojë të paktën 50 milionë paund nga shitja e tij. Pritet për t’u parë reagimi i klubit spanjoll. Nëse nuk binden, Bajernit do i duhet të paguajë 98 milionë euro, sa është klauzola e tij e largimit.

Lo Celso me fanellën e Argjentinës

Tërhiqet një “makineri golash”, sezonin e fundit e luan me Verder Bremen

Sport Ekspres — Fri, 19 Jul 2019 17:22:18 +0000

Për Klaudio Pizarron mjafton me kaq. Pas më shumë se dy dekadash në maksimumin e futbollit, 41-vjeçari ka njoftuar se sezoni ardhshëm do të jetë i fundit në karrierën e tij brenda fushës së blertë.

Klaudio Pizarro

Peruani është një sulmues mjaft i njohur në arenën evropiane. Ai është aktivizuar më së shumti me Verder Bbremen, që i dha edhe mundësinë të debutojë në Evropë. Ka kaluar kohë të mira te Bajern dhe gjithashtu është aktivizuar me ekipe si Çelsi dhe Këln.

Pizarro është autor i 230 golave në 558 ndeshje në rang klubesh. Është aktiviuar rregullisht me kombëtaren peruane, ku në 85 ndeshje e ka dërguar topin 20 herë në rrjetë. “Ky do të jetë viti im i fundit. Kam biseduar me të gjithë, jam mirë, por kaq mjafton. Sezonin tim të fundit do e luaj me Verder Bremen dhe shpresoj që të kapim Evropën”, u shpreh sulmuesi.

VIDEO | “E gjetëm sulmuesin”, stërvitja e Shalkes është epike!

Sport Ekspres — Thu, 18 Jul 2019 19:24:06 +0000

Shalke po stërvitet mes gjelbërimit dhe nuk është aspak çudi që në fushë “të debutojnë” kafshë të ndryshme. Këtë herë ka qenë radha e një maceje për të zbritur në tapetin e gjelbër.

Nuk dihet qëllimi i vërtetë i vizitës së saj, por në pamje duket se ardhur për të provuar topat e rinj dhe piketat. Ndërkohë, vetë klubi me shaka shkruan se e gjetën sulmuesin. Lojtarët nuk ngurojnë t’i ofrojnë dashuri.

Bajern piketon një spanjoll, do i paguajë klauzolën

Sport Ekspres — Thu, 18 Jul 2019 16:40:24 +0000

Bajernit i duhet dy lojtarë cilësorë krahu, ndërkohë që ka fuqi financiare të marrë vetëm një emër të madh dhe një talent të ri. Këtë të fundit e ka gjetur dhe po pregatit planin e “rrëmbimit”. Brais Mendez është i riu që ka rrëmbyer zemrat e drejtuesve bavarezë.
22-vjeçari aktivizohet me Selta Vigon në La Liga. Titullar i padiskutueshëm te spanjollët dhe autor i 6 golave dhe 7 asisteve në La Liga sezonin e shkuar. Kaq mjaftojnë për të bindur Bajernin ta marrë pa lejen e skuadrës së tij.

Rumenige është gati të paguajë klauzolën e largimit të Mendez. 25 milionë euro është vlera që ka vendosur klubi i tij aktual për ta lënë të lirë pa kushte. Shumë që nuk e kanë aspak problem në “Allianz Arena” dhe në ditët në vijim pritet që lojtari të vijë në Mynih.

Zi te Dortmundi, shuhet legjenda e klubit gjerman

Sport Ekspres — Thu, 18 Jul 2019 09:06:52 +0000

Borusia Dortmund është në zi. Klubi gjerman ka njoftuar ndarjen nga jeta të një prej njerëzve më të rëndësishëm. Dr. Verner Myler ka gjetur vdekjen gjatë ditës së sotme në vendlindjen e tij në moshën 73-vjeçare.
Aktualisht punonte si nënkryetar i bordit mbikqyrës të Borusias së Dortmundit. Ai qëndronte në këtë post që nga viti 2006, duke dhënë një kontribut të madh për klubin verdhezi. Myler ka mbajtur më parë edhe post në qeverinë gjermane.

Ai ishte një nga njerëzit më të rëndësishëm të klubit. Në një intervistë Hoakim Vacke, drejtori ekzekutiv i Borusias u shpreh: “Me ikjen e Verner Myller, kemi humbur një personalitet të shquar, që ka bërë punë të jashtëzakonshme për klubin tonë. Unë personalisht kam humbur një nga njerëzit më të besuar dhe më të aftë”.

Hudson-Odoi te Bajern? Lampard i bën presion talentit

Sport Ekspres — Wed, 17 Jul 2019 15:26:09 +0000

Kallum Hudson-Odoi është një nga çështjet që vlon më shumë se të tjerat në kampin e Çelsit. Talentit së shpejti i përfundon kontrata dhe klubi dëshiron të rinovojë me të për ta hequr nga “kthetrat” e Bajernit të Mynihut.

18-vjeçari megjithëse ka refuzuar gjermanët po e zvarrit proçesin dhe lajmi se ka rinovuar nuk duket në horizont. Frenk Lampard ka biseduar me talentin dhe i ka shprehur dëshirën se do që ta ketë në skuadër. Së fundmi ai e ka përsëritur këtë kërkesë ndaj sulmuesit. Ai thekson se Kallum mund të bëhet i madh te Çelsi dhe kombëtarja angleze.

“Dua që Kallum të firmosë kontratë të re dhe të qëndrojë. E kam thënë që para se të vija këtu dhe po e them përsëri. Ai është një lojtar i ardhur nga akademia jonë, kështu ai është një futbollist që mund të bëhet i madh për Çelsin dhe Anglinë. Unë dhe klubi duam që ai të qëndrojë”, u shpreh Lampard.

Shiti dy lojtarë për 110 mln euro, njihuni me “trurin” e Frankfurtit?

Sport Ekspres — Wed, 17 Jul 2019 09:05:38 +0000

Lojtarët e një klubi mund të jenë talente të mëdhenj, por nëse nuk kanë dikë që di t’i menaxhojë dhe të besojë te ata, është e pamundur për t’u ngjitur. Nuk mund të themi kështu për Fredi Bobiç, drejtori sportiv i Ajntrahtit të Frankfurtit.
Ekipi gjerman që nga ardhja e tij njeh vetëm ngjitje. Shitja e Haller dhe Joviç në këmbim të 110 milionë eurove na dëshmon se ai është drejtuesi më i mirë i kësaj vere. Por ata të dy nuk janë të vetmit.

Vajeho, Boateng, Maskarel apo Kevin Trap tregojnë edhe më shumë aftësinë e tij për të zbuluar talente dhe ngjitur Ajntrahtin në majën e futbollit gjerman.
Prej kohësh aftësia e zbulimeve të talenteve nga ai ka sjellë të ardhura e trofe në Frankfurt. Fitorja e Kupës së Gjermanisë është “çertifikata” e Bobiç. Të gjithë kanë besim te ai. Dikush ikën, por një tjetër po aq i mirë vjen.

Tifozët e dinë se klubi është në duar të sigurta. E vetmja gjë që i ka mbetur atyre është të ndezin tribunat dhe të mrekullojnë Evropën me koreografitë e tyre, siç bënë sezonin e kaluar. Besoj ju kujtohet “pushtimi” i Milanos për ndeshjen e Europa League ndaj Interit.

Rivalitet i ashpër me Dortmundin, Rumenige ka diçka për të thënë!

Sport Ekspres — Tue, 16 Jul 2019 21:57:52 +0000

Bundesliga pritet të dhurojë spektakël këtë vit. Bajerni si gjithmoën mbetet mjaft lart, por Borusia e Dortmundit me blerjet e kësaj merkatoje i është bashkuar bavarezëve në “fron”.
Që tani premtohet një rivalitet i ashpër. Dormtundi i ka forcuar të gjithë repartet, ndërkohë që Bajernit i duhet një mbrojtës krahu për të kaluar Kimish në mesfushë, dhe një sulmues krahu për të zënë hapësirën e lënë bosh nga dyshja “Robbery”.

Karl Heinz Rumenige përtej nevojave të Bajernit mendon se titulli do të vijë për herë të shtatë radhazi në Mynih. Ai shton se janë në kërkim të një sulmuesi krahu, por nuk premton asnjë emër. Thotë se do të formojnë një skuadër shumë të mirë.

“Kampionati do të vendoset përsëri nga ne. Do e fitojmë për herë të shtatë radhazi. Sezonin e kaluar kishte konkurencë dhe kjo na pëlqen. Është shumë e drejtë që pas atyre investimeve dhe sezonit të vjetshëm, Dortmund të shpallë objektivin titull. Na duhet dhe jemi në merkato për një sulmues krahu. Nuk dua të premtoj asnjë emër. E vetmja gjë që ju them është se do të ndërtojmë një ekip shumë të mirë. Mbrojtja është mirë, por nuk dihet se çfarë ndodh deri në fund të merkatos”, u shpreh drejtori ekzekutiv i bavarezëve.

Dortmundi për titull? Një “ish” duket i bindur!

Sport Ekspres — Tue, 16 Jul 2019 18:29:30 +0000

Dortumd dhe Bajern pritet të kenë një konkurencë të ashpër sezonin e ardhshëm. Dortmundi ka bërë blerje mjaft cilësore, me bavarezët që janë përforcuar vetëm në mbrojtje dhe i është dashur të përballen me largime të dhimbshme.

Neven Subotiç mendon se verdhezinjtë janë favoritë për të triumfuar në Bundesliga sezonin e ardhshëm. Ndihet i gëzuar me ardhjen e Humels dhe deklaron se ai do i japë shumë eksperiencë skuadrës.

“Nëse skuadra e Bajernit mbetet e njëjtë, Dortmundi është favorite për Bundesligën. Diferenca është e qartë. Humels është një blerje shumë e mirë. E përgëzoj për rikthimin, skuadra do të fitojë shumë nga eksperienca e tij”, tha Subotiç.

Zyrtare | De Ligt iu mbylli derën, PSG firmos me një tjetër talent

Sport Ekspres — Tue, 16 Jul 2019 17:11:34 +0000

Abdu Dialo është zyrtarisht futbollist i PSG. Klubi parizien ka arritur marrëveshjen totale me Borusian e Dortmundit për të transferuar mbrojtësin në këmbim të 32 milionë eurove. Ndërkohë, francezi do të firmosë kontratë afatgjatë, që e mban atë në bashkëpunim me kampionët për 5 vitet e ardhshme, deri në vitin 2024. Do të mbajë numrin 22.
23-vjeçari ishte një nga më të rëndësishmit në Dortmund sezonin e kaluar, megjithatë ardhja e Humels e nxjerr jashtë loje. Ai erdhi verën e vitit 2018 në “Signal Iduna Parc” për 28 milionë euro, që shkuan në xhepat e klubit të Mainz 05. Dialo grumbullon 28 ndeshje në Bundesliga sezonin e shkuar. Gjatë kësaj kohe ka arritur ta dërgojë një herë topin në rrjetë dhe të dhurojë një asist për shokët. Pas dështimit në ardhjen e De Ligt ai pritet të jetë ngushëllimi i tifozëve parizienë.

??
Le Paris Saint-Germain est heureux d’annoncer l’arrivée d’Abdou Diallo au sein du club !#WelcomeAbdou pic.twitter.com/wtgWZsf7nQ

— Paris Saint-Germain (@PSG_inside) July 16, 2019

Plan B për sulmin, Bajerni kërkon të rikthejë një “ish”

Sport Ekspres — Tue, 16 Jul 2019 07:50:12 +0000

Te Bajerni i Mynihut janë mëse të kënaqur me Robert Levandovskin. Polaku konsiderohet nga shumë vetë si sulmuesi më i mirë në planet dhe në Bavari i gëzohen faktit që 30-vjeçari ka dhe dy vite të mbetura në kontratën e tij.

Megjithatë është mëse e qartë që në skuadrën aktuale të Bajernit mungon një “plan B”. Largimi i Sandro Vagner në janar ka lënë kampionët e Gjermanisë pa një sulmues rezervë, por sipas medies gjermane “Sky Sports”, kjo problematikë do të marrë zgjidhje këtë verë.

Drejtuesit e klubit bavarez dëshirojnë të rikthejnë në Mynih sulmuesin Mario Mandzhukiç. Ardhja e Kristiano Ronaldos në Torino dhe dalja në skenë e talentit Moise Ken ka bërë që situata e kroatit te Juventusi të ndryshojë ndjeshëm.

Gjithsesi transferimi i Mandzhukiç në Mynih nuk do të jetë pa kosto për Bajernin. Kontrata e sulmuesit me Juventusit zgjat edhe për dy sezone dhe italianët nuk njihen si një klub që bëjnë ulje në tregun e transferimeve.

Bajern hedh sytë në Veri të Londrës, do yllin e Totenhem

Sport Ekspres — Sat, 13 Jul 2019 21:11:34 +0000

Bajern ka sjellë Pavard dhe Hernandes në mbrojtje, por nuk mjatfohen me kaq. Hënes dhe Rumenige synojnë të sjellin një mbrojtës të djathtë. Ata kanë një listë me disa emra, ndërkohë që kohët e fundit i është bashkuar edhe Kieran Tripier.
28-vjeçari dëshiron të largohet dhe Totenhem nuk e ndalon nëse vjen oferta e duhur. Bajerni dy francezët dëshiron t’i përdorë në qendër dhe Kimih ta kalojë në mesfushë. Në këtë situatë ardhja e një mbrojtsi të djathtë është një nevojë. Tripier do të ishte i gatshëm të zbarkonte në një klub aq ambicioz sa Bajern.

Anglezi nuk është objektivi i vetëm i gjermanëve në këtë pozicion. Benxhamin Henriks i Monako ka mrekulluar klubin nga Mynihu me aftësitë e tij. Një anë pozitive e 22-vjeçarit është se arrin të mbulojë edhe krahun e majtë. Mark Roka i Espanjol është një tjetë emër në listë.

Bajerni dhe Siti “në gjumë”, ai që e pëson është Sane

Sport Ekspres — Sat, 13 Jul 2019 16:55:56 +0000

Bajerni i Mynihut po pret përgjigjen e Barcelonës për sulmuesin Ousmane Dembele, Mançester Siti po pret ofertën e bavarezëve për Leroi Sane. E gjithë kjo situatë për yllin gjerman nuk është aspak e favorshme, pasi ka mbetur në udhëkryq dhe në “terr” sa i takon të ardhmes së tij.

Në fillim të merkatos, ky transferim dukej thuajse i kryer, me Sane që ishte gati të rikthehej në Gjermani. Por Mançester Siti kërkon 100 milionë euro, para që Bajerni preferon t’i shpenzojë te francezi Dembele.

Sot, Leroi Sane ka dalë në stërvitje me “Qytetarët”, por duket qartë se nuk preferon të qëndrojë në Angli. Me merkaton që çdo ditë po i afrohet fundit, e ardhmja e mëngjarashit mbetet ende e paqartë…

Myler: Do të jetë qejf të jemi në krye të tabelës

Sport Ekspres — Sat, 13 Jul 2019 10:19:43 +0000

Borusia e Dortmundit prej vitesh është i vetmi kundërshtar që i bën “fresk” Barjernit të Mynihut. Verdhezinjtë po zhvillojnë një merkato shumë aktive këtë verë dhe janë përforcuar me emra mjaft cilësorë, ku përmendim edhe rikthimin e Mats Humels nga bavarezët.
Ndërkohë Bajerni është në një periudhë risktrukturimi, ku ka larguar fashën e vjetër të ekipit për t’ua lënë në dorë gjeneratës së re. Mbrojtja dhe krahët e sulmit janë repartët me ndryshime drastike. E gjithë kjo mund të sjellë vështirësi në nisje dhe kundërshtarët mund të përfitojnë, gjithsesi Tomas Myler, një nga të mbrojturit nga “eksodi”, nuk mendon kështu.

Sulmuesi shprehet skeptik nëse të gjithë nënshkrimet e Dortmundit do të përshtaten, por premton një sezon emocionues. Në lidhje largimet e shumta të shokëve të tij në klub shprehet se po mundohet të përshtatet.

“Do të jetë një sezon emocionues. Dortmundi ishte shumë mirë sezonin e kaluar dhe tani janë përpjekur të përmirësohen. Do të presim dhe të shohim sesi do ambjentohen afrimet e tyre. Do jetë interesante dhe kënaqësi të jemi në krye të tabelës. Është një situatë specifike për të gjithë dhe mua në veçanti. Disa nga miqtë e mi u larguan dhe po përballemi me një situatë krejt tjetër. Po përshtatemi dhe punojmë fort në stërvitje”, u shpreh Myler.

Nisin daljet te Juventusi, mesfushori pranë kthimit në Bundesligë

Sport Ekspres — Fri, 12 Jul 2019 21:49:43 +0000

Me ardhjen e blerjeve të reja, mesfusha e Juventusit është populluar jo pak. Jo të gjithë do të kenë mundësinë të luajnë, kështu që priten largime. Sami Kedira është emri parë që lakohet për të ikur. Sezoni i fundit i mesfushorit ishte jo shumë pozitiv. Dëmtimet dhe problemi kardiak ishin armiku më i madh i tij, duke mos e lënë të fitojë balotazhin me Emre Çan apo Matuidi.
Sipas medieve evropiane, ka shumë oferta drejt Kedirës. Klubet e kampionatit amerikan dhe atij turk janë më të interesuarit për shërbimet e mesfushorit. Përtej këtij interesimi, dëshira e gjermanit është diçka tjetër. Ai ka në plan të luajë akoma në nivele të larta dhe dëshiron të vijojë karrierën në Bundesligë.

32-vjeçari ka edhe dy vite kontratë me klubin bardhezi. Gjithsesi, kjo nuk pritet të krijojë probleme në rast largimi. Juventus do të ishte i lumtur edhe nëse e largonte falas, pasi do t’i hiqej një barrë jo e vogël e pagës së lojtarit. Në ditët në vijim presim qartësim më të madh të kësaj situate.

Borusia e largon, gjermani përfundon në Serie A

Sport Ekspres — Thu, 11 Jul 2019 20:35:59 +0000

Borusia Dormtund është skuadra më aktive në Bundesligë gjatë kësaj. Biznesmenë të zotë drejtuesit drejtusit verdhezinj, që kanë bërë disa blerje shumë cilësore me shuma mjaft modeste, duke parë tregun e sotëm. Megjithatë, afrimet e bëra kanë krijuar një popullim nëpër reparte dhe largimet e disa lojtarëve janë të pashmangshme.

Zheremi Toljan, lojtari i Borusia Dortmund

Zheremi Toljan është një nga emrat që i tregohet dera. Klubi gjerman nëpërmjet një komunikate në faqen e tij në internet, informon se mbrojtësi gjerman do të huazohet te Sasuolo për sezonin e ardhshëm. Toljan edhe pse është blerë prej kohësh nga Borusia, nuk ka arritur t’i bindë drejtuesit ta bëjnë pjesë të pandarë të ekipit.

24-vjeçari ka ndenjur vetëm një vit e gjysëm në “Signal Iduna Parc”. E gjithë kjo periudhë u dominua nga qëndrimi në stol. Gjashtë muajt e fundit ishte i huazuar në Skoci te Selltik. Borusia e bleu gjermanin në vitin 2017 për 5 milionë euro nga Hofenheim. Sasuolo pritet të jetë klubi i ringritjes së tij.

Rumenige: Champions-i na vështirësohet vit pas viti, tifozët harrojnë diçka

Sport Ekspres — Tue, 09 Jul 2019 11:16:55 +0000

Drejtori ekzekutiv i Bajernit, Karl-Hainc Rumeninge, është ndalur të flasë për medien gjermane “Sport1” në lidhje mbi objektivat e klubit që ai drejton. Teksa Bundesliga është kthyer në një normalitet, tifozët e bavarezëve po e ndjejnë gjithmonë e më shumë mungesën e suksesit në Champions.

Numri 1 i klubit foli hapur mbi vështirësitë që ka një kompeticion si Champions League, por pranon se trajneri Niko Kovaç ka për detyrë të mos e përsërisë atë që ndodhi vitin e kaluar ku Bajerni u eliminua në raundin e 1/16-ve nga Liverpuli.

“Ky klub synon Champions-in, por në 119 vite histori kemi fituar vetëm një herë tripletën e trofeve. Ky fakt shpesh harrohet. Gjithsesi ishte një eksperiencë e paharrueshme ai suksesi i viti 2013. Kam idenë se viti pas viti po bëhet akoma më e vështirë. Gjithsesi, Champions-i do mbetet gjithmonë një objektiv që do vendosë për sezonin tonë”.

“Gjatë viteve të fundit kemi shkuar në finale 3 herë, ku njëherë e fituam trofeun e Champions-it, ndërsa thuajse çdo vit jemi në gjysmëfinale. Kovaç e ka për detyrë ta vazhdojë këtë ecuri në Bajernit me këtë skuadër që ka pësuar jo pak ndryshime”.

“Mendoj që trajner duhet të përshtatet me filozofinë e klubit ku punon dhe jo e kundërta. Çdo trajner ka preferencat e tij, por mbi të gjitha duhet të ketë një sistem të Bajernit dhe një sistem të Barcelonës. Sistemi që ne kemi përdorur për vite me radhë na ka garantuar në momente të caktuara futboll spektakolar”.

Roma gjen zëvendësuesin e “Faraonit”, vjen nga Gjermania

Sport Ekspres — Mon, 08 Jul 2019 20:59:21 +0000

Roma i ka hapur punë vetes me largimin e El Sharauit. “Faraoni” u largua drejt Kinës për te skuadra e Shangai Shenua për shifrën e 20 milionë eurove, që u derdhën në llogarinë e klubit verdhekuq. Gjithsesi, Romës do i duhet t’i hedhë direkt në veprim ato para.
Klubi italian duhet të gjejë një zëvendësues për El Sharauin. Drejtuesit e kanë paraprirë dhe kanë një emër. Leon Beili është djaloshi që kërkojnë italianët për të ploësuar sulmin. Xhamajkani është treguar i jashtëzakonshëm këtë sezon me Bajer Leverkusen, duke shfaqur interesin e disa klubeve.

Përveç parave të fituara nga shitja e El Sharauit, Palotës do i duhet të shtojë milionë të tjerë për të bërë të mundur sjelljen e 21-vjeçarit në “Olimpico”. Leverkusen kërkon jo më pak se 40 milionë euro. Roma nuk dorëzohet dhe qëndron akoma në garë.

Bajern i paraprin të ardhmes, dy supertalente në orbitën e bavarezëve

Sport Ekspres — Mon, 08 Jul 2019 18:27:11 +0000

Bajerni i Mynihut këtë vit është detyruar të ndërrojë strategjinë e klubit mbi merkaton, duke bërë blerje të mëdha me harxhime kolosale. Kjo ndoshta ka ndodhur edhe me humbjen e aftësisë për të zbuluar yje të rinj që pritet të shpërthejnë. Në Bavari e kanë kuptuar këtë dhe po punojnë për të sjellë talentet më cilësorë.
Xhengiz Ynder i Romës është një emër që pëlqehet shumë nga Rumenige. Turku ka treguar aftësi shumë të mira te Roma. Paraqitjet pozitive kanë bërë që vlera e kartonit të tij të shkojë në 35 milionë euro. Bajern po nxiton ta marrë para se çmimi i 21-vjeçarit të “prekë” qiellin.

Një tjetër objektiv i drejtuesve të Bajern është edhe Benxhamin Henriks. Mbrojtësi ka spikatur shumë te Monako dhe Bajern synon të blejë shërbimet e tij. 22-vjeçari mbulon të dy krahët e repartit difensiv, por nuk e ka aspak problem edhe aktivizimin në mesfushë. Djaloshi spikati në Europianin e të rinjve me kombëtaren e Gjermanisë. Vlera e tij në merkato vërtitet rreth 20 milionë eurove.

Rumenige: U habita për Nojer! Humels? Më i miri është te Bajerni

Sport Ekspres — Mon, 08 Jul 2019 13:41:38 +0000

Karl Hainc Rumenige ka dalë sot para mediave dhe normalisht që ngacmimet kanë qenë të shumta. Tifozët bavarezë presin që në ekip të mbërrijë një lojtar i kalibrit botëror dhe drejtori ekzekutiv i klubit gjerman bën thirrje për durim, pasi askush deri më tani nuk e ka bërë atë transferimin e madh.

“Sot është data 8 korrik. Unë e di që durimi nuk është virtyti më i madh i tifozëve apo i publikut. Tregu i transferimeve është i hapur dhe ne jemi gati të sjellim një ‘top player’, siç quhet. Deri tani nuk ka pasur një transferim të madh që të ketë efekt domino. Jemi të durueshëm, ka edhe dy muaj kohë. E kuptoj që njerëzit presin lëvizje të mëdha, por nuk jam aspak nervoz”, u shpreh Rumenige.

Më tej ai shtoi se e kanë ekipin, si dhe foli për Leroi Sane. “Do të kemi një ekip që do të jetë kompetitiv. Nuk do të kemi objektiva më të ulëta se herët e tjera. Mos mendoni se nuk e kemi ekipin për të fituar titullin e tetë dhe që nuk bën dot gjëra të mëdha në kompeticionet e tjera. Sane? Ai donte të kalonte pushimet, tashmë e ka bërë dhe po presim të shohim nëse diçka do të lëvizë”.

HUMELS – Rumenige nuk është dakord me komentet që bëhen në shtyp dhe e konsiderojnë Humels qendërmbrojtësin më të mirë gjerman: “Kam lexuar që qendërmbrojtësi më i mirë gjerman nuk luan më te Bajerni. Nuk mendoj kështu. Qendërmbrojtës më i mirë gjerman luan me Bajernin, dhe meqë ra fjala, edhe me kombëtaren (i referohet Niklas Sule)”.

NOJER – Thomas Kroth, agjenti i Manuel Nojer, ka paralajmëruar largimin e klientit të tij nga ekipi nëse bavarezët nuk bëjnë afrimet e duhura. “Kam pasur një bisedë telefonike me Manuel. Thomas Kroth nuk është mikrofoni i Nojer. Ai ka thënë thjesht një opinion personal. Në fakt m’u duk i çuditshëm, sepse kemi marrëdhënie të mirë, serioze. Gjithsesi Bajerni është një klub demokrat, lejon edhe qëndrime kritike”, deklaroi Rumenige.

Sane dhe Pepe jashtë planit, Bajernin e tundon një holandez

Sport Ekspres — Sun, 07 Jul 2019 17:36:32 +0000

Bajerni i Mynihut u tërhoq nga bisedimet për Leroi Sane dhe Nikolas Pepe. I pari u konsiderua shumë i shtrenjtë për financat e kampionëve të Gjermanisë, ndërsa talenti afrikan i Lilës nuk bindi të gjithë anëtarët e bordit të bavarezëve.

Megjithatë, mediet gjermane janë të sigurta se Bajerni nuk ka ndërmend ta mbyllë merkaton e kësaj vere pa një përforcim për krahët e sulmit. Sipas “Bild”, fokusi i bavarezëve ka shkuar drejt talentit të PSV-së, Stivën Bergvejn.

Sulmues 21-vjeçar është një ndër talentet më premtues të futbollit holandez dhe është kthyer një pjesë të rregullt të grumbullimeve të kombëtares holandeze. Firma me Bergvejn s’do të jetë aspak e lehtë, pasi për të interesohen klube të shumta në Angli.

E kryer | Kontratë deri në vitin 2023, Bajerni “betonon” sulmuesin

Sport Ekspres — Fri, 05 Jul 2019 16:39:19 +0000

“Dashuria” mes Levandovskit dhe Bajern Mynih do të zgjasë “përjetësisht”. Sulmuesi sezonin e kaluar kërkoi largimin, megjithatë tani ka ndërruar tërësisht mendje. “Sky Sport” raporton se polaku do të zgjasë kontratën e tij me bavarezët deri në vitin 2023.
Menaxheri i sulmuesit, Pini Zahavi ka rënë dakort me klubin për të rinovuar kontratën e 30-vjeçarit. Marrëveshja aktuale përfundon në vitin 2021 dhe në Mynih janë mësuar t’i paraprijnë gjërave.

Për Momentin Levandovski është me pushime. Pas kthimit të tij do të bëhet edhe finalizimi kontratës së re, që përkon me firmën mbi letrën e bardhë. Kështu, Levandovski do vazhdojë të kolenksionojë edhe më shumë gola e rekorde në “Allianz Arena”.

Polaku erdhi me kosto zero nga Borusia Dortmund në vitin 2014. Që nga ai moment ai ka treguar se është një “fabrikë” golash. Në 242 ndeshje gjithsej si bavarez, Leva regjistron plot 191 gola dhe 47 asiste. Një nga lojtarët më produktivë që ka luajtur ndonjëherë në këtë klub.

Bajern gjen pasardhësin e Havi Martinez, gati oferta e parë

Sport Ekspres — Thu, 04 Jul 2019 20:59:59 +0000

Bajerni i Mynihut kërkon shërbimet e Mark Roka. Mesfushori spanjoll aktivizohet në La Liga me skuadrën e Espanjol. Me cilësitë e treguara, 22-vjeçari e ka futur veten në një nga më të mirët e skuadrës katalanase. I riu është titullar absolut, duke luajtur të gjitha ndeshjet ne La Liga dhe Kupën e Mbretit me Espanjolin.

Së fundmi Roka ishte pjesë e Spanjës U21, me të cilën u shpall kampion Evrope. Ka qenë pikërisht ky kompeticion reklama më e mirë për të treguar cilësitë e tij. Bajerni është skuadra e parë që e ka dalluar talentin e djaloshit. Rumenige ka bërë gati ofertën prej 40 milionë eurosh për ta rrëmbyer nga Spanja, me Espanjolin që tundohet nga kjo ofertë.

Interesi mbi Dembele, Barcelona bën gjithçka të qartë

Sport Ekspres — Wed, 03 Jul 2019 07:16:37 +0000

Osman Dembele është shndërruar në një nga objektivat kryesorë të Bajernit të Mynihut. Francezi ka treguar shumë cilësi dhe talent në Barcelonë, pavarësisht dëmtimeve që ja kanë ndalur vrullin disa herë. Dështimi i ardhjes së Sane bën që kampionët e Gjermanisë t’i hedhin sytë nga francezi.
Mediet spanjolle raportuan se Bajerni ka ofruar 100 milionë euro për Dembele, shifër që është refuzuar nga drejtuesit katalanas. Megjithatë, spanjollët deklarojnë se nuk ka ardhur asnjë ofertë zyrtare në drejtim të tyre nga asnjë skuadër. Gjithashtu, shtojnë se edhe nëse vjen do refuzohet.

Drejtuesit katalanas insistojnë në nxjerrjen e yllit të tyre nga merkatoja. Dembele është një nga lojtarët më të talentuar të ekipit dhe nuk mendohet aspak shitja e tij. As ardhja e Nejmar dhe Grizman nuk pritet ta ulë rëndësinë e tij në skuadër. Shifra e vetme që Barça do hiqte dorë prej 21-vjeçarit është 400 milionë euro, sa klauzola e firmosur në kontratë.

Buzëqesh Juventusi, rriten kërkesat për mbrojtësin

Sport Ekspres — Tue, 02 Jul 2019 17:28:54 +0000

Zhoao Kanselo duket se është i destinuar për t’u larguar nga “Allianz Stadium” këtë verë. Mbrojtësi është nxjerrë në shitje nga drejtuesit dhe interesi për të nuk ka sesi të mungojë. Mançester Siti është klubi që ka shfaqur seriozitetin më të madh për yllin portugez.
Sipas “Tuttomercatoëeb”, klubi anglez ka bërë ofertën e parë zyrtare në drejtim të “Zonjës”. “Qytetarët” janë gati të derdhin plot 54 milionë euro për mbrojtësin e djathtë. Një propozim mjaft i madh, por që nuk i kënaq plotësisht drejtuesit torinezë. Objektivi i tyre është të arketojnë të paktën 55 milionë euro më shitjen e Kanselos.

Një lajm i mirë mbërrin sot për ta. Bajerni i Mynihut është futur në garë për yllin portugez. Bavarezët e pëlqejnë shumë profilin e luzitanit dhe janë gati të hyjnë në “betejë” me ofertën e parë zyrtare. Kjo situatë është një favor i madh për Juventusin. Shtimi i interesit për mbrojtësin rrit edhe më shumë vlerën e tij.