bundeliga

Kalimi i Sane te Bajerni, ja çfarë ka për të thënë Lëv

Sport Ekspres — Fri, 24 May 2019 17:05:46 +0000

Sane i kushtoi Mançester Sitit 37 milionë sterlina, para këto që shkuan në arkat e Shalkes. Tani, po flitet shumë për një rikthim të mëngjarashit në Gjermani, me Mançester Sitin që është i hapur për oferta, por synon rreth 90 milionë sterlina. Hoakim Lëv është personi i radhës që flet për kalimin e mundshëm të Leroi Sane te Bajerni i Mynihut. Trajneri i kombëtares së Gjermanisë nuk mund të rrinte pa komentuar në lidhje me të ardhmen e lojtarit të tij.

Për këtë transferim të mundshëm, Hoakim Lëv tha: “Mynihu është gjithmonë një destinacion ideal për lojtarët gjermanë. Nëse e ardhmja e Sane është larg Sitit, kalimi te Bajerni do të ishte i mirë për të dhe për ne (stafi teknik i Gjermanisë). Mendoj se ai ndihet mirë te Mançester Siti, por nuk e di çfarë po mendon për momentin”, përfundoi Lëv.

Kovaç: I lumtur që festojmë Pashkët si kryesues të Bundesligës

Sport Ekspres — Sun, 21 Apr 2019 08:03:08 +0000

Trajneri i Bajernit të Mynihut, Niko Kovaç, foli pas ndeshjes së fituar kundër Verderit 1-0, ku u shpreh shumë i lumtur për faktin që skuadra e tij mori një fitore shumë të rëndësishme përballë një rivali shumë të fortë. Në fjalën e tij, strategu kroat tha:

“Ishte një ndeshje shumë e vështirë për të dyja skuadrat, kushtet ishin në ekstrem. Gjërat shkuan nga zero në 100 shumë shpejt, 25 gradë temperatura, nuk ishte e thjesht. E dinim që duhet të luanim fort kundër Verderit dhe ia dolëm. Kjo ishte humbja e parë e tyre në këtë vit, por jo vetëm kaq, ia dolëm që të mbanin dhe rrjetën e paprekur, që kundër Verderit është një mision thujase i pamundur.

Kartoni i kuq i tyre e bëri disi më të lehtë punën tonë, por dhe fitorja 1-0 besoj se ishte e mjaftueshme. Kemi marrë tri pikë të rëndësishme dhe jam i lumtur që do të festojmë Pashkët në vendin e parë në renditje”, tha Kovaç.

VIDEO | Leverkusen cinik, likuidon Dyseldorfin dhe ngjitet i pesti

Sport Ekspres — Sun, 17 Feb 2019 19:12:37 +0000

Bajer Leverkusen ka konfirmuar momentin e mirë në kampionat, teksa ka triumfuar pastër 2-0 ndaj Dyseldorfit në shtëpi. “Aspirinat” kanë marrë fitoren e katërt radhazi në Bundesligë dhe tashmë ndodhen në vendin e pestë me pesë pikë diferencë nga Lajpcigu i vendit të katërt.

Për sa i përket ndeshjes së luajtur, Kai Havertz zhbllokoi rezultatin në minutën e 18-të, duke çuar në pushim ekipin e tij në avantazh. Fraksioni i dytë nisi me të njëjtën muzikë dhe në minutën e 66-të, Leon Bejli siguroi gjithçka dhe mbylli takimin në shifrat 2-0.

Javën e ardhshme, Leverkusen do të udhëtojë drejt Dortmundit për të luajtur një transfertë delikate përballë kryesuesve të kampionatit. Nga ana tjetër, Dyseldorfi do të presë në shtëpi vendin e fundit të Nurenbergut.

Bundesliga | Java 22
Bajer Leverkusen – Fortuna Dyseldorf 2-0
Shënues: Havertz 18′, Bejli 66′

Bajerni mendon për të ardhmen, ofertë konkrete për talentin gjerman

Sport Ekspres — Thu, 07 Feb 2019 16:10:01 +0000

Skuadra e Bajernit të Mynihut është një nga ekipet me moshën mesatare më të vjetër dhe drejtuesit e klubit po mendojnë për të rinovuar skuadrën. De Ligt mbetet emri kryesor për prapavijën, por bavarezët synojnë të përforcohen edhe në repartin ofensiv, pasi Levandovski po i lë pas vitet e arta.

Emri më i përfolur për t’iu bashkuar kampionëve të Gjermanisë është talenti Jan-Fiete Arp. Sulmuesi i Hamburgut po bën paraqitje të shkëlqyera në Bundesligë dhe është një lojtar që konsiderohet lider te skuadrat e moshave të kombëtares së “Pancerave”.

19-vjeçari gjerman ka luajtur 11 ndeshje këtë sezon në Bundesliga dhe shihet si një lojtar me shumë të ardhme. Sipas “Bild”, Bajerni do të paguajë 2.5 milionë euro për shërbimet e tij dhe me shumë gjasa, Arp do të veshë fanellën e bavarezëve në merkaton e verës.